Concello de Monforte de Lemos

Concello de Monforte de Lemos Monforte, cidade monumental e de servizos ¿Sabía que o chamado Escorial de Galicia está en Monforte?

Esta é unha das moitas sorpresas que lle agardan aquí, porque Monforte é unha cidade con importantes monumentos, museos e centros de interese, ademáis de hoteis, restaurantes, taperías, tendas e lugares para relaxarse despois dun día de excursións. Aquí encontrará tamén con facilidade, servizos que pode precisar durante as súas vacacións: bancos, hospital, farmacias, librarías, cine, tren, autobuses, etc. Ademais Monforte é a capital da Ribeira Sacra, un paraíso no interior de Galicia que merece a pena descubrir.

O Alcalde anuncia a contratación dos servizos de telefonía e internet do Concello de Monforte. O obxectivo do contrato é...
17/03/2026

O Alcalde anuncia a contratación dos servizos de telefonía e internet do Concello de Monforte.

O obxectivo do contrato é modernizar a rede de comunicacións, dotando ao Concello dunha rede virtual corporativa que integre telefonía fixa, móbil, datos e internet.

A duración do contrato é de 4 anos e 1 adicional de prórroga, e o importe base da licitación ascende a 60.379€ anuais, cun custe estimado para un máximo de 5 anos de de 301.895€ con ive.

👉 https://www.monfortedelemos.es/gl/novas/2026/alcalde-anuncia-contratacion-servizos-telefonia-internet-concello

O Alcalde anuncia a convocatoria dos concursos de traxes medievais e decoración de balcóns e de negocios de comercio e h...
16/03/2026

O Alcalde anuncia a convocatoria dos concursos de traxes medievais e decoración de balcóns e de negocios de comercio e hostalaría con motivo da XXII Feira Medieval.

🏆 Trátase de tres convocatorias independentes que repartirán un total de 3.200€: o X Concurso de Decoración de Balcóns, o XI Concurso de Decoración de Establecementos Comerciais e Hostaleiros, e o XIII Concurso de Traxes Medievais.

📅 O prazo para inscribirse en cada un deles está aberto desde hoxe, 16 de marzo, ata o 31 de marzo no Rexistro Xeral do Concello de Monforte.

👑 O obxectivo da convocatoria destes concursos é, como en anos pasados, dinamizar e potenciar a participación na XXII Feira Medieval de Monforte e o seu desenvolvemento, os días 4 e 5 de abril.

🙌 O Alcalde anima a todos os monfortinos e monfortinas e aos titulares de negocios a vestirse de época e a engalanar a cidade para a celebración deste evento: “A colaboración do veciñanza é unha parte fundamental do éxito que acadamos con esta feira ano tras ano”, indica.

👉 https://www.monfortedelemos.es/gl/novas/2026/alcalde-convocatoria-concursos-traxes-decoracion-balcons-comercio-hostaleria-xxii-feira-medieval

O Alcalde de Monforte, José Tomé Roca, e outros membros do Equipo de Goberno do Concello participaron esta mañá na conce...
14/03/2026

O Alcalde de Monforte, José Tomé Roca, e outros membros do Equipo de Goberno do Concello participaron esta mañá na concentración contra a guerra en Oriente Medio que tivo lugar na Praza de España, ás 12.00h.

☮️ A de Monforte foi unha das 150 concentracións que se están a celebrar este sábado en todo o país convocadas pola plataforma Parar La Guerra baixo o lema: “Debemos parar a guerra en Oriente Medio e Non esquezades Gaza”.

🕊️ Os asistentes amosaron o rexeitamento ao conflicto bélico recollido nun manifesto que condena os ataques executados por EE.UU e Israel contra Irán, “que supoñen unha violación do dereito e a legalidade internacional. Son unha grave ameaza para a paz na rexión e un perigo para a paz mundial”.

🚫 Condenan o réxime criminal dos aiatolás e o asasinato de miles de persoas nos últimos meses. "Todo o noso apoio ao pobo iranio, en especial ás mulleres, na súa loita pola democracia e a igualdade. É o pobo iranio quen debe decidir o seu futuro”.

