¿Qué es el sitio web?

https://www.facebook.com/226601587472437/

BBTTA

GRUPO DE APOIO Á LACTACIÓN MATERNA

BBTTA é un grupo de apoio á Lactación Materna fundado en Narón (Xuño de 2005) coa intención de proporcionar información e apoio a aquelas nais que queiran aleitar ós seus fillos. Axudamos a resolver calquera dúbida ou problema, ademais de fomentar a Lactación Materna e informar da súa importancia e beneficios na alimentación dos nosos fillos.

27/01/2026

Ser nai é vivir moitas primeiras veces… tamén moitos pequenos sustos.

📅 28/01/26 Alicia García Cabezón de coa Conferencia: "Primeiros auxilios na infancia"
📅 Mércores 28 de xaneiro
🕔 17:00–19:00
📍Local Social do Alto do Castiñeiro
Rúa Manoel Antonio, 9

🔊🔊🔊🔊🔊Coincidindo coa Reunión de Lactación desta semana

Situacións cotiás que, sen previo aviso, poden converterse en momentos de tensión: unha febre pola noite, un atrago coa comida, un golpe xogando. Momentos nos que a nosa resposta emocional inflúe directamente no benestar da crianza.

En BBTTA cremos que formarnos é unha maneira de acompañar mellor. De pasar da incerteza á seguridade, do estrés á calma. Non para controlalo todo, senón para saber como actuar cando algo sucede.

Esta charla é unha oportunidade para informarse, preguntar e adquirir coñecementos que nos acompañarán durante moito tempo.

Un espazo para aprender, compartir e sentirnos máis preparadas.

Inscricións abertas no correo:
bbttarrss@gmail.com
Prazas limitadas.
Non deixes de asistir

25/01/2026

IX Curso de Asesoría en Lactación Materna BBTTA

Este ano celebramos a novena edición dun dos cursos de asesoría en lactación máis recoñecidos de Galicia. Unha formación intensa, profunda e rigorosa, dirixida a mulleres e profesionais que queren acompañar a lactación con coñecemento científico actualizado, desde o respecto e responsabilidade.

Impartindo este curso hai mulleres que levan anos acompañando lactacións, sostendo nais e díadas e formándose sen descanso: tres IBCLC´s, unha logopeda, unha pediatra, tres matronas, unha psicóloga e asesoras que unen ciencia, experiencia e compromiso. Un equipo docente que non só sabe, senón que coida.

Hoxe queríamos contarvos un pouquiño do noso Curso:
✔ Formación teórica e práctica
✔ Baseada en evidencia científica actualizada
✔ Con enfoque rigoroso, pero tamén sensible e feminista
✔ Máis de centos de asesoras e sanitarias formadas

Non é un curso máis.
É unha formación que marca un antes e un despois.

Accede a máis info a través do código QR e sigue atenta ás publicacións.

📆 28 Marzo de 10 a 14
11 Abril de 10 a 14
25 Abril de 10 a 14
16 Maio de 10 a 14 e de 16 a 20
30 Maio de 10 a 14 e de 16 a 20

📍 Presencial (No Hospital Naval. Área Sanitaria de Ferrol)

📩 Para máis información e inscricións: bbttacurso2026@gmail.com

23/01/2026

Ser nai é vivir moitas primeiras veces… tamén moitos pequenos sustos.

📅 28/01/26 Alicia García Cabezón de coa Conferencia: "Primeiros auxilios na infancia"
🕔 17:00 – 19:00
📍Local Social do Alto do Castiñeiro
Rúa Manoel Antonio, 9

Situacións cotiás que, sen previo aviso, poden converterse en momentos de tensión: unha febre pola noite, un atrago coa comida, un golpe xogando. Momentos nos que a nosa resposta emocional inflúe directamente no benestar da crianza.

En BBTTA cremos que ter información proporciona a opción dun acompañamento máis consciente. Neste caso para pasar da incerteza á seguridade, do estrés á calma. Non para controlalo todo, senón para saber como actuar cando algo sucede.

