Dr. Faayoo

23/09/2024

14/08/2024

!!!!Gaaffii Inbox 📥
Walqunnamtiin saalaa dhiira ni miidha jedhamaa akkami??
Akkuma beekkamu wanta addunyaa kanaa hunda isaa faayidaa fi miidhaa isaa sirriitti beeknee seeraan akka itti fayyadamnu uumaan mirga guutuu nuuf kennee jira, kan beekne immoo walbeeksisuu qabna, kanaaf gaaffiin olitti ka'e kun namoota baayyeen yeroo garagaraatti nuuf ka'ee jira, nutiis akkas jenna👇
Walqunnamtiin saalaa, keessattuu nama wal jaalatanii fi waliif amanamaniif baayyee barbaachisaa fi faayidaalee heddus qaba, garuu faallaa kanaatin walqunnamtii saalaa namoota baayyee waliin gochuun nama tokko hamaa isa miidhuu fi gabbii yoomuu duubatti hin deebine keessa isa galchuu danda'a. Miidhaa isaa keessaa muraasni; ulfi hin karoorfamne akka uummamuu fi xaxaalee isaa, akkasumas dhukkuboota takka nama qabnaan hin fayyineef fknf HIV, vaayirasii tiruu(HBV) fi kkf fa'aan qabamuu, fi kkf fa'a fiduun faayidaalee irraa argachuu malluus osoo hin argatin hafuun sirumaayyu yaaddoo fi dhiphina biraaf nama saaxiluu danda'a, dabalataanis gammachuu yeroo saniitif jennee, jireenyi keenyaa fi maatii keenyaa gara fuulduraatti akka baduu gochuu danda'a. Walumaa galatti walqunnamtiin saalaa daangaa hin qabnee fi fedhii jara lachuu hanga hin taanetti, jara lachuu (dhiiras dubaras) hamaa miidhuu danda'a, garuu walqunnamtiin saalaa namoota wal jaalatanii fi waliif amanamaniif faayidaalee heddu qabaachuu danda'a; isaaniis:-
*Dandeettii dhibee dandamachuu qaamaa (madiinummaa) ni dabala
*Fayyummaa onneef heddu gargaara
*Dhiibbaan dhiigaa akka too'atamuuf ni gargaara
*Miira dhukkubbii kamuu ni hir'isa
*Hirriba gaarii rafuuf ni tolaa
*Dhiphina sammuu hamaa nurraa ittisa
*Si'aa'inna fi dandeetti waa yaadachuu ni dabala
*Ulfaatina qaamaa madaalawaa ta'e akka qabaannuf nu gargaara
*Ofitti amanamummaa ni dabala
*Carraa dhibee kaanserii tokko tokkoo ni hir'isa fknf kaanserii xannacha 'prostate'
*Dulluma ni hir'isa, keessattu namoota umriin isaanii 45 ol ta'aniif
*Rakkoo fincaa'an qabachuu dadhabuu dubartoota ni hir'isa, keessattu dubartootaa umriin raaganiif
*Fayyummaa qaama saalaaf, saala lachuufuu ni gargaara
*Dhukkuba sammuu keessatti dhiiguu fa'a ni hir'isa
*Rakkoolee walqunnamtii saalaa waliin walqabataan kanneen akka ka'uu dhabuu qaama saalaa, fedhii dafanii xumuruu fi kkf ni fooyyessa
*Carraa dhala argachuu ni dabala
*Dhukkuboota akka iddoo birootti argamuu keessoo gadameessaa(endometriosis) fa'a ni qolata
*Hariiroo, wal amanuu fi jaalala ni cimsaa fi kkf.
Halkan gaarii isinif haa ta'u!!!
Galatoomaa!!!
Dr. Faayoo
Fayyaan faaya!!!
Fayyaa ta'aa!!!

07/08/2024

Boorsaan Qarshii (Wallet) Dhukkubbii Narvii Fiduu Danda'aa?
**************************
● WAALEETII (boorsaa xiqqoo yeroo hedduu dhiironni kofoo kara dudduubaa keessa godhatan, kan qarshii, waraqaa eenyuummaa, ATM fi kkf keessa kaa'atan): dhibee dhukkubbii narvii miilla gama saniin nama dhukkubu akka 'sciatica' fi kanneen biroo namatti fiduu danda'a!

