Nibret Adamu -MD

12/02/2024

ጤና ይስጥልኝ !
ስለ ኢንሱሊን መላመድ (Insulin resistance) ጥቂት እንማማር።

ስለ ኢንሱሊን መላመድ ለመረዳት በቅድሚያ የኢንሱሊንን ምንነት እና አሰራሩን ከመረዳት መጀመር ይጠቅመናል። ኢንሱሊን ሰውነታችን ውስጥ የሚገኝ ሆርሞን ሲሆን የሚመረተውም ጣፊያ በተባለው አካል ውስጥ ነው። ይህ ሆርሞን በሰውነታችን ውስጥ በዋናነት የሚጠቅመን የደም ስኳር (Blood glucose) ትክክለኛ መጠኑን ጠብቆ እንዲቆይ በማድረግ ነው። ምግብ በሰውነታችን ውስጥ አስፈላጊውን ሂደት በማለፍ ወደ የደም ስኳርነት (Blood glucose) ሲቀየር ጣፊያ ኢንሱሊንን ወደ ደማችን እንዲለቅ መልዕክት ይተላለፍለታል። በዚህ ጊዜ ኢንሱሊን በደም ውስጥ ያለውን ስኳር ሴሎቻችን እንደ ሃይል ምንጭ እንዲጠቀሙት ያደርጋል።

ምግብ በማንበላበት ጊዜ ደግሞ በሰውነታችን ውስጥ ያለው የደም ስኳር መቀነስ የኢንሱሊን መጠን እንዲቀንስ ያደርገዋል፤ ይህም በተዘዋዋሪ ጉበታችን ውስጥ ቀደም ሲል የተጠራቀመ የደም ስኳር እንዲለቀቅ ያደርጋል።

ይሄ መደበኛው ሂደት ሲሆን ኢንሱሊን ሬዚስታንስ እንዴት ሊከሰት ይችላል የሚለውን ደግሞ እንመልከት:: በተደጋጋሚ ምግብ በምንበላበት ጊዜ ብዙ ስኳር ወደ ሰውነታችን ስለሚገባ ይህን ለመቆጣጠር ጣፊያ ብዙ ኢንሱሊን እንዲያመነጭ ምልክት ይሰጠዋል፤ ነገር ግን በሂደት ሴሎቻችን ለኢንሱሊን ምላሽ መስጠት የማይችሉበት እና እርምጃ የማይወስዱበት ሁኔታ ሊፈጠር ይችላል፤ በዚህ ጊዜ ኢንሱሊንን ተላመዱ ወይም insulin resistant ሆኑ እንላለን።
ይህንንም ለማስተካከል ጣፊያ ብዙ ኢንሱሊን ማመንጨቱን ይቀጥላል፣ ኢንሱሊን የደም ስኳሩን በጉበትና ጡንቻ ውስጥ ለማስቀመጥ ምልክት ይሰጣል ፤ እነኚህ ሲሞሉ ጉበት የተቀረውን የደም ስኳር ወደ ስብ (fat cells) በመላክ እንደ ስብ እንዲጠራቀም ያደርጋል። ይህም ለክብደት መጨመር፣ ቅድመ ስኳር ህመም (pre-diabetes) እና የስኳር ህመም ተጋላጭነታችንን ይጨምራል።

እንደ አጠቃላይ አንድ ሰው የኢንሱሊን መላመድ እንዳጋጠመው ለማወቅ የሚደረግ ቀጥተኛ የላብራቶሪ ምርመራ ባይኖርም እነዚህ ምልክቶች ካሉበት ኢንሱሊን ሬዚስታንስ አጋጥሞት ሊሆን እንደሚችል ጠቋሚ ሊሆን ይችላል።

• በተደጋጋሚ ከፍ ያለ እና የማይቀንስ የደም ስኳር መጠን
• ከፍተኛ የደም ቅባት (cholesterol) መጠን
• ከፍተኛ የሆነ የደም ግፊት
• ቆዳ ላይ የሚወጣ ጠቆር ያለ ምልክት (acanthosis nigricans)
• የወገብ ዙሪያ ልኬት (waist circumference) ለሴቶች ከ89 ሳ.ሜ. በላይና ለወንዶች ከ102 ሳ.ሜ. በላይ ከሆነ
• በቤተሰብ ውስጥ የቅርብ ሰው የስኳር ህመም (በተለይም አይነት 2) ካለው
• ከፍተኛ የሆነ የሰውነት ክብደት (በተለይ የወገብ ዙሪያ) ካለ፣
• ብዙ እንቅስቃሴ አለማድረግ፣
• ሰአቱን ያልጠበቀ የአመጋገብ ስርዓት
• ሲጋራ የማጨስ ልምድ
ለኢንሱሊን ሬዚስታንስ ተጋላጭነትን በከፍተኛ ሁኔታ ይጨምራል።

ለማስተካከልም

• አካላዊ እንቅስቃሴን ማዘውተር
• የሰውነትን ክብደትን ማስተካከል/ ጤናማ የሰውነት ክብደት እና የስብ ክምችት ብቻ እንዲኖር ማድረግ።
• ጭንቀት ካለ መቀነስ ወይም manage ማድረግ
• በቂ እንቅልፍ ማግኘት።
• ጊዜውን የጠበቀ፣ መጠኑን ያላለፈና የተመጣጠነ የአመጋገብ ስርዓትን ማዘውተር ይኖርብናል።

