جوازنا مش غلطة

19/03/2022

كلام مهم جدا في الحلقة دي كل راجل

08/03/2022

برنامج جديد حلو
وصفحة جديدة تستاهل تتابعوها

17/02/2022

للاسف في 5 أمور تؤدي لفشل الزواج👇
1- الأنانية: ☝️
لما كل طرف يدور على مصلحته،
وميهتمش بمصلحة غيره، لكن ممكن
يدوس عليه كمان ده بيدمر علاقتنا ببعض.

2- الإهمال: 🙈
لما تنسى شريك حياتك بحجة إنك مشغول،
أو لما متهتمش بأخباره وصحته،
ده بيخلي غلاوتك بتقل عنده كتير.

3- المقارنات: 👥
أوعى في يوم تقارن ما بين شريك حياتك وحد تاني،
المقارنات بتجرح مشاعر اللي قدامك
وبتحسسه إنه قليل.

4- الكبرياء: 👑
لما تبقى غلطان وترفض تعتذر،
أو تحاول تدافع عن نفسك من غير
ما تسمع الطرف التاني،
ده بيخلي اللي قدامك يشعر بالرفض.

5- الإهانة: 🗣
ودي أخطر حاجة بتهدد العلاقة الزوجية،
لأن الشخص صعب ينسى حد غلط فيه،
الإهانة بتجرح اللي قدامك وبتخليه
مش عارف يتعامل معاك زي الأول.



لو عندك سؤال او محتاج حد يسمعك.. ابعتلنا على الرسايل ☺️

20/07/2021

17/02/2021

خلونا نفكر بعض بالكلام ده!

عارفين كونسبت الحمدالله 🤲
احنا بقى في مجتمعاتنا الشرقية عندنا كونسبت و #أمينة 👨🏻‍🌾🧕
#هو له ال٢/٣ لكن #هي ١/٣ بس
#هو يعمل اللي هو عاوزه لكن #هي لأ عيب
#هو يؤمر وينهي براحته مش راجل! لكن #هي تسكت وتقول حاضر ونعم وبس
#هو عازب لكن #هي عانس
#هو مايعيبهوش إلا جيبه لكن #هي سُمعَة

متخيلين كم المعتقدات البايظة والمغلوطة اللي اتربينا عليها واتشبعنا بيها وبقيت جزء أساسي من تكويننا! تعالوا نرميها بقى ونتخلص منها ونفتكر ونفتخر إن الله في المسيحية قال "فَخَلَقَ ٱللهُ ٱلْإِنْسَانَ عَلَى صُورَتِهِ. عَلَى صُورَةِ ٱللهِ خَلَقَهُ. ذَكَرًا وَأُنْثَى خَلَقَهُمْ"

يعني قيمة الراجل هي هي قيمة الست 👑 👩🏻‍🦱=👨🏻 لكن 👨🏻‍🍳👩🏻‍⚕️

👨🏻‍🦰👩🏻‍🦰
🧠
#تغيروا

15/02/2021

حلقة مهمة أوي
عن الحب والجواز والعلاقات

25/12/2020

كل سنة وانتوا طيبيين
الحلقة دي فيها كلام مهم لكل اتنين متجوزين

20/12/2020

الجواز هو أول قرار تنازل!
ويتبعه قرارات بتقديم تنازلات متتالية !

02/11/2020

شوف 🤨
الحب 💚اللي من غير حُرية 🦋ما بيكملش وبيقلب غضب 😡وكراهية😏.

الناس المسيطرين، لما بنطالبهم بالحرية، يقولولك: "روح، انت حر." بقَصد "مالناش دعوة بيك" 🤷🏼‍♂️ ."مش حانقف جنبك"😒 "مش حانهتم بيك" 😕، إلا إذا🤚 اتنازلت عن حُريتك.
الحب الحقيقي 💚هو إني أهتم بمصلحتك ونموك حتى لو انت مش جنبي🚶🏻‍♂️ على طول، وبتسمع كلامي في كل حاجة• الحب الحقيقي هو إني اثق فيك إني لو اديتك الحرية، مش حاتسيبني، ولو سبتني، أديك الحرية برضه تسيبني، لأن الحب مالهوش معنى من غير حرية.🦋


أوسم وصفي

20/10/2020

الزوجة التي تخضع وتضحي لأنها لاتقوى على التعبير عن نفسها، لا قيمة حقيقية لخضوعها. ليس هذا خضوع المحبة، فخضوع المحبة للأقوياء الذين يختارون بحرية.

