08/01/2026
A ver que vos parecen.
Chegamos un pouco tarde con isto dos propósitos, sabémolo, mais coa carga de traballo que nos déchedes nas festas non tivemos moito tempo, así que propoñémolos agora.
Porque somos moitos os que comezamos o ano pensando iso de "Este ano si que vou levar as cousas ao día" e despois nada de nada, e como nós queremos que teñades unha saúde visual e auditiva 🔝, deixamos aquí uns propósitos que vos axudaremos a cumplir encantadas.
Facer unha revisión anual. As revisións periódicas preveñen patoloxías e problemas visuis ou auditivos que, de non detectar a tempo, poden ocasionar perdas permanentes.
Remplazar as lentillas no plazo recomendado e cumprir coas normas de uso e hixiene. Non sabedes a de problemas que evitaredes con isto.
Probar a ortoqueratoloxía e deixar de depender de gafas e lentillas. Das mellores decisións que podedes tomar.
Adaptarme ás gafas progresivas. Fácil, moito depende do noso traballo.
Facer terapia visual e mellorar as miñas habilidades visuais. Algo que repercute no noso día a día e que pode supoñer un antes e despois.
Poñer audífonos e volver conectar co mundo. Outro antes e despois na vida. De sentirse illado a volver formar parte das conversas.
Contádenos, cal é o voso propósito visual para este 2026? Tendes algún outro? Contádenos!
