https://www.facebook.com/101396016009708/

Ethio Hakim, Lombard, Addis Ababa (2026)

25/04/2026

⚠️ ኩላሊትን የሚጎዱ 6 አደገኛ የእለት ተእለት ልማዶች

ለኩላሊት ጤና ጥንቃቄ ማድረግ በየቀኑ ከምንወስናቸው ትናንሽ ውሳኔዎች ጋር የተያያዘ ነው። አንዳንድ ልማዶች በጊዜ ሂደት ኩላሊት ላይ ጫና ሊፈጥሩ ይችላሉ

ለኩላሊት ጉዳት ሊዳርጉ የሚችሉ የዕለት ተዕለት ልማዶች የሚከተሉት ናቸው ፦

🧂 ጨው ማብዛት

ከመጠን ያለፈ የጨው አጠቃቀም የደም ግፊትን ይጨምራል። ከፍተኛ የደም ግፊት ደግሞ ለኩላሊት መጎዳት ዋነኛው መንስኤ ሲሆን፣ ኩላሊቶቹ ትርፍ ጨውን ለማስወገድ ጠንክረው እንዲሰሩ ያስገድዳቸዋል

💊 የህመም ማስታገሻዎችን ማዘውተር

እንደ አይቡፕሮፌን ያሉ የህመም ማስታገሻዎችን ያለ ገደብ መውሰድ ወደ ኩላሊት የሚሄደውን የደም ፍሰት በመቀነስ በሂደት ለኩላሊት ህብረ ህዋሳት መጎዳት ምክንያት ይሆናል

🍭 ስኳር ማብዛት

ስኳር ለከፍተኛ ውፍረትና ለስኳር በሽታ ይዳርጋል፤ እነዚህ ደግሞ ለከባድ የኩላሊት በሽታዎች መከሰት ዋነኛ መንስኤዎች ናቸው። በመጠጦችና በተለያዩ ማጣፈጫዎች ውስጥ የሚገኙ "ድብቅ" ስኳሮችን ማስተዋል ያስፈልጋል

🍟 የታሸጉና የተቀነባበሩ ምግቦችን ማዘውተር

እነዚህ ምግቦች አብዛኛውን ጊዜ ከፍተኛ የጨውና የፎስፈረስ መጠን ይይዛሉ። ከፍተኛ የፎስፈረስ መጠን ደግሞ በኩላሊት ላይ ከፍተኛ ጫና ይፈጥራል

💧 በቂ ውሃ አለመጠጣት

ውሃ ኩላሊቶች ጨውና መርዛማ ነገሮችን ከሰውነት ውስጥ እንዲያጸዱ ይረዳል። በቂ ውሃ አለመጠጣት ኩላሊቶች ቆሻሻን የማጣራት ስራቸውን በአግባቡ እንዳይወጡ ከማድረጉም በላይ ለኩላሊት ጠጠር የመጋለጥ እድልን ይጨምራል

🍺 ከመጠን ያለፈ የአልኮል መጠጥ

አዘውትሮ አልኮልን ከመጠን በላይ መጠጣት ለከባድ የኩላሊት በሽታ የመጋለጥ እድልን በእጥፍ እንደሚጨምር ጥናቶች ያሳያሉ

የእርሶ ልማድ የትኛው ነው❓ እኔ ውሀ መጠጣት ሰነፍ ነኝ

Ethio Hakim
Hakim Mereja ሀኪም መረጃ
Digital Hakim

20/04/2026

🔥 በባዶ ሆድ የማይወሰዱ 5 ምግቦች :-

🌶️ የሚያቃጥሉ ምግቦች

በርበሬ የበዛባቸው የሚያቃጥሉ ምግቦች (ለምሳሌ በርበሬ የበዛበት ፍርፍር፣ ጨጨብሳ፣ ቀይ ወጥ፣ ስልስ የመሳሰሉት) እና ቃሪያ በባዶ ሆድ መመገብ የጨጓራ ግድግዳ እንዲቆጣ ሊያደርጉ ይችላሉ። ይህም የሆድ ቁርጠት ወይም ከፍተኛ የማቃጠል ስሜት ይፈጥራል

🍬 ጣፋጭ ምግቦች ወይም ለስላሳ መጠጦች/ጁሶች

ስኳር የበዛባቸው ነገሮችን ገና በጠዋቱ መውሰድ የኢንሱሊን መጠን በድንገት እንዲጨምር ያደርጋል። ይህም ከጥቂት ቆይታ በኋላ የሰውነት መዛል እና የድካም ስሜት ያመጣል። ስኳር የበዛበት ሻይ በዳቦ ወይም ዳቦ በማርማራታ አይነት ቁርሶች ለዚ መንስኤ ሊሆኑ ይችላሉ

☕ ቡና

በባዶ ሆድ የሚጠጣ ጥቁር ቡና የጨጓራ አሲድ በከፍተኛ ሁኔታ እንዲመነጭ ያደርጋል። ይህ ደግሞ የጨጓራ ማቃጠል እና መቆጣት ያስከትላል