● Kunis, keessumaa boorsaan kun kan furdatee waan baay'een keessa tuulame yoo ta'e, yoo irra taa'an narvii gama saniin jiru miidhuu irraan kan kanka'eedha!

● Akkasumas akka fakkiirraa argitan sanatti yoo irra taa'an lafee dugdaa jallisuudhaan, yeroo dheeraa keessa, dhukkubbii dugdaa illee fiduu mala.

***************
Fayyaan Faaya
Dr. Faayoo

20/05/2024

Infeekshiinii ujummoo fincaanii
*****************************************
Infeekshiinii ujummoo fincaanii jechuun yeroo ujummoon fincaanii yuureetraa( ujummoo fincaan alattii baastu) qabee hanga kaleetti jiran hangi tokko ykn hundi isaaniitu hubamaniidha. Yeroo baayyee garuu afuuffee fincaanii fi yuureetraadha kan hubamu. Dhibee kanaaf irra guddaa kan saaxilamu dubartoota.
Mallattoolee
------
》 Amma amma fincaanuu fedhuu
》 Fincaan nama mudduu
》 Yeroo fincaanan fincaan nama gubuu
》 Fincaan duumeessa fakkaatu fincaanuu
》 Fincaan diimaachuu ykn kookaa koollaa fakkaachuu
》 Cinaachi nama dhukkubuu ykn garaan gamni gadii nama dhukkubuu
》 Dhangala'aan qaama saalaa irraa
yaa'uu
》 Gubaa qaamaa ykn leeydaa
》 Fincaan foolii qabaachuu fi kkf
Hub: Namni dhibee kana qabu mallattoolee asiin olitti caqasne kana hunda isii agarsiisu dhabuu danda'a.
Ka'umsi isaa maali?
----
• Nama baayyee wajjin walqunnamtii saalaa godhuu ykn nama haarawa wajjin walqunnamtii saalaa godhuu
• Ujummoon fincaanii rakkina qabaachuu
• Ujummoon fincaanii cufamuu. Fkn cirracha kaleetin
• Dandeettiin dhukkuba ofirraa ittisuu xiqqaachuu . Fkn dhibee sukkaraatiin , HIV , qoricha akka corticosteroids fudhachuudhan
• Yeroo baayye irra daddeebiin kaatitara fayyadamuu
Miidhaa hordofee dhufu( Xaxaa)
-----
1. Irra daddeebiin dhibee kanaan hubamuu. Baati 6 keessatti yeroo 2 ol dhibee kanaan hubamuu ykn waggatti si'a 4 ol dhibee kanaan hubamuu
2. Kaleerra miidhaan yeroo dheeraa kan laaftutti wal'aanamuu hin dandeenye gahuu.
3. Carraan dubartiin ulfaa daa'ima bakka hin gahin dahuu
4. Ujummoon fincaanii dhiphachuu
Akkamitti ofirraa ittifna?
****
✍ Walqunnamtii saalaa gaa'ila duraa irraa fagaachuu
✍ Bishaan baayyee dhuguu
✍yeroo fincaanne fi sagaraa bane booda fuulduraa gara duubaatti haquu. Kuniis akka baakteeriyaan munnee gara ujummoo fincaanii hin seenne godha. Malli kun caalatti kan fayyadu dubartootafi

10/02/2024

ERGA Wara Haadha manaa Qabuf.Wara dhiiraatif..
~~~~~~
Abbootin manaa haadha manaa keessaniif yeroo ulfaa maal gochuu qabdu?
●●●●●●●●●●●●
■1.Yeroo ulfaa akkasumas da'umsaa booda yeroo muraasaaf amalli haadha manaa keessanii sababa jijjiirama hormoonii irraan kan ka'e jijjiiramuu waan danda'uuf danda'aa ykn obsaa ta'uu qabdu.

■2.Haati manaa keessan hordooffi yeroo ulfaa fi kan da'umsa booda akka fudhattu jajjabeessuuf akkasumas yoo isinii mijata tahe waliin deemuun ni jajjabeeffama.

■3..Jaalala haadha manaa keessaniif qabdan walitti fufinsaan ibsuufii qabdu

■4.Yeroo ulfaa gara jalqabaa fedhiin saal-qunnamtii ni hir'ata ji'a 4 booda nii dabala. Kanaaf fedhii lamaan isaanii irratti hundaa'ee yoo raawwattan rakkoo waan hin qabneef wal hubachuu qabu.

■5.Wayita ciniinsuu fi da'umsaa ishee waliin turee jajjabessuu irraanfachuu hin qabu.
Kana malees dabalataan erga deessee booda fedhiin isheen walquunnamtii saalaaf qabdu waan hir'atuuf hanga isheef mijatuutti obsuufii qaba, jaalala isaas hir'isuu hin qabu..

Fayyaa hin dhabina
~~~~~~~~~~~~~
Mee Jijjiraa biroo yoo irrati argiitaan commanty goochun itti dabbalaa..
❤Dr. Faayoo

