Elgaabary pharmacy صيدلية الجعبري

14/06/2024

كل عام و انتم بخير ❤

12/06/2024

20/09/2023

ناس كتير بتسأل عن المدة الي ممكن احتفظ فيها بالدوا بعد استخدامه :
لو عندكم اي استفسارات اسألونا و احنا نجاوب ❤
دمتم بخير ❤

17/09/2023

#تكمله لتغذيه الرضع والاطفال
خلينا متفقين على قواعد مهمه نمشى عليها
١-الطفل ال عنده ٨ شهور المفروض يكون بدا ياكل معظم اصناف الاكل (نشويات وبروتين وفاكهة)المهروس بالشوكه نص هرسه (محبب مش سايل )وباكد تانى مش مضروب فى الخلاط
٢- الطفل عمر ١٠ شهور بياكل رز وملوخيه وفراخ عادى جدا بشرط الاكل يكون ملح خفيف ومستوى كويس ومتقطع قطع صغيره
ونفس الطفل ابو ١٠ شهور ده تديله حته تفاحه او خيار او جزره يعضض فيها عشان يتعود يمسك الاكل باايده
٣- الطفل عمر سنه قاعد معاكى على السفره بياكل من ال بتاكلى منه ( بشرط يكون اكل بيتى صحى ملح خفيف)
#ناخد بالنا
١- فى كل المراحل دى لو الطفل بيرضع طبيعى احنا مكملين رضاعه طبيعيه طبعا مش بنوقفها
٢-البروتين الحيواني (اللحوم والفراخ والبيض )بيدخل بعد الشهر السادس
٣- بلاش عصاير معلبه من السوبر ماركت ( مليانه سكر ومواد حافظه وهيملى بطنه على الفاضى ) لو هتشربيه عصير يبقى طبيعى من البيت ومش اكتر من نص كوبايه فى اليوم
٤- الملح والسكر الاضافى مش بندخله قبل سنه
ويفضل مندخلش السكر الابيض غير بعد سنتين
٥-اللبن البقرى او الجاموس بيدخل بعد السنه (غلطه بيغلطها اغلب الامهات بيدخلوا اللبن بدرى)
٦- لا يفضل الزبادى بالفراوله ولا بالمانجا ولا اى فاكهه عموما ال بيجى من السوبر ماركت
(يفضل الزبادى الساده + فاكهه من البيت تتقطع عليه)

12/09/2023

من الاسئله ال دايما بتسالها فى الصيدليه وخصوصا من الامهات الجديده وحتى الامهات ال عندها اكتر من طفل
⬅️ابدا اكل ابنى امتى؟طب اكله ايه؟ واكله كميه اد ايه ؟ولا ماكلوش خالص واسيبه ع الرضاعه وبس ؟
وعشان الاسئله دى بتتكرر كتير فحبيت اتكلم عنها وان شاء الله تفيدكوا 🤍
⬅️خلينا متفقين ان اهم فتره ف حياه الطفل هى اول ١٠٠٠ يوم ( ٩شهور حمل + اول سنتين من عمره )
لو ماخدناش بالنا من تغذيه الطفل فى الفتره دى ممكن لا قدر الله يحصله مشاكل كتير جدا فى النمو والمناعه ابشعهم التقزم
⬅️اكله ايه ؟
(اهم حاجه مش اول ما تبداى تروحى ماكلاه محشى 🙂 )
طب ليه؟
مش عشان المحشى وحش لاسمح الله،
انما عشان فيه مالا يقل عن خمس مكونات
واحنا مبنصدمش الطفل بالمكونات دى كلها مره واحده + هيبقى صعب اوى فى الهضم والبلع حتى لو مهروس )
احنا بنبدا بحاجات خفيفه
وبندخل صنف صنف وكل صنف بناكله للطفل بكميات صغيره ال هى من ٣ل٥ معالق تقريبا لمده ٣ ايام لحد ما نتاكد ان الصنف ده تمام ومعندوش منه حساسيه
ننقل على صنف تانى وهكذا
⬅️ايه بقى الاصناف دى
١-بطاطا مسلوقه
٢-بطاطس مسلوقه
٣-جزر مسلوق
٤-رز مسلوق
٥- شوفان بلبن الام او اللبن الصناعى
٦-سيريلاك ارز
٧-سيريلاك قمح
٨- تفاح مسلوق
٩- كوسه مسلوقه
(كل الاصناف دى تكون مسلوقه ومهروسه بالشوكه بلاش الخلاط)
🚨🚨وطبعا طبعا مش محتاجه اقول ان اول ٦ شهور الرضاعه الطبيعيه تكون مستمره ومتقفش ابدا
ولو لقيتى الاكل بياثر على الرضاعه قللى الاكل عشان تفضلى محافظه على الرضاعه(تقلليه مش تمنعيه )

