¿Qué es el sitio web?

https://pontevedrasalnes.sergas.gal/

Área Sanitaria de Pontevedra-Salnés, Avda Montecelo, Pontevedra (2025)

31/07/2025

O conselleiro de Sanidade, Antonio Gómez Caamaño; acompañado do xerente da área sanitaria, José Flores; e do director do 061, Román Gómez, reuniuse co alcalde de Sanxenxo, Telmo Martín

A XUNTA LICITA A REDACCIÓN DO PROXECTO DE AMPLIACIÓN E REFORMA DO CENTRO DE SAÚDE DE BALTAR, EN SANXENXO, NA QUE INVESTIRÁ PRETO DE 5,2 M€

― O conselleiro de Sanidade avanza que a previsión é dispor do proxecto no primeiro semestre do vindeiro ano como paso previo á licitación das obras
― Detalla que se ampliará e mellorará o centro, que pasará a ter dez consultas de medicina xeral, unha máis que a anterior, e nove de enfermería
― O centro terá área de pediatría, sala de lactación, área de atención á muller, fisioterapia e espazo para nutricionista, entre outros servizos
― Tamén se incrementarán as consultas no Punto de Atención Continuada e a base do 061
― Gómez Caamaño e Telmo Martín acordan traballar para acadar un Sanxenxo Cardioprotexido, dotando o concello dunha ratio de desfibriladores que o sitúen á vangarda europea

01/07/2025

A ÁREA SANITARIA DE PONTEVEDRA E O SALNÉS ACOLLEU HOXE NO HOSPITAL PROVINCIAL A TOMA DE POSESIÓN DE 11 ESPECIALISTAS HOSPITALARIOS

― Destes facultativos que acadaron praza fixa no Servizo Galego de Saúde, 2 toman posesión para prestar servizo sanitario no Hospital Público de O Salnés e 9 nos centros do Complexo Hospitalario Universitario de Pontevedra
― Trátase do segundo proceso de adxudicación de destino definitivo en diversas especialidades da categoría de facultativo especialista de área, médico coordinador do 061 e médico de urxencias hospitalarias, tras resultar vacantes prazas logo das resolucións dos nomeamentos do 4 e 15 de abril

Pontevedra-O Salnés, martes 1 de xullo de 2025.- O Hospital Provincial de Pontevedra acolleu esta mañá o acto de toma de posesión dun total de 11 facultativos de diversas especialidades hospitalarias na Área Sanitaria de Pontevedra-O Salnés, dos que 2 toman posesión para prestar servizo sanitario no Hospital Público de O Salnés e 9 nos centros do Complexo Hospitalario Universitario de Pontevedra.

Se ben o prazo de toma de posesión é dun mes, ao longo da mañá de hoxe boa parte dos facultativos asinaron na sala de xuntas do Hospital Provincial pontevedrés a súa toma de posesión coma persoal fixo nambos distritos sanitarios desta área de saúde.

Trátase do segundo proceso de adxudicación de destino definitivo en diversas especialidades da categoría de facultativo especialista de área, médico coordinador do 061 e médico de urxencias hospitalarias, tras resultar vacantes prazas logo das resolucións dos nomeamentos do 4 e 15 de abril.

Supervisando as xestións administrativas da sinatura de hoxe estiveron presentes coordinadoras da Dirección de Recursos Humanos da Área Sanitaria de Pontevedra-O Salnés, departamento que refrendou o remate deste proceso selectivo.

01/07/2025

O titular de Sanidade participou no acto de entrega da acreditación de calidade ao Servizo de Urxencias do Hospital Público do Salnés, que presta 50.000 asistencias ao ano

GÓMEZ CAAMAÑO PON EN VALOR A CALIDADE ASISTENCIAL E HUMANA DAS URXENCIAS DO SERVIZO GALEGO DE SAÚDE E AVOGA POR IMPULSAR AO MÁXIMO A FORMACIÓN ESPECIALIZADA

― O Hospital Público do Salnés convértese no primeiro centro comarcal español en conseguir a acreditación de calidade do seu servizo de Urxencias
― Os tempos de espera na atención das urxencias, a organización funcional ou a formación dos profesionais son algúns dos criterios que motivaron a acreditación
― O tempo medio de espera para triaxe é de 8 minutos e de 33 minutos para a atención posterior
― As urxencias do hospital vilagarcián son unha das 20 unidades comarcais máis activas a nivel científico en todo o territorio nacional
Santiago de Compostela, 1 de xullo de 2025.- O conselleiro de Sanidade, Antonio Gómez Caamaño, reivindicou esta mañá a calidade asistencial e humana dos Servizos de Urxencias do Hospital Público do Salnés, unha unidade, que vén de ser recoñecida coa acreditación de calidade que outorga a Sociedade Española de Urxencias e Emerxencias (SEMES).

