Psych Addis - ሳይክ አዲስ

22/12/2025

🛑 ልጅ ከመውለድህ በፊት ራስህን ፈውስ!
▫️ከወለድክም ትራውማህን አታስተላልፍ!

በየሶሻል ሚዲያው፣ በየታክሲውና በየአካባቢው ጩኸቱ ይሰማሃል?

"ትዳር በረከት አጣ"፣ "ፍቺ በዛ"፣ "የዘንድሮ ልጆች አይሰሙም/ባለጌ ሆኑ"፣ "ማህበረሰቡ ተበላሸ፣ ፍቅር ጠፋ..." የሚለው እሮሮ በዝቷል። እውነት ነው፤ ብዙ ነገሮች ተበላሽተዋል።

ነገር ግን የምንሰጠው ምክንያትና መፍትሄ ላይ ትልቅ ስህተት አለ።

ብዙዎቻችን "ልጅ ሲመጣ ትዳሩ ይስተካከላል" ወይም "ልጅ ለቤቱ ድምቀት ነው" በሚል የራሳችንን ባዶነት ለመሙላት ብቻ እንወልዳለን። እውነታው ግን የመጣው ልጅ የትዳር ማስተካከያ ወይም የብቸኝነት ማስታገሻ ኪኒን አይደለም።

በኢትዮጵያዊ የልጅ አስተዳደግ ልማዳችን ውስጥ ብዙ ያልተሰሩ የቤት ስራዎች አሉ። ዛሬ የምናየው "የማህበረሰብ መበላሸት" የድሮ "የአስተዳደግ ክፍተት" ውጤት ነው። ይህ ክፍተት በብዙ ምክንያቶች የመጣ ነው። (ምክንያቶቹን ሌላ ጊዜ እንመለስባቸዋለን።)

ለምን?
ጥናቶችስ ምን ይላሉ?

ይህ የምናወራው ጉዳይ ከባዶ ሜዳ የተነሳ ስሜት አይደለም። በዓለም አቀፍ ደረጃ የተደረጉ ግዙፍ ሳይንሳዊ ጥናቶች (Meta-Analyses on Adverse Childhood Experiences - ACEs) የሚያረጋግጡት አስደንጋጭ እውነታ አለ።

በተለያዩ ሀገራት የተደረጉ በርካታ ጥናቶችን ያጠቃለለ ሜታ-አናሊሲስ እንደሚያሳየው፤ በልጅነታቸው የስነ-ልቦና ቁስል፣ የአካል መቁሰል፣ ወይም የቤተሰብ ፍቅር ማጣት (Neglect) ያጋጠማቸው ልጆች፣ ወደ አዋቂነት ሲሸጋገሩ፡-

1. ለአዕምሮ ጤና ቀውስ (ድብርት፣ ጭንቀት፣ ራስን ማጥፋት) የመጋለጥ እድላቸው እጅግ ከፍተኛ ነው።

2. ለሱስ እና ለአደገኛ ባህሪያት ይጋለጣሉ (ይህ ዛሬ የምናየውን የወጣቶች "መበላሸት" የምንለውን ያጠቃልላል)።

3. ጤናማ ትዳር እና ማህበራዊ ግንኙነት መመስረት ይቸገራሉ። ምክንያቱም ያላገኙትን ፍቅርና መተማመን መስጠት አይችሉም።

ስለዚህም፣

1. ያልዳነ ቁስል (Trauma) ታቅፎ ልጅ መውለድ ምን ያስከትላል?

ብዙ ወላጆች ከልጅነታቸው የመጣ ያልዳነ የሥነ-ልቦና ቁስል (Trauma) አለባቸው። በልጅነትህ ተገፍተህ፣ ተረግጠህ ወይም ፍቅር ተነፍገህ ካደክና ይሄንን ሳታክም አንተም ልጅ ከወለድክ፤ ያንኑ ህመም ሳታውቀው ለልጅህ ታወርሳለህ። የምትጮኸው፣ የምትናደደው፣ ወይም ልጁን የምትቀጣው ልጁ ስላጠፋ ብቻ ሳይሆን ያንተ የውስጥ ህመም ስለተነካ ነው።

2. ዲሲፕሊን ወይስ የበቀል እርምጃ?

