Ajuntament de Les

Casa
España
Les
Ajuntament de Les

Ajuntament de Les Canau d'informacion Oficiau der Ajuntament de Les, Val d'Aran.

22/03/2026

AVISO IMPORTANTE

Endesa y E-Distribución nos informan de un corte de suministro eléctrico en todo el municipio el LUNES 23 de Marzo de las 6:30 a las 08:00 horas debido a la realización de trabajos de reparación de la linea general de suministro por daños sufridos en la misma durante las últimas ventadas.

Disculpen las molestias.

15/03/2026

🏗️ CULTURA E PATRIMONI
Es obres en eth campanau dera glèisa auancent en sòn procès de reabilitacion.
Actuaument se trabalhe ena estructura dera naua escala e ena consolidacion des murs a on s’auien detectat quauques emerècles.
Quan finalizen es òbres, eth campanau poderà èster visitable damb visites programades e es campanes e eth relòtge tornaràn a foncionar.
Contunham apostant pera conservacion deth nòste patrimòni coma motor culturau e economic deth municipi.
📺 Vos deisham eth reportatge emetut en TN Aran sus aguestes actuacions.
nòrdaran aran

14/03/2026

🏛️ Eth Musèu Casa der Haro daurís es sues pòrtes.
Dempús dera sua inauguracion, pendent es darrèri mesi auem arrecebut diuèrsi collectius e grops qu´ an volut descobrir aguest espaci dedicat ara nòsta istòria e tradicions.
Aguest equipament ei integra en Hilat de
A compdar d’enguan, eth musèu daurirà damb regularitat pendent era sason de primauera e ostiu, damb orari de visites semanau.
Un espaci pensat entà conéisher melhor es Hèstes deth Huec, er entorn deth casc antic deth nòste municipi e tanben eth Castèth de Pijaoèrt, damb visites que s’anaràn programant.
Contunham trabalhant entà conservar e méter en valor eth nòste patrimòni, convertint-lo en un motor culturau e de promocion economica entath municipi.
📺 Vos compartim eth reportatge emetut en TN Aran sus ua d’aguestes visites.
nòrdaran aran

08/03/2026

💜Aué 8 de març, Dia Internacionau dera Hemna, lutam amassa pera igualtat efectiva entre òmes e hemnes.

🙌🏼Gràcies ara Associacion pera sua implicacion e compromís constant damb era comunautat deth pòble de Les e a toti aqueri que mos auetz acompanhat enes actes d’aguesti dies.

💪🏼Toti amassa per ua societat mes igualitària e justa.

02/03/2026

💧🔧 REPARACIONS E MANTENEMENTS GENERAUS

ℹ️ Eth passat dissabte se produsic ua pèrta d'aigua en ua canoada principau de subministrament ena zòna de Benqué.

🚧 Ath long deth dia d’aué s’an amiat a tèrme trabalhs d’excavacion e reparacion, e eth servici a quedat completament restablit aguesta tarde.

📍 Eth subministrament sonque se vedec afectat en Benqué e Plan des Sucs.

✅ Eth subministrament generau non s’a vist afectat ne en volum ne ena qualitat dera aigua.

🚜 Tanben s’a abilitat er accés as finques rustiques de Benqué a trauès deth Plan des Sucs.

🙏 Trabalham damb vocacion de servici. Desencusatz es molèsties.

13/02/2026

🌧️🚜 Trabalhs de neteja dempús der episòsi de vent e ploja

Pendent era jornada d'aué, era Brigada de Servicis deth a amiat a tèrme labors de neteja des rèstes de desprendiments ena zòna de Portet, provocadi pes episòdis de ploges e fòrti vents patidi en nòste municipi.

🌲🧹 Atau madeish, era Brigada Municipau a retirat arbes queigudi e rèstes de biomassa en disparières zònes der entorn urban, atau coma en camins e sendèrs des entorns deth pòble.

💧🏗️ Fin finau, s'a procedit ara neteja des cubetes de magazematge d'aigua dera planta potabilizadora de Sant Antòni, qu'auien demorat plens de lims e sediments dempús des ploges torrencials.

👷‍♂️👷‍♀️ Contunham trabalhant entà garantir era seguretat e eth bon estat deth nòste municipi.

12/02/2026

⚠️Pendent aguesta maitiada s’an produsit diuèrsi incidents en pòble pr’amor deth temporau de fòrti vents iniciat aguesta darrèra net.

💡Eth servici de subministrament electric s’a vist afectat en diuèrses zònes deth pòble pr’amor de 5 panes localizades en hilat electric (per queiguda d’arbes enes cablejats) e desperfèctes en diuèrsi trenats de subministrament.

📍Eth talh s’a produsit ath torn des 4:00o e a afectat es zònes de: Sant Jaime/Cafisa/Escamon, Cementèri/Termes/ Carrèra e es Banhs/Cauarca/ Camping.

✅Es servicis dera suministradora an trabalhat en restabliment deth subministrament entà normalizar eth servici totau pendent eth maitin.

