Sergas Ourense

Casa
España
Orense
Sergas Ourense

Canle de Comunicación da Área Sanitaria do de , e Servizo Galego de Saúde Ourense

22/10/2025

🖼️ O Hospital Universitario de Ourense acolle a exposición ¿Sorolla nun hospital? da Fundación Cultura en Vena

A mostra reúne reproducións dalgunhas das obras máis icónicas de Joaquín Sorolla, instaladas na Área de Hematoloxía, entre o Edificio de Hospitalización (baixa e 7ª) e na Hospital de Día na 1ª do Santa María Nai, e propoñen un percorrido visual e poético pensado para acompañar pacientes, familias e profesionais.

🩺 A arte, recoñecida pola OMS como unha ferramenta que mellora a saúde e axuda á recuperación, enche agora o hospital coa luz e a sensibilidade de Sorolla.

20/10/2025

O corredor de Neonatoloxía e da UCI pediátrica do vello 🏥 Materno Infantil estaba cheo de fotos. Fotos de nenos e nenas 🧒🏼👧🏻cheos de vida, coas mellores galas, meixelas rosas, de bautizo, co patinete novo 🛴, ou estreando chaquetiña de perlé. As cores e a moda delataban e databan algunhas delas. Co ton característico dos 80, esbrancuxadas, ou novas do trinque co papel fotográfico brillante. De estudio algunhas, coa pericia dos pais-nais a maioría. Regalos e testemuñas de como de ben estaban crecendo eses pequerrechos 👶🏻que, ao nacer ocuparon, incubadoras, tempo e desvelos das familias e do persoal que os coidaron durante meses, e entre os que se crea un vencello irrompible.

A nova UCI pediátrica está lonxe da calidez daquelas paredes -que moitas e moitos aínda botan de menos- pero baixo ese aspecto case lunar 👩‍🚀das modernas áreas de críticos, percíbese un aire de familia, no se xa se entretecen 🧶os fíos e as lembranzas dos anos vindeiros.

Podes leer a reportaxe de La Voz de Galicia. Edición Ourense :
🔗https://www.lavozdegalicia.es/noticia/ourense/2025/10/19/cuidan-bebes-apenas-pesan-medio-kilo/0003_202510O19C2991.htm

19/10/2025

👏Masiva homenaxe en Petín a Emiliano Quiroga e José Miguel Fernández “Quixé”, médico e enfermeiro do 🏥 Centro de Saúde de Petín nos últimos 40 anos.

Compañeiros que van deixando unha sanidade pública que creceu da súa man, deixando unha marca inesquecible entre pacientes e compañeiros que se uniron para celebrar a súa entrega e vocación. 💙Grazas!

🔗 https://www.somoscomarca.es/articulo/petin/petin-agradece-emiliano-quixe-cuidando-suyos/20251018173706205521.html

19/10/2025

Despedida emocionada a José Anta, tras 40 anos de traballo no Hospital Público de Valdeorras, vinte deles como técnico de documentación clínica.

Agradecido 🙌 e orgulloso do traballo ben feito, José deixa atrás a súa etapa laboral, rodeado do cariño de compañeiros, veciños e amigos. ¡Grazas e feliz xubilación! 👏

🔗 https://osil.info/despedida-de-jose-anta-tras-40-anos-no-hospital-do-barco-20-deles-como-tecnico-en-documentacion-clinica/

17/10/2025

🏥 O Hospital Universitario de Ourense acolleu a 14ª Xornada de Patoloxía de Pé e Nocello, organizada polos doutores Antonio Fernández Cebrián, Silvia Villardefrancos, Noelia Dopazo e Catuxa Pena, da Unidade de Pe do Servizo de Cirurxía Ortopédica e Traumatoloxía.

👣 A xornada centrouse nas complicacións e secuelas do mediopé e retropé, con relatorios, casos clínicos e talleres prácticos, contando con particupación como relatores de Manuel Monteagudo e Jesús Vilá, dous “top ten” nacionais da especialidade.

💬 A xornada foi inaugurada esta mañá polo xefe de servizo Benito Ramos e o xerente da Área Sanitaria, Santiago Camba, que destacaron a traxectoria e prestixio desta iniciativa referente na formación especializada dun área tan específica e complexa como a cirurxía do pe .

17/10/2025

Coincidindo co Día Mundial da Dor, o equipo da Unidade da Dor do Hospital Universitario de Ourense, dirixido por Luz Cánovas, únese ao lema da IASP para reclamar o dereito universal a recibir asistencia fronte á dor, tamén para inmigrantes, refuxiados e colectivos vulnerables.