ልጆች ሲያጠፉ የምንወስደው እርምጃ ማረም ወይስ መቅጣት? በኢትዮጵያ ብዙ ቤተሰቦች ውስጥ "ዲሲፕሊን/ሥነሥርዓት" ማለት ማስፈራራት፣ መደብደብና ማሸማቀቅ ነው። ይህ ደግሞ ነገ እልህ የሚጋባ፣ ለራሱ ክብር የሌለው፣ በትንሽ ነገር ትዳሩን የሚያፈርስና ከሰው ጋር መኖር የማይችል "የቆሰለ ትውልድ" ይፈጥራል።

3. የትኩረት ማነስ (Emotional Neglect)፣

ልጆች ከምግብና ልብስ በላይ "መደመጥን" ይፈልጋሉ። እያንዳንዳቸው ዛሬ የምናማርርባቸው ወጣቶች ቢጠየቁ፤ በልጅነታቸው "አባቴ አይሰማኝም"፣ "እናቴ አትረዳኝም" ብለው ያደጉ ናቸው። ቤቱ ውስጥ ያጣውን ፍቅርና ትኩረት ፍለጋ ወደ ውጭ ሲወጣ ነው ማህበረሰቡ "ተበላሸ/ ስድ ሆነ" የሚለው። ልጅ ሲበላሽ ተጠያቂው አካባቢው ወይም ሰፈሩ ብቻ ሳይሆን፤ የልጁን ስሜት ያላደመጠው ቤተሰብም ጭምር ነው።

ወዳጄ!

ልጅ መውለድ ቀላል ነው፤ "ሰው መፍጠር" ግን ከባድ ነው። ያልዳነ ሰው ሌላ የቆሰለ ሰው ይፈጥራል። ትዳር የሚፈርሰው፣ ማህበረሰቡ የሚታወከው እኮ ሰዎች በልጅነታቸው ያላገኙትን ፍቅርና ክብር በጉልበት ለማግኘት ሲሞክሩ ነው።

ስለዚህ ሰንሰለቱን እንበጥስ!

▫️ከመውለድህ በፊት ራስህን ፈትሽ።
▫️ያለፈ ህመምህን አክም።
▫️ልጅን "ንብረትህ" ሳይሆን "አደራህ" አድርገህ ተቀበል።
▫️ጊዜ ስጠው፣ አድምጠው፣ ቅረበው።

የተሻለች ሀገር፣ የሰከነ ትዳርና መልካም ትውልድ የሚገኘው ዛሬ በምንወልደው ልጅ ላይ በምንሰራው የሥነ-ልቦና ፈውስ ነው።

ለልጅህ የምታወርሰው ምርጥ ቅርስ "የዳነና ጤናማ አዕምሮ ያለው ወላጅ" መሆንህን ነው።

ይህ መልእክት ለሌሎች እንዲደርስ ሼር በማድረግ የድርሻዎን ይወጡ!

ማሳሰቢያ⁉️
ይህ በጥናት ላይ የተመሰረተ እና በየትኛውም አገር ላይ የሚሰራ ነው። ያደጉ አገራትም ከትራውማ ነጻ አለመሆናቸውን እና ጥናቱ በእነሱ ላይ እንደተሰራም ጭምር ልብ ማለት ያስፈልጋል። በአሜሪካ እንኳን 64% የሚሆኑት አዋቂ ሰዎች ከ18 ዓመታቸው በፊት ቢያንስ አንድ ጊዜ አጋጥሟቸው ያውቃል። ከ6 ሰዎች አንዱ ደግሞ 4 እና ከዚያ በላይ ትራውማዎች ደርሰውበታል።

21/12/2025

ሴቶች ወንዶች ሲያደርጉት የሚጠሉት ባህርይ፣ ነገር ግን በውስጣቸው እንዲያደርጉት የሚፈልጉት ነገር አለ?
👇👇👇
የመጀመሪያ ኮሜንት ላይ ተመልከቱ!

21/12/2025

በልጅነታችሁ በወላጆቻችሁ ያለጥፋታችሁ ተደብድባችሁ ነገር ግን ጥፋቱ የሌላ ሰው እንደሆነ ከታወቀ በኋላ ይቅርታ ተጠይቃችሁ ታውቃላችሁ?
👇👇👇
ኮመንት ጻፉ፣ ሀሳባችሁን አካፍሉን!

20/12/2025

አንዳንድ ሰዎች በእኛ ሕይወት፣ ሥራ፣ ሀሳብ፣ ፍልስፍናና የአኗኗር ዘይቤ ገብተው ሲበጠብጡን፣ ነገሮችን ሲያወሳስቡብን፣ አልፎ ተርፎም ከባድ ተጽዕኖ ውስጥ ሲከቱን እናያለን።

ይህን ጊዜ የእኛን ማንነት የምናሳይበት፣ ወሰናችንን ጥሰው የገቡትን ልክ የምናስገባበት፣ ትክክለኛ ቦታቸው የት እንደሆነ የምንነግርበትና አደብ የምናስገዛበት ትክክለኛ ወቅት ይመጣል። ልክ ታላቁ ማሀተማ ጋንዲ " ማንም በቆሸሸ እግሩ በአዕምሮዬ እንዲመላለስ አልፈቅድለትም" እንዳለው።

እንዲህ አይነት ሁኔታ ሲገጥመን ግን የእኛን ስብዕና በማይነካና በቀጣይ ወደ ሌላ መጥፎ ሁኔታ ውስጥ በሚከተን አኳኋን መሆን የለበትም።

ሰብስክራይብ ያድርጉና ቤተሰብ ይሁኑ!

ለዩቲዩብ: እዚህ ይጫኑ👉https://youtu.be/PDUCC1WD5mw
ለቴሌግራም: እዚህ ይጫኑ👉 https://t.me/psychaddis

19/12/2025

ወዳጄ ሆይ!
(Reposted After 4 Years)

ሁሉን ነገር አትመን፣ ሁሉንም ነገር አትጠራጠር። ብቻ የላቀ የንቃተ-ህሊና ባለቤት ሁን። ይህ ማለት ስለ አካባቢህ እወቅ፣ ዙሪያህን ተረዳ፣ ራስህን እወቅ፣ የምትችለውንና የማትችለውን ለይ። ስለማታውቀው ነገር ለማወቅ ጣር እንጂ አትዘባርቅ። የምታየው ሁሉ እውነት አይደለም፣ የሰማኸው ሁሉ የሚታመን አይደለም። እናም ወዳጄ ረጋ በል፣ ሁሉን አውቃለሁ አትበል፣ ለሚያውቁ ቅድሚያ ስጥ። ስላልገባህ ጉዳይ ጠይቅ፣ ለማወቅ ጉጉት ይኑርህ። በሰው ጉዳይ ጥልቅ አትበል፣ የራስህን ሕይወት ውብ አድርገህ ኑር።

ማንም ከተኛህበት አያነቃህም፣ ማንም ከወደቅህበት አያነሳህም። ማንም የአንተን ሕይወት አይኖርም፣ ማንም የአንተን ሞት አይሞትም። ወደዚህ ምድር ስትመጣ ብቻህን እንደሆነ ሁሉ ከዚህ ምድር ስትሄድም ብቻህን ነህ። እናም ለማንም ብለህ ሕልምህን አታጨናግፍ፣ ለምንም ብለህ በሰው አስተያዬት አትሸማቀቅ። አንተ እኮ ወደዚህ ስትላክ የተሰጠህ ተልዕኮ አለ፣ ውስጥህ እያቃጨለ የሚኖር፣ ልውጣ አልውጣ እያለ የሚታገል ኃያል መክሊት አለ። አዳምጠው፣ ፈልገው፣ አግኘው፣ አውጣው። የተመቻቸ ጊዜና ቦታ ስትፈልግ መልሰህ ይዘኸው መሄድ ይሻልሃል ወይስ በእያንዳንዷ ቀን እየኖርከው አሻራህን ጥለህ ማለፍ? ምርጫው የአንተ ብቻ ነው።

ወዳጄ ልጅ ስለወለድክ ታሪክህ አይተላለፍም፣ ወይም ስምህ አይነሳም። የተለየና የራስህ የሆነ ደማቅ ታሪክ ስለሰራህ እንጅ። ብዙ ሰው ማግባትና መውለድን ትልቅ የሕይወት ግቡ አድርጎ ይኖራል፣ ነገር ግን ካገባና ከወለደም በኋላ የሚፈልገውን ሕይወት ሳይኖር ያልፋል። ለምን ይመስልሃል? መጀመሪያውኑም የሕይወት ግብ ምን እንደሆነ ስለማያውቅ ነው። ብታገባና ቤተሰብ ብትመሰርት መልካም ነው፣ ነገር ግን ምን አይነት ቤተሰብ እንደሚኖርህ ካላሰብክ፣ ምን አይነት ልጅ እንደምታሳድግ ካላቀድክ ከስረሃል፣ ሕይወትን አልኖርክም። የአንተንም ሆነ የሌላውን ልጅ፣ ጭራሽ ዘመኑንም ስትወቅስና ስታማርር መኖርህ ነው።

ወዳጄ ንቃ። ከራስህ ጋር ተወዳደር። አግባ፣ ውለድ፣ ቤት ግዛ፣ መኪና ግዛ፣ ወዘተ የሚሉህ ሰዎች ለአንተ መልካም አስበው ነውና ብዙም አትፍረድባቸው። ነገር ግን ዓላማህን የምታውቀው አንተ ብቻ ነህ። ከላይ የተጠቀሱት ነገሮች ባይኖሩህም የጸና አላማ ይኑርህ፣ እነዚህ በአንተ ፈቃድ ላይ የተመሰረቱ ናቸውና መቼም ቢሆን ታገኛቸዋለህ። እናም ራስህን ሆነህ ኑር። ለአላማህ መስዋዕትነት ክፈል። ያኔ ታሪክ ይኖርሃል። አዎ ካላሸነፍክ ለአንተ ታሪክ ማንም ግድ አይሰጠውም፣ ስለሆነም አሸንፍ!

በነገራችን ላይ ሰው ትዝታውን ነው የሚኖረው። ልጅነቱን፣ ወጣትነቱን፣ ያሳለፈውን። ለዚህም ነው ትዝታውን የሚያመሰግነው፣ ምንም እንኳን ያኔ ሲያደርገው አብዛኛውን ጊዜ እንዲህ ይሆናል ብሎ ባይገምትም። ለዚህ ነው የታሪክ (የትዝታ) መሥሪያ ብቸኛ ጊዜ አሁን ነው የምልህ። አሁን ላይ የሰራኸው ሁሉ አንተ እያለህ ትዝታህ፣ አንተ ስታልፍ ደግሞ ታሪክህ ይሆናልና።

ይህን ሊንክ በመጫን SUBSCRIBE ማድረግዎን ያረጋግጡ!
👉https://www.youtube.com/channel/UCnCr33gnQ5WY-gvWz4Ef5Fw?sub_confirmation=1

