Concello de Monforte de Lemos

Casa
España
Monforte de Lemos
Concello de Monforte de Lemos

Monforte, cidade monumental e de servizos ¿Sabía que o chamado Escorial de Galicia está en Monforte?

Esta é unha das moitas sorpresas que lle agardan aquí, porque Monforte é unha cidade con importantes monumentos, museos e centros de interese, ademáis de hoteis, restaurantes, taperías, tendas e lugares para relaxarse despois dun día de excursións. Aquí encontrará tamén con facilidade, servizos que pode precisar durante as súas vacacións: bancos, hospital, farmacias, librarías, cine, tren, autobuses, etc. Ademais Monforte é a capital da Ribeira Sacra, un paraíso no interior de Galicia que merece a pena descubrir.

14/12/2025

O Concello de Monforte lembra que este luns, 15 de decembro, entra en servizo o novo Bus Rural que percorrerá as 26 parroquias do municipio.

O autobús é gratuíto e fará un percorrido diferente cada día, de luns a venres, para facilitar os desprazamentos dos veciños e veciñas dos núcleos rurais que teñan que facer compras ou xestións no centro urbano. Fará unha ruta de ida comezando ás 8.00h na parroquia correspondente, e outra de volta con saída ás 14.00h desde o Parque dos Condes.

-Luns: Rozavales, Vilamarín, Caneda e Santa Mariña
-Martes: A Penela, As Nocedas, Marcelle, Gullade, Guntín, Piñeira
-Mércores: Distriz, A Vide, Moreda, San Xulián de Tor e San Xoán de Tor.
-Xoves: Chao do Fabeiro, Fiolleda, Baamorto e Seoane
-Venres, dous itinerarios: Ás 8h Sindrán, Chavaga e Reigada. // E ás 9h A Parte e Valverde

Rutas completas e horarios, na páxina web do Concello de Monforte. https://www.monfortedelemos.es/gl/artigo/horarios-bus-rural

13/12/2025

A Praza de Abastos de Monforte acollerá os días 20 e 21 o Mercado de Nadal, con produtos navideños, ideas de agasallos e actividades para toda a familia.

-Estará aberto na Praza de Abastos durante toda a fin de semana en horario de 10.00 a 14.00h pola mañá e de 17.00 a 20.30h pola tarde.

-O mercado contará con 16 postos de venda nos que o público poderá atopar agasallos, produtos gastronómicos, chocolate quente e doces.

-Ao longo das dúas xornadas desenvolverase unha completa programación de espectáculos, obradoiros e actividades diversas: contacontos, xogos, música e videomatón navideño 360º.

-Os máis pequenos da familia poderán visitar unha recreación da habitación de Papa Noel e entregar as súas cartas na Praza de Abastos.

-O Alcalde, José Tomé, anima a todos os monfortinos e monfortinas e ás persoas que nos visiten estes días, a acudir a este Mercado de Nadal: “Convido a toda a veciñanza a apostar polo comercio local, desfrutar da nosa hostalería e participar no completo programa de actividades que desenvolveremos a vindeira fin de semana na Praza de Abastos”.

https://www.monfortedelemos.es/gl/novas/2025/praza-abastos-accollera-mercado-nadal-produtos-agasallos-actividades-familia

12/12/2025

O prazo para inscribirse nos dous obradoiros interxeracionais que oferta o Concello de Monforte este Nadal dentro do Programa Activa continúa aberto ata o vindeiro xoves, 17 de decembro, ás 14.00 horas.

Estas propostas teñen por obxectivo reunir a avós e netos en torno a unha actividade común, creando un espazo de encontro entre as dúas xeracións.

O Alcalde de Monforte, José Tomé, anima aos monfortinos e monfortinas a participar nestes talleres e destaca a importancia de “fortalecer os lazos entre as persoas maiores e as máis novas, dúas xeracións moi diferentes que poden compartir coñecementos desfrutando dun tempo xuntos durante as vacacións de Nadal”.

