د/إيمان إبراهيم أبوزيد Dr Eman Ibrahim AbuZeid أخصائى التوليد وأمراض النساء

  • Home
  • Egypt
  • Ziftá
  • د/إيمان إبراهيم أبوزيد Dr Eman Ibrahim AbuZeid أخصائى التوليد وأمراض النساء

د/إيمان إبراهيم أبوزيد Dr Eman Ibrahim AbuZeid أخصائى التوليد وأمراض النساء خدمة صحية متميزة
حمل سهل وولادة أسهل
زفتى . الفندق . بجوار كشرى المجنون و فليفر للحلويات

الاستاذ اللى دوخنا طول الليل مامته و باباه جم من ميت غمر بناء على كلام احد زملاءهم اللى متابعين معايا اللى بالمناسبة بشك...
20/04/2026

الاستاذ اللى دوخنا طول الليل

مامته و باباه جم من ميت غمر بناء على كلام احد زملاءهم اللى متابعين معايا اللى بالمناسبة بشكرهم جدا

و كانت جدة الام قلقانة عليها و تقولى تولد قيصرى يا دكتورة و انا اقولها ليه طيب تقولى قلقانة عليها دى هتدخل العاشر 🤣
و انا مصممة لا يا ست الكل امورها كويسة و البيبى كويس يبقى نستنى الطبيعى

و ماما لما بدأ الطلق الحقيقى تعبت و قالت خلاص ولدونى قيصرى و رجعت فى كلامها 🙃🙃

و الحمد لله ربنا كرمها و قامت بألف سلامة هى و النونو ربنا يبارك فيه و يحفظه 🥰🥰

سيدة سقطت مرتين قبل كدا اول مرة عرفت انها حامل و مظهرش نبض بالسونار و تانى مرة ظهر النبض و فى الزيارة اللى بعدها توقف و ...
19/04/2026

سيدة سقطت مرتين قبل كدا اول مرة عرفت انها حامل و مظهرش نبض بالسونار و تانى مرة ظهر النبض و فى الزيارة اللى بعدها توقف
و حملت تالت
بالسونار مفيش اى مشكلة و الدنيا تمام الحمد لله

التاريخ المرضى دا بيخلينا نشك فى تجلطات بالدم و اشهر سبب ليها🩸 متلازمة الأجسام المضادة للفوسفوليبيد (Antiphospholipid Syndrome)

🔹 يعني إيه Antiphospholipid Syndrome؟
دي حالة مناعية الجسم فيها بيكوّن أجسام مضادة بتخلي الدم أكثر عرضة للتجلط.

⚠️ تأثيرها على الحمل
ممكن تسبب مشاكل زي:
إجهاض متكرر 😔
تأخر نمو الجنين (FGR)
تسمم حمل
ولادة مبكرة
ضعف وصول الدم للمشيمة

🧪 امتى نشك فيها؟
لو عندك:
إجهاض متكرر (مرتين أو أكتر)
جلطة قبل كده بدون سبب واضح
وفاة جنين داخل الرحم

🔬 التشخيص بيكون عن طريق:
تحاليل معينة زي:
Lupus anticoagulant
Anticardiolipin antibodies
Anti-beta2 glycoprotein I
(لازم تتكرر مرتين بفاصل 12 أسبوع)

💊 العلاج أثناء الحمل
الخبر الحلو ❤️
إن الحالة دي ممكن تتحكم فيها بنسبة كبيرة مع العلاج:
Aspirin جرعة قليلة
Heparin (حقن سيولة)

👉 العلاج بيبدأ من أول الحمل أو حتى قبل الحمل في بعض الحالات

👶 المتابعة مهمة جدًا
متابعة دورية مع دكتور النساء
متابعة نمو الجنين بالسونار و الدوبلر
مراقبة ضغط الدم

💡 أهم نصيحة
لو عندك تاريخ إجهاض متكرر… متهمليش نفسك
ممكن يكون السبب بسيط ويتعالج 🙏

د ايمان ابوزيد
زفتى . الفندق . بجوار كشرى المجنون و فليفر للحلويات

19/04/2026

حالة بكرية حامل

عندها انيميا و بتاخد الحديد و للاسف الانيميا بتزيد
عملنا مخزون الحديد لقيناه عالى
طبعا حالة زى دى لازم تعمل تحليل نعرف بيه نوع الهيموجلوبين بتاعها و تتعرض على دكتور أمراض دم

طلعت فى الاخر ثلاثيميا و متشخصتش قبل كدا

طبعا مفيش منها اى قلق طول م هى ملتزمة بخطة العلاج

وربنا يكتب السلامة ليكو جميعا

💛 مثبتات الحمل في أول 3 شهور… مهمة ولا لأ؟📌 كتير من الحوامل بيسألوا:"هل لازم آخد مثبت حمل؟"👩‍⚕️ الإجابة ببساطة:مش كل الح...
15/04/2026