10/02/2024

Dubartoota haalli isaanii yeroo hunda rakkisaadha. Yaada isaanii sagal jijjiiraa oolan
1. Gaafa umrii 18 gahan , dhiira baayyee bareedaa tahe barbaadu
2. Gaafa umrii 25 gahan, dhiira bilchaataa barbaadu
3. Gaafa 30 gahan, dhiira milkaawaa barbaadan
4. Hoggaa 40 gahan ,dhiira milkaa'ina keessa hedduu kabajamaa fi beekamaa tahe hawwu
5. Gaafa 50 gahan, dhiira amanamaa barbaadu.
6. Gaafa 60 gahan, dhiira isaan gargaaru barbaadu

Dhiirti garuu haalli isaanii salphaadha. Haalli ykn wanti fedhe jijjiiramuus ejjannoo isaanii hin jijjiirsiftu.
1. Gaafa umrii 18 gahan , dubartii baayyee miidhagduu taate barbaadu
2. Gaafa umrii 25 gahan,dubartii baayyee miidhagduu taate barbaadu
3. Gaafa 30 gahan, dubartii baayyee miidhagduu taate barbaadu
4. Hoggaa 40 gahan, dubartii baayyee miidhagduu taate barbaadu
5. Gaafa 50 gahan, dubartii baayyee miidhagduu taate barbaadu
6. Gaafa 60 gahan, dubartii baayyee miidhagduu taate barbaadu
Kan si ajaa'ibu gaafa umrii 70 ykn 80 gahanii sossohuu dadhabanillee dubartuma bareedduu barbaadan

Kanarratti yaadni keeysan maali?

🙏DDr. Faayoo

25/01/2024

Baay'inni sanyii dhiiraa(seelii ispeermii) dhiirri tokko si'a takkaatti dhangalaasu miliyoona 39-928dha.
🍌🍌🍌💄👃🔥🍌🍉🌽💗🛃

wantoota dhala dhabuu dhiirotaa fidan keessaa tokko hir'achuu seelii ispeermiidha. Kanaaf seelii ispeermii miliyoona 39 gadi ykn miililiitira tokko keessa seeliin ispeermii miliyoona 15 gadi yoo tahe hir'ateera jenna.

Wantoota guyyaa guyyaan raawwannu kan Hir'achuu seelii ispeermii fidan maalfaadha?
-Ulfaatina qaamaa garmalee
-Sochi qaamaa gochuu dhiisuu
-Uffata jalaa/paantii baay'ee nu qabu yeroo hedduu uffachuu
-Alkoolii baay'inaan dhuguu
-Tamboo aarsuu
-Yeroo dheeraaf taa'aa turuu
-Dha’icha naannoo cidhaaniifaadha
Fayyaa hin dhabinaa
👇
Dr. FaayooDr. Faayoo

22/01/2024

FAAYIDAA WALQUNNAMTII SAA*LAA
☆•••••••••••••••••••••••••••••••••••••••••••••☆
Wal quunnamtiin saa*laa gammachuu miira keenyaa qofaaf osoo hin taane fayyummaa qaama keenyatiifis murteessadha. Mukaa'uu irraa jalqabee hanga kaanseriif saaxilamuu hir'isuu danda'a. Jaalalleewwan lama warra wal quunnamtii saal*aa hin raawwanne caala warra raawwatan gidduu hariiroo cimaatu jira. Kabajaa fi jaalalli isaan walii qaban kan addaati. Qaamni keenya dhukkuba ofirraa akka ittisuu fi hirriba bareedaa akka rafnu nu taasisa.......