Ambos obradoiros son gratuítos. As persoas interesadas poden anotarse na Secretaría dos Servizos Sociais, onde terán que cubrir a solicitude e achegar o DNI.

https://www.monfortedelemos.es/gl/novas/2025/aberto-prazo-inscricion-obradoiros-interxeracionais-nadal-concello-monforte

11/12/2025

O Concelleiro de Medio Ambiente, Obras, Medio Rural e Servizos, José Luis Losada, e a Concelleira de Cultura, Ensino e Xuventude, Marina Doutón, inauguraron este mércores o Belén do Concello de Monforte deste Nadal. O Nacemento consiste nunha composición galego-árabe que foi elaborada polo artista J. Antonio Dávila, quen estivo tamén presente no acto.

O Belén está instalado na Sala de Exposicións da Casa da Cultura Poeta Lois Pereiro de Monforte e pódese visitar ata o 9 de xaneiro de 2025.

O Equipo de Goberno anima a todos os veciños e veciñas de Monforte a visitar este Nacemento e desfrutar do amplo programa de Nadal do Concello de Monforte, que ofrece un amplo abano de actividades para todos os públicos.

https://www.monfortedelemos.es/gl/novas/2025/equipo-goberno-inaugura-belen-nadal-casa-cultura

11/12/2025

O Edificio Multiusos acolle este xoves, 11 de decembro, ás 20.30 horas, unha nova cita co teatro dentro da programación da Concellaría de Cultura para o último trimestre deste ano.

Neste caso, trátase do espectáculo “María Visitación Consolación Amadora”, unha montaxe da compañía Loia Producións enmarcada no Circuíto de Teatro Profesional da Deputación de Lugo, en colaboración co Concello de Monforte.

Está dirixida ao público a partir de 15 anos, e a entrada é gratuíta.

https://www.monfortedelemos.es/gl/novas/2025/multiusos-monforte-acolle-obra-maria-visitacion-consolacion-amadora-loia-producions

10/12/2025

O Alcalde de Monforte anuncia a posta en marcha o vindeiro luns, 15 de decembro, do Bus Rural, o novo servizo de transporte público e gratuíto para a poboación das 26 parroquias.

-O novo servizo de Bus Rural garante a conexión das 26 parroquias de Monforte co centro urbano durante os días laborables para cubrir as necesidades de desprazamento da poboación do rural.

-José Tomé presentou hoxe na Praza do Campo de San Antonio o vehículo que fará os percorridos diarios de ida e volta, de luns a venres, e detallou os itinerarios deseñados para chegar a todas as parroquias.

-“Este servizo é fundamental para mellorar a calidade de vida da poboación rural que en moitas ocasións, ben por idade, por dificultades para desprazarse, ou por falta de medios, non pode acceder ao centro urbano para realizar xestións ou compras que son necesarias na vida cotiá”, apuntou o Alcalde.

-A posta en marcha desta iniciativa da cumprimento ao compromiso electoral adquirido polo Alcalde de dotar ás parroquias dun servizo de transporte público e gratuíto igual ao que xa funciona con gran éxito no centro urbano. Ademais, engadiu o rexedor, “contribuirá á loita contra o despoboamento facilitándolle a vida á poboación mais vulnerable e con mais dificultades de mobilidade".

-A xestión do servizo adxudicouse á empresa Palacio Bus SL por un importe total de 972.759,55€ e un período de execución de 10 anos, financiado con fondos propios do Concello de unha subvención do Ministerio de Transición Ecolóxica e Reto Demográfico de 142.000€.

https://www.monfortedelemos.es/gl/novas/2025/alcalde-anuncia-posta-en-marcha-15-decembro-bus-rural-publico-gratuito-26-parroquias

09/12/2025

O Alcalde de Monforte, José Tomé, anuncia o traspaso da Unidade Asistencial de Drogodependencias ao Sergas, que será efectivo o 1 de xaneiro de 2026.

-A medida aprobarase mañá mércores 10 de decembro, ás 20.00 horas, nun pleno extraordinario que leva esta proposta como único punto na orde do día.

-O acordo plenario é un requisito para formalizar a cesión á Xunta tanto dos servizos que presta actualmente esta unidade asistencial, como dos medios persoais e do equipamento.