Deste xeito, o centro hospitalario vilagarcián convértese no primeiro centro comarcal de toda España que contará cunha distinción que recoñece o bo labor que desempeñan os seus profesionais de urxencias.

Entre os criterios que fixeron ao Hospital Público do Salnés merecedor desta credencial destacan os tempos de espera na atención das urxencias, a organización funcional do centro ou a formación coa que contan os máis de 100 profesionais que integran este servizo.

O servizo de urxencias do Hospital do Salnés realizou en 2024 preto de 50.000 asistencias, cunha media de 135 cada día. O tempo medio de espera para a triaxe é de 8 minutos e de 33 minutos para a atencion posterior.

26/06/2025

OS SERVIZOS DE DIXESTIVO E ENDOCRINOLOXÍA DO CHUP PRESENTAN O PROXECTO “COMTA SALUD” CON ASSEII E A ASOCIACIÓN GALEGA DE TRASPLANTADOS AIRIÑOS

― Esta iniciativa espúxose a pacientes e poboación xeral tras ser difundido entre profesionais de Atención Primaria dos centros de saúde Virxe Peregrina e Lérez.
― O acto celebrado hoxe en Montecelo, contou coa asistencia do xerente da Área Sanitaria, José Flores e representantes dos servizos hospitalarios e de ambas asociacións
― “Comta Salud” é un repositorio de información en saúde, dispoñible na web www.comtasalud.es adaptada a calquera persoa, con especial atención á discapacidade e para potenciar os niveis de alfabetización dixital

Pontevedra-O Salnés, xoves 26 de xuño de 2025-. Os Servizos de Dixestivo e Endocrinoloxía do Complexo Hospitalario Universitario dede Pontevedra presentaron aos pacientes e á poboación xeral o proxecto de divulgación científica “Comta Salud”, unha iniciativa promovida polo grupo de investigación IDARA do Instituto de Investigación Sanitaria Galicia Sur.

Na xornada de hoxe, o proxecto foi presentado no salón de actos do Complexo Hospitalario Universitario de Pontevedra e contou coa asistencia do doutor José Flores, xerente da Área Sanitaria, así coma do xefe de servizo de Dixestivo do CHUP, o doutor Juan Turnes, así coma coa presidente da Asociación Sociosanitaria de Enfermidades Inflamatorias Intestinais e Ostomías -ASSEII- Ángela Paz e o presidente da Asociación Galega de Trasplantados Airiños, Abelardo Sánchez.

No transcurso da presentación lembrouse que, semanas atrás, este proxecto xa fora exposto en sendas sesións técnicas efectuadas nos centros de saúde pontevedreses de Virxe Peregrina e de Lérez, para fomentar a sua divulgación entre os profesionais de Atención Primaria.

20/06/2025

OS PREMIOS LATEXADO 2025 HOMENAXEAN AO DOUTOR MANUEL “TATO” VÁZQUEZ LIMA POLA SÚA TRAXECTORIA E POLO RECOÑECEMENTO DA CATEGORÍA DE URXENCIAS

― O galardón entregado onte en Madrid glosou unha figura profesional recoñecida no eido sanitario tanto a nivel autonómico coma nacional e internacional
― Vázquez Lima adicou esta distinción ao colectivo de urxenciólogos que traballou para acadar unha Especialidade onde o gran beneficiario é sempre o paciente

Vilagarcía de Arousa, venres 20 de xuño de 2025.- O xurado dos Premios Latexado ha concedeu onte en Madrid un recoñecemento especial ao xefe do servizo de Urxencias do Hospital do Salnés e presidente da Sociedade Española de Medicina de Urxencias e Emerxencias -SEMES- o doutor Manuel “Tato” Vázquez Lima, en atención á súa extensa e comprometida traxectoria profesional coma facultativo de Urxencias e Emerxencias, así coma polo seu papel determinante na consecución do recoñecemento oficial desta disciplina coma Especialidade médica, tras máis de tres décadas.

