24/04/2026
Onte celebramos o encontro anual coas nosas Xuntas Locais, unha xornada de traballo e convivencia na que compartimos experiencias e liñas de actuación para seguir axudando ás persoas con cancro e ás súas familias 💚
Neste evento, celebrado no Espazo Avenida Abanca, contamos coa presenza de varios compañeiros de servicios centrais da Asociación Española Contra el Cáncer: Nuria Masana, directora corporativa de Asuntos Públicos, Comunicación e Marketing; Santiago Velázquez, director de Comunicación; e Pablo Campins, técnico de Asuntos Públicos e RRII.
👉 Ao longo do acto, desenvolvéronse varias dinámicas que preparou Rocío García de la Barga, responsable de Coordinación Territorial na Xunta Provincial. Estas dinámicas enfocáronse nos obxectivos estratéxicos e no papel das Xuntas Locais na estratexia de Asuntos Públicos.
Ademais, o presidente da Asociación, Javier Álvarez Barbeito, quixo recoñecer o compromiso incansable de todas as voluntarias e voluntarios das Xuntas Locais, poñendo en valor a súa entrega e dedicación diaria. Tamén sinalou a importancia de seguir unindo esforzos para chegar cada vez a máis persoas, levando apoio, esperanza e oportunidades alí onde máis se necesitan 🫶
Durante a xornada tamén recoñecemos a traxectoria de varias Xuntas Locais:
✨ 50 anos en Santiago
✨ 30 anos en Aranga, Cabana de Bergantiños e Coristanco
Moitas grazas aos voluntarios e voluntarias das 45 Xuntas Locais da provincia. A súa labor é fundamental para que podamos seguir apoiando a investigación e que cada ano máis persoas podan acceder aos nosos servizos gratuitos: apoio psicolóxico, atención social, logopedia, fisioterapia e nutrición.
