21/09/2025
هنتكلم في البوست ده عن العلامات الخطرة أو ماتسمي ب
🚩🚩🚩🚩🚩(Red Flags)🚩🚩🚩🚩🚩
والتي تخص تطور ونمو الطفل ...
ولازم الأمهات تاخد بالها من الحاجات دي كويس علشان معرفة المشكلة بدري وحلها أسهل بكتيييير 🔓🔓
طيب وإيه هي بقي الحاجات دي يادكتور ؟؟؟ 🤔🤔🤔
👇👇👇👇👇
🚩 ١_ الطفل وصل عمر شهرين...
ومبيثبتش نظره على شئ ثابت
أو الطفل وصل عمر شهرين ومفيش إبتسامة خالص .
🚩 ٢_ وصل عمر الطفل من ٤ إلي ٦ شهور ....
ومبيتابعش الأشخاص أو الأشياء بعينه أو مفيش تحكم في الرأس بشكل كامل أو لايستجيب للصوت حتي بتحريك رأسه .
🚩 ٣_ وصل عمر الطفل ٦ شهور... ومفيش أي صوت بيطلع منه خالص .
🚩 ٤_ وصل عمر الطفل من ٩ إلي ١٢ شهر ... ومبيقعدش لواحده بدون مساعدة .
🚩 ٥_ وصل عمر الطفل سنة ونصف ( ١٨ شهر ) ... ومبيقفش لوحده أو مش منتبه للمحيطين بيه .
🚩 ٦_ وصل عمر الطفل سنتين ... ومبينطقش كلمة واحدة واضحة .
🚩 ٧_ وصل عمر الطفل ٣ سنوات ... ومبيقولش جملة مكونة من ٣ كلمات أو مبيعرفش ينفذ التعليمات والأوامر البسيطة .
🚩 ٨_ الطفل عمره أكبر من ٣ سنوات ... وكلامه مش واضح أو مفهوم أو لسه ماشي بنظام الإشارة ( يعني بيشاور علي الحاجة اللي هو عايزها دون أن يطلبها باللفظ )
لو إبنك لاقدر الله فيه أي مشكلة من اللي فوق دي ده معناه إن فيه مشكلة ولازم نشوف سببها إيه وتتعالج بدري
ودمتم سالمين
د. محمد أشرف الدنديطي