Dr. Faayoo

08/01/2024

FANXOO《SYPHILIS 》
------------------------------------------------------------------
Fanxoon dhukkuba walqunnamtii saalaatiin daddarbuu fi baakteeriiyaa "Tirooppooniimaa paalidam" jedhamuun kan namatti dhufuudha.
Dhukkubni kun madaa Dhukkubbii hin qabne tan qaama saalaa , munnee, ykn afaan irratti baatuun nama eegala. madaa sanaa waliin waltuttuqnaan dhukkubichi haaluma salphaa ta'een daddabruu danda'a.
Dabalataan mallattoolee akka
• Dhukkubbii mataa
• Madaa qoonqoo(laagaa)
• Iita mudaamuddii
• Dadhabsiisuu
• Leeydaa ykn hoo'a qaama
• Huqqisuu
• Rifeensi namarraa harca'uu fi kkf agarsiisuu danda'a

* Mallattooleen asiin olitti dubbanne kun odoo qoricha tokkolleen fudhanne ofumaan baduu ni danda'a. Asirratti dhukkubsataan dhibicharraa fayyee jedhee of gowwomsuu danda'a. Garuu dhukkubichi of dhoksee isa isa keessatti wal horaa jira jachuudha
Kana booda dhukkubni kun nama keessa callisee ykn riphisee taa'uudhaan odoo mallattoo tokkollee hin agarsiifne waggaa 10 fi sanaa oliif taa'uu danda'a. Erga nama keessa callisee taa'ee namatti ka'ee booda miidhaa hamaa kan akka miidhaa onnee , sammuu fi qaamoolee biraa namarraan gahuu danda'a!
Yoo yaala argate fayyuu ni danda'a?
-----
Eeyyee!!:Qoricha sirrii fi yeroo jalqaba dhibichi nama qabe ilaalamanii qoricha isaa fudhachuudhaan fayyisuun ni danda'ama!
MIIDHAA FANXOO HORDOFEE DHUFU
-----
* Haadharra garaa ilmoo darbuu
Kun akka daa'imni garaa haadhaa keessa jiru qaama hir'uu ta'ee dhalatu ykn xaaxa heddu qabaatee akka dhalatu godha
* Carraa dhibee HIV tiin qabamuu olkaasa
✍Walumaa galatti namni mallattoolee asiin olitti qabdan odoo isinitti hin barfanne mana yaalaa deemaa wal'aanama.

Fayyaa hin dhabinaa
Dr. Faayoo

28/12/2023

Kintaarot /buroo. Kintaarot wantoonni namatti fidan-qamadii nyaachuu heddummeeysuu, boqqoolloo nyaatuu heddummeeysuu, foon horii nyaachuu heddummeeysuu, yeroo oowwaa sagaraa bahanii dhiqachuu dhiisuu,
osoo sagaraan sin qabin ittanuu,quufan jaartitti ida'amuu, goggogina garaa .kintaarot yeroo ammaa tana hawaasa keenya hedduu rakkisuun dhukkuba beekkamaadha.akkasumas dhukkuba hawaasni dawaa dhukkuba kanaa qabatamatti dhabuudhan rakkachaa jiruudha

Maali furmaanni isaa kan jedhu irratti waa xiqqo irraa dubbachuu barbaadeti.

_______Dhukkubni kun-
Dhukkuba Bara kana Baayyinaan Baballataa jiru keessaa isa tokko Nyaata Akka Foon Diimaa yokan Foon Dheedhii Nyaachuu fi Nyaata Osoo Sirriitti hin bilchaatin nyaatamu Kan Akka Faxiiraa nyaachuun Kiintaarotii Nama Qabsiisaa

1_ Damma Fala'aana Sadi'ii fi Zayitii Zayituunaa Fala'aana Sadi Walitti makame Ganama garaa duwwaatti nyaatama yeroo Qoricha kana fayyadamte Hanga Sa'aatii Tokko Guututti Nyaata Hin nyaatin Qorichi kun Warra Kaanirra cimaadha itti fayyadamii