Durante a súa intervención na entrega dos Premios Latexado, o doutor Vázquez Lima subliñou que “este galardón é para todo un colectivo de urxenciólogos, que traballou incansablemente por unha especialidade onde o gran beneficiario sempre é o paciente. É un recoñecemento que recibimos con honra e que resposta ao firme compromiso asistencial, científico e clínico de miles de seres humanos”.

Profesional recoñecido no eido sanitario
O premio entregado onte glosou unha figura profesional recoñecida no eido sanitario tanto a nivel autonómico coma nacional e internacional. De feito, no ano 2023, Manuel “Tato” Vázquez Lima foi incluído na lista Forbes entre as persoas máis influentes da Sanidade española. Durante a súa carreira participou activamente na organización científica de congresos autonómicos, nacionais e internacionais, intervindo coma relator en numerosas sesións e ponencias centradas na Medicina de Urxencias.

18/06/2025

INVESTIGACIÓN DO SERVIZO DE DIXESTIVO DE PONTEVEDRA PRESENTA NO CENTRO DE SUPERCOMPUTACIÓN DE GALICIA DOUS PROXECTOS EUROPEOS DE INTELIXENCIA ARTIFICIAL

― O Grupo de Investigación IDARA -acrónimo de Intelligent Digestive and AI Research Alliance-presentou os proxectos GIFT e AIDATAMED
― GIFT consistirá no desenvolvemento dun sistema de apoio á toma de decisións médicas en gastroenteroloxía e AIDATAMED, pola súa banda, centraráse na creación dunha base de datos sintética de pacientes
― Este grupo investigador do Servizo de Aparello Dixestivo do CHUP, adscrito ao Instituto de Investigación Sanitaria Galicia Sur, ven de incorporar doce novos profesionais

Pontevedra, mércores 18 de xuño de 2025-. O Grupo de Investigación IDARA -acrónimo de Intelligent Digestive and AI Research Alliance- do Servizo de Aparello Dixestivo do Complexo Hospitalario Universitario de Pontevedra, adscrito ao Instituto de Investigación Sanitaria Galicia Sur, presentou esta mañá os dous proxectos de Intelixencia Artificial financiados con fondos europeos nun evento do Centro de Supercomputación de Galicia. Na xornada “Oportunidades do Espazo de Datos DATAlife para as Ciencias da Vida e One Health”, presentáronse os proxectos GIFT e AIDATAMED, que exploran o uso da Intelixencia Artificial xerativa para respostar a desafíos en saúde. Estes proxectos contan cunha financiación que acada o millón de euros e que ven de incorporar 12 novos profesionais de diferentes perfís, dende informáticos a sociólogos .

Na xornada de hoxe -na que se contou con representación do Ministerio para a Transformación Dixital e da Función Pública, así como da Axencia Galega de Innovación- o Grupo de Investigación IDARA presentou oficialmente esta nova denominación e o novo equipo humano, conformado por 12 profesionais adicados aos dous novos proxectos.

18/06/2025

Á ÁREA SANITARIA DE PONTEVEDRA E O SALNÉS E A ASOCIACIÓN CULTURAL “O CASTRO” ASINAN UN CONVENIO PARA REALIZAR ACTIVIDADES DE ACOMPAÑAMENTO DE DOENTES E ANIMACIÓN CULTURAL NOS HOSPITAIS

― O xerente da Área Sanitaria, José Flores, acompañado entre outros responsables asistenciais pola directora do Distrito Sanitario de O Salnés, Nuria Iglesias e polo presidente desta asociación de Baión-Vilanova de Arousa, José Sabarís, rubricaron hoxe no Hospital do Salnés este acordo
― Incidiráse con voluntariado desta asociación cultural vilanovense no acompañamento de persoas ingresadas nos hospitais da Área e poder axudar, a través de diversas iniciativas de índole cultural, a grupos vulnerables que precisan de maior atención: doentes maiores, persoas soas, meniños ou mocidade