👉 Nova completa na páxina web do Concello.

https://www.monfortedelemos.es/gl/novas/2026/representantes-equipo-goberno-monforte-sumanse-concentracions-platafroma-parar-la%20guerra

O Alcalde promove a compostaxe doméstica nun acto dirixido aos escolares de Primaria no que participou o autor dos Bole...
13/03/2026

O Alcalde promove a compostaxe doméstica nun acto dirixido aos escolares de Primaria no que participou o autor dos Bolechas, Pepe Carreiro, que realizou varias láminas en directo.

Arredor de 140 alumnos e alumnas de 1º de Primaria asistiron na Casa da Cultura á presentación do libro “Os composteiros de Monforte”, dos Bolechas.

José Tomé agasallou aos escolares con este libro animándoos a realizar unha recollida do lixo responsable e lembrou que o Concello de Monforte entrega de forma gratuíta composteiros e cubos para a recollida da materia orgánica.

A edición deste libro, que chegará a todos os centros educativos da cidade, forma parte da campaña informativa impulsada polo Concello para mellorar a xestión dos residuos orgánicos e a compostaxe.

👉Máis información sobre a campaña na páxina web do Concello.
https://www.monfortedelemos.es/gl/novas/2026/alcalde-promove-compostaxe-domestica-escolares-primaria-bolechas-pepe-carreiro

O Alcalde informa da reapertura do Parque da Compañía trala reforma integral: “A veciñanza xa pode desfrutar da mellora ...
13/03/2026

O Alcalde informa da reapertura do Parque da Compañía trala reforma integral: “A veciñanza xa pode desfrutar da mellora espectacular dun espazo de referencia en Monforte”.

A reforma integral deste espazo público foi executado pola empresa Calfensa Proyectos S.L., por un importe de 223.832,94€.

Os traballos abarcan unha superficie de 10.025 m² con actuacións tanto nas zonas verdes como nas vías ubicadas ao sur da explanada da Compañía.

Consistiron na substitución do firme do percorrido peonil e do carril bici, instalación de zonas de céspede con rego automático, creación de novos paseos peonís, mellora da iluminación e colocación de novos elementos de mobiliario urbano como bancos, fontes e papeleiras.

Esta actuación ven a completar as melloras que nos últimos anos levou a cabo o Executivo de José Tomé nesta zona emblemática da cidade como foi a renovación do parque infantil, a construción dunha pista de Skate, a mellora da pista polideportiva e a mellora da fonte cibernética da Praza da Compañía.

José Tomé: “Damos un paso máis na importante mellora e transformación deste entorno emblemático no centro urbano da nosa cidade”.

👉 Consulta a nova completa na páxina web do Concello.
https://www.monfortedelemos.es/gl/novas/2026/alcalde-reapertura-parque-compa%C3%B1ia-reforma-integral-mellora-espectacular-espazo-monforte

O Alcalde asiste á obra de teatro “A historia vaxenial”, que pecha o programa organizado polo Concello para conmemorar o...
13/03/2026

O Alcalde asiste á obra de teatro “A historia vaxenial”, que pecha o programa organizado polo Concello para conmemorar o 8M.

🟣 O Edificio Multiusos acolleu este xoves o espectáculo da compañía Artyc Content, que foi gañador do VI Premio Luísa Villalta 2024 a proxectos pola igualdade.

🪻 A función puxo fin a un amplo programa de actividades que incluíu obradoiros educativos, xogos pola igualdade, espectáculos con perspectiva de xénero e, como acto central, a tradicional concentración e lectura do manifesto reivindicativo o pasado domingo 8M.

💟 A mostra “Mulleres con luz propia” que fai un percorrido pola vida e traxectoria de figuras femininas que son referentes da igualdade permanecerá todo o mes de marzo pendurada nas farolas da marxe dereita da Rúa Cardeal, dende a esquina coa Avenida de Galicia ata o final do Paseo da Compañía.

