Concello de Monforte de Lemos

Casa
España
Monforte de Lemos
Concello de Monforte de Lemos

Monforte, cidade monumental e de servizos ¿Sabía que o chamado Escorial de Galicia está en Monforte?

Esta é unha das moitas sorpresas que lle agardan aquí, porque Monforte é unha cidade con importantes monumentos, museos e centros de interese, ademáis de hoteis, restaurantes, taperías, tendas e lugares para relaxarse despois dun día de excursións. Aquí encontrará tamén con facilidade, servizos que pode precisar durante as súas vacacións: bancos, hospital, farmacias, librarías, cine, tren, autobuses, etc. Ademais Monforte é a capital da Ribeira Sacra, un paraíso no interior de Galicia que merece a pena descubrir.

25/01/2026

O Alcalde de Monforte, José Tomé, asistiu este domingo ao partido de Primera Federación (antiga 2ª B) que se disputou no Campo Municipal de A Pinguela entre o Ourense CF e o CP Cacereño e que finalizou cun resultado de 0-1.

O rexedor estivo acompañado polos Concelleiros de Deportes, José Manuel Mougán, e de Muller e Igualdade, Margarita López, así como dos presidentes do Club Lemos, Antonio López, e do CF Ourense, Camilo Díaz, ademais doutros membros das directivas de ambos clubs e representantes do Concello de Ourense. Antes do inicio, gardouse un minuto de silencio en memoria das vítimas do accidente ferroviario de Adamuz.

O partido xogouse nas instalacións monfortinas a petición do Ourense CF, xa que o campo do Couto, na cidade das Burgas, atópase actualmente en obras para a renovación do céspede.

En agradecemento a esta colaboración, o presidente do CF Ourense, Camilo Díaz, e o Director Xerente do equipo, Javier Quiroga, entregáronlle ao Alcalde monfortino e ao Presidente do Club Lemos, senllos trofeos conmemorativos deste partido.

👉Máis información na web do Concello.

https://www.monfortedelemos.es/gl/novas/2026/alcalde-asiste-partido-ourense-cf-cp-cacereno-primera-federacion-disputado-apoio-afeccion-campo-municipal-pinguela

24/01/2026

O Alcalde de Monforte, José Tomé Roca, entregou na mañá deste sábado, 24 de xaneiro, as medallas aos gañadores do Campionato Galego de Técnica e Freestyle de Taekwondo que tivo lugar no Pavillón Polideportivo Municipal de A Pinguela e no que o Club Neka de Monforte proclamouse campeón absoluto de Galicia, distinción que acada por terceiro ano consecutivo.

O campionato, no que participan deportistas desde 12 anos de idade, reuniu en Monforte arredor de 200 taekwondistas procedentes de toda Galicia. Trátase dun evento de moita relevancia neste deporte, xa que os gañadores pasan a formar parte da Selección Galega de Taekwondo e poderán participar en eventos de ámbito nacional.

Entre eles, o Campeonato de España que se celebrará o vindeiro 21 de febreiro en Sevilla, puntuable para competir no mundial que se disputará en Corea no mes de setembro deste ano.

O Concello de Monforte foi un dos principais patrocinadores deste evento deportivo coa aportación dos trofeos, o traslado dos tapices e a cesión do Pavillón Polideportivo Municipal de A Pinguela. O director deporitivo do Ximnasio Neka, José María Vega, agradeceu esta colaboración fundamental para que Monforte poida acoller un evento deportivo destas características.

👉Máis información na web do Concello.

https://www.monfortedelemos.es/gl/novas/2026/alcalde-entrega-medallas-ganadores-campionato-galego-taekwondo-reuniu-arredor-200-deportistas-monforte

24/01/2026

O Alcalde informa do aumento das licenzas de obra concedidas en 2025: “Unha boa mostra do impulso da actividade económica na nosa cidade”.

-A Xunta de Goberno Local do Concello aprobou ao longo de 2025 un total de 609 licenzas, 69 máis que en 2024, o que se traduce nun 12,7% no cómputo global que inclúe tanto as licenzas de obra como as comunicacións previas e os informes.