Vilagarcía de Arousa, mércores 18 de xuño de 2025.- O xerente da Área Sanitaria, José Flores Arias, acompañado entre outros responsables asistenciais pola directora do Distrito Sanitario de O Salnés, Nuria Iglesias Álvarez e polo presidente da Asociación Cultural O Castro de Baión-Vilanova de Arousa, José Sabarís Casal, asinaron un convenio de colaboración entre o Servizo Galego de Saúde e a devandita asociación para a realización de actividades de acompañamento e animación cultural a doentes maiores, persoas soas, meniños e mocidade ingresada nos hospitais da Área Sanitaria.

O convenio asinado hoxe no centro hospitalario de Ande estableceu as bases da colaboración entre a Administración Sanitaria Pública galega e a Asociación Cultural O Castro para promover un programa de acompañamento e animación para pacientes ingresados nos hospitais integrantes no ámbito da Área Sanitaria de Pontevedra e O Salnés.

Un dos obxectivos deste acordo incidirá no acompañamento de voluntariado desta asociación cultural vilanovense a persoas ingresadas nos hospitais da Área e poder axudar, a través de diversas iniciativas de índole cultural, a aqueles grupos máis vulnerables que precisan de maior atención: doentes maiores, persoas soas, meniños ou mocidade.

18/06/2025

ACADAN PRAZA FIXA NA ÁREA SANITARIA DE PONTEVEDRA E O SALNÉS 15 PROFESIONAIS DE ENFERMARÍA ESPECIALISTA E 5 FISIOTERAPEUTAS

― Se ben estes traballadores dispoñen dun mes para tomar de posesión da praza adxudicada e incorporarse ao servizo activo, ao longo da mañá de hoxe boa parte destes profesionais realizaron na sala de xuntas do Hospital Provincial de Pontevedra a sinatura e toma de posesión da súa praza
― Remata así o proceso selectivo tras a publicación onte no Diario Oficial de Galicia dunha resolución da Dirección Xeral de Recursos Humanos do SERGAS pola que se nomea coma persoal estatutario fixo dos aspirantes que superaron os dous procesos selectivos -por concurso/oposición e por concurso de méritos-

Pontevedra-O Salnés, mércores 18 de xuño de 2025.- O Hospital Provincial de Pontevedra acolleu hoxe o acto de toma de posesión coma novo persoal fixo do Servizo Galego de Saúde dun total de 15 profesionais de Enfermaría especialista -dos que 7 efectivos son de Enfermaría Familiar e Comunitaria, 4 de Enfermaría Pediátrica así coma 4 matronas- e 5 fisioterapeutas na Área Sanitaria de Pontevedra-O Salnés.

Se ben estes traballadores dispoñen dun mes para tomar de posesión da praza adxudicada e incorporarse ao servizo activo, ao longo da mañá de hoxe boa parte destes profesionais realizaron na sala de xuntas do Hospital Provincial pontevedrés a sinatura e toma de posesión da súa praza.

Remate do proceso selectivo
Con esta toma de posesión remata o proceso selectivo tras a publicación onte no Diario Oficial de Galicia dunha resolución da Dirección Xeral de Recursos Humanos do Servizo Galego de Saúde pola que se procedeu ao nomeamento como persoal estatutario fixo dos aspirantes que superaron os dous procesos selectivos, mediante o sistema de concurso-oposición e concurso de méritos, para o ingreso en diversas categorías de enfermeiro especialista, fisioterapeuta, logopeda e de terapeuta ocupacional.

A resolución deste proceso supón a incorporación autonómica dun total de 230 profesionais ás institucións sanitarias do sistema público de saúde de Galicia, coa condición de fixeza.