Ourense conta coa unidade máis veterana de Galicia e unha das pioneiras en España, con enfoque multidisciplinar (anestesia, enfermaría, psicoloxía e fisioterapia).

🧠 As patoloxías máis frecuentes son as músculo-esqueléticas e a dor neuropática, especialmente asociadas á idade, traballos sedentarios ou enfermidades como a diabetes.

💬 “Queremos formar aos pacientes tamén en prevención, creando unha verdadeira cultura de coidado da dor”, sinala Cánovas.

17/10/2025

🩺 “O invisible que fai posible a vida”

O Servizo de Anestesioloxía e Reanimación do Hospital Universitario de Ourense atendeu en 2024 un total de 710 ingresos na Unidade de Reanimación (REA), todos pacientes críticos que precisaron coidados intensivos tras cirurxías complexas ou eventos traumáticos graves.

Máis da metade foron pacientes politraumatizados en risco vital, nos que a rapidez e a experiencia do equipo resultan determinantes.

Neste Día Internacional da Anestesioloxía, destácase o papel esencial destes profesionais na atención á emerxencia e ao paciente crítico, moitas veces invisible, pero clave para a supervivencia.

🧠 O servizo tamén é referente na implantación do Código Trauma, protocolo do Sergas que coordina a resposta ante accidentes graves e garante unha atención eficaz durante a “hora de ouro”.

🏥 Ademais, o Servizo de Anestesia e Reanimación participa cada ano en máis de 15.000 intervencións cirúrxicas, 12.000 consultas e na atención de máis de 700 pacientes críticos, sendo un piar fundamental da asistencia sanitaria e da formación médica en Ourense, Verín e Valdeorras.

16/10/2025

🫀 O Hospital Universitario de Ourense conmemora o Día Mundial da Parada Cardíaca

Coincidindo coa data, a Unidade de Formación da Área Sanitaria de Ourense, Verín e Valdeorras levou a cabo un obradoiro itinerante de RCP planta a planta, co obxectivo de reforzar e actualizar os coñecementos en reanimación cardiopulmonar (RCP) do persoal sanitario.

Os enfermeiros Joaquín Fernández e Silvia Vázquez impartiron esta formación práctica e adaptada á realidade das unidades de hospitalización, destacando a importancia de responder con rapidez e eficacia ante unha parada cardíaca súbita.

👉 A actividade busca manter vivos os coñecementos que salvan vidas e lembrar que, ante unha parada cardíaca, cada segundo conta e “facer algo sempre é mellor que non facer nada”.

15/10/2025

A sala de espera das consultas de Oncoloxía do Hospital Universitario de Ourense, na primeira planta do Santa María Nai, é desde agora un espazo aberto ao mar 🌊 grazas a mirada do fotógrafo ourensán 📸Santiago Barreiro, autor dunha exposición que busca capturar a súa esencia.

Nado en Ourense en 1950, Barreiro é fotógrafo profesional desde o ano 1975, retratando ao longo dos últimos 50 anos algúns dos recunchos e momentos máis icónicos de Ourense e Galicia, ademais doutros moitos espazos, con numerosas exposicións individuais e colectivas tanto en Galicia como en Inglaterra, 🇫🇷Francia, Italia 🇮🇹 e Portugal 🇵🇹 , en paralelo coa súa actividade laboral diaria en campos da publicidade, moda, industrial e social. Na actualidade traballa na edición de tres libros, sobre 🎺 jazz, a auga e o viño.

Barreiros é membro colaborador da “Asociación Cultural Black&chain Comunity” incubadora cultural, tecnolóxica e social coa que a Área Sanitaria de Ourense, Verín e Valdeorras asinou este ano un convenio de colaboración, no que se enmarca esta exposición permanente

14/10/2025

A Fundación Andrea ven de renovar o espazo 👧🏻👦🏼pediátrico do Hospital Público de Verín dentro do seu proxecto “Dulcificación de espazos pediátricos hospitalarios”, co obxectivo de crear un ambiente máis acolledor, cálido e alegre para os nenos e nenas hospitalizados.

A nova decoración, con 🌈cores, murais e elementos lúdicos, busca facer máis levadeira a súa estancia e reducir a ansiedade dos pequenos pacientes e das súas familias.

A fundación leva anos traballando en toda Galicia para apoiar a familias con nenos con enfermidades de longa duración, crónicas ou terminais, ofrecendo axudas económicas, aloxamento e apoio emocional. 💕

Dirección

Rúa Ramón Puga 52-54
Orense
32005

Teléfono

+34988385500

Página web

http://www.sergas.es/

Notificaciones

Sé el primero en enterarse y déjanos enviarle un correo electrónico cuando Sergas Ourense publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.