31/12/2025
Balance 2025 da ASOCIACIÓN GALEGA PARA A DEFENSA DA SANIDADE PÚBLICA
1.- Mantense a política de abandono, deterioración e desmantelamento do Sistema Asistencial: medraron as barreiras de acceso da poboación á atención sanitaria pública, facilitando a penetración das multinacionais e a contratación de seguros sanitarios privados (xa superan 20% da poboación).
- Atención Primaria: peche de cetros de saúde rurais; peche de consultas de medicina familiar e pediatría (Catoira, Vigo, Condado-Paradanta...) e PACs (Moaña); tempos de espera de máis dunha semana; falta de persoal médico, enfermaría, saúde mental, fisioterapia, etc. O modelo de Centros de Saúde continúa instalado na obsolescencia e a ineficiencia (abandono do Modelo de Saúde Comunitario).
- Atención Hospitalaria: avanza a privatización e a derivación de pacientes a Centros Hospitalarios Concertados e Non Concertados (Quirón Saúde, POVISA - Ribera Salud, HM (Hospitais de Madrid), Grupo Recolectos,... que viven do orzamento público incluídos os non Concertados, cun negocio que provén de fondos públicos. Os Hospitais Públicos só funcionan media xornada (ao contrario dos privados) en mans de xestores designados pola súa vinculación política ao PP, ou se promove e facilita a dobre dedicación do persoal médico ao sistema público e privado (co abandono da exclusividade). Mención especial para o Concerto Singular con Povisa, que supón un incremento de 16% a pesar de atender 8.000 persoas menos en detrimento do Hospital Cunqueiro. Galicia é a segunda Comunidade na privatización hospitalaria, xa que deriva a centros privados o 46% das estancias ou o 51% dás cirurxías maiores.
2.- As listaxes de agarda hospitalarias seguen sendo falsificadas e maquilladas (non inclúen 30% dos enfermos pendentes de intervención cirúrxica) e, a pesar diso, seguen medrando e serven de cortada ao SERGAS para derivar a milleiros de pacientes a centros privados.
3.- Continua o desmantelamento do Programa da Saúde da Muller: continuan as dificultades para acceder á Interrupción Voluntaria do Embarazo en centros públicos; desmantélanse e precarizan os recursos para a asistencia ao parto (como no Hospital de Ourense).
4.- Mantense un orzamento sanitario insuficiente e mal distribuído (especialmente o de Atención Primaria, Saúde Mental, Saúde Pública, Investigación e Formación do persoal). Non existe a incentivación para postos de difícil cobertura.
5.- Continua a marxinación da Asistencia Sociosanitaria e de Atención á Dependencia: os tempos de espera son uns dos maiores do Estado; continua a privatización das Residencia de Maiores a pesar de que ofertan peores condicións e unha maior taxa de mortalidade que as públicas; non existe coordinación co Sistema Asistencial.
6.- Son absolutamente insuficientes as ofertas de prazas de formación postgraduada do persoal (a chamada vía MIR) para o persoal médico de Atención Primaria, Enfermaría, Farmacia, Fisioterapia, Psicoloxía Clínica, etc. Continúa sendo insuficiente para cubrir as necesidades do sistema e nin sequera se cubren as prazas ofertadas.
7.- Crece o malestar profesional, especialmente en Atención Primaria, dada a continuidade da política de persoal da Consellaría de Sanidade, que culminou coa convocatoria de Folga Xeral por todos os sindicatos.
8.- O SERGAS búrlase das organizacións profesionais que negocian desde fai máis de seis anos un Novo Modelo de Atención Primaria no Consello Técnico da AP de Galicia.
9.- Milleiros de persoas mostraron o seu rexeitamento á política sanitaria da Xunta de Galicia lideradas por SOS Sanidade Pública: as protestas estendéronse pola maioría das Áreas Sanitarias con grandes mobilizacións en cidades e vilas como Santiago, Vigo, Barco de Valdeorras, Viveiro e a Mariña Lucense, mentres que numerosos Concellos manteñen mobilizacións semanais, como en Moaña, Catoira, Cangas, Condado-Paradanta.
Desde Chantada quere sanidade subliñamos as mobilizaciós que se produciron e producirán en Chantada, así como o desmantelamento do centro de saúde, onde non se cubren baixas, permisos e vacaciós do persoal sanitario. Do mesmo xeito, a xestión e situación do hospital comarcal de Monforte tamén é crítica e faltan numerosas especialidades compromentendo a calidade asistencia e o direito á sanidade dos habitantes do sur da provincia de Lugo, que, no caso de Chantada e Courel, carecen tamén aínda do servizo HADO.