Esta Conferencia a é unha oportunidade para informarse, preguntar e adquirir coñecementos que nos acompañarán durante moito tempo.

Un espazo para informarse, compartir e sentirnos máis preparadas.

Inscricións abertas no correo:
bbttarrss@gmail.com
Prazas limitadas.
Non deixes de asistir

#2026❤️

20/01/2026

BBTTA no só é solventar problemas e/ou dúbidas. BBTTA é tribo

Os GALM son iniciados por nais e son elas, quenes dirixen as reunións. En BBTTA as que coordinan están formadas en Asesoría de Lactación, a través dos cursos da propia Entidade.

Nestas reunións, tanto as nais máis experimentadas como as novas, comparten a información e as vivencias propias, e anímanse a expresar as súas inquedanzas e dúbidas.

O obxetivo dos GALM é xerar un clima no que se apoie a lactación materna e se proporcionen os coñecementos prácticos e técnicos precisos para practicar unha lactación exitosa.

Trátase de ofrecer un espazo no que as nais se sintan protagonistas, un lugar seguro para que teñan a confianza de expresar as súas dificultades e dúbidas, compartindo información actual e veraz acerca da LM. De xeito que se disminúa a diseminación de información e de prácticas incorrectas.

Os GALM, ademais brindan un importante apoio emocional ás nais, propiciándolles a confianza necesaria na súa habilidade para amamantar e para a toma das súas decisións. A participación das nais ofrécelles a oportunidade de crear vínculos con outras nais, creando a rede de apoio, a súa propia tribo, tan precisa nesta etapa na que se sinten tan vulnerables...

Esperámosvos mañá a partir das 17 no Local Social o Alto do Castiñeiro. Non faltedes, a vosa tribo vos espera... 😍😍😍

Ademáis presentámosvos a axenda das actividades do primeiro semestre do 2026 programadas para acompañarvos nesta fermosa etapa que estades a transitar

15/01/2026

💜 Grazas. Grazas. Grazas. 💜

Onte vivimos algo moi especial.
A conferencia “Nutrindo o vínculo. Preparándonos para a lactación”de Aliana Corral foi moito máis ca unha charla: foi encontro, foi tribo, foi emoción e foi coñecemento compartido dende o corazón.

Queremos agradecer profundamente a todas as mulleres que viñestes, algunhas incluso dende lugares ben afastados, para acompañarnos nesta tarde tan necesaria. Viñeron mulleres embarazadas, viñeron socias que levan anos compartindo vida con BBTTA, viñeron mulleres con ganas de informarse, de escoitar e de sentirse acompañadas. E xuntas fixemos algo fermoso.

, xunto cunha matrona marabillosa .paco , ofreceu unha conferencia chea de contido, de ferramentas útiles e de información valiosa. Non se deixaron nada no tinteiro. Falouse con honestidade, con sensibilidade e con moita verdade sobre a lactación, sobre o inicio, sobre as dificultades e sobre a importancia de chegar informadas e sostidas a este momento tan transcendental.

Foi unha conferencia que falou á cabeza, pero sobre todo ao corazón.
Un espazo creado para sumar, para ofrecer ferramentas e sostén. Un espazo para coidar.
Un recordatorio de que as mulleres merecemos información de calidade e acompañamento real.

Grazas por confiar, por estar, por facer tribo.
Grazas por demostrar que cando se crean espazos seguros, as mulleres responden.

Seguimos. Xuntas. Sempre. 🤍

13/01/2026

O importante non remata no parto
📅 14/01/26
🕒 De 17:15 a 19:15
📍 Biblioteca Municipal de Narón
Coincidindo coa reunión de Lactación dos mércores

Falannos e falamos moito do embarazo e do parto.
Pero… que pasa despois?

