COGAMI

17/11/2025

👩‍💼 Visita da delegada territorial da Xunta de Galicia ás instalacións de COGAMI en .
Martina Aneiros coñeceu de primeira man o curso de Operacións Auxiliares de Servizos Administrativos e Xerais que estamos a impartir a 13 persoas con discapacidade ou incapacidade laboral de Mugardos, Narón, Ferrol, Fene e Pontedeume.
Esta formación está financiada pola Consellería de Emprego, Comercio e Emigración a través da convocatoria 2025-2026.

Ramón Sestayo e María Aneiros acompañaron a Martina Aneiros na visita ao curso AFD de Operacións Auxiliares de Servizos Administrativos e Xerais que imparte COGAMI.

14/11/2025

🎯 Iniciamos o Programa Integrado de Emprego!
Tes discapacidade ou incapacidade laboral e estás buscando traballo? Isto interésache 👇
🔹 Obradoiros prácticos: entrevistas, autoemprego, coaching, intelixencia emocional, motivación…
🔹 Formación con prácticas en empresas en:
• Condución de carretillas elevadoras
• Aplicacións informáticas de xestión
• Bases de datos en Excel
• Caixa e reposición
• Control de accesos
• Monitores/as de comedor escolar
• Mantemento básico de limpeza
🎓 Beca de 10 € por asistencia a cada acción formativa.
🧭 Itinerarios personalizados, orientación, asesoramento e apoio individualizado.
🎯 Obxectivo de inserción: 40%.
📍 Contacta coa oficina de COGAMI máis próxima e infórmate!

Está dirixido a 100 persoas desempregadas con discapacidade e/ou incapacidade laboral para a súa profesión habitual inscritas como demandantes de emprego no Servizo Público de Emprego de Galicia.

13/11/2025

📢 Iniciamos cursos AFD dirixidos á mellora da cualificación profesional e á inserción laboral das persoas con discapacidade ou incapacidade laboral en Vigo, Santiago, Ourense, Ferrol e A Coruña.

Estas accións formativas están cofinanciadas pola Consellería de Emprego, Comercio e Emigración e o Ministerio de Educación, Formación Profesional y Deportes.

Estas formacións, cofinanciadas pola Consellería de Emprego, Comercio e Emigración e o Ministerio de Educación, Formación profesional e Deportes, ofrecen capacitación práctica en xestión e servizos administrativos a 68 persoas.

12/11/2025

📢 A Asociación Galega de Linfedema, lipedema, insuficiencia venosa crónica, en colaboración coa Clínica C1dema Terapia Linfática, organiza formacións sobre Insuficiencia Venosa Crónica para profesionais sociosanitarios da Dirección Xeral de Discapacidade da Xunta de Galicia.

Obxectivo: mellorar o coñecemento, prevención e tratamento da insuficiencia venosa crónica, patoloxía que afecta entre 50% e 70% da poboación, con maior incidencia en mulleres.

📌As sesións serán en Redondela, Sarria, A Coruña e Ourense.

A iniciativa desenvolverase en colaboración coa Clínica C1Dema durante os meses de novembro e decembro nos CAPD de Redondela, Sarria, A Coruña e Ourense, para mellorar a prevención e o tratamento desta patoloxía crónica

11/11/2025

📚 Onde se fala de inclusión e de aulas, aí está COGAMI.
Xunto con COCEMFE, participamos cunha mesa informativa nas xornadas “Atendendo á diversidade na aula: creando redes para a inclusión educativa”, organizadas pola Xunta de Galicia na Cidade da Cultura de Galicia de Santiago.
🤝 Contamos cun espazo expositivo ata o que se achegou o conselleiro Román Rodríguez.
Nestes encontros de formación dirixidos a docentes participaron máis de 30 entidades co obxectivo de tecer redes a favor da atención inclusiva nas aulas.

10/11/2025

🚨 A Asociación Unión Galega de Epilepsia UGADE pon en marcha o programa Épic@s para sensibilizar sobre a epilepsia en colexios da provincia da Coruña e ofrecer apoio psico-social ás persoas con epilepsia e ás súas familias.
Xa se impartiron 21 charlas con máis de 300 asistentes!
👉Colabora Fundación ONCE a través do Plan de Prioridades.

Esta iniciativa, financiada pola Fundación ONCE, busca ofrecer apoio psicolóxico e formación a pacientes, familias e alumnado para mellorar a inclusión social.

