24/07/2025
As vacación son o mellor momento para revisarte.
As vacacións son sempre a mellor época para revisar a nosa visión por unha razón moi sinxela, o noso sistema visual atópase relaxado, polo que os resultados serán máis fiables.
Durante as vacacións adoitamos pasar máis tempo ao aire libre e, aínda que seguimos abusando en exceso das pantallas, reducimos considerablemente as horas que pasamos enfocando de cerca. Isto fai que o noso sistema visual se atope máis descansado e, polo tanto, a revisión visual será máis precisa.
Isto é especialmente importante nos rapaces e, sobre todo, nos rapaces miopes. Por iso, moitas veces, cando vindes a final do curso para revisalos, recomendámosvos esperar a que rematen as clases e o sistema visual relaxe o esforzo do último trimestre.
Pedide cita para a vosa revisión e a dos vosos fillos e poñede a punto o sistema visual antes de voltar á rutina!