🌲Per un aute costat, eth camin dera Lana a demorat talhat pendent era net pera queiguda d’un arbe de granes dimensions ena via, deth qué eth pas dejà se trape restablit. Se somen incidéncies damb contenedors de remassada de lordères botjadi pera fòrça deth vent.

👷🏼Auem trabalhat entà garantir e mantièr es servicis basics. Rebrembam que se manten activa era alèrta per fòrti vents pendent eth dia d’aué. Recomanam préner precaucions e esvitar desplaçaments que non siguen de besonh.

30/01/2026

📢 Mielhora deth hilat de sanejament municipau

Finalizadi es trabalhs de reposicion e mielhora des collectors ena zòna nòrd deth municipi (airau Rotonda Cafisa – Passeg Escamon).

🛠️ Dempús des episòdis intensi de ploja e nhèu, s'a procedit a:
✔ Anivelat deth pas de pedons damb graues e aglomerats.
✔ Recuperacion des zònes verdes mejançant tèrres vegetaus.

📍 Aguesta accion complète es trabalhs amiadi a tèrme ena zòna deth Cementèri a finaus der ostieu de 2025.

Damb aguestes òbres se mielhore eth hilat de collectors, en tot dar sollucion a problèmes derivadi des efèctes der aiguat der an 2013 e en tot optimizar era eficiéncia deth sistèma de recuelhuda d'aigües residuaus deth municipi.

💶 Es trabalhs an estat finançadi mejançant ua subvencion dera Deputacion de Lleida, laguens des plans de Salut Publica, damb ua inversion totau ath torn de 150.000€.

28/01/2026

📢 Mielhora deth hilat d'aigua potabla

🏗️ Encetadi es trabalhs de mantenement e substitucion des conductes deth hilat d'aigua de boca ena zòna des depòsits dera Cauvèra e deth punt de connexion damb eth hilat municipau ena zòna dera hònt de Savièla.

📍 S'actuarà sus un tram deth torn de 400 mètres, en tot substitusir es canerades vielhes. Atau, se da contunhitat ath plan municipau de:

✔ Optimizacion deth hilat.
✔ Deteccion de pèrtes d'aigua.
✔ Mielhora dera eficiéncia ena gestion idrica.

➕ Ath delà, s'a realizat:

➡️ Impermeabilizacion e sanejament des vasos de magazenatge d'aigua.

➡️ Substitucion de trams de canerada en disparières zònes deth municipi.

➡️ Renauiment d'idrants entà garantisar eth sòn corrècte foncionament en situacions d'emergéncia.

🚰 Pendent era execucion des òbres, eth subministrament d'aigua ei garantit, en tot mantier es madeishi paramètres de qualitat e quantitat.

💶 Es trabalhs son finançadi damb ajudes deth Departament de Medi Ambient e dera Agència Catalana de l’Aigua, damb ua inversion totau de 450.000€.

🗓️ Durada estimada: 2 setmanes.

🚗 Se pregue as vesins dera zòna de non estacionar veicüls en carrèr Savièla, tà facilitar eth pas de camions tath suministre de materiaus d'òbra e retirada de tarcums.

🙏 Pregam desencusatz es molèsties e arregraïm era vòsta collaboracion.

27/01/2026

❌💧Per motius de reparacion de un hidrant e ua panna en hilat d’aigua pendent deman maitin (dia 28 de gèr) se talharà puntuaument eth suministre ena Avenguda Sant Jaume, Carrèr St. Martin e en airau d’Escamon de 10h a 13h.

🙏🏽Desencusatz es molèsties

20/01/2026

➰ Er Ajuntament de Les se higic ager ath maitin ara menuta de silènci convocada pera FEMP (Federacion Española de Municipios y Provincias) en motieu deth tragic accident de tren produsit en municipi d’Adamuz (Córdoba), e ath lute oficiau decretat de tres dies a compdar d'aué, en tot hissar es drapèus deth consistòri a mieja asta.

🏛️ Era corporacion municipau vò hèr a arribar eth sòn supòrt as persones afectades e es sues condolences as familhes e amics, en tot manifestar era sua solidaritat damb es victimes.

19/01/2026

➰ Er Ajuntament de Les regrète prigondaments era pèrta deth vesin deth nòste pòble, Ignacio. Un joen fòrça estimat, qu'ager perdec era vida en un tragic accident de montanha.

Era sua pèrta ei un còp fòrça dur entara comunautat. Un joen plen de vida, fòrça integrat en pòble e membre actiu dera vida associativa de Les, a on collaborèc damb illusion e compromís entà hèr créisher era vida sociau e hestiva deth municipi.

❤️‍🩹 Dera corporacion municipau estant, volem hèr a arribar eth nòste mès sincèr afècte e proximitat ara sua familha e amics, e tot eth nòste supòrt en aguesti moments.

Dirección

Plaça Ajuntament 1
Les
25540

Teléfono

973648007

Página web

http://www.torismeles.com/

Notificaciones

Sé el primero en enterarse y déjanos enviarle un correo electrónico cuando Ajuntament de Les publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

¿Quieres que tu consultorio sea el Clínica mas cotizado en Les?