07/11/2025

📢 O proxecto europeo ACT-INCLUSIVE: Inclusive Education in Action chega ao seu fin!
Tras tres anos de traballo por unha educación máis inclusiva, o 12 de novembro celebrarase en Bruxelas a conferencia final, que tamén se pode seguir en formato online.
Será un espazo para compartir experiencias, ferramentas e boas prácticas dirixido a profesorado, profesionais da educación, responsables de políticas públicas e entidades sociais.
👉 A participación é de balde, só tes que inscribirte no enlace que aparece na nosa web:
🔗 https://www.cogami.gal/difusion/sala-de-prensa/novas-cogami-social/o-proxecto-europeo-act-inclusive-finaliza-nunha-conferencia-en-bruxelas-que-podera-ser-seg/
💬 Haberá interpretación simultánea en español, inglés, francés e esloveno.

O evento, que será o 12 de novembro en Bruxelas, pode seguirse en formato online previa inscrición.

06/11/2025

👉Eu decido facer deporte 💪
Profesionais da saúde sempre nos informan dos beneficios da práctica de actividades deportivas e de lecer para o noso organismo.
Quen o ten moi claro son David Castiñeiras, Daniel Vila e Gabriel García, tres usuarios do centro de atención diúrna que ten COGAMI en Monteporreiro, Pontevedra.
Afirman que para eles, o deporte é vida, saúde, permítelles estar en forma, teñen máis axilidade, móvense mellor, coñecen xente, desconectan, permítelles saír das rutinas... Iso si, para practicalo, é necesario que os espazos sexan accesibles ao igual que o transporte.
David, Daniel e Gabriel contan a súa experiencia deportiva para a campaña , coa que visibilizamos exemplos reais de superación, autonomía e participación. Porque en COGAMI levamos 35 anos avanzando contigo. 🙌
https://youtu.be/1kM0Fdo01Xk

Profesionais da saúde sempre nos informan dos beneficios da práctica de actividades deportivas e de lecer para o noso organismo.Quen o ten moi claro son Davi...

05/11/2025

👉 A bolsa de voluntariado de COGAMI segue medrando!
Durante este ano 2025 incorporáronse 62 novas persoas voluntarias (42 mulleres e 20 homes), o que eleva a nosa rede ata 1.433 persoas inscritas.

Ti tamén podes formar parte do noso equipo de voluntariado.

🤝 Contacta con nós voluntariado@cogami.gal

Estas novas incorporacións supoñen un reforzo para o movemento asociativo de COGAMI xerando igualdade de oportunidades e en competencias de voluntariado e xestión en accións innovadoras.

04/11/2025

Convenio de colaboración entre COGAMI e a Deputación de Lugo para apoiar a posta en marcha do modelo de Atención Integral Centrada na Persoa (AICP) no centro de atención diúrna de Fingoi.

👉 A AICP é unha metodoloxía que supón un cambio de mirada: cada persoa é única, e a atención debe adaptarse ás súas necesidades, desexos e dereitos.

O presidente de COGAMI asinou con José Tomé un acordo para introducir no servizo de atención diúrna terapéutica de Fingoi o Modelo de Atención Integral Centrada na Persoa (AICP).

03/11/2025

🎥 Mira o vídeo completo da nosa gala de aniversario aquí 👇
Celebramos 35 anos de traxectoria acompañados de moitas persoas que fixeron que este día quede gravado na nosa memoria
Grazas por estar con nós, pola vosa compaña e polo agarimo que nos transmitistes.
https://youtu.be/AhHTVewMsj8


Concello de Carballo Vegalsa Eroski Xunta de Galicia Pazo de Raxoi Cidade da Cultura de Galicia

Deixámosvos un resumo do que foi a nosa gala de aniversario.Celebramos 35 anos de traxectoria acompañados de moitas persoas que fixeron que este día quede gr...

31/10/2025

Impartimos charla de sensibilización sobre a discapacidade no Colexio Plurilingüe Salesianos de Ourense, ás que asistiron 75 estudantes de 6º de Primaria.
Nesta ocasión contouse coa colaboración de José Antonio Ramos Alonso, Manuela Fernández Iglesias e Sugey Patricia Prado Torres, tres persoas voluntarias que compartiron as súas experiencias persoais sobre o que supón vivir cunha discapacidade.
💬Importanete sensibilizar dende idades temperás sobre inclusión, igualdade e diversidade.

Un total de 75 alumnas e alumnos de 6º de Primaria participaron en dinámicas para fomentar a empatía e o respecto cara ás persoas con discapacidade.