-O maior incremento prodúcese nas obras de rehabilitación integral, principalmente no centro histórico, cunha subida do 75% respecto ao 2024.

-A obra nova medra un 43,75%, con 23 licenzas concedidas fronte ás 16 de 2024. Unha vintena corresponden a edificacións de nova planta, e 3 son no polígono industrial ou de explotacións gandeiras.

-José Tomé: “Estes datos son unha boa mostra do impulso da actividade económica na nosa cidade e, polo tanto, da creación emprego”.

👉Mais información, na web do Concello.

https://www.monfortedelemos.es/gl/novas/2026/alcalde-informa-aumento-licenzas-obra-2025-mostra-impulso-actividade-economica-cidade

23/01/2026

O Alcalde de Monforte, José Tomé Roca, e a Tenente Alcalde, Gloria Prada, asistiron esta mañá en FITUR a presentación da campaña turística da Deputación de Lugo 'Provincia de Lugo, Reserva Natural', unha iniciativa que aposta pola riqueza natural do territorio como eixo dun modelo turístico sostible, no que o Concello de Monforte, capital da Ribeira Sacra, ten moito que aportar.

A presentación desta campaña, a cargo da presidenta da Deputación de Lugo, Carmela López, e o cineasta Óliver Laxe, tivo lugar no expositor de Galicia, e contou coa asistencia de outros representantes da institución provincial, así como Alcaldes e Alcaldesas da provincia de Lugo. Na súa intervención, Carmela López puxo en valor a aposta por “un modelo de turismo de calidade, de equilibrio co territorio e de compromiso cos seus habitantes”.

Unha aposta na que concorda o Alcalde de Monforte, que reafirma o seu compromiso cun “turismo sostible, de calidade e de experiencias, que poña en valor o noso rico patrimonio natural”.

https://www.monfortedelemos.es/gl/novas/2026/alcalde-participa-fitur-presentacion-provincia-lugo-reserva-natural-impulsada-diputacion-lugo

23/01/2026

O Alcalde de Monforte, José Tomé Roca, acompañado pola Tenente Alcalde, Gloria Prada, participou hoxe no acto oficial de traspaso de Presidencia da Red de Juderías de España-Caminos de Sefarad, que se celebrou na Feira Internacional de Turismo (FITUR), en Madrid.

O cambio na presidencia, exercida durante 2025 polo Alcalde de Ribadavia, César Fernández Gil, deixa a responsabilidade deste cargo durante o 2026 no rexedor da cidade de Segovia, José Mazairas. Por este motivo, o acto desenvolveuse no pavillón de Castilla y León.

O Alcalde monfortino, que recibiu unha figura da Red de Juderías como agasallo, felicitou ao novo presidente e desexoulle o mellor nesta nova etapa. Cabe recordar que Monforte de Lemos foi o primeiro concello galego en ostentar dita presidencia, que exerceu o propio José Tomé no ano 2023.

https://www.monfortedelemos.es/gl/novas/2026/alcalde-tenente-alcalde-monforte-participan-fitur-traspaso-presidencia-red-juderias-espa%C3%B1a

22/01/2026

Ante os avisos da Agencia Estatal de Meteorología (Aemet), e de Meteogalicia diante dun fenómeno meteorolóxico adverso de nivel Laranxa por neve que afectará este venres, 23 de xaneiro, a gran parte do territorio galego, incluído o sur da provincia de Lugo, o Concello de Monforte suspende a actividade na Gardería Infantil Municipal e no Conservatorio Municipal de Música ‘Mestre Ibáñez’ durante toda a xornada, e pechará os parques infantís de maneira provisional mentres duren as alertas.

O decreto asinado polo Alcalde, José Tomé, fai referencia a senllos avisos diante da chegada da borrasca Ingrid que son de nivel Laranxa para toda a provincia de Ourense, Lugo (zonas Montaña, Sur e Centro) e Pontevedra (interior), e de nivel Vermello por fenómenos costeiros en Coruña (Noroeste, Oeste e Suroeste), Lugo (A Mariña) e Pontevedra (Rías Baixas e Miño).