ስለዚህ ይህንን ለብዙ ሕመሞች የሚያጋልጠውን የጤና ሁኔታ በመከላከል ወይም በመቆጣጠር ጤናዎን እንዲጠብቁ እንመክራለን።

ጤናማ ቆይታ!
ኢማን ዘኪ (ዳይቲሺያን)

References:

1.https://www.niddk.nih.gov/health-information/diabetes/overview/what-is-diabetes/prediabetes-insulin-resistance

2. https://diabetes.org healthy-living medication-treatments/insulin-resistance

3.https://diabetes.org/healthy-living/medication-treatments/insulin-resistance

05/06/2023

በእርግዝና ጊዜ ስለሚከሰተው ማቅለሽለሽና ማስታወክ ምን ያህል ያውቃሉ?
- በዶ/ር ዳዊት መስፍን ፤ የማህፀንና ፅንስ ስፔሻሊስት

⁃ ማቅለሽለሽና ማስታወክ ሁሉም እርጉዝ እናቶች እስከ 4 ወራቸው ድረስ የሚያጋጥማቸው የህመም አይነት ነው፡፡

⁃ አንዳንዶች ምንም ሳይኖራቸው አንዳንዶች ደግሞ ከ4 ወር በላይ ቆይቶ ሊያስቸግራቸው ይችላል

⁃ አንዳንድ እናቶች ላይ ጠንከር ብሎ የእለት ተእለት ስራቸውን እንዳያከናውኑና ሲብስ ደግሞ ሆስፒታል ገብተው መታከም እስኪኖርባቸው ድረስ ሊሆን ይችላል።

ማድረግ ያለብሽ ጥንቃቄዎች

⁃ ጠዎት ካልጋሽ ሳትነሺ ትንሽ ምግብ ተመገቢ

⁃ ምግብሽን ቁርስ ፣ ምሳ እና እራት ብለሽ ሳትከፉፍይ… በየ2-3 ሰዓት ልዩነት ትንሽ ተመገቢ (ሆድሽ ባዶ መሆን ወይም መጥገብ የለበትም)

⁃ ምግብሽን በችኮላ አትመገቢ። ተረጋግተሽ ጊዜ ወስደሽ ተመገቢ

⁃ ከተመገብሽ በውሀላ ንፁህ አየር ወዳለበት መሆንን አትርሺ

⁃ የመመገቢያ እና የመኖሪያ ቦታን ለዪ (ሽታ ሊያባብስብሽ ስለሚችል)

⁃ ትንሽ ትንሽ ፈሳሽ በየምግብ መሀሉ ውሰጂ

⁃ ቤትሽ በተቻለ መጠን ንፁህ እና ፍፁም ከሽታ ነፃ መሆኑን አትዘንጊ

⁃ ዶድራንት ፣ ሽቶ፣ እና ሽታ ያላቸውን ቅባቶች አስወግጂ

⁃ ቤትሽ ውስጥ ጫጫታን በተቻለ መጠን አስወግጂ

⁃ ባልሽ እና ቤተሰቦችሽ ከሌላው ጊዜ በተለየ ላንቺ ጤንነት ከፍተኛ አስተዋፅዎ ስለሚኖራቸው አቅርቦታቸውን ጨምሪ

አመጋገብሽ መሆን ያለበት

- በመጠኑ ትንሽ ምግብ
- ቀዝቀዝ ያለ
- ደረቅ ያለ እንደ ጥራጥሬ ፣ ደረቅ ዳቦ እና ኩኪስ የመሳሰሉ
- ብዙም ቅመም ያልበዛበት ፣
- የተጠበሰ እና ቅባት የበዛበት ምግብ አይመከርም
- ብዙም ጣፉጭ ያልሆነ
- ኮምጠጥ ያለ እና የሎሚ ጣዕም ያለው መጠጥ ማዘውተር
- የዝንጅብል ሻይ መጠጣት
- የዝንጅብል ቃና ያላቸው ከረሜላዎችን መጠቀም
- አልኮል ፣ ቡና እና ጠቆር ያለ ሻይ በፍፁም አይመከርም

ይህ ሁሉ አድርገሽ ካልተሻለሽ እና ኪሎ ከመጠን በላይ ከቀነስሽ ጊዜ ሳትሰጪ ሀኪምሽን አማክሪ።

ዶ/ር ዳዊት መስፍን ፤ የማህፀንና ፅንስ ስፔሻሊስት ስልክ: 0911138054

02/10/2022

♦♦7 የማንጎ የጤና ጥቅሞች♦♦

• የምግብ ልመትን ለማፋጠን
• የሆድ ድርቀትን ለመከላከል
• በሽታ የመከላከል አቅምን ለመገንባት
• የኮሌስትሮል መጠንን ለመቀነስ
• ለቆዳ ጥራት
• ክብደት ለመቀነስ
• ለአይን ጤንነት