12/06/2025

Á ÁREA SANITARIA DE PONTEVEDRA E O SALNÉS PON EN VALOR A ACTIVIDADE HOSPITALARIA DE PREPARACIÓN DE MEDICAMENTOS NA XII EDICIÓN DAS XORNADAS DE FARMACOTECNIA E ELABORACIÓN DE MEDICAMENTOS

― Organizadas polo Servizo de Farmacia Hospitalaria e a Fundación de Investigación Biomédica Galicia Sur, celébranse o xoves 12 e o venres 13 de xuño no auditorio Afundación de Pontevedra con profesionais de toda España que poñen en valor as prácticas farmacéuticas de elaboración e control de calidade das preparacións farmacéuticas listas para o uso individualizado de pacientes
― Durante estas xornadas trátase a utilización de fórmulas maxistrais e preparacións farmacéuticas con sustancias cannabinoides e a súa repercusión na práctica farmacéutica clínica e asistencial
― Na VI edición dos Premios FEM, entregaránse as vieiras da nova colección de Sargadelos para recoñecer a traxectoria dun servizo de Farmacia e do mellor proxecto de Investigación/Innovación así coma un deseño exclusivo para a mención de honra

Pontevedra, xoves 12 de xuño de 2025.- A décimo segunda edición das Xornadas de Farmacotecnia e Elaboración de Medicamentos converterán, un ano máis, á Área Sanitaria de Pontevedra e O Salnés en foro da innovación e coñecemento para os servizos de Farmacia dos hospitais do Sistema Nacional de Saúde. Organizadas polo servizo de Farmacia do Complexo Hospitalario Universitario de Pontevedra, en colaboración coa Fundación de Investigación Biomédica Galicia Sur, estas Xornadas celébranse o xoves 12 e o venres 13 de xuño no auditorio Afundación de Pontevedra.

Máis de 150 profesionais farmacéuticos pertencentes á maioría dos principais centros hospitalarios de todas as Comunidades Autónomas españolas actualizan presencialmente e vía streaming as últimas innovacións e programas asistenciais levados a cabo nas preparacións de medicamentos que se efectúan nos servizos de Farmacia Hospitalaria.

10/06/2025

O conselleiro de Sanidade, xunto co xerente do Servizo Galego de Saúde, clausurou a III Xornada de humanización da asistencia sanitaria de Galicia no edificio administrativo de San Lázaro

PACIENTES E PROFESIONAIS DO SERVIZO GALEGO DE SAÚDE RECOÑECEN OS PROXECTOS DE HUMANIZACIÓN MÁIS DESTACADOS POLA SÚA CREATIVIDADE E IMPACTO NA CALIDADE ASISTENCIAL

⎯ Resultaron gañadores a iniciativa O paciente como docente, da área sanitaria de Pontevedra e O Salnés, e Escola de familias no servizo de neonatoloxía, da área sanitaria de Santiago de Compostela e Barbanza
⎯ Gómez Caamaño louva as propostas que nacen da colaboración activa entre os profesionais da sanidade pública, as familias e os propios pacientes
Santiago de Compostela, 10 de xuño de 2025.- O conselleiro de Sanidade, Antonio Gómez Caamaño, salientou hoxe o recoñecemento de pacientes e profesionais do Servizo Galego de Saúde aos proxectos de humanización máis destacados das distintas áreas sanitarias pola súa creatividade e polo seu impacto nunha mellor calidade da asistencia.

No marco da III Xornada de humanización da asistencia sanitaria de Galicia, na que tamén interveu o xerente do Servizo Galego de Saúde, José Ramón Parada, as sete áreas sanitarias presentaron iniciativas desenvolvidas grazas á colaboración activa, tanto de profesionais como de familiares e dos propios pacientes.

As mencións especiais desta edición da xornada foron, por unha banda, para o proxecto O paciente como docente, da área sanitaria de Pontevedra e O Salnés, que recoñece a pacientes e familias como axentes activos capaces de enriquecer a práctica clínica e a formación dos profesionais.

Así mesmo, a Consellería de Sanidade recoñeceu a iniciativa Escola de familias no servizo de neonatoloxía, da área sanitaria de Santiago de Compostela e Barbanza, que ofrece formación e acompañamento ás familias dos neonatos, axudándolles a afrontar unha etapa chea de medos e incertezas desde a proximidade e o coidado emocional.

