Dr Shems

13/05/2023

✍️ #እርግዝና #በወርአበባ በየትኞች ቀናት ይፈጠራ?በየትኞቹ ደሞ አይፈጠርም?

👉 #ውድ #የዶክተር #ሸምሴ ተከታታዮች እርግዝና እንዴትና መቼ እንደሚከሰት ማወቅ ማርገዝ ለሚፈልጉም ሆነ ለማይፈልጉ ጠቀሜታው የላቀ ነው፡፡ ማርገዝ ለሚፈልጉ ጊዜና ሁኔታዎችን አመቻችቶ ለመሞከር ሲረዳ ለማይፈልጉ ደግሞ ዝግጁ እስኪሆኑ ድረስ ለመጠንቀቅ ያግዛቸዋል፡፡ ይሁንና ካልተፈለገ እርግዝና ለመጠበቅ ወይም አራርቆ መዉለድ ለሚሹ የእርግዝና መከላከያ መውሰድ ዋነኛው መፍትሄ መሆኑ መዘንጋት የለበትም፡፡

👉በአንድ የወር አበባ ኡደት ውስጥ ለፈርቲላይዜሽን(ለእርግዝና) የደረሰ የሴት እንቁላል ከመቀመጫው ከኦቫሪ ወጥቶ በማህጸን ቱቦ አድርጎ ወደ ማህጸን ይጓዛል፡፡ ይህ ሂደት ኦቩሌሽን ይባላል፡፡ በመደበኛነት አንድ ሴት ኦቩሌት የምታደርገው በአንድ የወር አበባ ኡደት ውስጥ አንድ ጊዜ ብቻ ነው፡፡ ከኦቫሪ የወጣው እንቁላል ለፈርቲላይዜሽን(ለእርግዝና) ብቁ ሆኖ በማህጸን ቱቦ ውስጥ የሚቆየው ከ12 እስከ 24 ሰአት ብቻ ነው፡፡ በዚህ ጊዜ ውስጥ ከወንድ ዘር ጋር ተገናኝቶ እርግዝና ካልተፈጠረ እንቁላሉ ከማህጸን ግድግዳ ጋር አብሮ በወር አበባ መልክ ይወገዳል፡፡

👉ኦቩሌት የሚደረግበትን ጊዜ ማወቅ ቶሎ ለማርገዝ ይረዳል፡፡ አንዲት ሴት ኦቩሌት የምታደርግበትን ጊዜ በእርግጠኛነት መናገር ባይቻልም ለመገመት የሚያስችሉ የተለያዩ ምልክቶችን ማወቅና ለማርገዝ የሚደረገውን ሙከራ በነዚህ ጊዜያት ውስጥ ማድረግ የማርገዝን እድል ይጨምራል።፡ይህንን ጊዜ መገመት ከሚያስችሉት ዘዴዎች አንዱና ቀለል ያለው ቀን መቁጠር ነው፡፡

👉እንደ የወር አበባ ኡደት ሁሉ የኦቩሌሽን ጊዜም ከሴት ሴት እንዲሁም አንድ ሴት ላይ ከወር ወር የተለያየ ስለሆነ ይህ ነው ብሎ አንድን ቀን መጠቆም አይቻልም። በአማካይ የወር አበባቸዉ ኡደት ከ28-32 ቀን ለሆነ ሴቶች ኦቩሌት ያደርጋሉ ተብሎ የሚገመተው ያለፈው የወር አበባቸው ከጀመረበት ቀን በኋላ ከ11ኛው እስከ 21ኛው ቀን ባለው ጊዜ ውስጥ ነው፡፡ ይህ ጊዜ ለእርግዝና ምቹ ጊዜ ተብሎ ይታወቃል።