2_ Dinnacha Zayitii Zayituunaa Wajjin Qoppeessi Nyaadhu Akkasumas Dinnicha Tumamee Zayitii Zayituunaa Wajjin walitti makame Bakka Kiintaarotiin Ba'ee jirutti dibamaa Kunis Dhukkubbii Kiintaarotii Daqiiqaa Muraasa Gidduutti Sirraa Dhaabaa Qoratamaadha
3_ shunkurtii Zayitii Zayituunaa Wajjin sirriitti Walitti makame. Bakka Kiintaarotiin Ba'ee jirutti dibamaa Baakteeriyaa Akka madaan Kiintaarotii hin fayyine ggorsaGodhu Hunda ni Dhabamsiisaa Kiintaarotii Dhiiga Qabutti Hin Dibamu Kan Dhiiga hin Qabneef Dawaadha.akkasumas hargiisa birciqoo takka cunfitee ykn hurraa isaa damma birciqoo takkaan walitti laaqun itti dibuun. garattis nyaatudha.Sanaamakii hurreeysun dammatti makanii ganamaa fi galgala nyaachunis hedduu dawaadha.

Dr. Faayoo

21/12/2023

Walqunnamtii saalaa osoo hin raawwatin yoo turan cidhaan nama ni dhukkubaa? Miidhaa hoo qaba??

Cidhaan yeroo yeroodhaan ispermii baay'ee oomishti. Ispermiin kunis yeroo dhiirri tokko dhangalaasu ujummoo cidhaan keessa geejjibamee dhangala'aa "Semen" jedhamu waliin erga walitti makamee booda gara alaatti dhangala'a. Haa ta'u malee, gaafa dhiirri tokko dhangalaasuu baate caccabeeti gara qaamaatti xuuxxama. Xuuxxamuun kunis miidhaa inni nama irraan gahu hin jiru. Kanaaf, dhangala'ee dhiisee miidhaan inni nama irraan geessisu hin jiru. Darbee darbee garuu, dhiirri walqunnamtii saalaa walitti fufiinsan raawwachaa tureefi amma yeroof dhiise tokko qaamni isaa ka'ee ka'ee (dhaabbatee) yoo rakkiseefi yeroo san dhangalaasuu yoo baate keessoo cidhaan isaa keessatti dhiibbaan dhiigaa uumudhaan (Epididymal hypertension) dhukkubbiin gaafii irratti ka'e namatti dhagahamuu danda'a. Inni kunis yeroo baay'ee "blue balls" jedhama. Kunis, dhukkubbii kanaan ala miidhaa hamaan inni geessisu hin jiraatu. Daqiiqaa muraasa booda ofiin nama irraa bada waan ta'eef dirqama walqunnamtii saalaa nama hin barbaachisu.

Rakkoon kun dafee akka nama dhiisuuf maloota armaan gadii fayyadamuun nama gargaara.
*Sochii qaamaa gochuu
*Xiyyeeffannoo waa'ee walqunnamtii saalaa irraa kaasuu
*Wantoota ulfaataa ta'an olkaasuu (Weight)
*Shaaworii bishaan qorraadhaan dhiqachuu
*Laxxi jedhanii dugdaan ciisuu fi kkf
Galatoomaa!!!
©️ Dr. Faayoo

20/12/2023

Yeroo wal qunnamtii saalaa qaamni saalaa dhiiraa kan dubartii keessatti hafee keessaa ba'uu dide kan jedhu dhageessanii beektuu?
Kun gama Fayyaan "P***s Captivus" kan jedhamu yoo ta'u darbee darbee akka tasaa namoota tokko tokkorratti nii muldhata. Taateen akkasii Jalqaba karaa Fayyaan report kan tahe bara 1979 dha. P***s Captivus kan dhufu sababa maashaawwan naannoo qaama saalaa dubartoota garmalee kottoonfachuu irraan kan ka'e kan dhufudha. Akkuma beekamu yeroo wal qunnamtii saalaa hiddoonni qaama dhiiraa irratti argaman dhiigaan waan guutamanif qaamni saalaa dhiiraa baayyee guddata. Yeroo wal qunnamtii saalaa maashaawwan qaama saalaa dubartoota nii kottoonfata. Maashaan kun garmalee hedduminaan yoo kottoonfatu qaamni saalaa dubartootaa baayyee dhiphachuun qaamni saalaa dhiiraa akka keessaa hin baane godha. Taateen kunis Amma fedhiin dubartootaa sun irraa dhaabbatee maashaan sun kottoonfachuu dhiisutti ykn hanga qaamni saalaa dhiiraa ka'ee ture ciisutti turuu danda'a

Dr. Faayoo