Debido a este temporal, a Comisión Escolar de Alertas acordou a suspensión de clases e transporte escolar na xornada do 23 de xaneiro nas zonas con aviso laranxa, e a suspensión da actividade no exterior nas zonas con aviso Vermello.

https://www.monfortedelemos.es/gl/novas/2026/concello-suspende-venres-23-actividade-garderia-infantil-municipal-conservatorio-musica-pecha-parques-meteoroloxia-adversa

22/01/2026

O Concello de Monforte informa do corte da rúa Julio Camba que se vai producir mañá venres, 23 de xaneiro, desde as 9.00 horas da mañá, por motivo das obras de edificación que se executan nun solar desta vía.

Desde primeira hora da mañá, e cunha previsión de que os traballos se estendan por un período de 4 horas, os accesos por esta rúa estarán cerrados, polo que se permitirá a circulación alternativa polo tramo peonil de Doutor Teixeiro entrando desde Roberto Baamonde (Os Chaos) ata a Praza de Abastos e rúa Inés de Castro.

https://www.monfortedelemos.es/gl/novas/2026/concello-informa-debido-obras-edificacion-solar-julio-camba-pechada-trafico-acceso-alternativo-doutor-teixeiro

21/01/2026

O Alcalde de Monforte e os presidentes do Club Lemos e Ourense CF presentan o partido de Primera Federación que acollerá o campo municipal de A Pinguela este domingo 25, ás 16.00 horas.

-O equipo ourensano enfróntase ao Cacereño e solicitou as instalacións monfortinas porque o campo de O Couto, na cidade das Burgas, atópase en obras de renovación do céspede.

-A Xunta de Goberno Local de Monforte deu luz verde o pasado luns 19 á utilización do campo monfortino, que cumpre coas esixencias da Federación Española de Fútbol para esta categoría, a antiga 2ª B.

-O Alcalde, José Tomé, puxo en valor a relevancia que supón a celebración deste encontro na cidade do Cabe que, ademais, será televisado: “A elección deste campo por parte dun equipo de primeiro nivel como o Ourense CF da conta das excelentes instalacións que temos en Monforte”.

👉Mais información na web do Concello de Monforte.
https://www.monfortedelemos.es/gl/novas/2026/alcalde-monforte-presidentes-lemos-ourense-cf-presentan-partido-primera-federacion-acollera-campo-municipal-pinguela-domingo

19/01/2026

O Alcalde de Monforte, José Tomé, informa da apertura do prazo de inscrición nos diferentes concursos do Entroido 2026. A Xunta de Goberno Local aprobou este luns, en sesión ordinaria, as bases dos tres certames tradicionais nestas festas: Xoves de Compadres, Xoves de Comadres e Desfile de comparsas e disfraces o Martes de Entroido.

Os interesados en participar poderán formalizar as súas inscricións desde este martes, 20 de febreiro. Ditas bases e os formularios de inscrición están publicados na páxina web do Concello. A partida destinada a estes premios ascende a un total de 25.000€.

O primeiro dos eventos festivos programados é o concurso do Xoves de Compadres, o 5 de febreiro. Unha semana máis tarde, o 12 de febreiro, a cidade do Cabe acollerá outra das citas imprescindibles destas datas, o Xoves de Comadres.

O gran Desfile de comparsas e disfraces do Martes de Entroido celebrarase o 17 de febreiro, e o mércores 18 pecharase o calendario festivo co tradicional Enterro da Sardiña.

👉Máis información na web do Concello de Monforte de Lemos

https://www.monfortedelemos.es/gl/novas/2026/alcalde-informa-apertura-prazo-inscricion-diferentes-concursos-entroido-2026-repartiran-25000-euros-premios

19/01/2026

O Alcalde de Monforte, José Tomé Roca, presidiu hoxe o minuto de silencio en memoria das vítimas mortais e en solidariedade cos afectados polo tráxico accidente ferroviario acontecido na noite do pasado domingo en Adamuz (Córdoba). O acto tivo lugar ás 12.00 horas diante da Casa Consistorial e participaron diversos membros da Corporación municipal e traballadores e traballadoras do Concello.

