09/11/2023
🛍️🏘️❤️Comercio de Valdoviño, o da casa. 🧑🏻⚕️Rematada a carreira, e tras traballar un tempo por conta allea en centros e hospitais, Antonio Villarnovo, Toni, decidiu arriscar e abrir as portas da súa propia clínica de fisioterapia. 📍A ubicación tíñaa clara. Valdoviño era a súa elección, e así foi como inicialmente alugaba hai 16 anos o baixo que na súa nenez acollera o negocio Confecciones El Raso, do que lembra hoxe en día o seu toldo amarelo. Un local que reformou integralmente xa con ambición e moito enxeño coas finanzas, para dispor de 3 cabinas, 1 despacho e un pequeno ximnasio destinado a rehabilitación. 📆🕘Lembra que a súa intención era abrir de luns a venres, pero que un dos pacientes que atendeu nesa primeira semana de actividade lle reservou citas martes, xoves e sábados, e así foi como optou por ampliar unha semana que, día tras día, copaba con consultas. Cinco anos adicándolle moitas horas e sen coller unhas vacacións foron consolidando o negocio, que mudaría de ubicación a un baixo moi próximo pero máis amplo co que gañar espazo, e fixo tamén medrar a plantilla ata os 3 traballadores que hoxe forman equipo. 🫱🏻🫲🏼Precisamente esa piña que fan, a atención personalizada que ofrecen en función de cada patoloxía, e o trato familiar que dispensan son as razóns que Toni esgrime cando se lle pregunta polo segredo para manter a axenda sempre cuberta. 👌🏻Rehafis é hoxe tamén Rehafis Fisioterapia y Salud. Engadía apelidos coincidindo coa incorporación doutros servizos aos de fisioterapia e fisioterapia de solo pélvico tal que pilates e nutricionista online. Unha clínica de referencia en Valdoviño, pero tamén para moitos veciños e veciñas de localidades próximas. Por atención, trato e equipo 🔝