👉ከላይ እንደተገለጸው ከኦቩሌሽን በኋላ እንቁላሉ ለፈርቲላይዜሽ (ለእርግዝና) ብቁ ሆኖ የሚቆየው ከ12-24 ሰአት ያህል ቢሆንም የወንድ ዘር ግን ከግብረስጋ ግንኙነት በኋላ በሴቷ ሰውነት ውስጥ ከሶስት እስከ አምስት ቀን መቆየት ስለሚችል እርግዝና ሊፈጠር የሚችልባቸውን ቀናት ሰፋ ያደርገዋል፡፡ ለእርግዝና ምቹ ነዉ ተብሎ ከላይ በተጠቀሱት ቀናት ዉስጥ በየቀኑ አሊያም አንድ ቀን እየዘለሉ የግብረስጋ ግንኙነት ማድረግ የማርገዝን እድል ያሰፋል፡፡ ከግንኙነት በኋላ በጀርባ ተኝቶ ከ10-15 ደቂቃ መቆየት የወንዱ ዘር ወደ ማህጸን በር ለመግባት በቂ ጊዜ ይሰጠዋል።

👉በተቃራኒዉ ማርገዝ ለማይፈልጉ ደግሞ ኦቩሌሽን ከሚጠበቅበት 3-5 ቀናት በፊት ጀምሮ በኦቩሌሽን ወቅትም ግንኙነት አለማድረግ ይመረጣል። ኮንዶም ወይም ሌሎች የእርግዝና መከላከያ መንገዶችም ጥሩ አማራጭ ናቸው፡፡

👉ጤናማ የወንድ ዘር የእርግዝናን እድል ለመጨመር ስለሚረዳ ለማርገዝ ሙከራ በሚደረግበት ጊዜ ወንዱም አልኮል መጠጥን በመቀነስ፤ ሲጃራ በማቆምና የሰውነት ክብደትን በመቆጣጠር የበኩሉን ዝግጅት ማድረግ ይጠበቅበታል፡፡

🛑ሌላስ ጊዜ ቢሆን ባይጠጣና ባይጨስ አይሻልም?

ሌሎች ኦቩሌሽንን ሊጠቁሙ የሚችሉ ምልክቶች ደግሞ ከላይ በተጠቀሱት ቀናት መካከል የማህጸን ፈሳሽ መጠን መጨመር፤ ባንዳንድ ሴቶች ላይ በኦቩሌሽን ወቅት በአንደኛው ጎናቸው ህመም ቢጤ መሰማት፣ በሌሎች ደግሞ ከሚቀጥለው የወር አበባ በፊት መሀከለኛው ቀን አካባቢ ትንሽ ደም መፍሰስ የመሳሰሉት ናቸው፡፡ መረገዝ አለመረ

13/05/2023

✍️ ምንድን ነው? በምን አይነት ችግሮችስ ሊቀንስ ይችላል?

👉 #የቴስቴስትሮን #ሆርሞን ወንድን ልጅ ወንድ ከሚያስብሉት ሆርሞኖች አንዱ ነው። ይህም የቴስቴስትሮን ሆርሞን ወንድን ልጅ ድምጹ እንዲጎረንን፣ ጺም እና ጸጉር እንዲያበቅል፣ ጡንቻዎቹ እንዲተልቁ፣ አጥንቱ እንዲወፍር፣ የዘር ፈሳሽ (S***M) እንዲያመርት፣ የወሲብ ፍላጎት እንዲኖረው የሚያደርገው በጠቅላላ የቴስቴስትሮን ሆርሞን ነው።

👉ስለዝህ የቴስቴስትሮን ሆርሞን ለወንድ ልጅ ትክለ ሰውነት እና ውስጣዊ ፍላጎቶች ብዙ አስተዋጽዎ ያደርጋል። ታዲያ የቴስቴስትሮን ሆርሞን መቀነስ እንዴት ያጋጥማል። ለዝህም የመጀመሪያውን የሚይዘው እድሜ ነው። ይህም እድሜ ከ 40 በላይ ሲሆን በደም ውስጥ የሚኖረው የቴስቴስትሮን መጠን በ 50 በ መቶ ይቀንሳል። በዚህም የተነሳ ወንዶች በተለይም ከ 40 አመት በላይ ለስንፈተ ወሲብ ይጋለጣሉ።

