06/10/2025
🟣 ESPECIAIS (NEE)
A falta de recursos nos centros escolares está a xerar un problema grave. Non só afecta ao noso alumnado, senón que tamén está a crear crispación nas aulas e nas rúas.
Mentres a Consellería de Educación non cumpre coa súa obriga de dotar os centros de profesionais e medios suficientes, algunhas familias poñen o foco nos nosos fillos e fillas, cuestionando se deben ou non estar na escola ordinaria.
Queremos dicilo alto e claro:
👉 Os nosos fillos e fillas teñen dereito a estar na escola ordinaria.
👉 A diversidade non é o problema; o problema é a falta de medios.
👉 A culpa non é do alumnado con NEE, senón da administración que abandona á comunidade educativa.
👉 A crispación non se resolve sinalando a quen é máis vulnerable.
📢 Exiximos á Consellería de Educación da Xunta de Galicia:
• Recursos xa: profesionais de apoio, orientación, coidadores/as…
• Medios reais para a inclusión, non promesas baleiras.
• Formación e sensibilización para convivir desde o respecto.
A inclusión non se debate. A inclusión cúmprese.
Basta de mirar para outro lado. A responsabilidade é da administración, non das crianzas.