💛 مثبتات الحمل في أول 3 شهور… مهمة ولا لأ؟

📌 كتير من الحوامل بيسألوا:
"هل لازم آخد مثبت حمل؟"
👩‍⚕️ الإجابة ببساطة:
مش كل الحالات محتاجة مثبت… لكن في حالات بيكون مهم جدًا 👇

💊 يعني إيه مثبت حمل؟
هو أدوية بتحتوي على هرمون البروجسترون
وده هرمون أساسي بيساعد على: ✔️ تثبيت بطانة الرحم
✔️ تقليل انقباضات الرحم
✔️ دعم نمو الجنين في البداية

🟡 إمتى نستخدمه؟
بنلجأ لمثبت الحمل في حالات زي:
🔸 نزيف في أول الحمل
🔸 تاريخ إجهاض متكرر
🔸 ضعف هرمون البروجسترون
🔸 حمل عن طريق الحقن المجهري أو أطفال الأنابيب
🔸 آلام أو انقباضات مبكرة

❗ مهم تعرفي:
🔹 مش كل حامل محتاجة مثبت
🔹 استخدامه بيكون بوصفة طبيب فقط
🔹 الجرعة ومدة العلاج بتختلف من حالة للتانية

🤰 هل ليه أضرار؟
غالبًا آمن جدًا
لكن ممكن يسبب:
▫️ نعاس
▫️ دوخة خفيفة
▫️ انتفاخ بسيط

💡 الخلاصة:
مثبت الحمل مش روتين لكل الحوامل…
لكن في حالات معينة بيكون عامل أمان مهم جدًا للحفاظ على الحمل ❤️

12/04/2026

فى حالات بتسألنى عن جرح القيصرية لو معايا صور ليه
انا كنت بصور لكن كل الصور اللى معايا اتمسحت

ممكن تصوروا الجرح بتاعكم ف الكومنتات او تبعتهولى برايفيت و انا انزله هنا

عيطى ... عيطى دا انتى اتولدتى ف مصر دا انتى هتشوفى ايام فُل
12/04/2026

عيطى ... عيطى
دا انتى اتولدتى ف مصر
دا انتى هتشوفى ايام فُل

الشغل دا مش لأى حد و مش من ايد اى حد 😉😉شد بطن سفلية مع القيصرية 😎😎
08/04/2026

الشغل دا مش لأى حد و مش من ايد اى حد 😉😉

شد بطن سفلية مع القيصرية
😎😎

تعرفى ان عشان يتم تأكيد تشخيص متلازمة تكيس المبيضينعشان نقول ان فعلا عندك تكيس توصي أحدث الإرشادات بإجراء اختبار تحمل ا...
08/04/2026



تعرفى ان عشان يتم تأكيد تشخيص متلازمة تكيس المبيضين
عشان نقول ان فعلا عندك تكيس

توصي أحدث الإرشادات بإجراء اختبار تحمل الجلوكوز عن طريق الفم (OGTT) بجرعة 75 جم لدى جميع مرضى متلازمة تكيس المبايض بغض النظر عن الوزن، وذلك لتمكين الكشف المبكر عن اى مشكلة بسببها و التعامل معها

الصغنن 💋💖
07/04/2026

الصغنن 💋💖

بنتابع البيبى و لقينا مقاساته ثابته فى زيارتين متتاليتين او اقل من الطبيعى 🔍 يعني إيه ؟؟كدا فى حاجة اسمها تأخر نمو الجني...
01/04/2026

بنتابع البيبى و لقينا مقاساته ثابته فى زيارتين متتاليتين او اقل من الطبيعى 🔍 يعني إيه ؟؟

كدا فى حاجة اسمها تأخر نمو الجنين

يعنى إيه الكلام دا برضه؟ ؟
هو إن وزن الجنين أو حجمه يكون أقل من الطبيعي بالنسبة لعمر الحمل (عادة أقل من percentile 10).