17/12/2025

ስብራት ያለ ነው፤ ማገገምም እንዲሁ። ሕይወት ቀላል ናት ብለህ ካሰብክ በጣም ተሳስተሃል። እርሷ ፊቷን ካዞረችብህ አንተም ሸውደሃት ፊትህን ካላዞርክባት። ሕይወት ስትከፋብህ እምቢ ካላልካት፣ ስታጠቃህ ካልረሳህላት፣ ወጥራ ስትይዝህ ለቀቅ ካላደረካት፤ ሕይወት ለጥ ያለ መንገድ የላትም። ስንት ውጣውረድን አቅፋ ነው የምትጠበቅህ፣ ስንት እንቅፋት ደርድራ ነው የምትጠባበቅህ። በአንዱ ስትወድቅላት ደስ ብሏት እንዳታልፍ ሌላውንም አጥር ትጨምርልሃለች። ከሰለቸህ ደስ ይላታል፣ ተሸናፊ ከሆንክ ቦታውን ለሌሎች እንድትለቅ ታደርግሃለች። ለሚያሸንፉ፣ ለሚጥሩ፣ ለሚገዳደሯት፣ እምቢ ለሚሏት፣ ለሚፋለሟት።

ይልቁንስ ሸውዳት፣ እንደማትጠገን አድርጋ ስትሰብርህ ራስህን ሞልተህ፣ እምቢ ብለህ፣ አልሸነፍም ብለህ፣ በሌላ በኩል አሸብርቀህ፣ አምረህ ብቅ በልባት። ያኔ ተሸናፊው አንተ ሳትሆን እርሷ ትሆናለች። ይህንን ለማድረግ የሚያስፈልግህ ብቸኛ ነገር ነገሮችን የምታይበትን አቅጣጫ መለወጥ ነው።
If you don't like something, change it. If you can't change it, change the way you look at it.

ይህን ሊንክ በመጫን SUBSCRIBE ማድረግዎን ያረጋግጡ!
👉https://www.youtube.com/channel/UCnCr33gnQ5WY-gvWz4Ef5Fw?sub_confirmation=1

16/12/2025

አባት በሌለበት ቤት የማደግ ተጽዕኖ!

በማህበረሰባችን ውስጥ "ያለ አባት ያደገ ልጅ... " ወይም "የሴት ልጅ..." ተብሎ የሚጀመር ብዙ አሉባልታ እና ፍራቻ አለ። ብዙ እናቶችም በዚህ ጭንቀት ውስጥ ሲገቡ ይስተዋላል። እስኪ ስነ-ልቦናዊ እውነታውን እንመልከት።

የአባቶች ሚና እና የጎደለው ህልውና፣

አባት በቤት ውስጥ መኖሩ ለልጆች ደህንነት፣ ለስነ-ልቦና ጥንካሬ እና ለኢኮኖሚያዊ ድጋፍ ትልቅ አስተዋጽኦ እንዳለው አይካድም። አባት ሲኖር የዲሲፕሊን እና የፍቅር ሚዛን መጠበቅ ቀላል ይሆናል።

ሆኖም ግን... "አባት አልባ መሆን ማለት፣ የልጆች ህይወት ተበላሸ ማለት ነው?" መልሱ በፍጹም አይደለም ነው።

በኢትዮጵያዊያን ዘንድ የተለመደ አተያይ እንዲህ ይላል፣

"አባት ለልጁ ምሰሶ ነው፤ እናት ግን ጣራ ናት።" ምሰሶው ቢጎድል ቤቱ ሊነቃነቅ ይችላል፣ ነገር ግን ጣራው (እናት) ጠንካራ ከሆነ ቤቱ ከመፍረስ ይድናል፣ ልጆቹም ከፀሀይና ከዝናብ ይጠለላሉ። ይህ የሚያሳየን የአባት አለመኖር ክፍተት ቢፈጥርም፣ የእናት ጥንካሬ ያንን ክፍተት ደፍኖ ልጆችን ለቁምነገር ማብቃት እንደሚችል ነው።

ሳይንስ እና ጥናቶች ምን ይላሉ?