من كتاب الزواج سلسلة

24/08/2020

هو انا المفروض أخد بالي من. اولادي وصحتهم واكلهم وشربهم ونضفتهم ونفسيتهم وتربيتهم صح😅؟!!

ولأ أخد بالي من جوزي وأكله وشربه وهدومه وأدلعه وأبسطه وأهتم بيه و أراعيه وأسمعه وأطبطب عليه وأهون عليه تعب الشغل😄؟!!

ولا أخد بالي من البيت ونضافته وترتيبه و احتياجاته وفواتيره وصيانته وغسيله ومواعين💪؟!!

ولا اخد بالي من شغلي وكريري وابني مستقبلي وطموحي ؟!!

ولا أخد بالي من أمي وأخواتي وأهلي وأهل جوزي وأسأل عليهم وأودهم وأزورهم وأهني وأعزي🥳😭؟!!

ولا أخد بالي من أصحابي وأكلمهم وأسأل عليهم وأسمع مشاكلهم وأحلها وأهون عليهم ونخرج ونتقابلوافسحهم واهنئهم 🎊🎈؟!!

ولا أخد بالي من نفسي وصحتي و علاقتي ب ربنا وبشرتي وأكلي وشربي ونفسيتي وأخرجني وأفسحني وأدلعني وألعب رياضه وأريح دماغي وبالي وأعصابي ؟!!

ولا أخد بعضي وأمشي من هنا🤔😅🤣.وفي الاخر نطلع مجانين 😂😂😂

Copied

06/08/2020

حلوة الفكرة دي!

النهارده اليوم الثامن من قنوات افتداء الوقت⏰

بما إن النهارده الخميس وبكرة أجازة🤩
خد ساعتين النهارده بعد الشغل أو بكره في إجازتك و خصص الوقت ده لعيلتك👨‍👩‍👧‍👦
سواء كنت متزوج (مع شريك الحياة والأولاد) أو لأ (مع بابا وماما وأخواتك)

أتفقوا في بداية الوقت أنكم تسيبوا الموبايلات📱 في غرفه تانية.
قسم الساعتين دول ورتبهم من قبل القاعده..
ودي شوية 💭 للوقت ده:

-نطمن على أخبار بعض وإيه إللى بيحصل معانا الوقت ده.🤔
-أكتر حاجه فرحتنا😍 واكتر حاجه ضايقتنا😔 الأسبوع إللى فات.
-ممكن نقرأ آية مشجعة📖 ونقعد نفسرها و نتأمل فيها.
-حلو أوي لو اخدتوا وقت صلاة مع بعض بعد ما كل حد يختار حاجة واحدة مضايقاه! ووقت شكر لربنا على حاجة عملها مع كل واحد فيكم!
-وقت نلعب سوا 🥳ونضحك ونتبسط 🤗.. ولو عندك أطفال ممكن تقعدوا ترسموا وتلونوا👩🏻‍🎨 وتلعبوا بالصلصال.

المهم أن نكون عملنا حاجه ممتعة لكل شخص فينا 🥰من الصغير الكبير.

شاركنا الوقت ده فرق معاك أزاي!

⏰ (ممكن تراجع كل تدريبات الوقت في الهاش تاج ده).