O Concello de Monforte de Lemos súmase con esta homenaxe ao minuto de silencio convocado pola Federación Española de Municipios e Provincias (FEMP) en sinal de condolencia polas vítimas mortais do terrible sinistro e de solidariedade coas persoas feridas e as familias dos afectados. Con este xesto, o Concello agradece tamén a labor dos servizos médicos e de emerxencia que actuaron no lugar do accidente e os xestos solidarios da xente que está a axudar aos afectados.

https://www.monfortedelemos.es/gl/novas/2026/concello-monforte-sumase-minuto-silencio-vitimas-afectados-accidente-ferroviario-adamuz

14/01/2026

O Concello de Monforte informa de cortes de tráfico que se producirán este fin de semana para a realización de obras de reparación de danos no firme das rúas Doutor Teixeiro e Doutor Casares da cidade. Os traballos executaranse o sábado 17 e domingo 18 do presente mes, polo que se fai necesario pechar o tráfico nas dúas vías afectadas.

No caso da rúa Doutor Teixeiro, o tramo afectado é o comprendido entre o enlace da rúa Julio Camba coa Praza de Abastos, polo que estará pechado o sábado desde ás 15.00 horas e o domingo todo o día.

Os traballos na rúa Doutor Casares realizaranse no tramo comprendido entre o inicio da vía na Praza de Doutor Goyanes e o enlace co Paseo do Malecón. As obras comezarán na mañá do sábado, polo que a rúa estará pechada ao tráfico desde as 9.00 horas do sábado e o domingo todo o día. Durante este horario non se poderá acceder nin saír dos garaxes que existan no tramo afectado.

Na Praza de Doutor Goyanes permitirase o paso dos vehículos que teñan autorización para circular polas rúas peonís cando pretendan acceder ás rúas Abelardo Baanante, Comercio e Armando Cotarelo, e sempre exclusivamente no tramo horario en que teñan autorizado.

Máis información sobre os accesos alternativos na web do Concello.

https://www.monfortedelemos.es/gl/novas/2026/concello-informa%20-cortes-trafico-fin-semana-ruas-doutor-casares-teixeiro-obras-reparacion-firme

12/01/2026

O Concello de Monforte mantén a súa aposta polas artes escénicas coa programación de 7 espectáculos no primeiro semestre deste ano.

-Desenvolverase entre os meses de xaneiro e abril no Edificio Multiusos cun prezo de entrada de 5€ para o público xeral e de 3€ para menores, estudantes, desempregados e xubilados.

-A programación arranca o vindeiro 29 de xaneiro coa obra “O proceso”, a cargo da compañía Malasombra. Escrita e dirixida por Cándido Pazó, preséntase como un sainete cómico que rememora uns feitos históricos acaecidos en 1880, cando o escritor Manuel Curros Enríquez foi denunciado polo bispo de Ourense por uns poemas do seu libro “Aires da miña terra”.

https://www.monfortedelemos.es/gl/novas/2025/concello-manten-aposta-artes-escenicas-programacion-espectaculos-primeiro-semestre-ano

Dirección

Campo De Santo Antonio S/n
Monforte De Lemos
27400

Página web

http://www.monfortedelemos.es/

Notificaciones

Sé el primero en enterarse y déjanos enviarle un correo electrónico cuando Concello de Monforte de Lemos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

¿Quieres que tu consultorio sea el Clínica mas cotizado en Monforte de Lemos?

25/01/2026

24/01/2026

24/01/2026

23/01/2026

23/01/2026

22/01/2026

22/01/2026

21/01/2026

19/01/2026

19/01/2026

14/01/2026

12/01/2026

Dirección

Página web

Notificaciones

Atajos

Compartir