Estamos, de verdade, preparadas para o que vén cando chegamos á casa cunha criatura nos brazos. Para as dúbidas, o cansazo, as emocións contraditorias. Para a lactación. Para sentir que non sabemos se o estamos facendo ben.

A lactación, actualmente, non é instinto sen máis. É aprendizaxe, acompañamento e sostén.

Prepararse para ela non é adiantarse, é coidarse.
Vir a esta conferencia non é perder o tempo, é gañar tranquilidade, confianza e ferramentas reais.

💜 Aliana Corral 💜 acompáñanos nun encontro honesto, próximo e cheo de coñecemento, onde nos falará do que importa de verdade:
Como empezar
Por que ás veces doe (como evitalo e corrixilo)
Por que os primeiros días son clave
Por que non deberiamos transitar isto soas.

Porque criar en tribo cambia todo. Porque mereces información e apoio antes de necesitalos. Porque cando chega o momento, agradeces non estar soa.

Este espazo é para ti. Para escoitar, preguntar, compartir e sentirte acompañada.

💌 Inscricións: bbttarrss@gmail.com
💜 Aquí estamos. Para ti. Con tempo. Con coidado.

12/01/2026

En BBTTA sabemos que a tranquilidade coa que nos enfrontamos ás situacións marca a diferenza.

Alicia García Cabezón de e matrona do CHUF, ofrécenos a Conferencia: "Primeiros auxilios na infancia"

📅 Mércores 28 de xaneiro
🕔 17:00 – 19:00
📍 Local Social do Alto do Castiñeiro
Rúa Manoel Antonio, 9

Cando coidamos crianzas, non todo é previsible. Hai momentos de dúbida, de susto, de non saber se estamos facendo o correcto. E sabemos tamén que non é o mesmo vivir esas situacións desde o medo que desde a calma.

Moitas de nós xa pasamos por febres que non baixan, pequenos atragantamentos, caídas ou situacións que nos activaron por completo, deixándonos en estado de alarma durante un tempiño. E precisamente por esa experiencia compartida, xorde a necesidade de crear espazos onde escoitar información veraz e actual, onde adquirir ferramentas reais, prácticas, que nos axuden a sentirnos máis seguras.

Por iso organizamos esta conferencia sobre primeiros auxilios na infancia, da man dunha profesional excepcionalmente formada e cualificada neste ámbito, porque ela é Experta en Emerxencias Prehospitalarias. Pero ademáis, é unha muller que sabe xerar un ambiente acolledor, próximo, libre de xuízos... proporcionando como ninguén a información moi moi clariña.

Porque informarse tamén é unha forma de coidar.

Inscricións abertas no correo:
bbttarrss@gmail.com
Prazas limitadas.
Non deixes de asistir

11/01/2026

Cando máis o precisas, é cando menos che contan
📅 14/01/26
🕒 De 17:15 a 19:15
📍 Biblioteca Municipal de Narón

Hai cousas que ninguén che conta ata que xa estás aí.
Co peito cheo, a criatura chorando, o corpo esgotado… e a sensación de “isto non era así como mo imaxinaba”.

A sociedade prepáranos para o embarazo.
Prepáranos para o parto.
Pero deixa moi soas ás nais no inicio da lactación.

Esta conferencia existe para cambiar iso. Para que saibas que:

dar de mamar non ten por que doer
que as dificultades teñen explicación
que pedir axuda non é fracasar
que informarse antes marca a diferenza.

💜 💜 acompáñanos cunha mirada respectuosa, real e amorosa, para falar de lactación sen xuízos, sen presións e con moita verdade.

Vir é regalarche un espazo seguro.
Vir é crear tribo antes de precisala.
Vir é dicir: “eu tamén importo neste proceso”.

Se estás embarazada, se pensas estarlo, ou se simplemente sentes que queres chegar máis preparada, este encontro é para ti.

💌 Inscríbete en: bbttarrss@gmail.com
🤍 Porque acompañadas é máis doado.
🤍 Porque xuntas, sempre é mellor.