👉 Máis información na páxina web do Concello.
https://www.monfortedelemos.es/gl/novas/2026/alcalde-asiste-teatro-historia-vaxenial-pecha-programa-concello-8m

O Alcalde anuncia a apertura dun novo prazo de solicitude de axudas para realizar obras de mellora da eficiencia enerxét...
12/03/2026

O Alcalde anuncia a apertura dun novo prazo de solicitude de axudas para realizar obras de mellora da eficiencia enerxética en vivendas do Conxunto Histórico e Zonas de Respecto de Monforte de Lemos.

🏘️ A finalidade destas axudas é financiar obras ou actuacións nas que se obteña unha mellora acreditada da eficiencia enerxética, con especial atención á envolvente edificatoria nas construcións de tipoloxía residencial colectiva e nas vivendas unifamiliares.

📅 O prazo da convocatoria finalizou ou 30 de decembro de 2025 sen esgotar o crédito, polo que o Goberno local autoriza un novo prazo que estará aberto desde o primeiro día hábil seguinte á publicación desta convocatoria no BOP ata o 30 de abril de 2026.

👌 A contía das axudas establécese tendo en conta o aforro enerxético obtido coa obra ata un máximo de 21.400€, ampliable en casos de vulnerabilidade económica.

🌿 O Alcalde anima aos veciños e veciñas “a solicitar estas importantes axudas co obxecto de que acometan a rehabilitación das súas vivendas e contribuir a mellorar o confort térmico nos fogares, ao tempo que se reduce o impacto ambiental”.

👉 Máis información e bases, na páxina web do Concello.
https://www.monfortedelemos.es/gl/novas/2026/alcalde-anuncia-apertura-novo-prazo-axudas-mellora-eficiencia-enerxetica-vivendas

🗓️ O Concello continúa coa programación arredor do 8M cunha nova cita co teatro este xoves 12, ás 20.15h, no Edificio Mu...
11/03/2026

🗓️ O Concello continúa coa programación arredor do 8M cunha nova cita co teatro este xoves 12, ás 20.15h, no Edificio Multiusos.

🟣 Artyc Content presenta “A historia vaxenial”, escrita por Raquel Nogueira e Iván Marcos e gañadora do VI Premio Luísa Villalta 2024 a proxectos pola igualdade.

📚 Hoxe remataron os obradoiros educativos organizados pola Concellería de Muller e Igualdade a través do CIM e dirixidos aos centros de Educación Primaria e Secundaria de Monforte.

👉 Máis información na páxina web do Concello

http://monfortedelemos.es/gl/novas/2026/concello-continua-programacion-8m-teatro-xoves-edificio-multiusos

O Concello de Monforte sumouse este mércores á conmemoración do Día Europeo das Vítimas do Terrorismo, establecido pola ...
11/03/2026

O Concello de Monforte sumouse este mércores á conmemoración do Día Europeo das Vítimas do Terrorismo, establecido pola Unión Europea o 11 de marzo, data na que se produciron os tráxicos atentados de Madrid, en 2004.

Deste xeito, o Alcalde de Monforte, José Tomé Roca, a Tenente Alcalde Gloria Prada, os Concelleiros e Concelleiras José Manuel Mougán e Regina López, así como outros membros da Corporación municipal e persoal do Concello concentráronse na mañá deste mércores fronte a fachada da Casa do Concello, ás 12.00 horas, e gardaron un minuto de silencio en apoio e solidariedade coas persoas que se viron afectadas polo terrorismo e como mostra de rexeitamento e condena a todos os actos de barbarie.

O Concello de Monforte súmase así á proposta da FEMP de lembrar ás vítimas do terrorismo nunha data que cobra especial significado no noso país, polo doloroso recordo dos atentados de Madrid.

https://www.monfortedelemos.es/gl/novas/2026/concello-monforte-sumase-minuto-silencio-lembranza-solidariedade-vitimas-terrorismo

🚴‍♀️ O Alcalde, José Tomé, e a Tenente Alcalde, Gloria Prada, asistiron onte en Ribeira á presentación oficial da cuarta...
10/03/2026

🚴‍♀️ O Alcalde, José Tomé, e a Tenente Alcalde, Gloria Prada, asistiron onte en Ribeira á presentación oficial da cuarta edición de La Vuelta Femenina by Carrefour.es, que vaise disputar entre o 3 e o 9 de maio con 7 etapas, unha delas con saída desde Monforte.

