11/12/2025
🍴🦼QUÉ É UN PRODUTO DE APOIO?🍴🦼
Un produto de apoio é calquera obxecto, dispositivo ou software que utilicemos que nos axude a ser máis autónomos e independentes nas nosas actividades da vida diaria.
Existen moitos tipos de produtos de apoio: de mobilidade 🦽 (cadeiras de rodas, andadores, guindastres, etc.), de alimentación 🍴 (cubertos adaptados, material antiescorregadizo, etc.), de vestido 👕 (abrochabotóns, calzador, etc.), de hixiene persoal e ducha🚿 (cadeira ou banco de ducha, asideros, etc.), de comunicación📱(sistemas aumentativos e alternativos de comunicación) ou mesmo de cociña 🍳 (abrebotes, peladores, táboa de cociña adaptada, etc.)
Dende hai uns meses, dende Dano Cerebral Galicia🧠, crearon un servizo de asesoramento e prescrición de produtos de apoio (SAPPA). Este recurso é gratuíto e con el podémonos beneficiar de préstamos de todo tipo de produtos de apoio por un prazo de 3 meses con posibilidade de prórroga. O obxectivo é que todas as persoas con dano cerebral poidan coñecer estes produtos, facilitarlles o acceso a eles e poder probarlos antes de adquirilos para saber se se axustan ás súas necesidades👐🏻.
Agora mesmo temos dous préstamos activos: unha cadeira de rodas para Pepe e un andador de antebrazos para o centro. Se estades interesados ou tedes algunha dúbida, só tedes que poñervos en contacto cos terapeutas ocupacionais da entidade, Ainhoa e Jorge.