28/08/2022

22/08/2022

የአፕል ጥቅሞች፡ “ አንድ አፕል በቀን፤ ሀኪምን ለምኔ ያስብላል! “

• ለምግብ መፈጨት፡- አፕል ካለው የፋይበር መጠን የተነሳ የምግብ መፈጨትን ያግዛል፡ ፡ ከዚህም በተጨማሪ የታችኛው የአንጀታችንን ክፍል እንቅስቃሴ ቀላል ያደርጋል፡፡ የጨጓራ ህመሞችንም ይከላከላል፡፡
• ለደም ማነስ፡- በደም ውስጥ ያለው የሄሞግሎቢን መጠን እንዳይቀንስ የብረት ንጥረ ነገሮችን የያዙ እንደ አፕል ያሉ ፍራፍሬዎችን መመገብ ይመከራል፡፡
• ለድካም፡- አፕል ድካምን በማስወገድ ለሰውነት የተለየ ብርታት ይሰጣል፡፡ ይህም ታመው የተኙ ሰዎችን ቶሎ እንዲበረቱ ያደርጋል፡፡
• ለእርጅና፡- አፕል በውስጡ ከያዛቸው አንቲ ኦክሲዳንት የተነሳ እርጅናን እንደሚከላከል ይነገርለታል፡፡ በቻይና ያሉ ተመራማሪዎች አፕል በየጊዜው የሚመገቡ ሰዎች 10 በመቶ ረጅም እድሜ እንዳላቸው አረጋግጠዋል፡፡
• ለጥርስ እንክብካቤ፡- አፕልን መብላት ጥርሳችንን እና መንጋጋን ለማፅዳት ይረዳል። የፋይበር ይዘቱ ለዚህ ተጠቃሽ ሲሆን ጥርስ እንዳይቦረቦርም ያግዛል፡፡
• በአፕል ሽፋን ላይ ያለው የፔክቲን ይዘት ከሰውነታችን ጎጂ ንጥረ ነገሮችን ለማስወገድ ጋላክትሮኒክ አሲድን ይፈጥራል ከዚህም ባለፈ አንጀት ውስጥ ፕሮቲኖች ወደ ጎጂ ንጥረ ነገሮች እንዳይቀየሩ ፔክቲን ይጠቅማል፡፡
• የኮሌሰትሮል መጠንን በሰውነታችን ውስጥ ይቀንሳል፡- አፕል በውስጡ አነስተኛ ካሎሪና ከፍተኛ ፋይበር አለው፣ እንደ ስብ እና ኮሌስትሮል ያሉትን ደግሞ ምንም ስለሌለው አነስተኛ እፍጋት ያላቸው የኮሌስትሮል አይነቶች እንዳይሰርጉ ያደርጋል፡፡
• አፕል በውስጡ እንደ ፖታሲየም፣ ፎስፈረስ እና ካልሲየም ያሉ ማዕድናትን በመያዙ የሠውነት ፈሳሽ ይዘቶችን የተመጣጠነ ለማድረግ እና እንደ ልብ ምት፣ የደም ግፊት ያሉትን ለመቆጣጠር ያስችላል፡፡
• ለሰውነታችን አስፈላጊ የሆኑ ኢንዛይሞች እንዲሰሩ የሚረዱትን እንደ ቢ-ኮምፕሌክስ ቫይታሚኖችን በመያዙ እንደ ኮ-ፋክተር ያገለግላል፡፡ • እንደ ኮለን ካንሰር፣ ፕሮስቴት ካንሰር እና እንደ ሳንባ ካንሰርን የመሳሰሉትን ችግሮች በውስጡ ካሉት አንቲ ኦክሲዳንቶች የተነሳ ይከላከላል፡፡ ይህም “Fre radicals” የተባሉትን በማስወገድ ነው፡፡ • በደም ውስጥ ያለውን የስኳር መጠን ለመቆጣጠር ይረዳል፡፡ ከአፕል ውስጥ የሚገኘው ፔክቲን የኢንሱሊንን መጠን ይቆጣጠራል፡፡ ይህም ወደ ደም የሚሰራጨውን የስኳር መጠን በመቀነስ ነው።
ምንጭ ልዩ ልዩ።

14/08/2022

ፎሮፎር | Seborrheic dermatitis

✔️ፎሮፎር ምንድነው?

ፎሮፎር እየተመላለሰ ለረዥም ጊዜ የሚቆይ ከሰው ወደ ሰው የማይተላለፍ የቆዳ ህመም አይነት ነው። ፎሮፎር በባህሪው ጠንካራ ያልሆነ ብዙም ምልክት የሌለው እና ትንንሽ ብናኞች ያሉት ሊሆን ይችላል፤ይህ የተለመደው አይነት ፎሮፎር ሲሆን ዳንድረፍ (dandruff) በመባል ይታወቃል።

በተቃራኒው ደግሞ ጠንካራ የሚባለው የፎረፎር አይነት አብዛኛውን የራስ ቆዳችንን እንዲሁም ሌሎች የአካል ክፍሎቻችን ላይ ጭምር ሊከሰት ይችላል፤ ቅርፊቶቹም ወፍራም እና ከራስ ቆዳችን ጋር የተጣበቁ ሊሆኑ ይችላሉ

✔️ ፎሮፎር ምን አይነት ሰዎች ላይ ይከሰታል?

- ከሁለት ሳምንት እስከ አንድ አመት ባሉ ህጻናት እና ከጉርምስና እድሜ በላይ በሆኑ ግለሰቦች ላይ ይከሰታል
- አብዛኞቹ ፎሮፎር የሚኖርባቸው ግለሰቦች ሌላ ተጓዳኝ ህመም አይኖራቸውም አንዳንድ ጊዜ ግን ከHIV ፣ Parkinson ፣ የሚጥል ህመም (Epilepsy) ፣ ጭንቀት ገር ተያይዞ ሊከሰት ይችላል

✔️ ፎሮፎር መንስኤው ምንድነው?