📍A cuarta etapa, Monforte de Lemos-Antas de Ulla, iniciará o seu percorrido na Compañía e pasará pola rúa Cardeal, Avenida de Galicia, Ronda María Emilia Casas Baamonde, Doctor Casares e saída da cidade polo Morín.

🎙️José Tomé destacou o alto impacto deportivo e mediático a nivel internacional deste evento: “Terá cobertura en 190 países, incluíndo canais xeneralistas e canais temáticos deportivos, 18 emisoras en directo, 3 axencias de noticias e numerosas páxinas web nacionais e internacionais ”.

🗓️ En breve, o Director Xeral de La Vuelta, Javier Guillén, visitará Monforte para facer, xunto co Alcalde, a presentación en detalle desta etapa.

👉Nova completa na páxina web do Concello.

https://www.monfortedelemos.es/gl/novas/2026/alcalde-ribeira-presentacion-oficial-vuelta-femenina-monforte-saida-4-etapa

Xa está aquí o cartel da XXII Feira Medieval de Monforte!José Tomé deu a coñecer hoxe o deseño, unha proposta “moi poten...
09/03/2026

Xa está aquí o cartel da XXII Feira Medieval de Monforte!

José Tomé deu a coñecer hoxe o deseño, unha proposta “moi potente que realza a identidade medieval de Monforte".

O cartel presenta un guerreiro coa cabeza inclinada, que agarra con forza e firmeza a súa espada e loce na vestimenta un escudo de Monforte nunha versión medieval.

“Un cartel sobrio e solemne, con moita forza e moi potente, que transmite a posibilidade de vivir un evento especial e único en Monforte”, destacou Tomé.

O Alcalde avanzou tamén que o Mercado para a Medieval terá lugar no recinto expositivo da Praza de Abastos os días 21 e 22 de marzo, con 12 expositores, desfile de traxes medievais e concurso de repostería.

👉 Nova completa na páxina web do Concello.

https://www.monfortedelemos.es/gl/novas/2026/alcalde-presenta-cartel-xxii-feira-medieval-potente-realza-identidade-monforte

O Concello conmemora o 8M cunha homenaxe ás traballadoras municipais, “que coa súa labor diaria garanten servizos públic...
08/03/2026

O Concello conmemora o 8M cunha homenaxe ás traballadoras municipais, “que coa súa labor diaria garanten servizos públicos de calidade para todas as monfortinas e monfortinos”.

💜 A Praza da Compañía, diante das Casitas, acolleu a concentración e lectura do Manifesto a cargo da Concelleira de Muller e Igualdade, Regina López.

🙌 O Equipo de Goberno traslada o agradecemento á sociedade monfortina pola masiva afluencia ao acto central do 8M, a máis numerosa dos últimos anos.

🕯️ Tralo acto, a Concelleira presentou exposición “Mulleres con luz propia” instalada nas farolas da marxe dereita do Cardeal e Paseo da Compañía. A mostra fai un percorrido pola vida e traxectoria de figuras femininas que son referentes na defensa da igualdade, entre elas a xurista monfortina María Emilia Casas Baamonde.

🪻 Os actos conmemorativos do 8M continúan hoxe pola tarde cun Escape Room pola igualdade dirixido á xuventude e familias nos Mercados da Praza de Abastos, e o espectáculo na Casa de Cultura para o público infantil “Circo na casa”, no que se traballarán os estereotipos de xénero.

🟣 A Torre da Homenaxe iluminarase hoxe en cor violeta para conmemorar esta data. Así mesmo, as actividades de sensibilización e concienciación en torno ao 8M continuarán durante a vindeira semana con obradoiros educativos e teatro.

👉 Todas as actividades do 8M, na web do Concello.

https://www.monfortedelemos.es/gl/novas/2026/concello-conmemora-8m-homenaxe-traballadoras-municipais-labor-diaria-garanten-servizos-publicos-calidade

Dirección

Campo De Santo Antonio S/n
Monforte De Lemos
27400

Página web

Notificaciones

Sé el primero en enterarse y déjanos enviarle un correo electrónico cuando Concello de Monforte de Lemos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram