16/09/2025
Abbaan koo tibba kana balaa konkolaataatiin na jalaa miidhamuunsaa gammachuu koo hir'iseera jedhe Barataa Kaaliid Bashir
“Akka biyyaatti qabxii olaanaa galmeessuu kiyyaan gammachuun natti dhagahamus, tibba kana abbaan koo baalaa konkolaataatiin na jalaa miidhamuunsaa gammachuu koo hir'iseera” jedha Barataa Kaalid Bashir.
Bulchiinsa Magaalaa Roobee kutaa Magaalaa Goobbaatti dhalatee kan guddate barataa Kaaliid Bashiir kutaa 1 hanga 8 achuma kutaa Magaalaa Goobbaatti barachaa akka ture dubbata.
Waggaa afur dura qormaata biyyoolessaa kutaa 8ffaa mana barumsa siinjaarraa qabxii olaanaa galmeessuu gara kutaa 9ffaatti darbuusaas nutti hime.
Kutaa 9ffaas achuma kutaa Magaalaa Goobbaatti erga eegalee booda, ergasii mana barumsa bultii addaatti barachuuf dorgomee qormaata sanas darbuun gara mana barumsa bultii addaa dodolaatti qajeele nuun jedhe.
Turtii waggaa afur mana barumsa bultii addaa dodolaatti taasiseen booda ammas irra deebi'ee qormaata biyyoolessaa kutaa 12ffaatiin akka biyyaatti qabxii olaanaa 591 fiduun raajii hojjachuu danda'eera.
Abbaan barataa qaxalee qormaata biyyoolessaa sadarkaa biyyaatti qabxii ol’aanaa fide Obbo Bashir immoo gammachuu ilma isaanii qooddachuuf hin hin dandeenye.
Barataa Kaalid Bashiir waa'ee abbaa isaa gaafa dubbatu miira imimmaaniin guutame keessa gale.
Qabxii olaanaa fiduun gammachuu qabaadhus abbaa koo sababa balaa kanaatiin of biraa dhabuun gadda biraati jedhe. Abbaan koo haala suukaneessaa keessa jira rabbi naa kadhaafi jedha. Haga danfeettaniin abbaa koo kana osoo naa yaalchisanii baay'ee natti tola jedhee lammiilee biyya isaa maraaf ergaa dabarfateera barataa Kaalid.
Sababa balaa kanaatiin sammuu fi miilli abbaa isaa baay'ee miidhamuu ibseera.
Kaaliid fi Haati Kaaliid sababa miidhamuu Obbo Bashiiriin yaaddoo keessa galuusaanii himaniiru.
Kaaliid Maatii isaanii keessaa ilma 3ffaa tahuu haati Kaaliid nutti himaniiru.
Hagafti Kaaliid lamaanis barnootaan sadarkaa guddaarra jiraachuu nutti himan.
Kanneen isaa gadiis akkasumatti ciccimoo tahuu dubbatan haati Kaaliid.
Akkuma maatii isaanitti kennama qabaachuus nuu himaniiru.
Gara fuula duraatti Kaaliid barnoota software engineering tiin biyya isaa jijjiiruu akka barnaadus kominikeeshinii Magaalaa Roobeetiif ibseera.
Haati isaas ilmi kiyya osoo carraa barnoota biyya alaa naa ergate natti tola jedhan.
Ittigaafatamaan Waajjira Barnoota Bulchiinsa Magaalaa Roobee Obbo Shoolaayee Taganee istaafii isaa waliin barataa Kaalid Bashiir bira deemuun jajjabessaniiru.
Namoonni Barataa Kaalid Bashir qunnamtanii yaadaa fi waan qabdaniin deeggaruu barbaaddan lakkoofsa bilbila.0931138947
Maddi kominikeeshinii Magaalaa Roobeeti