🍊 የሚኮመጥጡ ፍራፍሬዎች

እንደ ብርቱካን እና ሎሚ ያሉ ፍራፍሬዎች ከፍተኛ አሲድ ስላላቸው በባዶ ሆድ ሲወሰዱ የጨጓራ መቃጠል እና የጨጓራ መቆጣትን ሊያስከትሉ ይችላሉ

🍅 ጥሬ ቲማቲም/የቲማቲም ጁስ

ቲማቲም ከፍተኛ አሲድ ስላለው የሆድ መነፋት፣ የምግብ አለመፈጨት እና ምቾት ማጣት ሊያስከትል ይችላል

📍 በአጠቃላይ በባዶ ሆድ በርበሬ፣ ቅመም ወይም ስኳር የበዛበት እንዲሁም አሲዳማ የሆነ ምግብ አለመመገብ ይመከራል

በባዶ ሆድ ምን ስትበሉ ነው ምቾት ማይሰጣችሁ❓

Hakim Mereja ሀኪም መረጃ
Ethio Hakim
Digital Hakim

20/04/2026

የሆድ ህመምዎን ቦታ አይተው መንስኤውን መለየት እንደሚችሉ ያውቃሉ?

🔥 ከላይ መሃል ላይ (የማቃጠል ስሜት) ፦

ከምግብ በፊት/ሲርብዎት ወይም በኋላ የሚያቃጥልዎት ከሆነ የጨጓራ ህመም ወይም ቁስለት ሊሆን ይችላል

🍟 የሆድ ላይኛው ክፍል(ከበላን በኋላ) ፦

ቅባት ወይም ቅመም የበዛበት ምግብ በልተው አከባቢው ምቾት ከነሳዎት የምግብ አለመፈጨት ምልክት ነው

💨 መሃል ሆድ ላይ (የመነፋት ስሜት)፦

ሆድዎ እንደ ከበሮ ተወጥሮ ካስቸገረዎት ወይም የመሙላት ስሜት ካለው የአየር/ጋዝ መከማቸት ወይም የሆድ መነፋት ነው

🪱 እምብርት ላይ (ቁርጠት)፦

በእምብርትዎ ዙሪያ የሚመላለስ ቁርጠት ካለ የሆድ ትላትል መኖሩን ሊጠቁም ይችላል

🦠 የሆድ የታችኛው ክፍል (ቁርጠት እና ተቅማጥ)፦

ቁርጠት እና አጣዳፊ ተቅማጥ ካለው አሜባ ወይም ጃርዲያ ሊሆን ይችላል

🌡️ ከታች በስተቀኝ (የህመም ስሜት):-

ህመም እና ትኩሳት ካለው ታይፎይድ ሊሆን ይችላል

🚫🚽 ከታች በስተግራ(የመክበድ ስሜት)፦

ሆድ መንፋት እና ማማጥ ካለው የሆድ ድርቀት ምልክት ነዉ

እንደ ትርፍ አንጀት እና ኩላሊት ጠጠር ያሉ ሌሎች ከባድ ህመሞችም ስላሉ፣ ህመሙ ከጸና ምርመራ ማድረግ አይዘንጉ❗️

ከእነዚህ 7 የህመም አይነቶች በብዛት የትኛው ያጋጥምዎታል? ቁጥሩን ኮሜንት ላይ ያስቀምጡ።

Hakim Mereja ሀኪም መረጃ
Ethio Hakim
Digital Hakim

16/04/2026

ያስረጃል የሚባለው ስጋ በአግባቡ ከተመገብነው እርጅናን እንደሚያዘገይ ያውቃሉ?

ምንም እንኳን በተለምዶ ስጋ ያስረጃል ቢባልም በሳይንስ የተረጋገጠው ግን ተቃራኒው ነው ፣ ስጋ እርጅናን ለማዘግየት የሚያግዙ ንጥረ ነገሮችን በውስጡ ይዟል

ስጋ እርጅናን ለማዘግየት የሚያግዝባቸው መንገዶች :-

◈ ቆዳችን እንዳያረጅ ያደርጋል

ስጋ ከፍተኛ ጥራት ያለው ፕሮቲን ስለሚይዝ ማለትም ፕሮሊን እና ግላይሲን የተባሉ አሚኖ አሲዶች ስላሉት ኮላጅንን በደምብ በማምረት ቆዳ እንዳይሸበሸብ እና እንዳያረጅ ያደርጋል

◈ ጡንቻችንን ያስጠብቃል

አንደኛው የእድሜ መግፋት ምልክት የጡንቻ መሳሳት ነው፣ ጡንቻ ደግሞ እድሜያችን በገፋ ቁጥር ጥንካሬያችንን ጠብቀን ለመቆየት የሚያስፈልገን ዋነኛው ነገር ነው፤ ስጋ በውስጡ ሉሲን የሚባል አሚኖ አሲድን ይይዛል፤ ይህም ሰውነታችን ጡንቻን እንዲጠግንና እንዲገነባ ትዕዛዝ የሚያስተላልፍ "ኬሚካላዊ ሲግናል" ነው

