Sergas Ourense, Rúa Ramón Puga 52-54, Orense (2026)

17/03/2026

🩺🖋️ Son as tatuaxes seguras para a saúde?

Ademais dos riscos xa coñecidos para a pel —como infeccións 🦠, reaccións alérxicas ou problemas de cicatrización—, que poden aumentar canto maior é a superficie tatuada, novas investigacións advirten tamén o seu posible impacto no sistema inmunitario 🛡️. A tinta non queda só na pel: pequenas partículas poden desprazarse ata os ganglios linfáticos, órganos clave das nosas defensas.

Este é o tema da reportaxe emitida nos informativos de Antena 3 📺, no que participaron profesionais do Hospital Universitario de Ourense 🏥o xefe de Dermatoloxía, Ignacio Suárez, e a hematóloga Carmen Pastoriza

12/03/2026

Hoxe, no 🌎 Día Mundial do Ril, lembramos a importancia de coidar a saúde renal e de detectar a enfermidade a tempo.

O Servizo de Nefroloxía do 🏥 Hospital Universitario de Ourense traballa coordinadamente con Atención Primaria e outros servizos hospitalarios -como cardioloxía 🫀- para promover a detección precoz e atender a cada paciente de xeito personalizado, anticipándose ás complicacións.

Porque detrás de cada diagnóstico hai unha persoa, e o noso obxectivo é coidala en todas as etapas da enfermidade. 💙🩺

09/03/2026

Porque o Día da Muller non é só o 8M, é todos os días. No traballo diario, no compromiso e na vocación de tantas profesionais que, co voso exemplo, inspirades e abrides camiño cada día. 💜 parabéns a todas.

08/03/2026

💜 Os hospitais públicos de Ourense, Verín e Valdeorras acolleron esta semana actos conmemorativos do Día da Muller 👩‍⚕️👩‍🔬👩‍🏫.

Neles, mulleres de diferentes profesións e responsabilidades compartiron as súas experiencias co alumnado de 2º da ESO 📚 dos IES Otero Pedrayo (Ourense), Taboada Chivite (Verín) e Olmo (O Barco de Valdeorras).

Esta iniciativa nace como unha vía de colaboración entre os centros sanitarios 🏥 e educativos 🏫 públicos, para achegar referentes profesionais ás novas xeracións 👩‍🎓, romper estereotipos 🚫 e poñer en valor o papel das mulleres na sanidade 💜.

👏 Grazas ao profesorado e á comunidade educativa pola súa implicación.

💜 E parabéns a todas as mulleres que cada día coidades, acompañades e axudades ás persoas nos momentos máis difíciles, facendo posible un sistema sanitario máis humano e forte.

Grazas 💜

▶️ Algúns momentos do acto de Ourense 📸👇

06/03/2026

O Hospital Universitario de Ourense celebrou está mañá o acto 💜 8M | “Mulleres da sanidade, exemplos que inspiran” con motivo do Día da Muller, no que profesionais de diferentes ámbitos da sanidade compartiron as súas experiencias e reflexionaron sobre o papel das mulleres no sistema sanitario.

A xornada, presentada por Myriam Sierra, xefa do Servizo de Comunicación da Área Sanitaria de Ourense, Verín e Valdeorras, contou coa asistencia dos alumnos e alumnas da 2º da ESO do IES Otero Pedrayo, que puideron coñecer de primeira man diferentes traxectorias profesionais dentro da sanidade pública.

Moitas grazas as participantes:

🏥 Silvia Álvarez Paradelo – Doutora en medicina e especialista en Neurofisioloxía Clínica, ña actualidad directora de procesos de soporte na Área Sanitaria.
💊 Lucía Cid Conde – Farmacéutica Hospitalaria, ágora subdirectora de Prestación Farmacéutica
📊 Loli Durán Oreiro – Licenciada en Farmacia e directora de Recursos Económicos
👩‍⚕️ Esther Pérez Álvarez – Enferneira e Supervisora responsable da Área de Formación
🩺 María Montserrat Seijas Rodríguez – Técnica de Coidados Auxiliares de Enfermería e Técnica de Laboratorio, agora tamén en Formación
📋 Monserrat González Iglesias – Técnico Superior de Documentación y Administración Sanitaria e Coordinadora de Apoio Administrativo
🔬 Cristina Regueiro Expósito – Doutora en Bioloxía e Investigadora do grupo de Investigación en Oncoloxía Dixestiva de Ourense (GIODO)

Durante o encontro, as participantes coincidiron en sinalar a importancia de seguir traballando para manter e avanzar nos dereitos das mulleres, así como o papel fundamental que desempeñan na sanidade pública. Tamén destacaron que a constancia, o esforzo e a formación están a facer posible unha presenza cada vez maior de mulleres nos centros sanitarios públicos.