👉ሌላኛው ምክንያት የዘር ፍሬዎቻችን ጉዳት ሲደርስባቸው የቴስቴስትሮን ሆርሞን መቀነስ ያጋጥማል። ይህም በአደጋ ሊሆን ይችላል፣ ወይም በተፈጥሮኣዊ መንገድ የሚፈጠርም ችግር ለዚህ ያጋልጣል። በሌላ በኩል ደግሞ የዘር ፍሬዎቹ #በካንሰር ከተጠቁ ይህም ጉዳይ የቴስቴስትሮን ሆርሞን እጥረት እንዲገጥም ይደርጋል። በመጨረሻም ከመጠን ያለፈ #ውፍረት እና #የአንጎል ችግር ካለብን የቴስቴስትሮን ሆርሞን መቀነስ ሊያጋጥም ይችላል።

👉ከዚህም ጋር በተያያዝ ለእነዚህ ችግሮች የተጋለጠ ሰው በህክምና ባለሙያ ተመርመሮ አስፈላጊውን ክትትል አድርጎ መታከም ይችላል። በመጨረሻም ከወሲብ ፍላጎት ማነስ፣ የማህፀን ችግር፣ የሽንት ቧንቧ ኢንፌክሽን፣ ከስፐርም ቁጥር ማነስ፣ መካንነት እና ሌሎች የስነ ተዋልዶ ጉዳዮች ዙሪያ የጤና ባለሙያ በማማከር ተጨማሪ ማብራሪያ እና ህክምና ማግኘት ከፈለጉ ያናግሩን።

📌 በአካል #ቀጠሮ ለማስያዝ 0948339660

12/05/2023

12/05/2023

****በፆተዊ ግንኙነት ጊዜ ምን ያህል ይቆያል?***

በግንኙነት ወቅት የሴቷ እና የወንዱ #ብልት ከተገናኘበት ደቂቃ አንስቶ ምን ያህል ደቂቃ ግንኙነት ማድረግ አለባቸው። ይህ ግንኙነት ከሴክስ በፊት ያለውን መሞሞቅ አያካትትም። ሌላኛው ደግም በተፈጥሮ ወንዶች ከሴቶች ቀድመው ይጨርሳሉ በዚህ ግንኙነት ውስጥ ወንዱ ሲጨርስ ሴትዋ ከተደሰተች የግንኙነት ጥጋቸውን ነክተዋል ማለት ነው።

ጥናቶች እንደሚያይሳዩት በሴክስ ጊዜ ምን ያህል አልጋ ላይ መቆየት አለብን የሚለው ሃሳብ በአራት ይከፍሉታል። ይህም የመጀመሪያው ቡድን በጣም አጭር እና በህክምና ባለሙያ እገዛ የሚፈልጉ ማለትም በ አንድ ወይም በሁለት ደቂቃ ውስጥ ግንኙነቱን የሚጨርሱ ናቸው። እዚህ ግሩፕ ውስጥ ካሉ የህክምና ባለሙያ እርዳታ ሊያስፈልጎት ይችላል።

ሌላኛው በጥናቱ ውስጥ የተካተቱት ሁለተኛው ቡድን በቂ ወይም አብዛኛው ሰው ጋር ያለው ከ ሶስት እስከ ሰባት ደቂቃ ወይም በአማካኝ አምስት ደቂቃ አካባቢ የሚጨርሱ ናቸው እነዚህ ምንም ችግር የለባቸውም ተብለው በጥናት የተካተቱ ናቸው። ሶስተኞቹ ደግሞ ተፈላጊው የሚባለው ቡድን ደግሞ ከ ሰባት እስከ 13 ደቂቃ የሚቆይ ግንኙነት ያላቸው ናቸው። የመጨረሻው ቡድን በጣም ረዥሙ የሚባለው ከ 10 እስከ 30 ደቂቃ የሚባለው ሲሆን ጥናቱም እንደ ቅዠት ወይም ብዙ ጊዜ እንደማይፈጠር ያስረዳል።