-የፎሮፎር መንስኤ በትክክል ይሄ ነው ተብሎ መናገር ባይቻልም ከቆዳችን ጋር ተስማምተው በሚኖሩ (normal flora) የፈንገስ አይነት (Malassezia) ምክንያት ይከሰታል ተብሎ ይታሰባል

-ፎሮፎር ወዝ አመንጪ እጢዎች (Sebaceous glands) ተከማችተው በሚገኙበት የአካል ክፍሎቻችን (የራስ ቆዳ ፣ ፊት፣ ደረት አካባቢ፣ የላይኛው የጀርባችን ክፍል ፣ የውጭኛው የጆሮ ክፍል ፣ ብብት ፣ ጡት ስር ፣ በላይኛው የጭን ክፍል እና ብልት መሀከል በሚገኘው ቦታ) ላይ ይከሰታል

✔️ ፎሮፎር እንዴት ይታከማል ?

- መድሀኒትነት ያላቸው መታጠቢያ ሻምፖዎችን (ketoconazole 2%, Selenium sulfied, Ciclopirox , Zinc pyrithione) በመጠቀም ፎሮፎርን መቆጣጠር ይቻላል።
- ሻምፖውን ተቀብተን ከ5-10 ደቂቃ አቆይተን መታጠብ ይህንንም በሳምንት ከ 2-3 ጊዜ መደጋገም ያስፈልጋል
- ከዚህ በተጨማሪ የማሳከክ ስሜት ካለው፣ጠንካራ የሚባለው የፎሮፎር አይነት ከሆነ፣ከራስ ቆዳችን ውጪ ከተከሰተ፣ተጓዳኝ ህመሞች ካሉ እንዲሁም ህጻናት ላይ ከተከሰተ የቆዳ ሐኪም በሚያዘው መሰረት ተጨማሪ መድሀኒቶች ያስፈልጋሉ።

✔️ ፎሮፎር ለምን ይመላለሳል?

መንስኤው በትክክል ስለማይታወቅ እና ምክንያት ነው ተብሎ የሚታሰበው የፈንገስ አይነት ከቆዳችን ጋር ተስማምቶ የሚኖር በመሆኑ ፎሮፎርን በህክምና ማዳን አይቻልም(not curable) ለዚህም ነው የሚመላለሰው ፤ ነገር ግን ምልክቶቹን መቆጣጠር እና የሚመላለስበትን የጊዜ ፍጥነት መቀነስ ይቻላል

✔️ ፎሮፎር እንዳይመላለስብን ምን እናድርግ?

ከላይ በተጠቀሰው መሠረት ምልክቶቹ እስኪጠፉ በሻምፖ መታጠብ ያስፈልጋል(የቆዳ ሐኪሙ ተጨማሪ መድሀኒቶችን ሊያዝ ይችላል)፤ ምልክቶቹ ከጠፉ በኋላ ሻምፖውን በሳምንት አንድ ጊዜ ወይም በሁለት ሳምንት አንድ ጊዜ መጠቀም ፎሮፎር እንዳይመላለስ ይረዳል

✔️ ፎሮፎር ፀጉር እንዲነቃቀል ያደርጋል?

በፎሮፎር ምክንያት የፀጉር መነቃቀል የተለመደ አይደለም ነገር ግን ከፍተኛ የሆነ የማሳከክ ስሜት ካለ ጊዜያዊ የሆነና ተመልሶ የሚተካ የፀጉር መነቃቀል ሊያስከትል ይችላል

በመጨረሻም የቆዳ ሐኪም ሳያማክሩ መድሀኒቶችን ባለመጠቀም ቆዳዎን ከተጨማሪ ጉዳት ይጠብቁ!!

ዶ/ር ዮሐንስ ታደሰ ፤ የቆዳና አባላዘር ህክምና ስፔሻሊስት

09/08/2022

👉 ቋቁቻ (Pityriasis versicolor) ምንድነው?

ቋቁቻ የተለመደና በፈንገስ አማካኝነት የሚመጣ የቆዳ ህመም ነው

👉 ምልክቶቹ
ቋቁቻ በአብዛኛው ጀርባ ፣አንገት፣ደረትና የላይኛው የእጃችን ክፍል አካባቢ ይወጣል

ጠቆር ያሉ (hyperpigmented) ፣ ነጣ ያሉ (hypopigmented) አንዳንዴም ቀላ ያሉ ክብ ወይም እንቁላል ቅርጽ(oval) ሽፍታዎች ሲኖሩት እነዚህ ሽፍታዎች ላይም ትንንሽ ቅርፊቶች ይታያሉ

ሽፍታዎቹን በጣታችን ስንለጥጠው ወይም ፋቅ ፋቅ ስናረገው ቅርፊቶቹ በደንብ ይጎላሉ

የተለመደ ባይሆንም አንዳንዴ የማሳከክ ስሜት ሊኖር ይችላል

👉 ምን አይነት ሰዎች ላይ ይከሰታል
በአብዛኛው በወጣትነት እና በጎልማሳነት የእድሜ ክልል ውስጥ ይከሰታል

👉 ለቋቁቻ የሚያጋልጡን ሁኔታዎች
- በተፈጥሮ ተጋላጭነት (genetic predisposition) ይህም በቤተሰብ አባላት ውስጥ እንዲከሰት ሊያደርግ ይችላል
- ሞቃታማ አካባቢ መኖር
- የበሽታ የመከላከል አቅም መዳከም
- እርግዝና
- ቆዳችን ወዛም ከሆነ
- Oily የሆኑ ቅባቶችን መጠቀም
- ከመጠን ያለፈ ላብ