Un espazo para compartir experiencias, inspirar ás novas xeracións e poñer en valor o talento feminino na sanidade.

06/03/2026

Con motivo do 8M – Día Internacional da Muller 💜♀️, o Hospital Público de Valdeorras acolleu o acto “Mulleres da sanidade: exemplos que inspiran”, un encontro para poñer en valor o papel fundamental das mulleres na sanidade pública, cuxo traballo diario sostén e fortalece o noso sistema sanitario. 🏥👩‍⚕️

O acto foi presentado por María Isabel Campos Rodríguez, secretaria de Dirección, e contou coas intervencións de:

• Noelia Estévez Romero, técnico en Emerxencias Sanitarias (Ambulancias SIL) 🚑
• Elena Mindora Popa, persoal de limpeza (SAMAIN-CLECE) 🧹
• Manuela Paradelo Torres, técnico superior de Laboratorio de Diagnóstico Clínico 🔬
• Margarita Sandiás Arias, fisioterapeuta 💪

Durante a xornada compartiron as súas experiencias profesionais e persoais, reivindicando o valor imprescindible das mulleres que cada día coidan, investigan, acompañan e fan posible a sanidade pública 👩‍⚕️💜. As súas historias puxeron de relevo que sen o talento, a dedicación e o compromiso das mulleres, o sistema sanitario non sería o mesmo.

Ao acto asistiron tamén alumnos e alumnas de 2º da ESO do IES Lauro Olmo 🎓, que puideron coñecer de primeira man diferentes profesións sanitarias e participar neste espazo de reflexión arredor da igualdade, a vocación e o papel transformador das mulleres na sociedade. 💜✨

05/03/2026

Esta mañá celebramos no Hospital Público de Verín un acto conmemorativo do Día da Muller, no que diferentes profesionais compartiron as súas experiencias e puxeron en valor o papel das mulleres na sanidade.

A xornada, 💜 “8M | Mulleres da sanidade, exemplos que inspiran”,
foi presentada por Mª Jesús Fernández Cotado, subdirectora de enfermería, e contou coa participación de profesionais de distintos ámbitos, que ofreceron a súa visión sobre o traballo diario, os retos e a vocación de servizo que caracteriza á sanidade pública.

Moitas grazas por participar a:

👩‍⚕️ Manuela López Pérez – Encargada de Celadores
👩‍⚕️ Mónica González Dacosta – Supervisora de Urxencias
👩‍⚕️ Lidia Cumplido Vieitez – Enfermeira Diabetolóxica
👩‍💼 Ángeles Airabella Boo – Aux. Administrativo de Recursos Humanos
💻 Araceli Martínez Fernández – Soporte Informático
💊 Laura López Bouzo – Farmacéutica Hospitalaria

Un encontro para recoñecer, visibilizar e agradecer o compromiso das mulleres que coidan da saúde da nosa comunidade.

02/03/2026

🌿🚶‍♀️ Ourense camiña pola saúde! 🚶‍♂️

Con motivo do Día Mundial da Obesidade, que se celebra o vindeiro mércores 4 de marzo, a Xunta organiza a andaina “Camiña e conecta” co obxectivo de fomentar estilos de vida saudables e combater o sedentarismo entre a poboación galega.

📍 A actividade será gratuíta e aberta a toda a cidadanía de Ourense.
📝 Aínda que a participación é libre, recoméndase realizar a inscrición previa a través do espazo web habilitado para facilitar a organización e o control de asistencia.

👨‍👩‍👧‍👦 A participación é voluntaria. As persoas menores de idade deberán acudir acompañadas dunha persoa adulta responsable.
🌦️ O desenvolvemento da ruta estará condicionado ás condicións meteorolóxicas do propio día.

Esta acción forma parte da estratexia da Xunta para a prevención de enfermidades crónicas e condutas adictivas, promovendo hábitos saudables na nosa comunidade.

💚 A través de iniciativas como Camiña e conecta, queremos animar á cidadanía a incorporar a actividade física regular como un piar fundamental do día a día, xunto cunha alimentación equilibrada, unha boa hixiene do sono e o coidado do benestar emocional.