10/06/2025

ACADAN PRAZA FIXA NA ÁREA SANITARIA DE PONTEVEDRA E O SALNÉS 71 CELADORES E OUTROS 56 PROFESIONAIS DE DIVERSAS CATEGORÍAS

― Destes efectivos que acadaron praza fixa, 57 celadores prestarán servizo no distrito sanitario de Pontevedra e 14 no distrito sanitario de O Salnés
― Así mesmo, tomaron posesión da súa praza na Área Sanitaria 3 enxeñeiros técnicos, 38 efectivos da función administrativa, 2 técnicos de sistemas e tecnoloxías da información, 10 pinches de cociña, un electricista, un albanel e un calefactor

Pontevedra-O Salnés, martes 10 de xuño de 2025.- O Hospital Provincial de Pontevedra e o Hospital do Salnés en Vilagarcía de Arousa acolleron hoxe sendos actos de toma de posesión coma novo persoal fixo do Servizo Galego de Saúde dun total de 71 celadores -57 prestarán servizo no distrito sanitario de Pontevedra e 14 no distrito sanitario de O Salnés- así coma doutros 56 profesionais de diversas categorías na Área Sanitaria de Pontevedra-O Salnés.

Deste xeito, tomaron posesión da súa praza fixa na Área Sanitaria 3 enxeñeiros técnicos, 38 efectivos da función administrativa, 2 técnicos de sistemas e tecnoloxías da información, 10 pinches de cociña, un electricista, un albanel e un calefactor.

Se ben todos estes profesionais dispoñen dun mes para tomar de posesión da praza adxudicada e incorporarse ao servizo, ao longo da mañá de hoxe boa parte destes traballadores rubricaron as sinaturas de toma de posesión das súas prazas tanto no Hospital Provincial do Complexo Hospitalario Universitario de Pontevedra coma no Hospital comarcal do Salnés.

29/05/2025

O HOSPITAL MONTECELO RECIBIU UNHA VISITA EDUCATIVA DE ALUMNADO E PROFESORADO DO COLEXIO SAGRADO CORAZÓN DE PONTEVEDRA

― Un grupo de quince alumnos da ESO e dous profesores deste centro docente capitalino asistiron a tres charlas sobre hábitos saudables, sexualidade responsable e nutrición equilibrada impartidas por profesionais da Área Sanitaria
― Tamén visitaron Informática, a Unidade de Docencia, a área de Hostalería, Rehabilitación-Fisioterapia, Mantemento e o laboratorio de Análises Clínicas

Pontevedra, xoves 29 de maio de 2025.- O Hospital Montecelo acolleu hoxe unha visita educativa do colexio Sagrado Corazon de Pontevedra, cun grupo de quince alumnos da ESO e dous profesores deste centro docente capitalino que foi recibido no hospital do Complexo Hospitalario Universitario pontevedrés polo subdirector de Calidade, Humanización e Atención á Cidadanía da Área Sanitaria de Pontevedra-O Salnés, Jorge García- Borregón, acompañado por outros resposables da área de Calidade.

O programa desta visita educativa comezou cunha charla sobre hábitos saudables e fomento do exercicio físico regular coma motor de saúde, impartida polo fisioterapeuta Guillermo Bilbao Ogando, que incidiu cos escolares nos beneficios que reportan á saúde un exercicio físico habitual, evitando o sedentarismo e fomentando actividades diarias.

Ponencias sobre sexualidade e nutrición
A continuación, o doutor Hadrián Pernas impartiu ao alumnado e docentes do colexio Sagrado Corazón unha ponencia sobre sexualidade responsable e saudable, na que se destacaron conceptos de educación afectivo-sexual adaptada á adolescencia, aspectos de prevención de infeccións de transmisión sexual, así coma a importancia do respeto, o consentimento e as relacións sanas.

A nutrición para unha vida equilibrada tamén tivo hoxe outra ponencia, impartida pola doutora Paula Sánchez Sobrino, que espuxo aos escolares fundamentos dunha alimentación equilibrada, consellos de interese para interpretar as etiquetas dos productos, así coma mitos alimentarios frecuentes e como desmentilos.

Área Sanitaria de Pontevedra-Salnés

31/07/2025

01/07/2025

01/07/2025

26/06/2025

20/06/2025

18/06/2025

18/06/2025

18/06/2025

12/06/2025

10/06/2025

10/06/2025

29/05/2025

Dirección

Página web

Notificaciones

Atajos

Compartir

Categoría