Lunes 10:00 - 13:00 Martes 10:00 - 13:00 Miércoles 10:00 - 13:00 Jueves 10:00 - 13:00 Viernes 10:00 - 13:00

AGAMFeC

Casa
España
Vigo
AGAMFeC

Asociación Galega de Medicina Familiar e Comunitaria A AGAMFEC busca sumar esforzos e ilusións.

A AGAMFEC é unha asociación médica científica e profesional, sen ánimo de lucro, que vela polo adecuado desenvolvemento da Medicina Familiar e Comunitaria en Galicia. É algo máis ca unha axencia prestadora de servicios ou que unha asociación defensora de intereses corporativos. Pretende reunir e representar a todo o colectivo médico de Atención Primaria e servir de canle para asumir a corresponsabilidade no proceso de mellora e modernización da nosa sanidade. A AGAMFEC quere xogar un papel fundamental no desenvolvemento da Medicina de Familia e Comunitaria e da Atención Primaria en Galicia, aglutinando aos especialistas en MFC e demais profesionais de Atención Primaria do noso país, e asumindo a súa defensa e representación. A AGAMFEC está dirixida por unha Xunta Directiva renovable cada dous anos. Articúlase en Seccións (Docencia, Investigación, PAPPS, Prensa e Relacións coa semFYC) e Grupos de Traballo, coa pretensión de canalizar a máxima participación dos seus asociados. A AGAMFEC está integrada na estructura federal da semFYC, sociedade que agrupa ás 17 sociedades autonómicas do estado, constituíndo a sociedade científica médica de maior actividade e implantación, chegando na actualidade (decembro do 2005) a reunir a máis de 17.000 profesionais de todo o estado español.

20/11/2025

Como profesionais sanitarios, traballamos cada día para que todos os nenos teñan acceso a unha atención médica de calidade, próxima e humana; unha atención que non só cure enfermidades, senón que tamén promova hábitos de vida saudables, benestar emocional e un adecuado desenvolvemento físico e mental.
Lembramos especialmente aqueles nenos que atravesan situacións de vulnerabilidade: enfermidades crónicas, hospitalizacións prolongadas, contextos sociais difíciles ou barreiras para acceder a unha asistencia sanitaria adecuada. A eles dedicamos o noso compromiso e esforzo constante.
O Día Mundial da Infancia tamén nos invita a escoitar. Escoitar as súas necesidades, os seus medos, as súas preguntas e os seus soños. A voz da infancia debe estar sempre presente nas decisións que afectan á súa saúde e ao seu futuro.
Dende o Grupo de Traballo de Atención á Infancia e Adolescencia da AGAMFEC, queremos lembrar a importancia de defender os dereitos da infancia, promover políticas de saúde equitativas, apoiar ás súas familias e traballar por un sistema sanitario que coide dos máis pequenos con excelencia, humanidade e sensibilidade.
Porque cada neno merece medrar san, seguro e feliz.

Guillermo Lorenzo
Coordinador do Grupo de Traballo de Atención á Infancia e Adolescencia AGAMFEC

18/11/2025

Hoxe, 18 de novembro, celebramos o Día Europeo de Concienciación sobre o Uso dos Antibióticos, que marca o comezo da Semana Mundial de Concienciación sobre o Uso dos Antibióticos.
O Grupo de Traballo sobre o Uso de Medicamentos da AGAMFEC quere reiterar a importancia do uso racional dos antibióticos para previr o aumento da resistencia aos antibióticos.

Isabel Barrio
Coordinadora Grupo de Traballo de Utilización de fármacos de AGAMFEC

Consulta o documento completo en agamfec.com

18/11/2025

A folga xustificada.

As sociedades científicas de Atención Primaria (AP) —Agamfec, SEMG e Semergen— deciden apoiar as mobilizacións e as convocatorias de folga en AP previstas para os derradeiros días de novembro.

Comunicado completo en agamfec.com

15/11/2025

GdT Inteligencia artificial semFYC: Noemí López Rey, Vogal de Investigación de AGAMFeC, presenta no XLV Congreso semFYC en Madrid as últimas novidades en investigación asistida con IA na sesión de Actualización dos Grupos de Traballo de

14/11/2025

AGAMFeC está presente no XLV Congreso SEMFYC estes días en Madrid

Na apertura do Congreso a semFYC defende la lonxitudinalidade na Atención Primaria e reclama ás Administracións blindar a atención continuada á poboación asignada.

10/11/2025

Comunicado conxunto sociedades científicas galegas

Tras as reunións convocada pola Consellería de Sanidade na primeira semana de novembro, na que se expuxo a grave situación actual da Atención Primaria en Galicia, cunha crise estrutural que compromete a cobertura asistencial nos próximos meses, e se presentaron diversas propostas para mitigar os seus efectos, desde as distintas sociedades científicas de medicina de familia de Galicia (SEMG, SEMERGEN, AGAMFEC-SEMFYC) queremos publicar o seguinte comunicado.

20/10/2025

📝 O pasado sábado 18 de outubro de 2025 no Edificio Sociocultural de Lalín (Pontevedra) no Grupo de Traballo de Comunicación e Saúde de AGAMFEC realizamos a Xornada Galega de Comunicación e Saúde co obxectivo de crear un espazo de diálogo onde realizar de xeito práctico diferentes formacións sobre ferramentas e aptitudes a desenvolver na consulta do día a día dos especialistas en medicina familiar e comunitaria para enriquecer a comunicación cos pacientes.