👉 ቋቁቻ እንዴት ይታከማል?
ሽፍታው በቆዳ ሐኪም ታይቶ ከተረጋገጠ በኋላ ሐኪሙ በሚያዘው መሰረት በሚቀባ፣ በሻምፖ ወይም በሚዋጥ መድሀኒት ህክምናው ይሰጣል

ከህክምናው በኋላ ሽፍታው ላይ የነበሩት ቅርፊቶች ይጠፋሉ ይህም የህመሙን መዳን ያመለክታል

ነገር ግን ሽፍታው ወጥቶበት የነበረው ቦታ ወደ መደበኛው የቆዳችን ቀለም ለመመለስ ሳምንታትን/ወራትን ሊወስድ ይችላል

👉 ቋቁቻ ከሰው ወደሰው ይተላለፋል?
ቋቁቻ ከሰው ወደሰው አይተላለፍም

ለቋቁቻ መንስኤ የሆኑት የፈንገስ አይነቶች(በጥቅሉ Malassezia ተብለው ይጠራሉ) ከቆዳችን ጋር ተስማምተው የሚኖሩ (normal flora) ሲሆኑ ለህመሙ የሚያጋልጡን ሁኔታዎች ሲፈጠሩ ወደ በሽታ አምጪነት የሚቀየሩ ናቸው፤ለዚህም ነው ህመሙ ደጋግሞ የሚከሰትብን

👉እንዴት እንከላከለው?

ቋቁቻ ደጋግሞ የሚከሰትብን ከሆነ እና በተለይም በሞቃታማ አካባቢ የምንኖር ከሆነ ከቆዳ ሐኪም ጋር በመመካከር ህክምናውን በሳምንት ወይም በሁለት ሳምንት ወይም በወር አንድ ጊዜ ለተወሰኑ ወራቶች በመውሰድ ቋቁቻ የሚመላላስበትን የጊዜ ፍጥነት መቀነስ ይቻላል

በተጨማሪም፡-

Oily የሆኑ ቅባቶችን አለመጠቀም

ከጥጥ የተሰሩ ልብሶችን መልበስ(በተለይ ከውስጥ የምንለብሳቸው)

ሰውነታችን ላይ የሚጣበቁ ልብሶችን አለማዘውተር

✔️ በመጨረሻም
ከቆዳ ሐኪም ውጪ የተሰሩ ቪድዮችን አይተን ወይም የቆዳ ሐኪም ሳናማክር መድሀኒቶችን ገዝተን ባለመጠቀም ቆዳችንን ከተጨማሪ ጉዳት እንከላከል‼️

ዶ/ር ዮሐንስ ታደሰ ፤ የቆዳና አባላዘር ህክምና ስፔሻሊስት

28/07/2022

የሎሚ 11 ጠቀሜታዎች
*********************

ሎሚ ከምግብነት በዘለለ የተለያዩ ህክምናዊ ጥቅሞች ያሉት ሲሆን ህክምናዊ ጥቅሞቹ እንደሚከተሉት ናቸው፦

1. ክብደትን ይቀንሳል!

የሎሚ ጭማቂን ለብ ካለ ውሀና ማር ጋር በመቀላቀል መጠጣት የሰውነት ክብደትን ለመቀነስ ይረዳናል። የሎሚ ጭማቂ የሰውነት ክብደትን ለመቀነስ ይረዳናል ብላችሁ ብትጠይቁኝ አዎ በትክክል ይቀንሳል እልዎታለሁ።

2. እርጅናን ለመከላከልና ለቆዳ እንክብካቤ

የሎሚ ጭማቂ እርጂናን የሚከላከል ሲሆን የቆዳ መሸብሸብና ቆዳ ላይ ያሉ ትንንሽ ጥቁር ነጠብጣቦችን እንዲሁም የተለያዩ ችግሮችን የፀረ ጀርምና ፀረ ባክቴሪያ ባህሪ ስላለው እንዲወገድ በማድረግ ይሳተፋል። የፀሀይ ጨረርን ለመከላከል ወዲያው የተዘጋጀ የሎሚ ጭማቂ ፊትን መቀባት ጠቃሚ ነው።ወዲያው የተዘጋጀ የሎሚ ጭማቂ ከማርና ውሀ ጋር በመቀላቀል መጠጣት።

3. ጉሮሮ ኢንፌክሽንን ለመከላከል!

ሎሚ የጉሮሮን ኢንፌክሽን ከሚከላከሉልን ፍራፍሬዎች አንድ ሲሆን የፀረ ባክቴሪያ (ባክቴሪያን የመከላከል) ሀይል አለው እናም የሎሚ ጭማቂ ከውሀ ጋር ቀላቅለው ወይም በሻይ መልክ ቢወዱት ጥቅሙ ላቅ ያለ ነው።

4. ትኩሳትን ለማስታገስ!