◈ ጉልበት እንዲኖረን ያደርጋል

እድሜ በገፋ ቁጥር ዋናው የሚያስቸግረን ነገር ጉልበት ማጣት ነው፤ ስጋ ከፍተኛ ሀይል ሰጪ ምግብ ሲሆን ስኳር ከፍ የማያደርግ የማይቋረጥ ሀይል ይለቃል። በተጨማሪም እድሜ ሲገፋ የምግብ ፍላጎት ስለሚቀንስ ትንሽ በልተን ብዙ የምናገኝበት ምግብ ነው

◈ መርሳትና የአዕምሮ መድከምን ይከላከላል

ስጋ ቢ12፣ ካርኖሲን እና ክሬቲንን ስለሚይዝ የማሰብ ፍጥነት፣ ትኩረት እና ንቃት እንዲኖረን ያደርጋል እንዲሁም የማስታወስ ችሎታ መቀነስን ይከላከላል

◈ ሰውነታችን እንዳይዝግ ይከላከላል

ስጋ የካርኖሲን ብቸኛ መገኛ ነው። ይህ ሞለኪውል ስኳር በሰውነታችን ውስጥ ፕሮቲኖችንና ዲ ኤን ኤን እንዳያጠቃ በመከላከል፣ የውስጥ አካላታችን፣ ጡንቻዎች፣ መገጣጠሚያዎች፣ ጭንቅላታችንና ቆዳችን እንዳይዝጉ ይንከባከባል

✅ እንዴት ብንመገበው እነዚህን ጥቅሞች እናገኛለን?

◈ በመጠኑ እና አለፍ እያልን መመገብ (በየቀኑ እና ብዙ መጠን አለመመገብ- በሳምንት ከግማሽ ኪሎ ባይበልጥ ይመከራል)

◈ ከአትክልቶች ጋር አመጣጥኖ መመገብ (አንታይ ኦክሲደንቶችን ከአትክልቶች ለማግኘት እንዲሁም ድርቀት እና የምግብ አለመፈጨት እንዳይኖር ያደርጋል)

◈ ጨው/ቅባት ሳይበዛበት እና ሳያር/በጣም ሳይጠበስ ማብሰል እንዲሁም ጮማ/ስብ የሌለውን ስጋ መብላት

🔴 ስጋ ያስረጃል የሚለው አባባል ከየት እንደመጣ ያውቃሉ?

Hakim Mereja ሀኪም መረጃ
Ethio Hakim

15/04/2026

‼️
======
👉ንብ ማርን የምትሰራበት የአሰራር ሂደት በጣም አስደናቂ ከመሆኑም ባሻገር፤ በአብዛኛዎቻችን እጅግ ተወዳጅና ተመራጭ የምግብ ዓይነት ነው።

👉በተጨማሪም በፍሩክቶስ (Fructose) ይዘቱ በጣም የበለፀገ ስለሆነ ብዙ የህክምና ጥቅሞች አሉት።

👉ከቤት ውስጥ መጥፋት ከሌለባቸው ምግቦች ውስጥም ሲጠቀስ ይሰማል።
ጥንታውያን ግሪኮች ማርን “የፈጣሪ ምግብ” ሲሉ ነው የሚገልጹት።

👉በቻይና ደግሞ መድኃኒት ተደርጎ ነው የሚታሰበው።
👉በአብዛኛው ወርቃማ ቀለም ያለው ይህ ጣፋጭ የተፈጥሮ ፈሳሽ ለምግብነት እና ለመድኃኒትነት የሚጠቅሙ ንጥረ ነገሮችን በውስጡ ይዟል።

✅ :-

1️⃣ !
=====
የተፈጥሮ ማር ፍላቮንድና አንቲ ኦክሲዳንት (Antioxidant) በውስጡ ይዟል። እነዚህ ንጥረ ነገሮች በካንሰርና የልብ ህመም የመጠቃት እድልን ይቀንሳሉ።

2️⃣ !
=======
ማር አንጀታችን በባክቴሪያ እንዳይጠቃና በተለያዩ ምክንያቶች እንዳይቆስል ይከላከላል።

3️⃣ !
=====
በኒውዝላንድ ዋይካቶ ዩኒቨርስቲ የማር ምርምር ክፍል ዳይሬክተር የሆኑት ፒተር ሞላን ሪፓርት እንደሚያሳየው፤ ማር ፀረ-ባክቴሪያ ባህሪ አለው።

የዚህም ምክንያት ንብ ማር ውስጥ ሀይድሮጂን ፐር ኦክሳይድ የተባለ ኢንዛይም ስለምትጨምርበት መሆኑ ተረጋግጧል።

4️⃣ !
=======
የበፊት አትሌቶች ብቃታቸውን ለመጨመር ማርን ይጠቀሙ ነበር። ይህ ተግባር በአሁኑ ዘመናዊ የአትሌቲክስ ስልጠና የተረጋገጠ ሲሆን፤ የግላይኮጂን መጠንን በማመዛዘን ጉልበት እንዲያገኙ ያደርጋል።