#تغيروا

23/07/2020

أحنا بنمر بوقت فعلاً صعب 🥺
في حاجة كدة مش طبيعية مُسيطرة على الأجواء 😕
عايز اشجعك متستسلمش 💪
متسيبش نفسك ولا بيتك ولا عيلتك في الحالة دي 🤜

أنا جربت دووول وفرقوا كتير اوي!🤲

- : خلي البيت مليان تسبيح وترنيم... شغل تسبيح أول ما تصحى وقبل ما تنام طول والوقت بصوت مسموع جوة بيتك 🎼🎼🎺🎸
- #اخرجوا: متستسلموش للقعدة في البيت والكسل 🏄‍♀️🚴‍♀️🤸‍♀️🤹‍♂️🎪
- #استمتعوا: أعملوا حاجات بتحبوها مع بعض🎮 🎳🎲♟🎯
- #شركة: قابلوا أسر تاني وأتعشوا مع بعض واضحكوا واسهروا للصبح 👪👨‍👩‍👧🍻🥂🍾

21/07/2020

كلمات جميلة مشجعة لوقتنا ده

03/07/2020

أنها زوجتي...
أنها شريكتي...
أنها رفيقتي...
أنها صديقتي...
أنها معشوقتي...
أنها النصف الآخر الذي يُكَمِلُني! فهي جزء مني!

التحدي الحقيقي في الكلام ده مرحلتين
أولاً أني كراجل أفضل فاكر الكلام ده طول الوقت،
والمرحلة التانية أني أعيشه وأتصرف على أساسه!

“فقالَ آدَمُ: «هذِهِ الآنَ عَظمٌ مِنْ عِظامي ولَحمٌ مِنْ لَحمي. هذِهِ تُدعَى امرأةً لأنَّها مِنِ امرِءٍ أُخِذَتْ».”لذلكَ يترُكُ الرَّجُلُ أباهُ وأُمَّهُ ويَلتَصِقُ بامرأتِهِ ويكونانِ جَسَدًا واحِدًا.”

ده مش بس كلام مراسم الإكليل
ده كلام "عهد" جواز!

02/07/2020

من فضلكوا ..... الناس هتقابل بعضها اكتر الفترة الجايه..
اللي تخن او اللي خس او حسيتة عنده اكتئاب.. او مبقاش اجتماعي زي الاول او مهموم او مضغوط بسبب الزنقه و انه اتاثر ماديا...... و اللى فقد عزيز او اعزاء بسبب المرض
اللي الصبغة راحت و الشعر الأبيض ظهر... و اللى شكله اختلف
اللي كرشه طلع .... اللي مبقاش عنده حركة سريعة زي الاول ...
واللي شعره و دقنه طولوا... و الي نسي ازاي يلبس حلو
واللي كان عيان و خف...
اللي خايف بزيادة ....
اللي مطمن بزيادة....
اللى نسي نفسه مع ولاده و الي مبقاش عارف يخرج و اتعود علي البيت
اللى حاسس بوحدة جامدة لانه مش بيشوف حد
كل واحد عارف و مدرك اللي واصله كويس و ممكن يكون نفسه يغير حاجات و مش عارف دلوقتى 😐 ... مش مستني راي حضرتك ... او حكم حضرتك عليه
مش مطلوب منك اي تعليق علي اي حاجة ... لانها كانت فترة صعبة علي الكل.... مش مطلوب منك غير انك تكون "لطيف" و" حساس " ... خلي كلامك يكون مشجع و ايجابي ...بكلامك تنور او تطفي اللى حواليك
محدش محتاج تعليمات او توجيهات الناس محتاجه لطف...كونوا لطفاء
بلاش كلامك يبقي مصدر وجع للي قدامك ...بلاش تقول حاجه تخلي اي حد ينطفي من جواه و يبعد و يبقي لوحده عشان خايف يتجرح
خليك مشجع و مش judgmental
الناس شايله كتير و كلنا عايزين الكلمة الحلوة
كفاية التباعد الاجتماعي و احساس انكً مش قادر تلمس او تسلم او تحضن حبايبك و ده كفايه اصلا فعلي الاقل خلي لسانًك حكيم و بيوصل محبه و فرح مش وجع
ً

Copied

🌹يومكم بيضحك🌹

29/06/2020

شريكي يشعر بالملل .....
كتبه: كيرلس بهجت
(( .. يمكن انا مش شغوفه اتعرف علي ناس جديدة او ادخل في علاقة عشان باحس بملل بعد وقت قصير من التعارف ده ،، اللي هو بعد فترة بابقي عاوزه اغيير الشخص ده من حياتي .. )) ..زميلة اعرفها

