Ethio physiotherapy

Ethio physiotherapy Contact information, map and directions, contact form, opening hours, services, ratings, photos, videos and announcements from Ethio physiotherapy, Medical and health, Addis Ababa.

አርትራይተስ(የመገጣጠሚያ ህመም)ቁርጥማት የአንድ ወይም ከዚያ በላይ መገጣጠሚያዎች እብጠት ነው። የአርትራይተስ ዋና ምልክቶች የመገጣጠሚያ ህመም እና መገተር ነው ፣ ይህ ህመም ከእድሜ ሲገፋ...
13/03/2024

አርትራይተስ(የመገጣጠሚያ ህመም)

ቁርጥማት የአንድ ወይም ከዚያ በላይ መገጣጠሚያዎች እብጠት ነው። የአርትራይተስ ዋና ምልክቶች የመገጣጠሚያ ህመም እና መገተር ነው ፣ ይህ ህመም ከእድሜ ሲገፋ እየባሰ ይሄዳል። በጣም የተለመዱት የአርትራይተስ ዓይነቶች የአርትሮሲስ እና የሩማቶይድ አርትራይተስ ናቸው። አርትራይተስ ከ200 ከሚበልጡ የተለያዩ የቁርጥማት በሽታ አይነቶች ጋር ተዛማጅነት ያለው ነው ከእነዚህ መካከል ኦስትዮአርትራይተስ፣ ሩማቶይድ አርትራይተስ፣ ሲስተሚክ ሉፐስ ኤራይቲማቶሰስ፣ ሪህ ፣ በርሳይተስ፣ ሩማቲክ ፊቨር፣ ላይም በሽታ፣ እና የመሳሰሉት ይገኙበታል፡፡

መንስኤዎቹ
ለሁሉም የአርትራይተስ በሽታ አንድ ዓይነት ምክንያት የለውም ፡፡ መንስኤው እንደየበሽታው አይነት ይለያያል ነገር ግን እንዳጠቃላይ የሚቀመጡ ምክንያቶች ፡-
📌 ጉዳት (አደጋ)
📌 በቤተሰብ ይህ ዓይነት ችግር ካለ
📌 በተለያዩ ተዋሲያን መጠቃት (infection)
📌 በምንመገባቸው የምግብ ዓይነቶች ተያይዘው የሚመጣ
📌 የሪህ በሽታ

ምልክቶቹ
📌 በእንቅስቃሴ እና በቅዝቃዜ ሰዓት የሚባባስ ህመም
📌 ጠዋት ጠዋት የመገጣጠሚ አከባቢ ያለ የመጨምደድ ስሜት
📌 የመገጣጠሚያ እብጠት

በአርትራይተስ የመያዝ ሰፊ አጋጣሚ ያላቸው እነማን ናቸው?
📌 ከዕድሜ መግፋት
📌 በሰውነት ክብደት መጨመር
📌 ሴቶች ከወንዶች ይልቅ ተጋላጭ ናቸው
📌 የቫይታሚን ሲ እና ዲ እጥረትን
📌 በዘር ለበሽታው የመጋለጥ አጋጣሚ

የአርትራይተስ በሽታ ህክምና
📌 አካላዊ እንቅስቃሴና የአኗኗር ለውጥ ማድረግ
📌 ፊዚካልቴራፒ ወይም ጤናን ለማሻሻል የሚረዱ የሰውነት እንቅስቃሴዋችን ማድረግ
📌 ክብደት መቀነስ
📌 ጠቆር ያለ አረንጓዴ ቀለም ያላቸውን በካልስየም የበለጸጉ ቅጠላ ቅጠሎችን፣ ትኩስ ፍራፍሬዎችን፣ ኦሜጋ-3 ፋቲ አሲድ የሚባለው ንጥረ ምግብ የሚገኝባቸውን ምግቦች አዘውትሮ መመገብ
📌 የተለያዩ መድሃኒቶች (Analgesics, Non-steroidal, anti-inflammatory drugs (NSAIDs), Corticosteroids) እንዲሁም ሌሎች መድሀኒቶች

13/03/2024

ድንገተኛ የፊት መጣመም (bells palsy) ምንድን ነው?