09/01/2026

Ven construír tribo nas nosas reunións de lactación

📅 Os mércores a partir do 14/01
📍 O día 14 será na Biblioteca Municipal de Narón
Coincidindo coa Conferencia de
"Nutrindo o vínculo. Preparándonos para a lactación"
Rúa 25 de Xullo s/n

Os mércores temos un encontro moi especial para nais, embarazadas e as familias que queren apoiar a lactación. Un espazo seguro para compartir experiencias, resolver dúbidas e sentir que non estás soa neste camiño.

A lactación non é só alimento: é vínculo, emoción e tamén comunidade. Participar nas nosas reunións é entrar nunha tribo, onde cada conversa, cada sorriso e cada historia compartida contribúe á túa confianza e benestar.

Aquí atoparás:
* Respostas prácticas ás túas dúbidas sobre lactación.
* Experiencias reais de outras nais que viven situacións semellantes.
* Apoio emocional que fortalece o teu día a día.

Non subestimes o poder de sentirse acompañada: compartir momentos, medos e ledicias coas demais mulleres mellora a calidade de vida e fai que a lactación e a maternidade se vivan con máis seguridade.

Únete á tribo, comparte, infórmate e síntete apoiada. A túa presenza é importante, e xuntas facemos máis forte a comunidade.

08/01/2026

📅 14/01/2026
Aliana Corral coa Conferencia: "Nutrindo o vínculo. Preparándonos para a lactación"
🕒 De 17:15 a 19:15
📍Biblioteca Municipal de Narón
Rúa 25 de Xullo s/n

Estamos emocionadas de invitarvos á Conferencia que vai impartir a nosa queridísima 💜Aliana Corral💜: "Nutrindo o vínculo. Preparándonos para a lactación". Será un espazo creado especialmente para vós, onde poderedes informarvos e compartir sobre un dos momentos máis fermosos e significativos da maternidade: a lactación.

Escoitar a Aliana falando de lactación é un auténtico luxazo. Nesta conferencia compartirá o seu amplísimo coñecemento, e abordará aspectos esenciais para o benestar da díada:

✨ Tipos de parto: Coñece como poden influir na túa experiencia de lactación.
✨ Comezando con bo pé: Consellos prácticos para iniciar a lactación de maneira positiva.
✨ Desmitificando a dor: ¡Dar de mamar non ten que doer! Contarache como.
✨ A importancia dos primeiros días: Descubre por que son cruciais para ti e para a túa criatura.

Este será un bo momento para resolver as túas dúbidas e conectar con outras nais que están na mesma etapa. Ven a nutrir o teu coñecemento e fortalecer o vínculo coa túa crianza.

¡Esperámosvos cos brazos abertos!

Non perdas as nosas próximas publicacións nas que compartiremos máis información desta conferencia.

Están as inscriccións abertas, no noso correo bbttarrss@gmail.com

05/01/2026

Presentámosvos as actividades programadas para acompañarvos nesta fermosa etapa que estades a transitar

🗓️ Reunións de lactación: Os mércoles, agás en vacacións escolares. Espazo para facer tribo, compartir experiencias, resolver dúbidas e apoiarnos mutuamente

🤰🏽🤱🏽 Xaneiro
📅 14/01/26 coa Conferencia: "Nutrindo o vínculo. Preparándonos para a lactación". Creada especialmente para vós, onde informarvos e compartir sobre un dos momentos máis fermosos e significativos da maternidade: a lactación
🕒 De 17:15 a 19:15 Na sala da Biblioteca de Narón
Abrimos xa inscriccións, no correo bbttarrss@gmail.com

📅 28/01/26 Alicia García Cabezón de e matrona do CHUF. Conferencia: "Primeiros auxilios na infancia" Aportaranos información e ferramentas sobre coidados do cordón, atragantamentos, febre, insolación, corte de dixestión ...
🕒 De 17:00 a 19:00 No Local Social do Alto do Castiñeiro