5️⃣ !
======
ቀይ ማር ለሳል በጣም ጠቃሚ ነው። ጥናቶች እንደሚያመለክቱት ከሆነ በ110 ህፃናት ላይ በተደረገው ጥናት መሰረት፤ እኩል መጠን ያላቸው ቀይ ማር እና ዴትሮሜትሮፌን (Detromethorphan) ተመሳሳይ በሆነ ሁኔታ አመሻሽ ላይ የሚነሳን ሳል የማስታገስ አቅም አላቸው። በተጨማሪም ሰላማዊ እንቅልፍ እንድንተኛ ያደርጋል።

6️⃣ !
=====
ማር እይታ እና የክብደት መቀነስን ያሻሽላል። ስንፈተ ወሲብን እና ቅድመ ዘር ፍሰትን ይፈውሳል እንዲሁም የሽንት መስተጓጐልን፣ የመተንፈሻ አካላት ስርዓትን፣ ተቅማጥን እና ማቅለሽለሽን ይከላከላል።

7️⃣ !
=======
ማር ምንም እንኳን አነስተኛ መጠን ያለው ስኳር ቢኖረውም ሰው ሰራሽ ከሆነው ስኳር ጋር ግን ተመሳሳይ አይደለም። በደም ውስጥ ጥሩ ፍሩክቶስ እና ግሉኮስ ቅንጅት እንዲኖር ማድረግን ይቆጣጠራል።

በተጨማሪም አንዳንድ የማር አይነቶች አነስተኛ ወይም ዝቅተኛ የስኳር መጠን ስላላቸው የደም የስኳር መጠን እንዳይዋዥቅ ያደርገዋል።

8️⃣ !
======
ማርን በውጨኛው የሰውነት ክፍላችን ላይ ከሲልቨር ሰልፋዲያዚን (Silver Sulfadiazine) አብረን መጠቀም ፍቱን መድሀኒት ነው። በማር ውስጥ ያሉት ቀላል ስኳሮችና የፀረ ባክቴሪያ ባህሪው ቁስል ቶሎ እንዲድን ያደርገዋል።

9️⃣ !
=====
አንዳንድ የማር አይነቶች የተለመዱ የማይጎዱ ባክቴሪያዎችን ይዘዋል። እነሱም 6 የሚሆኑ የላክቶ ባሲላይ ዝርያዎች እና 4 የቢፊዶ ባክቴሪያ ዝርያዎች ናቸው። በመሆኑም ማር ዘርፈ ብዙ የሆነ ህመምን የመፈወስ ጥበብ እና ባህሪያት አካቷል።

🔟 !

የማር የፀረ ባክቴሪያ በዋነኛነት ለቆዳ ተስማሚ እና ጠቃሚ ነው። ከሌሎች ጋርም በመሆን ቆዳን የማለስለስና የማርጠብ ከፍተኛ አቅም አለው።

ትኩረት የሚሹ ማርን የሚመለከቱ መልዕክቶች:-
👉 ጠቆር ያለ ጠይም ማር አደገኛ ኬሚካሎችን ከሰውነት የማስወገድ (አንቲ ኦክሲዳንት) ባህሪ አለው
👉 ከአንድ አፀዋት ብቻ የሚሰራ ማር የሰውነትን ስኳር የማመጣጠን (አነስተኛ የግላይሴሚያ ኢንዴክስ) አላቸው።

☑️ስለሆነም የማርን ጠቀሜታ በአግባቡ ለማጣጣም ንጽህናው የተጠበቀና ተፈጥሮአዊ ማርን ብቻ በመጠቀም በማር ውስጥ የሚገኙትን የቫይታሚን፣ የኢንዛይምና የሌሎች ንጥረ ነገሮችና ሚነራሎችን ማግኘት ይችላሉ።

--------------

Hakim Mereja ሀኪም መረጃ
Ethio Hakim

15/04/2026

ለሚሰነጣጠቅ ተረከዝ ቀላል የቤት ውስጥ መፍትሄ! 🦶

የተረከዝ መሰነጣጠቅ አልያም መሻከር ብዙዎቻችንን የሚያጋጥም ችግር ቢሆንም፣ በቀላሉ ቤት ውስጥ በሚገኙ ነገሮች ማከም ይቻላል!

🔍 ተረከዝ ለምን ይሰነጠቃል?

• ሞቃት እና ደረቅ የአየር ሁኔታ ሲኖር
• ከኋላ ክፍት ጫማዎችን ወይም ነጠላ ጫማዎችን ማዘውተር
• በደረቅ ወለል ላይ ረጅም ሰዓት መቆም
• በቂ ውሃ አለመጠጣት
• እንደ ፈንገስ አይነት የቆዳ ኢንፌክሽኖች ፣ የእድሜ መግፋት ፣ ረጅም ሙቅ ሻወር መውሰድ እና የቫይታሚን እጥረት የተለመዱ ባይሆኑም እንደ መንስኤ ይጠቀሳሉ

✅ የቤት ውስጥ መፍትሄዎች (በቅደም ተከተል) :