- አንዳነዴ ሰምተን ከሆነ መጋኛ መታው፣መጋኛ ፊቱን አጣመመው ሲባል ሰምተን ሊሆን ይችላል። የዚህን ነገር ሳይንሳዊ ትንታኔ በጥቂቱ ይዤላቹ ቀርቢያለሁ።

-ፊታችን ከጭንቅላታችን በሚነሱ ነርቮች አማካኝነት የእለት ተእለት ተግባራትን ይከውናል። ከጭንቅላታችን የሚነሱ 12 የጭንቅላት ነርቮች (cranial nerves) አሉ። ከነዚህ ውስጥ አብዛኞቹ ነርቮች የፊታችንን እንቅስቃሴ ያዛሉ፣ ይቆጣጠራሉ። ፊታችን ቀስ በቀስ ወይም በድንገት ሊጣመም ይችላል።

-ድንገተኛ የሆነ የፊት መጣመም (bell's palsy) የምንለው በአንድ በኩል የሚገኘውን የፊት ጡንቻዎች መድከም ፣ መስነፍ ወይም መዛል ሲሆን የፊታችንን ቅረፅ የሚቀይር ከአንጎል ከሚነሱት 12 ነረቮች አንዱ የሆነው ሰባተኛው ነርቭ (facial nerve) ብግነት ወይም እብጠት ምክንያት የሚመጣ የነርቭ ህመም ነው።

ይህ ችግር በማንኛውም የእድሜ ክልል ሊከሰት የሚችል ፣ ግማሽ ፊታችን ወይ በቀኝ ወይም በግራ ፊት እነዳይታዘዝ የሚያደርግ ህመም ነው ፣ ይህም ፊታችንን የሚመግቡ ነርቮች (nerve supplies) ከጭንቅላታችን ሲወጡ በሚከሰት ጫና ወይም ጉዳት ሊከሰት ይችላል።

ምክንያቶቹስ ምንድን ናቸው?

-ይህ ነው የሚባል ምክንያት ባይቀመጥም አንዳንድ ኤክስፐርቶች በአንድ በኩል የሚገኘውን የፊታችንን ጡንቻ የሚቆጣጠረው ነርቭ ሲቆጣ ፣ ወይም እብጠት ሲኖረው ነው ብለው አሰቀምጠዋል። ይህም በተለይ በቫይረስ ኢንፌክሽን አማካኝነት ነው ተብሎ ይታሰባል።

እእነዚህ ቫይረሶች ለምሳሌ Herpes simplex virus,herpes zosther, episten barr virus, CMV virus, mumps virus, adeno virus ይጠቀሳሉ።

ተጋላጭ ሰዎችስ እነማን ናቸው?

-ነፍሰጡር እናቶች ፣ የላይኛው የመተነፈሻ አካል ኢንፌክሽን ፣ ስኳር ፣ ደም ግፊት እና ከመጠን በላይ ውፍረት ያለባቸው ሰዎች ፣ ተጋላጭ ናቸው ተብሎ ይታሰባል።

ምልክቶቹስ?

-በአብዛኛው ጊዜ ምልክቶቹ በጥቂት ሳምንታት ውስጥ በተወሰነ መልኩ ይመለሳል ተብሎ ይታሰባል። ሙሉ ለሙሉ ወደ ነበረበት ለመመለስ ሳምምነታት ወይም ወራት ይፈጃል ተብሎ ይታሰባል። የተወሰኑ ሰዎች ላይ ደግሞ እስከ ሂወት ዘመን ሊቆይ ይችላል።

-ድንገተኛ የሆነ በአንድ በኩል ብቻ የፊት መድከም ፣ መስነፍ ፣ የፊት መውደቅ ፣ ጉነጭ በአየር መሙላት መቸገር ፣ መሳቅ ፣ ፈገግ ማለት ፣ እና ሌሎች የፊት እንቅስቃሴዎች ለማድረግ መቸገር ፣ የፊት መደንዘዝ ፣ የአንድ አይን መክደን አለመቻል ፣ የምራቅ መዝረክረክ ፣ ማፏጨት አለመቻል ፣ የአፍ በአንድ በኩል መውረድ ፣ በግነባር መኮሳተር አለመቻል ፣ ከጆሮ ጀርባ አና መንጋጭላ አካባቢ የህመም ስሜት ፣ እራስ ምታት፣ ጣእም ለማጣጣም መቸገር ፣ የእንባ እና የምራቅ መጥን መለወጥ ፣ ሊኖሩ ይችላሉ።

የሚያመጠውስ መዘዝ?

-የፊት ነርቭ በቋሚነት መጎዳት
-የነርቭ ዘንጎች በትክክል አለማደግ
-የአይን መድረቅ ፣ የአይን ኢነፌክሽን ፣ መታወር ድረስ ሊደርስ ይችላል።

ምርመራዎቹስ?