⚠️ الأسباب الشائعة:
مشاكل في المشيمة (أهم سبب)
ارتفاع ضغط الدم أو تسمم الحمل
أمراض مزمنة عند الأم (سكر – أنيميا – أمراض قلب)
التدخين أو سوء التغذية
عدوى أثناء الحمل
عيوب خلقية أو مشاكل كروموسومات

📊 بنشخصه إزاي؟
السونار: قياسات الجنين (BPD, AC, FL)
متابعة الوزن التقديري
Doppler (الشريان السري – الشريان المخي الأوسط)
تقييم كمية السائل الأمنيوسي

🚨 ليه مهم نتابعه؟
ممكن يسبب نقص أكسجين للجنين
زيادة احتمالية الولادة المبكرة
في الحالات الشديدة ممكن يؤثر على حياة الجنين

👩‍⚕️ المتابعة والعلاج:
متابعة دورية بالسونار والدوبلر
راحة نسبية وتحسين التغذية
علاج السبب (ضغط – سكر…)
تحديد ميعاد الولادة حسب الحالة (أحيانًا تدخل مبكر)

💡 نصيحة مهمة:
أي تأخر في نمو الجنين محتاج متابعة دقيقة مش قلق بس 👌
التشخيص المبكر بيفرق جدًا في النتيجة النهائية

حافظى على مواعيد متابعتك معانا .... احنا ادرى بيكى

استكمالا ل سلسلة تعرفى ان تحديد ايام العلاقة الزوجية من اجل حدوث الحمل بيسبب نتايج عكسية و بيأثر على الحالة النفسية و ش...
30/03/2026

استكمالا ل سلسلة

تعرفى ان تحديد ايام العلاقة الزوجية من اجل حدوث الحمل بيسبب نتايج عكسية و بيأثر على الحالة النفسية و شغل الهرمونات فى الجسم و بيأخر حدوث الحمل

🥚 امتى يحصل الإخصاب؟

💥 لو الحيوان المنوي وصل وكان جاهز، والبويضة موجودة: ➡️ بيحصل الإخصاب غالبًا خلال 24 ساعة من خروج البويضة

📌 معلومة مهمة:
الحيوانات المنوية ممكن تعيش داخل جسم المرأة لحد 3–5 أيام 👌
يعني الجماع قبل التبويض بكام يوم ممكن برضو يؤدي لحمل.

💬 الخلاصة:
رحلة الحيوان المنوي مليانة تحديات، لكن التوقيت والتجهيز هما السر في حدوث الحمل ❤️

روتين العلاقة الزوجية يوم بعد يوم افضل حل عشان نتغلب على المشكلة دى

لو انتي حامل في توأم 👶👶ممكن الدكتور يقولك إن في فرق في الوزن بينهم… وده اللي بنسميه Discordant Twins.💡 يعني إيه الكلام د...
28/03/2026

لو انتي حامل في توأم 👶👶

ممكن الدكتور يقولك إن في فرق في الوزن بينهم… وده اللي بنسميه Discordant Twins.

💡 يعني إيه الكلام ده؟
يعني واحد من التوأم حجمه أكبر من التاني بشكل ملحوظ.

⚠️ ليه ده بيحصل؟
♦️اختلاف في توزيع الدم بينهم
♦️مشكلة في المشيمة
♦️أو أحيانًا واحد فيهم نموه أبطأ من الطبيعي

🤔 هل ده خطر؟
مش دايمًا!
بس محتاج متابعة كويسة علشان نطمن إن الاتنين بخير 💙

📌 امتى أقول إنهم Discordant Twins؟
بنقول كده لما يكون في فرق واضح في الوزن بين التوأم،
والتعريف الأشهر:
👉 لو الفرق بين وزنهم ≥ 20%
🧮 بنحسبها إزاي؟
الدكتور بيستخدم معادلة عشان كل حاجة تبقى دقيقة و بالارقام
بنجيب الفرق بين وزن الكبير والصغير
ونقسمه على وزن الكبير:
Discordance % = (وزن الكبير - وزن الصغير) ÷ وزن الكبير × 100
❤️ النصيحة المهمة:
لو انتي حامل في توأم، المتابعة المنتظمة مش رفاهية… دي أمان ليكي وللبيبى 👶👶
📍 مع المتابعة الصح، أغلب الحالات بتكمل بشكل آمن بإذن الله 🙏

🩺 الخلاصة: مش أي فرق بسيط يبقى مشكلة…
لكن لما يوصل لـ 20% أو أكتر، هنا لازم نتابع كويس علشان نلحق أي مشكلة بدري 💙

العلم نور برضه 😎😎

د ايمان ابوزيد
زفتى . الفندق . بجوار مطعم المجنون و فليفر للحلويات

Address

ش بركة السبع الفندق بعد مطعم المجنون بجوار فليفر للحلويات
Ziftá

Opening Hours

Monday 2pm - 8pm
Tuesday 2pm - 8pm
Wednesday 2pm - 8pm
Thursday 2pm - 8pm
Saturday 2pm - 8pm
Sunday 2pm - 8pm

Website

Alerts

Be the first to know and let us send you an email when د/إيمان إبراهيم أبوزيد Dr Eman Ibrahim AbuZeid أخصائى التوليد وأمراض النساء posts news and promotions. Your email address will not be used for any other purpose, and you can unsubscribe at any time.

Shortcuts

Share

Category