30/08/2023

في الصيف و الشمس و المصيف معظمنا بيتعرض لحروق الشمس.
المفروض نتصرف ازاي مع حروق الشمس :
اول حاجه لازم نشرب ماية او سوايل كتير
ناخد مسكن و مضاد للالتهابات زي بنادول لو الحرق شديد
نرطب المنطقه الي اتعرضت للشمس عشان نحميها من الجفاف
* العلاج: نحط كريم فيه كورتيزون 1% زي الهيدروكورتيزون او التكساكورت كريم وكمان ميبو او بيرناسورس مرهم لعلاج الحروق هنحطهم هم الاثنين في الثلاجه ده هيساعد على تلطيف الالتهاب شويه ونستخدمهم ثلاث مرات في اليوم❤
كل مصيف و انتم طيبين متنسوش الصن بلوك 😉❤

19/08/2023

مقشر لابيللو لشفايف بزيوت طبيعية تترك الشفاه مرطبة و ناعمة ووردية ❤

18/08/2023

زيت فازلين للجسم ... أحسن نعومة و ترطيب لجلد يشبه نعومة جلد الاطفال ❤

02/08/2023

بعد يوم طويل و الجو حر 😅
مفيش حاجة ممكن تعمل انتعاش و تصلح ما افسده الجو و الحر غير كير اند مور ❤

01/08/2023

كل الي طفلك محتاجه و أكتر هتلاقيه عندنا ❤
متنسوش تسألوا عن عروضنا الأسبوعية 😎

25/06/2023

بدأنا في اخرتلت من شهور الحمل و اول شهر فيه الشهر السابع من الاسبوع ٢٧ للاسبوع ال ٣٠ و اعراضه بتختلف عن الشهور الي فاتت تماما .
*اعراضه :
ظهور علامات التمدد على بطن الام
يزداد توسع الرحم فتكبر البطن و يحدث صعوبة في الحركة و الاتزان
يزيد وزن الام ما يقارب من ١٠ كيلوجرام
ممكن يكون في تشنجات في عضلات الساقين و تورم سيط في القدم
بتبدأ تقلصات الرحم تظعر بتكون زي انقبضات في الرحم بتجهزه لعملية الولادة اسمها براكستون هيكس
الخمول
*التغيير الذي يحدث للجنين :
وزن الجنين اصبح ٨٥٠ جم ل ١.٢٥ كيلوو طوله ٣٦.٥ ل ٣٩ سم
رئة الجنين تبدأ في الاكتمال
تصل ضربات قلبه الى ١٤٠ضربة في الدقيقة
بيبدأ يجيله زغوطة و الام بتحس بيها ساعات
يتطور نظر الجنين مع الوقت و الذي سيستمر ايضا بعد الولادة
*يجب على الام من الان معرفة علامات الولادة المبكرة و استشارة الطبيب اذا حدث ايا منها :
الم في اسفل الظهر و الم في البطن مثل الم الدورة الشهرية
نزول افرازات مائية بعد ان يخرج مخاط جيلاتيني سميك

22/06/2023

و صلنا كده لاخر شهر في التلت التاني من الحمل و هو الشهر السادس من الاسبوع ال ٢٢ ل ٢٦:
*بطن الام بتكون ظاهرة و كمان حركات الجنين بتعرف الام كل حاجة عن مواعيد نومه و صحيانه.
* اعراضه :
تورم في القدم
تشققات الحمل بتبدا تظهر على بطن الام لانه متوقع يزيد وزن الام من 6 ل 7 كيلو جرام
كمان بتزيد الافرازات المهبليه لكن لو لونها او ريحتها اتغيرت لازم نروح لطبيب النسا عشان نمنع الالتهاب من اوله
متوقع ان تزيد وزن الام نص كيلو في الاسبوع الواحد من الفتره دي وعشان كده لازم نكشف عن سكر الحمل من الاسبوع ال 24 للاسبوع 28 بعض الامهات بتعاني من البواسير نتيجة الامساك
عسر الهضم و الحموضه
ساعات يحصل تورم في الوجه والقدمين
بتضعف عضلات الحوض وده بياثر في التحكم في المثانه وبالتالي بيحصل حاجه اسمها سلس في البول وعشان كده لازم نعمل تمارين قاع الحوض كيجل لانها بتقوي عضلات الحوض بشكل كبير وكمان بتساعد على الولاده الطبيعي.
* بالنسبه بقى للتغيرات اللي بتحصل بتحدث للجنين:
اجفان الجنين بتكون اتكونت بالكامل وهيفتح عينه لاول مره بتبدا رموشه تنبت من الاجفان ونقدر في الشهر السادس نشوف صوابع ايده وقدمه واضحه.