-የጤና ባለሙያው ከታካሚው ታረክ በመውሰድ እና አካላዊ ምርመራ ከተደረገ በዃላ እንደ አስፈላጊነቱ ምን አልባት አጋላጭ ምክንያቶችን ለማወቅ የደም ናሙና ምርመራ (ለምሳሌ የስኳር ፣ የHIV ፣ የኮሌስትሮል ምርመራ) እንዲሁም የጭንቅላት MRI ወይም CT scan ፣ Electromyography ሊያስፈልግ ይችላል።

ህክምናውስ?

-ይህ አይነት ችግር ሲያዩ ሰዎች ወዲያውኑ የጤና ተቋም መታየት ይጠበቅባቸዋል። ይህም ቶሎ ለመዳን በቶሎ መታከም አስፈላጊ ስለሆነ ነው። መድሀኒቶች ለምሳሌ የህመም እና ፀረ ብግነት መድሀኒቶች ለምሳሌ Corticosteroids, ፀረ ቫይረስ (antiviral) መድሀኒቶች ፣ አካላዊ ህክምና (physical theraphy) ፣ የፊት ማሳጅ ፣ ቀዶ ህከምና ተጠቃሽ ናቸው።

-በተለይ የፊዚዮቴራፒ ህክምና እጅግ ጠቃሚ የሆነ የህክምናው አካል ነው። ይህም የተለያዩ የፊት ላይ እንቅሰቃሴዎች ፣ የፊት ጡነቻ ሰፖርቶች የደነዘዙ የፊት ጡንቻዎችን ወደ ነበሩበት ለመመለሰ ከፍተኛ የሆነ ለውጥ ያሳያሉ።

ጤና ይብዛላችሁ
ዶ/ር ኤርሚያስ ማሞ

ስለስትሮክ ምን ያህል ያውቃሉ?ስትሮክ በአእምሮ ውስጥ ደም በመፍሰሱ ወይም ደም በትክክል ባለመድረሱ ምክንያት የሚመጣ በሽታ ነው፡፡ ስትሮክ በድንገት የሚከሰት በሽታ ሲሆን አንድ ሰው በስትሮ...
01/11/2023

ስለስትሮክ ምን ያህል ያውቃሉ?

ስትሮክ በአእምሮ ውስጥ ደም በመፍሰሱ ወይም ደም በትክክል ባለመድረሱ ምክንያት የሚመጣ በሽታ ነው፡፡ ስትሮክ በድንገት የሚከሰት በሽታ ሲሆን አንድ ሰው በስትሮክ እንደተጠቃ የሚያመላክቱን ምልክቶች ብዙ ናቸው፡፡

ከነዚህም ውስጥ ተጠቃሾቹ ፣
• በድንገት ራስን መሳት፣
• ሃይለኛ ራስ ምታት፣
• ቀኝ ወይም ግራ የአካል ክፍል መድከም ወይም አለመስራት ፣
• ፊት መጣመም፣
• መዋጥ እና ንግግር ማቃት ንኡስ ምልክቶች ናቸው፡፡
እነዚህን ምልክቶች እንደታዩ በአስቸኳይ ወደ ጤና ተቋም ሄዶ ህክምና ማግኘት ያስፍልጋል፡፡

ለስትሮክ ተጋላጭ ከሚያርጉት ነገሮች የሚከትሉት ዋነኞቹ ናችው
• ከ40 ዓመትእድሜ በላይ መሆን
• ወንድ መሆን፦ ከሴቶች ይልቅ ወንዶች ላይ ስትሮክ በብዛት እንደሚከሰት ጥናቶች ያሳያሉ።
• ሲጋራ ማጨስ እና አልኮል በብዛት መውሰድ
• ስኳር ታማሚ መሆን
• ደም ግፊት
• የልብ ታማሚ መሆን ተጠቃሽ ናቸው።

ስትሮክ አንዴ ከተከሰተ ለመመለስ የሚያስቸግር በሽታ በመሆኑ ሁሉም ሰው ቅድመ መከላከል ላይ ማተኮር አለበት፡፡ ይህም የአካል እንቅስቃሴ ማድረግ፣ ከሱሶች መቆጠብ፣ በሀኪም የታዘዙልንን መዳኒቶች በትክክል መውሰድ፣ጤናማ ምግቦችን መመገብ እንዲሁም ህክምና ክትትል ማድረግ ተገቢ ናቸው፡፡

ምንጭ ፡-ዶ/ር ያሬድ ማሙሸት (የአንጎል ፣ የሕብረሰረሰር ፣ የራስ ምታት እና የስትሮክ ሰብስፔሻሊስት)

Address

Addis Ababa

Website

Alerts

Be the first to know and let us send you an email when Ethio physiotherapy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category