1️⃣ እግርዎን ለ15 ደቂቃ ለብ ባለ ውሃ (ጥቂት ጨው ቢጨምሩበት ይመረጣል) ዘፍዝፈው ያቆዩት

2️⃣ እግርዎ እንደተዘፈዘፈ ባለበት ሁኔታ (በደረቁ አይሆንም) በቀስታ በስስ ድንጋይ መፈተግ (ጥንቃቄ ይፈልጋል ማለትም በኃይል አለመፈተግ፣ ቁስል ካለው ወይም ስንጥቁ ጥልቅ ከሆነ ወይም ህመም ካለው መተው)

3️⃣ እግርዎን ታጥበው እንደጨረሱ ሳይደርቅ (እርጥበት እንዳለው) ቫዝሊን፣ የኮኮናት ቅባት ወይም የወይራ ዘይት በደንብ ይቀቡት

4️⃣ ቅባት/ቫዝሊኑን ከተቀቡ በኋላ ንጹህ የጥጥ ካልሲ አድርገው ይተኙ። ይህ እርጥበቱ ወደ ውስጥ ዘልቆ እንዲገባና ቆዳው እንዲታደስ ያደርጋል

🛡️ መከላከያ መንገዶች :

• በባዶ እግር አይራመዱ!

• በቂ ውሃ መጠጣትዎን አይዘንጉ

• ተረከዝን የሚሸፍኑና ምቹ ጫማዎችን ይልበሱ

• ቫዝሊን/የኮኮናት ቅባት ማታ ማታ ይቀቡ

እርሶስ ዋነኛው መንስኤ የትኛው ይመስሎታል⁉️

Hakim Mereja ሀኪም መረጃ
Ethio Hakim

11/04/2026

ስለ ብልት ፈሳሽ (Vaginal Discharge) ማወቅ ያለብሽ ነገሮች!

ሁሉም ፈሳሽ በሽታ አይደለም። ነገር ግን ፈሳሽሽ ቀለም፣ ሽታና ወጥነት ሲቀየር ሰውነትሽ የሆነ ነገር እየተፈጠረ መሆኑን ሊጠቁምሽ ይሞክራል።
1. ጤናማ ፈሳሽ ምን ይመስላል?

ቀለም: ግልጽ (ውሃ መሰል) ወይም ነጭ (እንደ ወተት).

ሽታ: ሽታ የሌለው ወይም በጣም መጠነኛ የሆነ ሽታ ያለው።

ወጥነት: በወር አበባ ዑደት ወቅት (በተለይ እንቁላል በሚፈጠርበት ወቅት) እንደ እንቁላል ነጭ ሊለጠጥ ይችላል። ይህም የጤናማ የመራቢያ ሥርዓት ምልክት ነው።

2. የጤና ችግር ምልክቶች የሆኑ ፈሳሾች
የሚከተሉት ምልክቶች ካሉሽ የጤና ባለሙያ ማማከር አስፈላጊ ነው፦

ነጭ፣ ወፍራም እና እንደ እርጎ የሚታይ ፈሳሽ: ይህ ብዙ ጊዜ የፈንገስ ኢንፌክሽን (Yeast Infection) ምልክት ነው። ከዚህ ጋር የማሳከክ ስሜት ሊኖር ይችላል።

ቢጫ ወይም አረንጓዴ ፈሳሽ: ይህ አብዛኛውን ጊዜ በግብረ ስጋ ግንኙነት የሚተላለፍ ኢንፌክሽን ወይም ሌላ የባክቴሪያ ኢንፌክሽን ምልክት ሊሆን ይችላል።

ግራጫማ እና መጥፎ ጠረን (የዓሳ ሽታ) ያለው ፈሳሽ: ይህ የባክቴሪያ ኢንፌክሽን (Bacterial Vaginosis) ምልክት ነው።

ከፈሳሽ ጋር አብሮ የሚመጣ ህመም: የሽንት ማቃጠል፣ የሆድ ታችኛው ክፍል ህመም ወይም የግብረ ስጋ ግንኙነት ህመም ካለ።

3. ፈሳሽሽን ጤናማ ለማድረግ የሚረዱ ጥቆማዎች

ጥጥ የውስጥ ልብስ: አየር የሚያስተላልፍ የጥጥ ልብስ መልበስ ፈሳሹ እንዳይጠራቀምና ባክቴሪያ እንዳይራባ ያደርጋል።

ውጫዊ ንጽህና: ብልትን በውሃ ብቻ መታጠብ በቂ ነው። በኬሚካል የተሰሩ ሳሙናዎች ወይም ሽቶዎች የሰውነትሽን ተፈጥሯዊ ሚዛን ያዛባሉ።

ከፊት ወደ ኋላ መታጠብ: ሁሌም ስትጸዳጂ ከፊት ወደ ኋላ መታጠብ ባክቴሪያዎች ከፊንጢጣ ወደ ብልት እንዳይተላለፉ ይረዳል።

ጤናማ አመጋገብ: እርጎ እና ሌሎች በፕሮባዮቲክስ (Probiotics) የበለፀጉ ምግቦችን መመገብ የኢንፌክሽን ተጋላጭነትን ይቀንሳል።

