Heal Africa Health City

25/04/2026

ቤቴል ሜዲካል ኮሌጅ ተማሪዎቹን በዓድዋ ድል መታሰቢያ አስመረቀ!

አዲስ አበባ - በጤናው ዘርፍ ከሁለት አስርት ዓመታት በላይ የማስተማር ልምድ ያለው ቤቴል ሜዲካል ኮሌጅ በዛሬው እለት በዓድዋ ድል መታሰቢያ ተማሪዎቹን አስመርቋል፡፡ የ20ኛ ዙር የምረቃ ስነ-ሥርዓቱን ያከናወነው ኮሌጁ፣ በአጠቃላይ 92 ተማሪዎችን ለምርቃት ያበቃ ሲሆን በሜዲሲን፣ በነርሲንግና በሕዝብ ጤና (Public Health) ዘርፎች ያሰለጠናቸውን ተማሪዎች አስመርቋል፡፡

ከተመራቂዎቹ መካከል 42ቱ በሜዲሲን፣ 32ቱ በነርሲንግ እንዲሁም ቀሪዎቹ 17 ተማሪዎች በሕዝብ ጤና (Public Health) ዘርፍ ትምህርታቸውን ያጠናቀቁ ናቸው። ለተመራቂዎች እንዲሁም ለተመራቂ ቤተሰቦች እንኳን ደስ አላችሁ:: 🎉

20/03/2026

24/05/2025

ታላቅ የምስራች ከሂል አፍሪካ ሄልዝ ሲቲ አ.ማ.
የሂል አፍሪካ ሄልዝ ሲቲ አ.ማ. አካል የሆነዉ ቤቴል ቲቺንግ አጠቃላይ ሆስፒታል ከረዥም ግዜ የጥገና ሂደት በኋላ ጥራቱን የጠበቀ የህክምና አገልግሎት መስጠት ጀመረ!
በሀገራችን ፈር ቀዳጅ የሆነዉ ቤቴል ቲቺንግ አጠቃላይ ሆስፒታል በህዳር 1993 በዶ/ር ይገረም አስፋዉ ተመሰርቶ ከ20 አመታት በላይ በምስራቅ አፍሪካ ፋና ወጊ በሚባል ሁኔታ የህክምና አገልግሎት ሲሰጥ መቆየቱ ይታወሳል። በመሆኑም ዘመኑን የዋጀ አገልግሎት ይሰጥ ዘንድ መሰረታዊ የሆነ የእድሳት እና የግንባታ ሥራ ላይ የነበረዉ ሆስፒታሉ በዛሬዉ እለት ቅዳሜ ግንቦት 16 ቀን 2017 የቦርድ አባላት፣ ከፍተኛ የስራ አመራሮች እንዲሁም ጥሪ የተደረገላቸው የክብር እንግዳዎች በተገኙበት በይፋ ተመርቋል። የመክፈቻዉን ንግግር ያደረጉት የሆስፒታሉ ማኔጂንግ ዳይሬክተር ዶ/ር ሰኢድ መሀመድ እንደገለጹት ቤቴል ቲቺንግ አጠቃላይ ሆስፒታል ላለፉት በርካታ ወራት በእድሳት ስራ ላይ ረዘም ያለ ጊዜ ማሳለፉን ጠቅሰዉ አብዛኛዉ ሰዉ ሲጠይቅ የነበረው መች አልቆ ወደ ስራ ይገባል የሚል ጥያቄ እንደነበረ አስታዉሰዉ ሁላችንም በጉጉት ስንጠብቀዉ ለነበረዉ ቀን እንኳን አደረሰን ሲሉ ደስታቸዉን ገልፀዋል።
በመቀጠልም የሂል አፍሪካ ሄልዝ ሲቲ አ.ማ. ዋና ስራ አስፈጻሚ የሆኑት አቶ ጀማል ሰዒድ እንደገለጹት ቤቴል ቲቺንግ አጠቃላይ ሆስፒታል ወደኋላ ዞረን ቀዳሚ፣ መስራች እንዲሁም ፈር ቀዳጅ እያልን ስንገልጸዉ የነበሩውን የህክምና አገልግሎት ወደፊት የምናስቀጥልበት የሽሽግር ቀን ነዉ ሲሉ ገልፀዉታል። በስመጥር የጤና ባለሞያዎች፣ በዘመናዊ ቴክኖሎጂ የታገዘ ከወረቀት-ነፃ አገልግሎት ለመስጠት ዝግጅቱን መጨረሱንና ሆስፒታሉ ከነገ ማለትም ግንቦት 17 ቀን 2017 ጀምሮ ለታካሚዎች ክፍት መሆኑን አብስረዋል።
ለመላው የሂል አፍሪካ ቤተሰቦች እንኳን ደስ አላችሁ!!

12/05/2025

የሂል አፍሪካ ሄልዝ ሲቲ የባለድርሻ አካላት ጠቅላላ ጉባኤ በአዲስ አበባ በተሳካ ሁኔታ ተካሄደ!

በአዲስ አበባ ከተማ በሚገኘው ኤልያና ሆቴል በዛሬ ግንቦት 03 2017 የተካሄደው የባለ አክሲዮኖች ጠቅላላ ጉባኤ ወሳኝ የሆኑ አጀንዳዎችን በማወያየት የተሳካ መድረክ ሆኖ ተጠናቋል። በጉባኤው ላይ ተሳታፊዎች ገንቢ ሃሳቦችን ያቀረቡ ሲሆን ፣ የቦርድ አመራሮች የተሰጡትን ገንቢ አስተያየቶች በጥልቅ በመገንዘብ ወደፊት በሚደረገው ጉዞ ላይ ተጨባጭ እርምጃዎችን ለመውሰድ ቁርጠኝነታቸውን አረጋግጠዋል።

ከዚህም ባሻገር የተቋሙን የጋራ ግቦች ለማሳካት የባለድርሻ አካላትን ድጋፍ ጠይቀዋል።

በዛሬው ጠቅላላ ጉባኤ ላይ ተገኝተው ሃሳቦችን ላበረከቱልን ባለ አክሲዮኖች በሙሉ ከልብ የመነጨ ምስጋናችንን እናቀርባለን። የእናንተ ንቁ ተሳትፎ ለጋራ እድገታችን ብሩህ ተስፋን ያሳያል።

በአንድነት በመቆም የተሻለ የወደፊት ጊዜን እንገነባለን!

ሂል አፍሪካ ሄልዝ ሲቲ አክሲዮን ማህበር

30/08/2024

https://ethio-jobs.net.et/company.php?profile=e9530fbc6ab615088bdf96fc8fd9b943