🍎nutritionist اخصائية تغذية
💊 Clinical Pharmacist
🥗 Certified Nutritionist / master’s degree in clinical nutrition 🎓
🏋️♀️ Passionate about fitness & health
20/12/2025
الرياضه اهم ولا التغذيه !!🤔
11/12/2025
📌لو بتقطع كاربوهيدرات فالبوست دا ليك 👇
الكربوهيدرات دي نوع من العناصر الغذائية اللي جسمك بيحبها قوي لأنها بتديك طاقة علشان تتحرك وتفكر🧠 وتعيش يومك طبيعي. الجسم بيكسر الكربوهيدرات لسكر بسيط اسمه جلوكوز، وده بيشتغل كوقود للعضلات والدماغ. 💪
فيه نوعين كربوهيدرات:
🍌 البسيطة: زي السكر في الفاكهة والعصير أو الحلويات، دي بتدي طاقة سريعة.
🍞 المعقدة: زي اللي في الخبز الأسمر، الرز، المكرونة، والبقوليات، دي بتدي طاقة أبطأ ومفيدة أكتر.
🧠 ليه مهمة؟
لأنها بتديك أغلب الطاقة اللي جسمك محتاجها علشان تشتغل كويس كل يوم.
🍽️ فين تلاقيها؟
في الفواكه، الخضار، الرز، المكرونة، الخبز، العدس، الفول… وغيرها.
ماتحولش تقطع كربوهيدرات ☝️ وكل كربوهيدرات صحية من أكل طبيعي بدل الحلويات والمشروبات السكرية، علشان تفضل نشيط وصحي.
26/11/2025
كلمة عن التغذية في اجتماع مريم و مرثا ب كنيسة العذراء و ماريوحنا الحبيب بالزقازيق
02/11/2025
تفتكر ايه الهيحصل في جسمك لو بطلت سكر اسبوع واحد 🤔
25/10/2025
ليه ماينفعش تمنع كاربوهيدرات 🚫🍞
“لو فاكر إن الكارب هو السبب إنك بتتخن… فاستنى شويه 😏
الكارب مش عدوك ، سعراتك هي البتتحكم في ان كنت هتزيد او هتخس
الكارب هو الوقود اللي جسمك محتاجه علشان تتحرك، تركّز، وتبني عضل.
لما تمنعه، طاقتك بتقع، حركتك هتبقى ضعيفه ، وجسمك بيبدأ ياكل من عضلك بدل دهونك 😬
فبدل ما تمنع الكارب… اتعلم توزعه صح.
الكارب مش مشكلتك، استخدامك ليه هو المشكلة 😉”
21/10/2025
عمرك فكرت قبل كده إنت بتتخن إزاي؟🤔
الأكل مش هو السبب الوحيد زي ما الناس فاكرة.
إنت ممكن تكون ما بتاكلش غير مره في اليوم بس جسمك شايف إنك في خطر، فبيقولك: (خزّن يا ابني خزن ده شكلنا داخلين على مجاعة!) 🤷♂️
ممكن تكون بتنام قليل، حاطط نفسك دايما تحت ضغط بتتوتر كتير، بتاكل وانت زهقان مش عشان جعان.
هرموناتك تتلخبط، والكورتيزولك يعلى، فجسمك يخزن دهون من اقل حاجة بتدخله🫠
مش دايمًا قلة الاكل بتبقي حل … لأ، الحل تبدأ تهتم بنفسك
نام كويس، اهدا شوية، تاكل لما تكون جعان بجد
وساعتها هتلاقي جسمك بدأ يخف، من غير ما تحس إنك في حرب مع الأكل 😉
11/10/2025
هاي أزيكم ✋🥰 دا احمد👇 ٢٨ سنه وعايش برا مصر وشغله صعب بس برغم كل دا كان عنده الاراده لما قرر يغير حياته و يغير ال life style بتاعه اشتغلنا مع بعض online و دي كانت نتيجه التزامه و ارادته قدنا ننزل ١٣ كيلو في شهر ، ماتقولش مش هقدر و ظروفي صعبه لو عاوزين تغيرو من life style بتاعكم ابعتولي يلا Dm 🥰📩📩
29/09/2025
عاوزه تعملي رچيم قاسي الفديو دا ليكي 👇
29/09/2025
تفتكر ايه سر النشاط البيحصل في جسمك بعد اول كوباية قهوه في يومك او اي حاجه فيها كافيين عموما ؟
تعالي اقولك بيحصل ايه دقيقه بدقيقه👇
☕️ أول 10–20 دقيقة: الكافيين يوصل للدماغ
لان الكافيين بيمتص بسرعة
أول ما يوصل للمخ، بيبدأ يمنع مستقبلات مادة اسمها “الأدينوزين” (adenosine)، وهي المسؤولة عن بالتعب
عشان كدا بتحس إنك فايق أكتر، تركيزك أعلى، وانتباهك زاد
⚡️بعد 30–60 دقيقة:المرحلة الذروه اللي بيكون فيها مستوى الكافيين في الدم في أعلى نقطة
بيزيد إفراز الأدرينالين (هرمون “الطوارئ”)،
فمعدل ضربات القلب والضغط ممكن يرتفع شوية
الجسم بيبقى جاهز للنشاط (خصوصًا التمارين)
🧠 بعد 2–4 ساعات: الكافيين بيزود معدل الحرق (metabolism) بنسبة بسيطة
Be the first to know and let us send you an email when Dr/Monica.Samir.Saad posts news and promotions. Your email address will not be used for any other purpose, and you can unsubscribe at any time.