ብዙዎች "ያለ አባት ያደገ ልጅ ጋጠወጥ (Delinquent) ይሆናል" ብለው ያምናሉ። ነገር ግን የስነ-ልቦና ጥናቶች የሚያሳዩት ሌላ እውነት ነው።

በዓለም ታዋቂው የቤተሰብ ሶሺዮሎጂስት Paul Amato ያደረጉት ሰፊ የምርምር ቅኝት (Meta-analysis) የሚከተለውን ያረጋግጣል፡-

በነጠላ ወላጅ (በተለይም በእናት ብቻ) የሚያድጉ ልጆች ከሁለት ወላጆች ጋር ከሚያድጉት ልጆች ጋር ሲነፃፀሩ፣ ለትምህርት ማቋረጥ እና ለባህሪ ችግሮች (Behavioral problems) የመጋለጥ እድላቸው በትንሹ ከፍ ያለ ነው።

ሆኖም ግን፣ አሚቶ እንዳረጋገጡት፣ አብዛኛዎቹ (The vast majority) ያለ አባት የሚያድጉ ልጆች ምንም አይነት የከፋ የባህሪ ችግር ሳያሳዩ፣ በትምህርታቸው ውጤታማ ሆነው እና ጤናማ ማህበራዊ ህይወት መምራት ይችላሉ።

ስለዚህም፦

1. ችግሩ የአባት አለመኖር ብቻ አይደለም፣

ጥናቶች እንደሚያመለክቱት፣ በአባት እጦት ምክንያት የሚመጡ አብዛኛዎቹ የባህሪ ችግሮች (Behavioral issues) በቀጥታ ከአባት መጥፋት ጋር የተገናኙ ሳይሆን፣ ከዚያ ጋር ተያይዞ ከሚመጣው የኢኮኖሚ እጥረት እና የቤተሰብ አለመረጋጋት ጋር የተያያዙ ናቸው።

2. የእናት የአስተዳደግ ጥራት፣

ወሳኙ ነገር "ቤት ውስጥ ስንት ወላጅ አለ?" የሚለው ሳይሆን "ያለው ወላጅ እንዴት ነው ልጁን የሚያሳድገው?" የሚለው ነው። ፍቅር፣ ክትትል እና ግልጽነት የተሞላበት አስተዳደግ ካለ፣ ልጆች ምርጥ ሆነው ያድጋሉ።

3. የማህበረሰብ ድጋፍ፣

አባት ባይኖርም፣ አጎት፣ አያት ወይም የቅርብ ዘመድ የአባትነትን ሞዴል (Male Role Model) ወክለው ለልጁ ካሳዩት፣ ልጁ ምንም አይነት የስነ-ልቦና ቀውስ ውስጥ አይገባም።

በአጠቃላይ አባት የሌላቸው ልጆች "የመበላሸት እድል" አላቸው የሚለው ንግግር የተጋነነ ነው። ታሪክን ብንመለከት አለምን የቀየሩ፣ ምርጥ የሚባሉ መሪዎች እና ሳይንቲስቶች ያደጉት ብቻቸውን በሚኖሩ እናቶች (Single Mothers) ነው።

ስለዚህ፣ ያለ አባት እያሳደጋችሁ ያላችሁ እናቶች... ጀግኖች ናችሁ! ልጃችሁ ጋጠወጥ የሚሆነው አባት ስለሌለው ሳይሆን፣ ክትትል እና ፍቅር ሲጎድለው ነው። ክፍተቱን በፍቅር ሙሉት! ❤️

11/12/2025

https://youtu.be/WjS8R9G_9v4

@shantta

10/12/2025

ቤተሰብ ለመሆን በነዚህ ሊንኮች ገብተው ሰብስክራይብ ያድርጉና ይቀላቀሉን!
YouTube: 👉https://youtu.be/vfEGTMCuwDE
Telegram: 👉https://t.me/psychaddis

09/12/2025

This is what we mean by "Segit!"

09/12/2025

🛑 Self-Sabotage (ራስን መበደል)!