👉 Anímate, participa e dá o primeiro paso pola túa saúde!

02/03/2026

As voluntarias do Espazo +60 de 💙afundacion_org de Ourense visitaron o Hospital Universitario, onde entregaron almofadas de lactación feitas 🪡🧵nos seus obradoiros, para favorecer a lactación materna e o descanso de nais e bebés.

O Servizo de Humanización sorprendeu as voluntarias cun percorrido pola colección 🎨pictórica dos artistas 🫟Xaime Quessada e 🫟Quesada Blanco, instalada no novo edificio de hospitalización, grazas ao altruismo da Fundación Xaime Quesada Blanco, a visita tivo unha guía de excepción: Chus Blanco, presidenta da fundación e viúva e nai dos artistas.

Unha iniciativa de colaboración 🤝entre institucións sociais, culturais e sanitarias, para construír contornas 🏥máis humanas e solidarias, nas que o coidado se entende dun xeito ♻️integral, conxugando o físico e emocional co poder da arte.

🔗 Máis informacións: https://saladecomunicacion.sergas.gal/Paginas/mobile/DetalleNova.aspx?idioma=ga&idNova=17096

01/03/2026

Ángel Alfredo Martínez Ques é un deses profesionais que, lonxe dos focos, trazou unha traxectoria que trascende ao persoal, construindo camiños de futuro para os que veñen

A súa labor investigadora 🔬🎓e académica é clave para dignificar á profesión de enfermería, impulsar avances e situar a bioética no centro dos coidados e da reflexión sanitaria, sempre cunha mirada crítica, construtiva e comprometida co futuro do sistema.

Grazas Dr. Martínez Ques polo camiño aberto, a túa pegada seguirá marcando as liñas de traballo da enfermería que está por vir. 🙌

🔗Entrevista: https://www.lavozdegalicia.es/amp/noticia/ourense/ourense/2026/03/01/enfermeria-vive-momento-critico-repensar-sistema/0003_202603O1C12992.htm?utm_campaign=amp

28/02/2026

O Hospital universitario de Ourense 🏥 acolleu onte e hoxe as Xornadas do Grupo de Traballo de Dor Oncolóxica da Sociedade Española da Dor, un encontro de alto nivel científico centrado na mellora da atención ás persoas con dor e cancro.

As xornadas foron organizadas pola doutora Luz Cánovas Martínez, xefa do Servizo de Anestesia, Reanimación e Tratamento da Dor do Hospital Universitario de Ourense, quen destacou o carácter interdisciplinar do encontro: 🗣️ “Foi unha xornada interdisciplinar, con oncoloxía médica e unidades de dor, co obxectivo de implementar e mellorar o tratamento do paciente con dor e cancro desde todos os puntos de vista que comprometen a súa situación persoal e médica.”

💬 Un espazo de aprendizaxe compartida, debate clínico e actualización científica que reforza a importancia da colaboración entre especialidades para ofrecer unha atención máis eficaz, humana e integral ás persoas que viven con dor oncolóxica.

👏 Parabéns á organización e a todos/as os/as profesionais participantes por impulsar formación de calidade en Ourense.

27/02/2026

A xefa do Servizo de Neurocirurxía 🧠do Hospital Universitario de Ourense, Ana Pastor, prepara unha nova misión en Malí 🇲🇱 coa aecid_es, reafirmando o seu compromiso coa cooperación internacional.

Nada en Marrocos 🇲🇦, crecida en Francia 🇫🇷 , formada no Reino Unido 🇬🇧 e ourensá 💙de corazón, a verdadeira bandeira de Ana é a medicina, e a súa vocación a formación, que aplica neste proxecto de crear redes de formadores, para fortalecer os sistemas sanitarios de países como Níxer, Malí ou Mozambique.

Para Pastor, neste país sen fronteiras que é a medicina, todo comeza e remata no vínculo humano co paciente, a empatía é esencial e perder a capacidade de sentir pena ou alegría polos pacientes sería deixar de ser médica.

🔗 https://www.laregion.es/ourense/ana-pastor-jefa-servicio-neurocirugia_1_20260226-4177549.html

Sergas Ourense

17/03/2026

12/03/2026

09/03/2026

08/03/2026

06/03/2026

06/03/2026

05/03/2026

02/03/2026

02/03/2026

01/03/2026

28/02/2026

27/02/2026

Dirección

Teléfono

Página web

Notificaciones

Atajos

Compartir

Categoría