¿Qué es el sitio web?

https://www.facebook.com/246876472029451/

ZUNZUNEGUI Psicólogas

Casa
España
Santiago de Compostela
ZUNZUNEGUI Psicólogas

Con un enfoque sistémico e feminista, propoñemos acompañarte no teu proceso de cambio.

Posibilitar a adquisición de ferramentas e estratexias para chegar a túa meta.

09/03/2026

Nove de marzo. Pasou o gran día. Rematou a gran semana: medios de comunicación (cada un na súa liña editorial) falando de mulleres referentes, falando de mulleres que fan historia, que rompen moldes, que rompen teitos de cristal.

Nove de marzo. Quédanos algo dunha fermosa resaca de ternos xuntado onte nas rúas, de sentir que non estamos soas, de comprobar que esta é unha reivindicación colectiva. 💪🏽 Unha resaca emocional que dá alento e pulo para seguir na reivindicación, para seguir na loita e na resistencia: non soamente non queremos dar pasos atrás, se non que queremos seguir dando pasos cara adiante. Queremos seguir a conquistar territorios para poder habitalos dende a liberdade, queremos poder amar os nosos corpos de xeito incondicional, queremos estar vivas, queremos deixar o medo atrás, queremos compañeiros que dean un paso atrás no público e un paso adiante no privado (aiiii!!!! a tarefa pendente da corresponsabilidade).

Queremos construir en igualdade, hoxe tamén. E mañá. E cada un dos días que restan até o 8 de marzo de 2027 onde se volva pór o foco en nós.

Aquí estamos grazas ás que estiveron. Aquí seguimos polas que veñen.

💪🏽💜

03/02/2026

Hai unhas semanas Ana Cermeño, editora da , contactoume para facerme a proposta de escribir un artigo sobre o acoso. Comentoume que a pregunta que lle resoaba na cabeza era “un acosador nace, ou faise?. Tomeino como un reto e díxenlle que si, que me apetecía, que me atrevía. 😬😅

Quedeime coa pregunta e o resultado está na revista que saiu a semana pasada. Agardo ter respostado. 😉

Grazas infindas a Ana pola súa confianza.

💐💫

27/01/2026

Hai unhas semanas Pablo, de .ventures, agasalloume este novo deseño como imaxe visual do meu pequeno proxecto. 😍
Encántame e estou moi agradecida por este súper detalle de compartir o seu traballo comigo. 🥰
Moitas grazas, Pablo (e familia). 😉☺️

💐💫

12/12/2025

A nosa cara Lola tíñao claro. 💜💜💜

Grazas por tanto mestra, amiga.

25/11/2025

Hoxe é o día internacional contra as violencias de xénero. Necesitámolo máis que nunca. Ou tanto coma sempre. Avanzamos, mais lembremos que non queremos dar nin un paso atrás.
Necesitamos dunha educación pública de calidade que contrarrestre outros instrumentos de poder que invisibilizan ou directamente negan a necesidade dun día coma o de hoxe. Un sistema que eduque na igualdade, no respecto, nos coidados, na corresponsabilidade neses coidados, no bo trato, na compaixón.
Precisamos tomar consciencia de que as violencias, ás veces, poden ser máis sutís, pero seguen a existir e seguen a ser violencias que forman parte dun continuo. Comentarios despectivos, desprecios, negación de espazos, usurpación da palabra, desprezo de opinións, deslexitimización de logros, minimización do coñecemento, miradas de cosificación, invalidación dos nosos sentimentos e incomodidades, (in)validación a través do corpo…
Un continuo que vai aumentando a carga da violencia e do control, até chegar as ameazas, as agresións físicas e, finalmente, ao asasinato. Porque si, no 2025, seguen a matarnos polo feito de seren mulleres. Neste ano van 38 mulleres e 20 crianzas orfas.

Hoxe, 25 N, e sempre: querémonos libres, querémonos vivas. 💪🏽💪🏽

19/11/2025

Un dato moi gráfico, moi significativo. 😓

A igualdade na responsabilidade dos coidados segue claramente a ser unha tarefa pendente. E as mulleres que non renuncian, están exhaustas.

Eles teñen que poñerse as pilas, mostrar interese, ser proactivos. Nós temos que aprender a delegar.

Temos que seguir na educación en igualdade real.

Bonito mércores.

💐💫

06/11/2025

Eu diría que esta serie de Leticia Dolera é unha obra mestra. Polo que escoitei nalgunha entrevista tomouse tres anos para traballar no tema, investigar, formarse, reflexionar. Nótase. É unha serie complexa, con moitas capas. No que o individual vese cruzado polo colectivo, e viceversa.

Fala de violencias se***is e de abusos, si. Mais tamén fala de moitas máis pezas que mostran a complexidade destas situacións: a comunicación, a educación sexual, o tabú da sexualidade entre xeracións, a influencia das redes. Atravesando temas de clasismo e homofobia. É quen de mostrar as propias feridas coas que carga cada personaxe.

Mostra un sistema que acompaña á supervivinte, amable, que non revictimiza. Ogallá puidésemos dicir que isto é a norma.

Temos por diante moita reflexión para poder actuar dende a prevención.

24/10/2025

Pequena reflexión sobre o acontecido estes días no centro escolar de Sevilla.

Grazas a .gal, mais unha vez, pola súa xenerosidade.

https://praza.gal/opinion/educar-na-compaixon

💫💐

24/10/2025

Estes días púxenme a escribir unha pequena reflexión sobre alguna nova que saiu estes días na prensa.

E, como das veces anteriores, en .gal abríronme as portas. Grazas

💐💫

17/10/2025

Por estas datas, hai catorce anos, botaba andar este proxecto🥳🥳.

Daquela ilusión e medo a partes iguais. Hoxe, máis ilusión que medo.

Debe ser pola adolescencia, mais este ano foi especialmente intenso en mudar a pel, moitas aprendizaxes, horas de estudio, de formación… sempre coa intención de mellorar a calidade do meu acompañamento e de ser mellor profesional. Movéronse as bases, pero a ilusión e a confianza sempre estiveron aí. Guíando. 💫💫

Síntome moi agradecida pola vosa confianza, porque sen vós nada disto tería sentido nin tería chegado até aquí.

SON PORQUE SOMOS. 🥰

GRAZAS!!! 💐💫

09/09/2025

Non sei a de veces que vin esta fermosa serie. Capítulos curtiños, que convidan a rirse e tamén a reflexionar sobre a amizade, sobre a sexualidade, sobre a idade…

Dúas mulleres moi diferentes que, por circunstancias vitais, teñen que compartir espazo e acaban sendo familia. Tecen unha relación de cariño, de complicidade, de coidados que, a min, me pon moi blandiña mentres río.

02/09/2025

Despois do gran acollemento que tivo a primeira parte do artigo, custa moito máis facer pública esta segunda, coa que toma forma na súa totalidade: “des-conectar… para conectar-nos”.

Sempre sinto vertixe con esta exposición, mais hoxe, especialmente.

Deseco que vos guste, e que vos chegue coa mesma intención coa que foi escrita.

Grazas por estar aí acollendo e sostendo.

Grazas a .gal por estar receptivas a esta idea de dividir o artigo e facerme un oco dúas semanas seguidas.

Bonito martes 💫💫💫💫

Dirección

Rúa Galeras, Nº 17 1º Local 2
Santiago De Compostela
15705

Teléfono

607948586

Página web

facebook.com

Notificaciones

Sé el primero en enterarse y déjanos enviarle un correo electrónico cuando ZUNZUNEGUI Psicólogas publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.