ቴሌግራሙን ይቀላቀሉ 👉 https://t.me/drdawitm

11/04/2026

🏥 የቀዶ ጥገና ወሊድ (C-section)፦ ማወቅ ያለብን ዋና ዋና ነጥቦች 🤰

👉የቀዶ ጥገና ወሊድ (C-section) በሆድ እና በማህፀን ላይ በሚደረግ ቀዶ ጥገና ህፃኑን የማውጣት ሂደት ነው። ይህ ሂደት አብዛኛውን ጊዜ በህክምና ምክኒያት ቀድሞ የታቀደ ሊሆን ይችላል፤ ወይም ደግሞ በምጥ ወቅት ድንገተኛ አደጋዎች ሲያጋጥሙ የሚከናወን ነው። አጠቃላይ ሂደቱ ከ45 እስከ 60 ደቂቃዎች የሚወስድ ሲሆን፣ ህፃኑ በመጀመሪያዎቹ ከ5 እስከ 15 ደቂቃዎች ውስጥ ይወጣል።
# # # 🟣 ከቀዶ ጥገና በፊት የሚደረጉ ቅድመ ዝግጅቶች
ከቀዶ ጥገናው በፊት እናትየው ለደህንነት እና ለምቾት ዝግጁ ትሆናለች፦
* **ማደንዘዣ፦** አብዛኛውን ጊዜ የታችኛው የሰውነት ክፍል ብቻ እንዲደነዝዝ ይደረጋል (Spinal or Epidural)። ይህም እናትየው በንቃት ሁኔታ ላይ ሆና ልጇ ሲወለድ እንድታይ ይረዳታል። ሙሉ በሙሉ ማስተኛት (General anesthesia) የሚመረጠው ለከፍተኛ ድንገተኛ አደጋዎች ብቻ ነው።
* **ፈሳሽ እና ካቴተር፦** በደም ስር ፈሳሽ እና መድኃኒት የሚሰጥበት መርፌ (IV) ይደረጋል፤ እንዲሁም ሽንት እንዲፈስ የሽንት ቧንቧ (Catheter) ይገጠማል።
* **ማጽዳት፦** የሆድ ክፍል በፀረ-ባክቴሪያ ይጸዳል፤ እንዲሁም የቀዶ ጥገናው ቦታ እንዳይታይ የሚከልል ጨርቅ ይደረጋል።
# # # 🟣 የቀዶ ጥገናው ሂደት
1. **የሆድ ላይ ቀዶ ጥገና፦** ሐኪሙ በታችኛው የሆድ ክፍል ላይ በግምት ከ4-6 ኢንች የሚረዝም አግድም ቀዶ ጥገና ያደርጋል።
2. **የማህፀን ቀዶ ጥገና፦** ሁለተኛው ቀዶ ጥገና በማህፀን ግድግዳ ላይ ይደረጋል።
3. **ልጁን ማውጣት፦** ህፃኑ በጥንቃቄ ከማህፀን ይወጣል። አፍና አፍንጫው ከፈሳሽ ይጸዳል፤ እንዲሁም የእንግዴ ገመዱ ተቆርጦ ይታሰራል።
4. **የእንግዴ ልጅ (Placenta)፦** ሐኪሙ የእንግዴ ልጁን ያወጣል።
5. **ቁስሉን መስፋት፦** ማህፀኑ በራሱ በሚሟሟ ክር (Dissolving stitches) ይሰፋል፤ የሆድ ክፍሉም በክር ወይም በሌሎች ዘዴዎች ይዘጋል።
# # # 🟣 ማገገም
* **የሆስፒታል ቆይታ፦** ታካሚዎች አብዛኛውን ጊዜ ለ2-4 ቀናት ሆስፒታል ይቆያሉ።
* **ፈውስ፦** ከቀዶ ጥገናው ሙሉ በሙሉ ለማገገም ከ6 እስከ 8 ሳምንታት ሊወስድ ይችላል።
* **እንቅስቃሴ፦** የደም መርጋትን ለመከላከል እና ቶሎ ለማገገም እናቶች ቀድመው እንዲንቀሳቀሱ (እንዲራመዱ) ይበረታታሉ።
# # # 🟣 የቀዶ ጥገና ወሊድ መቼ የግድ ይባላል?
ለደህንነት ሲባል በሚከተሉት ሁኔታዎች ቀዶ ጥገና ሊመረጥ ይችላል፦
👶 **የህፃኑ አቀማመጥ፦** ህፃኑ በጭንቅላቱ ፋንታ በእግሩ ወይም በመቀመጫው ወደ ታች ከዞረ (Breech)።
🩸 **የእንግዴ ልጅ መሸፈን፦** የእንግዴ ልጅ የማህፀን በርን ከጋረደ (Placenta Previa)።
🆘 **የፅንስ መቸገር፦** ህፃኑ በቂ ኦክስጅን እያገኘ ካልሆነ (Fetal Distress)።
🐢 **የምጥ መዘግየት፦** ምጡ በጣም የዘገየ ከሆነ ወይም ህፃኑ ከእናቱ የዳሌ አጥንት በላይ ትልቅ ከሆነ።
🔄 **ቀደም ያለ ቀዶ ጥገና፦** ቀደም ሲል በቀዶ ጥገና ወልደው ከሆነ።
✨ **ተጨማሪ የጤና እና የእናቶች እንክብካቤ መረጃዎችን ለማግኘት ዶክተር አፍሪካን ይጠይቁ መከታተልዎን ይቀጥሉ።**
**ለዉይይትና ለጥያቄው ቴሌግራማችንን ይቀላቀሉ፦**