እንደ ማጠቃለያ በሴክስ ጊዜ ምን ያህል አልጋ ላይ መቆየት አለብን ለሚለው ከሶስት እስክ 13 ደቂቃ በግንኙነት የምንቆይ ከሆነ ምንም አይነት እገዛ ወይም ህክምና አያስፈልገውም። ከዚኛው በተቃራኒ ከሆንን ግን ምን አልባት የህክምና ባለሙያ ማማከር አስፈላጊ ሊሆን ይችላል።ከዚህም ጋር በተያያዝ ለእነዚህ ችግሮች የተጋለጠ ሰው በህክምና ባለሙያ ተመርመሮ አስፈላጊውን ክትትል አድርጎ መታከም ይችላል። በመጨረሻም ከወሲብ ፍላጎት ማነስ፣ የማህፀን ችግር፣ የሽንት ቧንቧ ኢንፌክሽን፣ #ከስፐርም ቁጥር ማነስ፣ መካንነት እና ሌሎች የስነ ተዋልዶ ጉዳዮች ዙሪያ የጤና ባለሙያ በማማከር ተጨማሪ ማብራሪያ እና ህክምና ማግኘት ከፈለጉ ያናግሩን።

በአካል #ቀጠሮ ለማስያዝ 0948339660

28/02/2023

የአንጀት ካንሰር መንስኤዎች፣ ምልክቶች እና ህክምናው

አዲስ አበባ፣ የካቲት 21፣ 2015 (ኤፍ ቢ ሲ) የአንጀት ካንሰር አብዛኛውን ጊዜ ከትልቁ አንጀት የውስጠኛው ክፍል የሚነሱ ሴሎች ከቁጥጥር ውጭ ሲራቡ የሚፈጠር ነው፡፡

ከፋና ብሮድካስቲንግ ኮርፖሬት ጋር ቆይታ ያደረጉት የአጠቃላይ ቀዶ ህክምና ስፔሻሊስት ዶክተር ሸምሴ ሸውሞሎ÷ ከመጠን ያለፈ ውፍረት ፣ሲጋራ ማጤስ ፣የአልኮል መጠጦችን መውሰድ፣የላሙ ምግቦችን አዘውትሮ መመገብ የአንጀት ካንሰር ህመም መንስኤዎች መሆናቸውን ተናግረዋል፡፡

እንዲሁም በቤተሰብ፣የአካል ብቃት እንቅስቃሴ አለማድረግ፣ኤች አይ ቪ ኤድስ፣ ኤፍኤፒ (fap) የተባለ የዘረመል ችግር መኖርና ሌሎች የህመም መንስኤዎች ናቸው ነው ያሉት፡፡

እንደ ዶክተር ሸምሴ ገለፃ÷ የአንጀት ካንሰር ህመም ምልክቶችን ሳያሳይ ሊቆይ የሚችል ሲሆን በዋነኝነት ግን የሰገራ መዛባት፣ሰገራ ላይ ደም መኖር፣የምግብ ፍላጎት ማጣት ፣የአንጀት መነፋትና መፈንዳት ፣ማስማጥ፣ከእንብርት በታች ቁርጠት፣የሆድ ማበጥ፣ተቅማጥ የህመሙ ምልክቶች ናቸው፡፡

ህመሙንም ፎሊክ አሲድ ያላቸውን ምግቦችን እንዲሁም በካልሺዬም እና ማግኒዥዬም የበለፀጉ ምግቦችን በመመገብ፣አትክልትና ፍራፍሬን አዘውትሮ በመብላት ፣የአካል ብቃት እንቅስቃሴን በማድረግ ሲጋራ ማጤስና የአልኮል መጠጦችን በማስወገድ መከላከል እንደምንችል የጤና ባለሙያው መክረዋል፡፡

ህክምናዎቹን በተመለከተ ከላይ የተጠቀሱትን የህመሙ ምልክቶች ሲታዩ ወደ ህክምና ተቋም በመሄድ መታየት እንደሚገባ ያሳሰቡት ዶክተር ሸምሴ÷ ህመሙ የአንጀት ካንሰር ሆኖ ከተገኘም የተለያዩ የህክምና አይነቶች መኖራቸውን ተናግረዋል፡፡

የህክምና አይነቶቹም የቀዶ ህክምና፣ ኬሞቴራፒ እና ራዲዮቴራፒ መሆናቸውን ነው ያስረዱት፡፡

በፌቨን ቢሻው