الكاتبة Temma Ehrenfeld في مقال لها بعنوان Why Some of Us Get Bored—and Some Don't بتقول ان بنسبة 60% شعور الانسان بالملل هو نتجية عوامل فسيولوجية موجودة اصلا في الشخص ده ملوش دخل فيها ،، يعني ممكن تكون انت بتحس بالملل اكتر من صاحبك عشان انتا مولود كدة ! الهرمونات و المواد الكيمائية اللي مسؤولة جوا جسمك عشان متحسسكش بالملل فيها تغيرات بشكل معين فخليت طبيعتك و مزاجك مايل اكتر للاحساس بالملل .. فالحقيقة ان فيه ناس كدة بتمل بسرعة ..

تخيل انت دخلت في علاقة مع حد من الناس دول ؟! تخيل لاي سبب ما اعجبت بكائن بيمل بسرعة ؟! حبيته ، صاحبته ، دخلت معاه في مشروع ؟! و فجأة مرة واحدة حسيت من ناحيته ان مش ده الشخص الاولاني اللي كنت تعرفه في الاول .. فيه زي فاصل باهت كدة حصل مرة بينكوا .. كلامكوا قل ، بقي يتجنب اي فرصة يشوفك فيها ، حسيت كدة بيختفي تدريجيا من حياتك .. و السبب ببساطة انه بيمل !! و اللي لو حد مصارحة بينكوا و قال لك الحقيقة انه حاسس بملل !! علطول حيبقي رد فعلك عنيف و حتتهمه انه انسان قليل الاصل و مخادع !! .. و يمكن عشان كدة الناس اللي زي ديه مش بتحب تتواصل مع ناس جديدة عشان النقطة دية ..

خلينا نقول ان ده عيب و عيب رخم كمان ، فتخيل كائن بيمل بسرعة .. فين الامان لما تبقي مع شخص زي ده ؟؟ .. تبقي دايما عايش في قلق انه ممكن يمل منك في اي وقت !! تبقي دايما حاسس بعدم ثقة في نفسك عشان دايما حاسس انك اقلل من انه يستمر معاك !! .. بس فيه فكرة ذكرتها Mariana Bockarova في مقالة بعنوان Feeling Bored? Is It Your Partner — or You? .. يمكن تطلعنا من المأزق ده ...

فيه فرق كبير بين feeling bored with your partner و feeling bored of your partner .. انك تحس بملل "مع" شريكك و تحس بملل "من" شريكك .. هي مش المشكلة ان الشخص يحس بملل في وجود شريكه انما المشكلة انه يمل من شريكه ، يبقي الشريك نفسه مصدر الازعاج و الضيق !! .. فالناس اللي بتبقي زي كدة بتبقي محتاجة شركاء فاهمين دماغهم و تصميم طبيعتهم .. انهم كائنات غصب عنها بتمل ! فمش العلاج اننا نوصمهم بالسلوك ده او نأنبهم علي طبيعتهم ، انما نفهمها و نحاول نحتويها .. فخلاص انتا حاسس بملل تعالي يا سيدي نحسه سوا .. عاوز تاخد فترة تفكر فيها ، فكر يا سيدي و انا موجود جنبك .. عاوز تتجنن يلا نتجنن سوا .. انا مش عاوز افرط فيك بسرعة انما عاوز احس بيك دايما و اساعدك تواجه اي مشاعر سلبية بتمر بيها ..!

ففي النهاية ، الاشخاص ديه بتبقي محتاجة معاملة خاصة ... لو احنا من الاساس مش مهتمين بوجودهم في حياتنا خلاص نبعد من غير ما نوبخهم او نفضل نعيب فيهم .. اما لو احنا مهتمين يبقي نقدر الاختلاف ده ، نتعامل معاه بشكل فيه ذكاء اكتر و احتواء لإنجاح العلاقة دية .. عشان الناس ديه لما بتحب بتبقي صادقة جدا و امينة في حبها ..
. فانت معندكش فكرة يعني ايه تبقي اهم حد و اقرب حد لانسان بيمل من كل حاجة إلا منك ..

28/06/2020