ቴሌግራሙን ይቀላቀሉ 👉 https://t.me/drdawitm

10/04/2026

ከረፈደ የሚያስታዉቁ 5 ድምፅ አልባ ገዳዮች

አብዛኛው ሰው ህመም ካልተሰማው ጤነኛ ነኝ ብሎ ያስባል። ነገር ግን በህክምናው አለም ህመም አለመሰማት ትልቁ የአደጋ ምልክት ሊሆን ይችላል

1, ከፍተኛ የደም ግፊት

የደም ግፊት ምንም አይነት ምልክት ራስ ምታት እንኳን ሳያሳይ የደም ቧንቧ እየጠበበና እና እየተጎዳ ለአስርት አመታት ሊቆይ ይችላል ፤ በመጨረሻም ድንገተኛ ስትሮክ ወይም የልብ ድካም ያስከትላል

2, ከፍተኛ ኮሌስትሮል እና አተሮስክለሮሲስ (የደም ስር መጥበብ)

በደማችን ውስጥ ያለው ስብ (ኮሌስትሮል) ቀስ በቀስ የደም ስሮችን ይዘጋል እንዲሁም የደም ቧንቧዎቻችን ለዓመታት በዝምታ ይጠባሉ። ሙሉ በሙሉ ተዘግተው ድንገተኛ የልብ ድካም ወይም ስትሮክ/የጭንቅላት ደም መፍሰስ አደጋ እስኪያደርሱ ድረስ ምንም ምልክት አያሳዩም

3, ስር የሰደደ የኩላሊት በሽታ

ምልክቱ የሚታወቀው ኩላሊታችን ከ90% በላይ ሥራውን ካቆመ በኋላ ነው። ሰውነታችን ሲያብጥና ከፍተኛ ድካም ሲሰማን ነገሩ "ረፍዷል" ማለት ሊሆን ይችላል

4, ከፍተኛ የደም ስኳር/አይነት 2 የስኳር በሽታ

ምልክቱ የሚታየው እይታችንን ስናጣ ወይም ከባድ የነርቭ ጉዳት ሲደርስ ሊሆን ይችላል

5, የጉበት ስብ

ከመጠን በላይ ስብ ጉበት ላይ ሊጠራቀም ይችላል ፤ ጉበታችንም ፔይን ሪሴፕተረስ/ህመም ተቀባይ ነርቮች ስለሌሉት ህመም ሳይኖረው ለረጅም ጊዜ እየተጎዳ ይቆይና ሲርሆሲስ ወይም የጉበት ስራ ማቆም ያስከትላል

እነዚህ የጤና ችግሮች በድንገት የሚከሰቱ ሳይሆኑ እኛ በምንሰራቸዉ የእለት ተእለት ስህተቶች የሚመጡ ናቸው። ለእነዚህ አደጋዎች የሚያጋልጡንን መንስኤዎች በቀጣይ በ 📌ክፍል 2 እንመለከታለን ። እንዳያመልጥዎ!

🤔 ከአምስቱ ዝምተኛ ገዳዮች ህብረተሰባችን ውስጥ በብዛት የሚታየውና የሚያሰጋው የትኛው ይመስላችኋል? 1,2,3,4 ወይስ 5 ምርጫችሁን አስቀምጡልን?

10/04/2026

ሰራተኛው የተረጅነት ስሜት እንዲያድርበት ማድረግ ተፈልጎ ይሆን? ወይስ ሰራተኛውን እየረዳነው ነው ለማስባል ይሆን ጓዋን አልብሰው ፎቶ ያነሱት? አቅመቢስ የሀገር አስተዳዳሪዎች ከዘይትና ከጥራጥሬ የዘለለ ማሰብ የማይችል አእምሮ ይዘው ሌላ መጠበቅ የዋህነት ነው። ለውጥ ስንል የአእምሮ ድኩማንን በምሁራኑ እንተካ ማለታችን ነው ለዚህም ህዝብ ከጎናችን መሆን ግደታው ነው።

መልካም የፎቶ ዘመን ያድርግላችሁ !