� Self-Sabotage ማለት ግባችሁ ላይ ለመድረስ፣ ግንኙነታችሁ ስኬታማ እንዲሆን ወይም በጥቅሉ ደስተኛ ለመሆን በምትጓዙበት ጊዜ ሆን ብላችሁ በራሳችሁ መንገድ ላይ እንቅፋት መፍጠር ማለት ነው።

ቀላል ምሳሌ: ፈተናችሁ በጣም አስፈላጊ እንደሆነ እያወቃችሁ፣ ከመዘጋጀት ይልቅ ሌሊቱን ሙሉ ቪዲዮ ስታዩ ማደር። ወይም ጥሩ የስራ እድል ሲመጣላችሁ "እኔ አልችልም" ብለላችሁ እድሉን ማሳለፍ።

🤷‍♀️ ለምን ራሳችንን እንበድላለን? (ዋና ምክንያቶች)

ብዙውን ጊዜ Self-Sabotage የሚመጣው ከንቃተ ህሊናችን በታች ካሉ ፍርሃቶች እና እምነቶች ነው።

1. የስኬት ፍርሃት (Fear of Success): ስኬታማ ከሆንኩ በኋላ የሚመጣውን ኃላፊነት መሸከም አልችልም ብሎ ማሰብ።

2. የውድቀት ፍርሃት (Fear of Failure): ከመሞከርና ከመውደቅ ይልቅ በጭራሽ አለመሞከር ይመረጣል ብሎ ማሰብ። "ካበላሸሁት፣ ያን ያህል አልፈልገውም ነበር ብዬ ራሴን አጽናናለሁ" የሚል ስሜት።

3. ራስን ዝቅ አድርጎ ማየት (Low Self-Worth): "እኔ ለዚህ ትልቅ ቦታ/ሰው ብቁ አይደለሁም፤ አይገባኝም" የሚል የተሳሳተ እምነት።

4. ከምቾት ዞን አለመውጣት (Comfort Zone): ምንም እንኳን አሁን ላችሁበት ቦታ ባያስደስትም፣ አዲስ ነገር ከመሞከር የለመዱት መከራ ይሻላል ብሎ ማመን።

✨ መፍትሄው ምንድነው?

▫️ማስተዋል: ይህን ባህሪ መለየት እና ስሜትን ማስተዋል የመጀመሪያው እርምጃ ነው።

▫️የውስጥ ድምጽን መቃወም: አሉታዊ ሀሳቦችን በአዎንታዊ እና በእውነት ላይ በተመሰረቱ ሀሳቦች መተካት።

👉 ዛሬ ምን Self-Sabotage የሚያደርግ ልማድ አለባችሁ? አስወግዱትና ወደፊት ተራመዱ!

08/12/2025

ልጅህን አንተ ላለፍክበት፣ ለታገልክበት፣ ላቆሰለህ፣ እድሜህን ለጨረሰው፣ ላልተጠቀምክበት፣ ላሳዘነህ፣ ላስቆጨህ፤ የትምህርት፣ የሥራና የኑሮ ዓይነት እያሰለጠንክ ከሆነ ፍጹም ተሳስተሃል። ወደድክም ጠላህም ከዚህ በፊት ከነበረው 100 ዓመት ይልቅ መጭው 10 ዓመት እጅግ በበለጠ ተለዋዋጭ ነው።

አሁንም ያለፉት ነገሮች ላይ ተቸንክረህ የልጆችህን እጣፈንታ በዚያ የምትቀርጽ ከሆነ የክፍለ ዘመኑን ትልቅ ስህተት እየሰራህ ነው። እናም ልጆችህን ለተለዋዋጭና ላልተለመደው እንዲሁም ተገማችነት ለሌለው የዓለም የወደፊት ሥርዓት አዘጋጅተህ አሳድጋቸው።

ካለፈው ጊዜ ይልቅ መጭው ጊዜ ፈጣን ነው!