ወዲያው የተዘጋጀ የሎሚ ጭማቂ በብርድ፣በሳልና በትኩሳት ለሚሰቃዩ ሰዎች ፍቱን መድሀኒት ነው።የሰውነታችንን ትኩሳት ቶሎ ቶሎ እንዲያልበን በማድረግ ያስታግሳል። እኩል መጠን ያላቸውን የተፈጥሮ ማርና የሎሚ ጭማቂ በመቀላቀል ወይም የሎሚ ሻይ በመጠቀም ሳልን መቀነስ የሚቻል ሲሆን ከባድ የጉሮሮ በሽታን ለማስታገስ ይረዳናል።

5. ለጥርስ እንክብካቤ ይጠቅመናል!

የሎሚ ጭማቂ ለጥርስ እንክብካቤና ህክምና ያገለግላል። የጥርስ ህመምበሚያጋጥምበት ጊዜ ትኩስ(fresh) የሎሚጭማቂ በህመሙ ቦታ ላይማድረግ ፍቱን ማስታገሻነው።በተፈጥሮ የሎሚ ጭማቂ ድድን ማሸት ከድድ መድማት ችግርና ከመጥፎ የአፍ ጠረን ይታደግዎታል በተጨማሪም ሁልጊዜ ጥርስዎን ቢቦርሹበት ተጠቃሚ ይሆናሉ።

6. የቆዳ እብጠትን ያስታግሳል!

የሎሚ ጭማቂ የቆዳ እብጠትን የሚከላከል ሲሆን ሰውነታችን ላይ ባለው እባጭ ላይ ያድርጉት በተጨማሪም ከዉሀ ጋር የተቀላቀለ የሎሚ ጭማቂ መጠጣት ለኩላሊት ጠጠር እጅግ በጣም ጠቃሚ ነው።

7. የተቃጠለ ቁስልን ያስታግሳል!

ወዲያው የተዘጋጀ የሎሚ ጭማቂ በተቃጠለው የሰውነታችን ቁስል ላይ ማድረግ ጠባሳ (scar) እንዳይዝ (እንዳይኖር) ያደርጋል። ሎሚ ሰውነታችንን
የማቀዝቀዝ ባህሪ ስላለው በቃጠሎ ምክንያት የሚመጣን የመለብለብ (የማቃጠል) ስሜት ያስታግሳል።

8. ውስጣዊ የደም መድማትን ይከላከላል!

የሎሚ ጭማቂ ውስጣዊ መድማትን ይከላከላል ምክንያቱም ሎሚ ፀረ ጀርምና ፀረ ባክቴሪያ ባህሪ ስላሉት ነው። የአፍንጫ መድማትን ለመከላከል በሎሚ ጭማቂ የተነከረ ጥጥ በአፍንጫ ቀዳዳ ውስጥ ከተው ለትንሽ ደቂቃዎች ማቆየት ይመከራል።

9. የወባና አተት(Cholera) በሽታዎችን ለመከላከል!

ሎሚ ደምን የማጣራት አቅም ስላለው እንደ ወባና አተት ያሉ በሽታዎችን ይከላከላል።
ያደርገዋል።

10. ለመገጣጠሚያና ጡንቻ ህመሞች!

ይህ ህመም ብዙ ጊዜ በእድሜ ገፋ ያሉ ሰዎች ላይ የሚስተዋል ሲሆን ሎሚ የማይፈለጉ የሰውነት ፈሳሾችን እንዲወገድ በማድረግ የመገጣጠሚያና ጡንቻ ህመሞችን ያስታግሳል ከዚህም በተጨማሪ በሰውነታችን ውስጥ ያሉትን ባክቴሪያና መርዛማ ነገሮች እንዲወገድ ያደርጋል።

11. እንዲሁም የደም ግፊት ይቀንሳል!

ወዲያው የተዘጋጀ የሎሚ ጭማቂ መጠጣት በውስጡ ፓታሲየም ስላለው በልብ ህመም ለሚሰቃዩ ሰዎች ጠቃሚ ነው። ከፍተኛ ደም ግፊትን፣ መንገዳገድ (ማዞር) እና ማቅለሽለሽን በመቆጣጠር አምሮ ና ሰውነታችን ዘና እንዲል ያረጋል።

20/07/2022

ብርቱካን ከሚሰጣቸው የጤና ጥቅሞች :-

1.ካንሰርን ይከላከላል
ብርቱካን ካንሰርን መከላከል የሚስያችል ፊቶኬሚካል የተሰኘ ንጥረ ነገር አለው፡፡በመሆኑም የቆዳ፣ የሳንባ፣ የጡትና ሌሎችን የካንሰር አይነቶች ይከላከላል፡፡

2. የኩላሊት ጤናን ለመጠበቅ ያስችላል
የብርቱካን ጭማቂ አዘወትሮ መጠቀም ኩላሊት ጠጠር እንዳይከሰት በማድረግ ጤናማ ኩላሊት እንዲኖረን ያስችላል፡፡

ሆኖም ግን የብርቱካን ጭማቂ ከልክ በላይ መጠቀም የስኳርነት ይዘት ስላለው የጥርስ ውብት ላይ ችግር ሊያስከትል ይችላል፡፡

3. ማንዳሪን የተሰኘው የብርቱካን አይነት የጉበት ካንሰርን ይከላከላል፡፡

4. የኮሎስትሮል መጠንን ያስተካክላል
የብርቱካን ጭማቂ በፋይበር የበለጸገ ስለሆነ በሰውነት ውስጥ ያለ የኮሎስትሮል መጠን እንዲቀንስ ያደርጋል፡፡