08/04/2026

✍️ #ሪህ (Gout)
•••—◉
⏩ #ሪህ ማለት የመገጣጠሚያ ህመም ሲሆን ዩሪክ አሲድ የተባለው ኬሚካል በአጥንት መገጣጠሚያዎች ውስጥ በሚከማችበት ወቅት የሚከሰት ህመም ነው ። በደማችን ውስጥ የዩሪክ አሲድ ከ 7mg/dl በላይ በሚሆንበት ጊዜ ይህ ይከሰታል።
🔹🔹•••—◉
👉 #ምልክቶቹ፡

📌 የመገጣጠሚያ ላይ ህመም
📌 የመገጣጠሚያ አካባቢ መቆጣት ( አካባቢው ላይ ሙቀት፣ መቅላት እና ማበጥ)
📌 በሚንቀሳቀሱበት ጊዜ የመገጣጠሚያ ህመም (ለመንቀሳቀስ መቸገር)
📌 በመገጣጠሚያ አካባኪ የማቃጠል ስሜት መኖር
📌 ቁርጥማት፣ ትኩሳት እና ብርደ ብርደ ማለት
🔹🔹•••—◉

👉 ፡
📌 ፆታ (ወንዶች ላይ ዮሪክ አሲድ በብዛት ያመርታሉ)
📌 እድሜ (ሴቶች ላይ ካረጡ በኋላ የዮሪክ አሲድ ማምረት ይጨምራሉ)
📌 አልኮል መጠጦች ዮሪክ አሲድ ከሰውነት በበቂ ሁኔታ እንዳይወገድ ያደርጋሉ
📌 መድሃኒቶች
📌 የዩሪን መጠኑ ከፍተኛ የሆኑ የአመጋገብ ስርአት (ስጋ፣ እንቁላል፣ ዶሮ፣ አሳ…..)
📌 የሰውነት ክብደት
🔹🔹•••—◉

👉 ፡
📌 አመጋገብ ማስተካከል (የዩሪክ ይዘታቸው ከፍተኛ የሆኑ ምግቦችን አለመመገብ ወይም ለጊዜው መቀነስ )
📌 አልኮል መጠጦችን አለመጠጣት
📌 የስውነት ክብደት መቆጣጠር
📌 መደበኛ የአካል ብቃት እንቅስቃሴ ማድረግ
📌 በቀን ከሁለት እስከ ሶስት ሊትር ውሃ መጠጣት
🔹🔹•••—◉

♥ ♥

08/04/2026

አንድ ታዋቂ ግለሰብ ባለፈ ቁጥር ጣቱን ወደ ሀኪም እና የህክምና ሰጪ ተቋማት መጠቆም እነሆ ፋሽን ከሆነ አደር ሰንበት ብሏል።

"ኦክሲጅን ስላልተሰጠው ነው"
"የተሳሳተ መርፌ ወግተውት ነው"
"በቂ ሀኪም እና ሌሎች የህክምና ሰጪ አካላት በቦታው የሉም" እየተባልን ያለ ሀጢያታችን ስምን መሸከም ከተለማመድን ቆየን።

የታዘዘዉን መድሃኒት በአግባቡ አለመውሰድ ፣ የህክምና ቀጠሮን አለመከታተል ፤ መድህኒትን ከፋርማሲ ያለ ማዘዣ መሸመት ፤ ዘግይቶ ወደ ህክምና ተቋም መሄድ ፤ በሃገር ደረጃ ያለ የመድሃኒት እና የህክምና መስጫ ቁሳቁሰ እጥረት ፤ ከመድሃኒት ማደንዘዣ እና ከቀዶ ጥገና ጋር ተያይዘው የሚመጡ የአለም ህክምና የተቀበላቸው የጎንዮሽ ጉዳቶች እነዚህ እና እነዚህን የመሳሰሉ ኣጠቃላይ ድክመቶች እስከ መቼ ሃኪምን ወይም ተቋምን ተጠያቂ እንደሚያረጉ ማሰብ ያደክማል።

አንድ ክሊኒክ ከፍቶ ለህዝብ አገልግሎት ለመስጠት የሚታለፈው ውጣውረድ እንለፈውና: በመከራ የተገነባውን ይህን ህክምና ሰጪ ተቋም እና ብዙ ጉድለቶቹን ወደ ጎን በመተው እያገለገለ የሚገኘውን የህክምና ባለሞያ በውሸት የተቋም ስም ማጥፋትና የባለሞያውን አንገት ማስደፋት እና ማቆሸሽ እስከ መቼ? ከዛን ብኋላ ለሚደርሰው ኪሳራ የሞራል ጉዳት ተጠያቂ እና ካሳ ከፋይ ማነው?

ከእንደዚህ አይነት ነገሮች እንዴት እራሳችንን መከላከል እና መጠበቅ እንችላለን ከጎናችን ሊቆሙ የሚገቡ ተቋማት አልነበሩምን ሁሌ ተጠያቂ ሳንሆን ሊጠቆሙብን ይገባል

ጉዳዩንስ አይቶ ትክክለኛነታችንን አጣርቶ ከተጠያቂነት ነፃ የሚያወን ማነው ወይስ ፍርዱን ከነኪሳራው መቀበል ግዴታችን ነው?

Dr. Feven Getachew

Ethio Hakim

Ethio Hakim

25/04/2026

20/04/2026

20/04/2026

16/04/2026

15/04/2026

15/04/2026

11/04/2026

11/04/2026

10/04/2026

10/04/2026

08/04/2026

08/04/2026

Address

Website

Alerts

Shortcuts

Share

Category