Recoñecido como Acto de Interese Sanitario pola Consellería de Sanidade esta Xornada abordou a necesidade de mellorar a resolución de problemas, a negociación na relación clínica ou a entrevista motivacional, nun espazo libre, dinámico e ameno a través de 6 obradoiros totalmente prácticos e participativos.

A resposta foi moi satisfactoria por parte dos asistentes quedando reflexada no ambiente de participación e aprendizaxe..

Moitas grazas a tod@s pola vosa participación!

17/10/2025

📅 Dia mundial contra a dor
17 de Outubro

O ano 2025 foi designado pola IASP (Asociación Internacional para o estudo da Dor) como : Manexo da Dor, Investigación e Educación en Entornos de Ingresos Baixos e Medianos, que pon o foco nas desigualdades de recursos tanto en paises de baixos/medianos ingresos, como en poboacions minoritarias ou desprazadas en paises de altos ingresos.

A dor é unha experiencia complexa, co que a abordaxe raramente será simple, e os determinantes sociais da saúde (vivenda, ocupación, recursos económicos, cultura…) poden supoñer un importante condicionante para que unha persoa que o padece reciba a atención adecuada.

A dor se define como unha experiencia emocional e sensorial desagradable, polo que as barreiras de acceso ao sistema sanitario e a tratamentos adecuados, así como actitudes negativas por parte dos profesionais poden fomentar a inequiade na atención a estes pacientes.

O investimento en educación e investigación terá beneficios para todolos pacientes en calquera contexto.

Ana Bello Souto
Referente de Dor Persistente de AGAMFEC

15/10/2025

15 de Outubro: Día Internacional da Muller Rural

Neste xa ben empezado século XXI, segue a ser unha incuestionable realidade en tódolos ámbitos, tanto o rural como o urbano, que o traballo de coidados é levado a cabo nunha inmensa maioría dos casos por mulleres. Isto cobra especial importancia no medio rural, no cal o illamento, a soidade e o envellecemento poblacional son dos principales retos aos que como sociedade temos que enfrentarnos, o que fai inmensa a laboura de coidados das coidadoras.

Como médicas e médicos de familia e comunidades no rural, ademáis temos ben claro que a maioría do tecido asociativo comunitario, tanto a nivel formal, en asociacións de veciños, mulleres rurais… como informal está constituido e impulsado por mulleres. Son as mulleres as que tecen as redes das comunidades rurais.

Este 15 de Outubro conmemórase a nivel internacional o día da Muller Rural e dende a vogalía rural de AGAMFEC, queremos recoñecer e agradecer este traballo e este sostén a todas as mulleres rurais. Sen o voso esforzo, o noso traballo sería imposible.

Tamén reivindicar a importancia social fundamental deste traballo de coidados, escasamente recoñecido e valorado, e levado a cabo en condicións non poucas veces moi precarias.

No voso día, de corazón, GRAZAS!

01/10/2025

📅 1 de outubro: Día Internacional das Persoas de Idade
-- Nesta consulta non só somos maiores, somos grandes
Aproveitando a celebración do Día Internacional das Persoas de Idade o grupo de traballo de Atención ao Maior da Agamfec quere invitarvos a facer unha reflexión e identificar actitudes idadistas na vosa contorna como unha forma de evitar a discriminación polo feito de ter anos.
Defender os seus dereitos é defender o noso, os dereitos humáns.

Descarga o póster co noso lema en agamfec.com

29/09/2025

AGAMFEC estivo presente na II Conferencia de Académicos/as de AMFE (Academia de Medicina de Familia) os días 26 e 27 de setembro en Madrid, nun encontro para dar a súa importancia á medicina de familia e presentar as conclusións acordadas polos diferentes grupos de traballo.

https://www.semfyc.es/semfyc/universidad-amfe/amfe

11/09/2025

Dende o grupo de traballo de Comunicación e Saúde de AGAMFEC queremos convidarvos á nosa Xornada Galega de Comunicación e Saúde o 18 de Outubro en Lalín (Edificio Sociocultural da rúa Manuel Rivero, 1).
Reservaremos un espazo de diálogo onde se realizarán de xeito práctico diferentes formacións sobre ferramentas e aptitudes a desenvolver na consulta do día a día para enriquecer a comunicación cos pacientes. Con elas pretendemos mellorar a resolución de problemas, o cumplimento terapéutico, o control da demanda e o rendemento do traballo. Ofertamos un espazo libre, dinámico e divertido. Esperámosvos!
+ info e inscricións en agamfec.com

Dirección

Rúa Menéndez Pelayo 32-34
Vigo
36211

Horario de Apertura

Lunes	10:00 - 13:00
Martes	10:00 - 13:00
Miércoles	10:00 - 13:00
Jueves	10:00 - 13:00
Viernes	10:00 - 13:00

Página web

http://www.agamfec.com/

Notificaciones

Sé el primero en enterarse y déjanos enviarle un correo electrónico cuando AGAMFeC publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.