5. የልብ ጤናን ለመጠበቅ ያስችላል፡፡
የብርቱካን ጭማቂ በፖታሽየም የበለጸገ መሆኑ የልብ ጤናን ለመጠበቅ ያስችላል፡፡
በሰውነታችን ውስጥ የፖታሽየም መጠን ዝቅተኛ ሲሆን የልብ ምት ይስተጓጉላል፡፡

6. ለተለያዩ በሽታዎች እንዳንጋለጥ ያደርጋል
በቪታሚን ሲ የበለጸገ በመሆኑ ለተለያዩ በሽታዎች እንዳንጋለጥ ያደርጋል፡፡

7. ከቫይረስ ኢንፌክሽን ይከላከላል
ጥናቶች እንደሚያመላክቱት ከፍተኛ የሆነ ፖሊፌኖልስ ንጥረ ነገር በቫይረስ የሚከሰቱ ኢንፌክሽንን ይከላከላል፡፡

8. እንዲሁም በፋይበር የበለጸገ በመሆኑ የምግብ መፈጨት የተሳለጠ እንዲሆን ያደርጋል፡፡

9. የአይን ጤናን በመጠበቅ የማየት አቅማችንን ያጎለብታል፡፡

10. የደም ግፊታችን እንዲስተካከል ያደርጋል፡
የማግኒዚየም ይዘቱ የደምግፊት እንዲስተካከል ያስችላል፡፡

17/07/2022

'ቃሪያ ለጤና ያለው ጥቅም'
…………~~~~~~~~~~~…………
1, በስኳር በሽታ መያዝን ይከላከላል::
2, የካንሰር ስርጭትን ይከላከላል::
3, የሆድ ውስጥ አለሰርን ይከላከላል::
4, በልብ በሽታ መያዝን ይከላከላል::
5, ጉንፍን የጉሮሮ ህመም እና ትኩሳት የመሳሰሉትን ህመሞች የመፈወስ ሀይል አለው::
6, ሰውነታችን በቀላሉ በበሽታዎች እንዳይጠቃ ያግዛል::
7, ለጥርስ ህመም እና ለብሮንካይት ችግር እንደ መፍተሄ ይወሰዳል::
8, የደም ዝውውርን ማስተካከል ይችላል::
9, የኮልሌስትሮል መጠንን ማመጣጠን ይችላል::
10, የሰውነትን ክብደት የተመጣጠነ እንዲሆን ያደርጋል::