-José Tomé, explica que a integración no Sergas da UAD “asegura a continuidade e estabilidade do servizo” e recorda que esta adscrición é froito de intensas negociacións entre a Fegamp en representación dos Concellos e a Xunta, xa que é a Consellería de Sanidade a que ten as competencias en todas as materias do ámbito da saúde”.

https://www.monfortedelemos.es/gl/novas/2025/alcalde-anuncia-traspaso-unidade-asistencial-drogodependencias-sergas

06/12/2025

O Alcalde celebra o éxito de participación no circuíto de obradoiros de cociña de outono organizado nas parroquias de Monforte.

-Entre o 21 de novembro e o 5 de decembro impartíronse talleres en formato ‘showcooking’ nos locais sociais de Santa Mariña, Seoane, A Penela, Distriz, Chao do Fabeiro e Sindrán.

-Un chef profesional elaborou diferentes receitas con produtos de tempada como os cogomelos, castañas, produtos locais e outros sabores do bosque.

-José Tomé: “Con estes obradoiros que se desenvolveron nos locais sociais acadamos o dobre obxectivo de dinamizar o rural e de poñer en valor o territorio e a nosa riqueza gastronómica, enchendo os locais sociais das parroquias, por iso desde o Concello queremos agradecer aos veciños e veciñas a súa participación”

-A actividade estivo financiada polo Concello de Monforte e o Ministerio para a Transición Ecolóxica e o Reto Demográfico e busca dinamizar o rural creando espazos de encontro veciñal.

https://www.monfortedelemos.es/gl/novas/2025/alcalde-celebra-exito-participacion-obradoiros-cocina-outono-parroquias

05/12/2025

O Alcalde acende o alumeado ornamental de Monforte: 1,2 millóns de luces LED para iluminar e dinamizar as Festas de Nadal.

-José Tomé premeu o interruptor da iluminación festiva ás 18.30 horas nun acto na rúa Cardeal, a carón da figura cónica de máis de 20 metros de altura que representa unha árbore de Nadal.

-Acompañado por membros do Equipo de Goberno e rodeado de nenos e nenas, o rexedor acendeu oficialmente o alumeado e transmitiu aos monfortinos e monfortinas os seus mellores desexos para estas festas: “O Nadal é tempo de ilusión e de alegría, e o noso obxectivo é que este amplo dispositivo de luces sirva para dinamizar e animar a toda a veciñanza e ás persoas que nos visitan a desfrutar de todo o que ofrece a nosa cidade”.

-O acendido das luces estivo amenizado pola actuación do grupo monfortino de batucada TuKuPá, que acompañou á comitiva desde a árbore ata a figura do oso panda da Praza de España.

-O dispositivo ornamental ten un orzamento de 57.000€ e está composto por 1,2 millóns de luces LED repartidas en 265 arcos luminosos distribuídos por 67 rúas do municipio, saúdos coa mensaxe ‘Bo Nadal’ en 7 entradas á cidade, árbores e figuras de temática navideña.

-“Queremos animar aos monfortinos e monfortinas e ás persoas que nos visitan a saír á rúa nestas Festas de Nadal, a mercar no noso comercio e consumir na nosa hostalería, pero sobre todo, desexamos que sexan moi felices e que desfruten destas datas na mellor compañía”.

-O alumeado estará operativo ata o luns 6 de xaneiro de 2026, Día de Reis, en horario de 18.30 a 02.00 horas da madrugada”.

https://www.monfortedelemos.es/gl/novas/2025/alcalde-acende-alumeado-ornamental-monforte-iluminar-festas-nadal

03/12/2025

O Edificio Multiusos de Monforte acolle este xoves, 4 de decembro, ás 20.15 horas, unha nova cita co teatro coordinada pola Concellería de Muller e Igualdade dentro dos actos do 25-N.

A compañía Chévere Teatro presenta “Hellen Keller, a muller marabilla?”, unha obra que aborda a vida de Hellen Keller, a primeira persoa xordocega en obter un título universitario en 1904 en Harvard.

