15/01/2026
გარდა იმისა, რომ დეიდაჩემის სამკაულები და პარფიუმერია ჩემი საყვარელი სათამაშო იყო, ასევე, ერთერთი, ყველაზე საინტერესო სანახაობა იყო მისი მეგობრების სტუმრობა ბაბუაჩემის სახლში…
ვათვალიერებდი ამდენ ძლიერ, ჭკვიან, გაბედულ ქალს და როგორღაც, პატარა ტვინში, ვქმნიდი მოდელს, როგორი უნდა ყოფილიყო ზრდასრული, დამოუკიდებელი ქალი…
ყოველი მათგანი განსაკუთრებული იყო და ყველასგან დამრჩა რაღაც, რასაც ვიცოდი აუცილებლად შევმატებდი ჩემს ზრდასრულ ვერსიას.
რაღათქმაუნდა პატარა თათიას დანახულ და მოწონებულ ამბებს ვყვები, თორე სხვა ათასი რამ ჰქონდათ მისაბაძი.
აი მაგალითად, ნუკრი მსოფლიოში ყველაზე მამაცი და გაბედული ქალი მეგონა, მხოლოდ იმიტომ, რომ სულ პოლემიკაში იყო ხოლმე მამიკოსთან, და მე, როგორც “მამიკოს გოგომ” ზუსტად ვიცოდი, რომ ყველაზე ძლიერ, ჭკვიან და მამაც ადამიანთან შეკამათება არც ისე ადვილი იყო😅 “ცხრათითა ნაწნავი” ეკეთა სულ, სქელი, ჟღალი თმა ჰქონდა, მაშინ არ ვიცოდი, მაგრამ ესპანეთში რომ მაგ ვარცხნილობის სახელი გავიგე, მაშინვე ნუკრი გამახსენდა, “გერერო”_ს ეძახიან, ანუ მებრძოლის ვარცხნილობას.
ნატოს თავდაჯერებული საუბარი და ხმის ტემბრი, იძულებულს მხდიდა გასუსულს მესმინა მისთვის, ლალის სიმშვიდე სულ იმაზე მაფიქრებინებდა, სინამდვილეში, რამდენად ბევრი ჰქონდა სათქმელი და ერთი გაღიმებით, როგორ სვამდა ხოლმე, ხან წერტილს და ხან ძახილის ნიშანს…
ხო და აი ეს ჭაღარა კი, ასე ამაყად რომ ვატარებ და ძალიან მიყვარს, ქეთინოს დამსახურებაა, ბავშვობის ოცნებებს რომ გადავხედე ერთხელაც, გამახსენდა, როგორ ვნატრობდი გაზრდას, რომ მისნაირი თმა მქონოდა, გრძელი სწორი და შევერცხლილი, ხოდა შევიჭერი ჩემი მრავალჭირვარამ გამოვლილი, გაურკვეველი ფერის თმა და მის მერე ყოველ ახალ, თეთრ ღერს დიდი სიხარულით ვხვდები.
ალბათ, ვერცერთი მათგანი იფიქრებდა, რომ მაშინ იმ ხმაურიან, მხიარულ და საინტერესო საღამოებით, ჩემს ცხოვრებაში სამუდამოდ იდებდნენ ბინას,თუმცა აქ არიან და ჯერ კიდევ ზემოქმედებენ.
მიყვარს ასეთი მარგალიტები, ჩემი ცხოვრების გზაზე მრავლად მიმობნეული და უზომოდ მადლიერი ვარ.🌸🍀✨
#ქართველებიესპანეთში #მრავალშვილიანიოჯახი #ბავშვობა #მოგონებები #ძლიერიქალები