14/07/2022

አስገራሚ የሙዝ ጥቅሞች
**************************
በብዙዎች ዘንድ ተወዳጅነት ስላለው ፍራፍሬ ሙዝ
ጥቅሞች እናነሳለን፡፡
ሙዝ
ሙዝ በንጥረ ነገር ይዘታቸው ከበለፀጉ ፍራፍሬዎች አንዱ
ሲሆን በውስጡም በርከት ያሉ እንደ ማግኒዚየም፣
ፓታሲየም፣ አይረን፣ ዚንክ፣ አይወዲን እና ቫይታሚን
ኤ፣ቢ፣ኢ፣ኤፍን ይዟል።
ሙዝ ሶስት የተፈጠሮ ስኳሮችን (ማለትም ሱክሮስ፣
ፍሩክቶስ እና ግሉኮስ) ከፋይበር ጋር አጣምሮ ይዟል::
እነዚህም የሰዉነታችንን ኃይል ከፍ የማድረግ አስተዋፅኦ
አላቸው:: ጥናቶች እንዳረጋገጡት ከዘጠና ደቂቃ ከባድ
የአካል እንቅስቃሴ በኋላ 2 ሙዝ የሚመገቡ ስፖርተኞች
እንደገና ኃይላቸውን ማደስ ይችላሉ::
ለዚህም ነው – በዓለማችን ታላላቅ ስፖርተኞች ዘንድ
‘ሙዝ’ ተወዳጅ እና ተመራጭ ፍራፍሬ የሆነው:: ይህ ብቻ
አይደለም፤ ሙዝ የሚመገቡ ሰዎች የተለያዩ ህመሞችና
ከባድ ሁኔታዎችን የመከላከል አቅማቸው እጅግ በጣም ከፍ
ያለ ነው::
አንድ ሙዝ ከሌላ ፍራፍሬ ጋር ስናወዳድረው፤ ለምሳሌ
ከፖም apple) ጋር ብናወዳደር:- አንድ ሙዝ በውስጡ
የፖምን 4 እጥፍ ፕሮቲን፣ 2 እጥፍ ካርቦሃይድረት፣ 3
እጥፍ ፎስፈረስ፣ 5 እጥፍ vit A እና ብረት(IRON)፤
እንዲሁም ከፍተኛ የሆነ ፖታሽየም የያዘ ነው::
የሙዝ ጥቅሞች
1. ጥርስን ያነጣል!!
ጥርስዎን ሁልጊዜ ሲቦርሹ ለሁለት ደቂቃ ያህል በሙዝ
ልጣጭ/ልጫ ጥርስዎን ይሹት ከዚያም አስደናቂ ለውጥ
ያገኙበታል።
2. በተለያዩ ነፍሳቶች ሲነከሱ ቁስልዎን ያስታግስልዎታል!!
ነፍሳቱ የነከስዎት ቦታ ላይ በሙዝ ልጫ በማሸት
የሚኖረውን እብጠትና ህመም መቀነስ ይቻላል።
3. የተጎዳን የሰውነት ቆዳን ያስተካክላል!!
ሙዝ የተበላሸ ወይም የተጐዳ የፊት ቆዳን በሚያምር
አዲስ የፊት ቆዳ የመተካት ምትሀታዊ ሀይል አለው።
4. ለእፅዋት ማዳበሪያነት ያገለግላል!!
ደረቅ የሙዝ ልጫ ተወዳዳሪ የሌለው የአትክልትና እፅዋት
ማዳበሪያ ነው።
5. የፊት መሸብሸብ ወይም መጨማደድን ይከላከላል!!
ሙዝ ከፍተኛ የክሬምና የተፈጥሮ ማር ካላቸው ምግቦች
የሚመደብ ሲሆን አንዳንድ ሴቶች የፊት መሸብሸብን
ለመከላከል ሲሉ ከሙዝ የተሰሩ የፊት ክሬሞችን በሳምንት
ለ3 ጊዜ ያህል ይጠቀማሉ።
6. የቆዳ መሰንጠቅን ይከላከላል!!
የሰውነት ቆዳዎ እያሳከክዎትና እየተሰነጣጠቀ ተቸግረዋል?
ህመምዎ(ችግርዎ) ይገባኛል፤በጣም እድለኛ ነዎት!!
እንደዚህ ያድርጉ የተሰነጠቀውን የሰውነትን ቆዳ በሙዝ
ልጫ(ልጣጭ) ይሹት እንደዚያ ሲያደርጉ በሙዙ ልጫ ላይ
ያለው ተፈጥሮአዊ ኢንዛይም በተሰነጠቀው ቆዳዎ ላይ
በመግባት ስራውን ይሰራል ማለት ነው።
7. ጥሩ የአይስክሬም መስሪያ ነው!!
በጣም ጣፋጭ ነገር ይወዳሉ? እንግዲውስ እንዲህ
ያድርጉ በጣም የቀዘቀዘ ሙዝ ቆራርጠው ወደ አይስክሬም
መስሪያ ያስገቡት ከዚያም አስደናቂ ጣዕም ያለው
አይስክሬም ይመገባሉ።
8. ክንታሮትን ያድናል!!
ሙዝ በፓታሲየም የበለጸገ ነው።ይህ ንጥረ ነገር ክንታሮትን
የማዳን አቅም አለው ስለዚህ ሙዝ ተፈጥሮአዊ የክንታሮት
መድሀኒት ሆኖ ያገለግላል።
9. ሰውነታችን በስለት ሲቆረጥ ወይም ሲያብጥ የማዳን
ሀይል አለው!!
ሙዝ ሰውነታችን በግጭት ወይም በሌላ ምክንያት
ሲያብጥ ወይም ስለት ነገር ሲቆርጠን በውስጡ ፓታሲየም
የተባለ ንጥረ ነገር ስላለው ሰውነታችን ለማገገም
የሚያደርገውን ሂደት ያግዛል ወይም ያፋጥነዋል።
10. የአንጀት ቁስለትን ይከላልከላል
11. ከሀንግ ኦቨር (HANG OVER) በፍጥነት ያላቅቃል
12. አእምሮ እንዲነቃቃ ያግዛል
13. የደም ማነስ ችግርን ያስዎግዳል
14. የሰዉነት ሙቀትን ለመቆጣጠር ይረዳል
15. የድብርት ስሜትን ያስዎግዳል፤ እንዲሁም ራስ

13/07/2022

አቮካዶን የመመገብ ጥቅሞች በጥቂቱ
(በዶ/ር ሆነሊያት ኤፍሬም)

✔ የኮሌስትሮል መጠን ይቀንሳል

አቮካዶ በውስጡ የያዘው ንጥረ ነገር (betasisterol) በሰውነታችን ውስጥ የሚገኘዉን የኮሌስትሮል መጠን እንደሚቀንስ ጥናቶች ያሳያሉ፡፡

✔ ለዓይናችን ጤና ጠቃሚ ነው

በውስጡ የሚገኘው ካሮቲኖይድ ሉቲየን (carotenoid lutien) ዓይናችንን ከዕድሜ ጋር በተያያዘ ምክንያት የሚመጡ ሕመሞችን እንድንከላከል ይረዳል፡፡

✔ በስትሮክ የመጠቃት ዕድልን ይቀንሳል

በአቮካዶ ውስጥ የሚገኘው ከፍተኛ መጠን ያለው (folate) ፎሌት በስትሮክ የመጠቃት ዕድልን እንደሚቀንስ የተደረጉ ጥናቶቸድ ያሳያሉ፡፡

✔ ከካንሰር ይከላከላል

አቮካዶ የሚመገቡ ሴቶች በጡት ካንሰር የመያዝ እድላቸው እንደሚቀንስና ወንዶችን ደግሞ ከፕሮስቴት ካንሰር የመከላከል የመከላከል አቅም እንዳለው የተደረጉ ጥናቶች ያሳያሉ፡፡

✔ መጥፎ የአፍ ጠረንን ይከላከላል

አቮካዶ ተፈጥሮአዊ ከሆኑ የመጥፎ አፍ ጠረን መከላከያዎች አንዱ ነው፡፡

✔ ለቆዳችን ጥቅም

የኦቮካዶ ቅባት በብዙ የውበት መጠበቂያዎች ውስጥ የሚገባና ለቆዳ ተስማሚ እና ጤናማነት ጠቃሚነት ያለው የፍራፍሬ ዓይነት ነው፡፡

ጤና ይስጥልኝ