A función usa simultaneamente a lingua de signos e a lingua oral e conta con servicio de audiodescrición.
As personas xordocegas que queiran asistir á función poden solicitar previamente o material de apoio contactando coa Delegación de Cultura do Concello de Monforte de Lemos. Tamén terán acceso a un paseo táctil polo escenario unha hora antes da función para recoñecer o espazo e poder tocar elementos da escenografía.

O prezo da entrada xeral para esta obra será de 5 euros e 3 euros para desempregados, xubilados e estudantes.

https://www.monfortedelemos.es/gl/novas/2025/multiusos-monforte-presenta-xoves-obra-hellen-keller-muller-marabilla-chevere-actos-25n

03/12/2025

O Alcalde, José Tomé, anuncia a celebración de dous novos obradoiros interxeracionais que poderán compartir avós e netos este Nadal no marco do Programa Activa 2025-2026.

Por unha banda, o obradoiro AV@S 3.0, enfocado a mellorar o manexo das novas tecnoloxías das persoas maiores aproveitando os coñecementos dos máis novos. Esta actividade levarase a cabo en dúas xornadas, os días 22 e 29 de decembro de 2025, en horario de 11.00 a 13.00 horas, no Centro Cívico Social. Está dirixido aos avós e avoas e os seus netos e netas de 7 a 16 anos, que sexan veciños do Concello de Monforte de Lemos.

Por outra banda, desenvolverase o obradoiro interxeracional de Adornos de Nadal que terá lugar o 23 de decembro, de 17.00 a 19.00 horas, no Centro Cívico Social. Esta actividade está dirixida tamén a avós e avoas e netos e netas con idades de 5 a 16 anos veciños do Concello de Monforte.

Ambos obradoiros son gratuítos e o prazo de inscrición estará aberto ata o 17 de decembro, ás 14.00 horas. As persoas interesadas poden anotarse na Secretaría dos Servizos Sociais, onde terán que cubrir a solicitude e achegar o DNI.

https://www.monfortedelemos.es/gl/novas/2025/alcalde-anuncia-celebracion-novos-obradoiros-interxeracionais-nadal-programa-activa

02/12/2025

Música, teatro, humor e fantasía protagonizan o amplo programa de actividades para o Nadal 2025-2026 do Concello de Monforte.

-A Tenente de Alcalde, Gloria Prada, e a Concelleira de Cultura, Marina Doutón, presentaron o Programa de Nadal que arranca este venres 5 co acendido da iluminación ornamental a cargo do Alcalde, José Tomé, e finaliza o 6 de xaneiro coa Misa e Concerto de Reis.

-Marina Doutón destacou o “completo e variado programa de actividades deste ano en Monforte”, agardando que “encha de ilusión e alegría as Festas de Nadal dos monfortinos e monfortinas, e de todos aqueles que nos visitarán nestes días”.

-O programa suma unha vintena de propostas pensadas para todo tipo de públicos e inclúe propostas como o Mercado de Nadal, os días 20 e 21 de decembro, na Praza de Abastos, que ten por obxectivo “contribuír a dinamizar os nosos sectores produtivos, especialmente a hostalería, o comercio e o turismo”.

-Deloreans e Malenne actuarán na rúa Cardeal dentro do ciclo de Concertos de Nadal a cargo de grupos monfortinos, os días 26 de decembro e 2 de xaneiro, respectivamente.

-O programa inclúe tamén 4 actuacións teatrais, unha gran variedade de actuacións musicais e actividades para toda a familia.

https://www.monfortedelemos.es/gl/novas/2025/musica-teatro-humor-fantasia-protagonizan-amplo-programa-actividades-nadal-2025-2026-monforte

Dirección

Campo De Santo Antonio S/n
Monforte De Lemos
27400

Página web

http://www.monfortedelemos.es/

Notificaciones

Sé el primero en enterarse y déjanos enviarle un correo electrónico cuando Concello de Monforte de Lemos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

¿Quieres que tu consultorio sea el Clínica mas cotizado en Monforte de Lemos?

14/12/2025

13/12/2025

12/12/2025

11/12/2025

11/12/2025

10/12/2025

09/12/2025

06/12/2025

05/12/2025

03/12/2025

03/12/2025

02/12/2025

Dirección

Página web

Notificaciones

Atajos

Compartir