🛠️ Febreiro
📅 11/02/26 Nais temos preparado un Obradoiro de Masaxe Infantil, impartido por Isaura a nosa amadísma matrona á par que co-fundadora de BBTTA

🗣️ Marzo
📅 21/03/26 Temos a inmensísima sorte de que nos visite .psi Gabriella Bianco é unha profesional de referencia e unha das voces máis relevantes no ámbito da psicoloxía perinatal, que nos achegará unha mirada profunda e amable sobre o impacto dos procesos de embarazo, parto e posparto, e que todas as nais, futuras nais e persoal sanitario deberían coñecer

En abril e maio mergullámonos nun dos cursos de asesoría en lactación máis prestixiosos de Galicia. Unha formación de referencia onde xa se formaron centos de asesoras e sanitarias. Abrimos unha nova edición sendo conscientes de que a nosa é unha formación que marca un antes e un despois. Motivo polo que o organizamos con un gran sentido da responsabilidade

A de Xuño está en proceso e será igual de interesante que as anteriores. Esperamos poder contarvos en breve de que se trata

Están programadas con moita ilusión. Son oportunidadesbpara informarnos, formarnos, compartir e facer esa tan precisa rede de apoio. ¡Esperámovos cos brazos abertos!

¡Xuntas facemos a diferenza!

31/12/2025

No 2026 BBTTA seguirá comprometida e traballando a prol de que as atencións e os coidados á díada estén no centro. Este ano comezamos co videoforum Matronas e queremos rematalo mostrando o noso apoio ao Grao de Matrona (compartimos nas historias os enlaces para fimar a título persoal e o de apoio como Asociación)

As matronas levan séculos coidando da vida. E levan séculos tendo que xustificar o seu lugar

Moito antes de que existise a enfermaría como titulación universitaria, as matronas xa se formaban, xa eran examinadas e xa eran reguladas polo Estado. No século XVIII esixíaselles superar probas oficiais para poder exercer, e en 1843, co Plan Mata, iniciouse a súa incorporación á universidade. A Lei de Instrución Pública de 1857 elevou os estudos de matrona a rango universitario, nas Facultades de Medicina. Foron, as primeiras mulleres en acceder de maneira oficial á universidade

Pero nunca lles deixaron camiñar soas. A súa formación estivo á sombra doutras: primeiro baixo o control médico, despois absorbidas por estruturas alleas, perdendo autonomía, competencias e recoñecemento. Un saber propio, baseado na evidencia, na experiencia e no acompañamento ás mulleres, foi sistematicamente relegado a un papel auxiliar

Hoxe, cando a evidencia científica as recoñece como as máis axeitadas para o coidado da saúde sexual e reprodutiva das mulleres e das súas crianzas, seguimos asistindo á súa invisibilización: faltan matronas, sobran ratios inasumibles, e cuestionase de novo a súa identidade profesional

Por iso a través de apoiamos a petición da :precisan un grao universitario propio, independente, que recoñeza a súa especificidade, a súa responsabilidade e o seu papel esencial no sistema sanitario

Porque cando se recorta en matronas, recórtase na liberdade, na dignidade e no coidado das díadas. E iso é Violencia Obstétrica

Non son un complemento. Son profesión, ciencia, son historia viva. E merecen o lugar que lles corresponde

Dirección

Local Social Da Gándara, Cuatro Caminos S/n
Narón
15570

Horario de Apertura

17:00 - 19:00

Teléfono

680113845

Página web

facebook.com

Notificaciones

Sé el primero en enterarse y déjanos enviarle un correo electrónico cuando BBTTA publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto El Consultorio

Enviar un mensaje a BBTTA:

Atajos

Dirección
Teléfono
Horario de Apertura
Notificaciones
Contacto El Consultorio
Reclamar la propiedad
o informar el listado

¿Quieres que tu consultorio sea el Clínica mas cotizado en Narón?