Oromia Health Professionals Association

04/10/2024

Waldaan Ogeeyyii Fayyaa Oromiyaa uummata Oromoo hundaaf kabajni ayyaana Irreechaa bara kanaa kun kabaja gammachuu guddaa qabu akka tahuuf hawwii isaa guddaa ibsata.

Ayyaanni Irreechaa ayyaana galatoo uummanni keenya dukkana gannaa keessaa booqaa birraatti ba'uuf uumaa isaatiif galata galchuun waloodhaan kabajatudha. Akkasumas ayyaana waloomaa, araaraa fi jaalalaati.

Kabajni aadaa fi duudhaa keenyaa kun aadaa murteessaa hawaasa keenya kabaja olaanaa fi hariiroo gaariidhaan walitti hidhudha.

Irra deebiin guyyichi guyyaa eebba, tokkummaa fi gammachuudhaan guutame hunda keessaniif haa ta'u jenna.

Waldaa Ogeeyyii Fayyaa Oromiyaa
Onkoloolessa 4, 2024
Finfinnee, Oromiyaa

03/08/2024

Statement of condolences

On behalf of the Oromia Health Professional Association, we express our deepest condolences on the tragic loss of Dr. Wayuma, a young and talented surgeon. His passing is a great loss not only to his family and friends but also to the medical community as a whole. Dr. Wayuma Biru's dedication to his profession and commitment to providing high-quality care to his patients will always be remembered.

During this difficult time, we extend our thoughts and prayers to all those who were touched by Dr. Wayuma Biru's kindness and expertise. May his legacy continue to inspire us all to strive for excellence in the medical field.

Please know that the members of the Oromia Health Professional Association are here to offer support and assistance in any way possible. Our hearts go out to you as you navigate through this period of mourning and remembrance.

Pictures:Social Media

27/07/2024

Waldaan Ogeeyyii Fayyaa Oromiyaa injiffannoo Biiroon Fayyaa Oromiyaa raawwii hojii bara 2016 seektaroota akka naannoo Oromiyaatti jiran hunda keessa 1ffaa ba'uun badhaafamuu isaatiin gammachuu guddaa itti dhaga'ame maqaa hojjettoota seektarichaa maraan ibsuu barbaada.
Ammas irra deebiin baga gammaddan baga gammanne jenna!

Injifannoo fi milkaa'inni eegalame kun jabaatee akka itti fufu abdiin keenya guddaadha!

19/06/2024

Waldaan Ogeeyyii Fayyaa Oromiyaa waldaa waan dubbatee fi waan waadaa gale hojiidhaan agarsiisudha!
_-_-_-_-_-_-_-_-_-_-_-_---
Akkuma kanaan dura isin beeksisnee turre sochii waggoota dheeraa Waldaan Ogeeyyii Fayyaa Oromiyaa (WOFOn) taasisaa turee fi tumsa qaamolee dhimmichi ilaaluun godhameen lafti mana jireenyaa hojjettoota seektara fayyaa naannoo keenyaatiif Bulchiinsa Mootummaa Naannoo Oromiyaatiin eeyyamamuu isaa isin beeksisnee turre.

Yeroo ammaa kanatti immoo Biiroo Misooma Magaalaa fi Manneenii Oromiyaa irraa godinaalee fi magaalota Oromiyaa hundaaf xalayaan "hojjeettotni/ogeeyyiin seektara fayyaa gurmaa'anii iddoo hojjechaa jiranitti akka lafa mana jireenyaa argataniif akka keessummeessitan" jechuun barreeffamee kan jiru ta'uusaa yeroo isin beeksisnu gammachuu guddaadhaani.

Bu'uuruma kanaan hojjettootni/ogeeyyiin seektara fayyaa naannoo keenya keessa jirta bakka hojjettanitti ijaaramtanii hiree amna dheeraa deemuudhaan argame kanatti akka fayyaddamtan isin beeksisna. Haalotni humna ogeeyyii/hojjettoota fayyaatti ulfaachuu danda'an kan jiran ta'uusaa akka waldaatti kan hubannu waan taheef adeemsa keessa irratti hojjechaa fi sirreessaa kan deemnu ta'a.

Gamanumaan kan isin beeksisuu barbaannu:
1. Hojjettootni/ogeeyyiin seektara fayyaa miseensa Waldaa osoo hin ta'iin jirtan atattamaan akka taatan.
2. Bakka bu'oonni waldichaa godinaalee fi magaalota Oromiyaa hunda keessa jirtan immoo xalayaa Biiroo Magaalaa fi Manneenii Oromiyaa irraa barreeffame kun aanaalee hunda akka ga'uuf akka irratti hojjettan isin yaadachiisna.

Waldaa Ogeeyyii Fayyaa Oromiyaa
Sirna fayyaa fooyya'e uumuuf kan onnate!
Waxabajjii 19, 2024
Finfinnee, Oromiyaa

15/06/2024

Waldaan Ogeeyyii Fayyaa Oromiyaa (WOFOn) hordoftoota amantaa Musliimaa maraan baga ayyaana Eid-Al-Adha Arafaa nagaadhaan geessan jedha.

Ayyaanni Arafaa kun ayyaana gammachuu, jaalalaa, milkii fi fayyaa guutuu itti argattan isiniif haa tahu!

Irra deebiin baga geessan!
Ayyaana nagaa!

30/05/2024

Oduu Gammachisaa!
_-_-_-_-_-_-_-_
Breaking news!
_____________________________
Hojjettoota seektara fayyaatiif lafti akka kennamu murtaa'e!
# # # # # # # # # # # # # #
Waldaan Ogeeyyii Fayyaa Oromiyaa (WOFO)n guyyaa hundeeffame isaa irraa eegalee gaaffii ijoo fi murteessaa godhachuun kan irrratti hojjechaa turee fi rakkina guddaa hojjetaa seektara fayyaa kan ta'e Lafa Mana Jireenyaa argachuu akka ta'e kan yaadatamudha.

Haaluma kanaan waldaan keenya WOFOn carraaqqii walirraa hin cinne taasisaa tureen Bulchiinsi Mootummaa Naannoo Oromiyaa Lafti Mana Jireenyaa hojjetaa seektara fayyaatiif akka kennamuuf murteessuu isaa gammachuu guddaadhaan isin beeksisna.

Kanaafuu hojjetaan seektara fayyaa naannoo keenyaa hundi baga gammaddan jechaa bakka jirtan maratti akkaataa qajeelfamaatiin gurmooftanii akka lafa mana jireenyaa mootummaan Naannoo Oromiyaa nuuf eeyyame kana itti fayyadamtan isiniin jenna.

Ammas irra deebiin baga gammanne, baga gammaddan!

Dhumarratti qaamolee galma ga'insa kaayyoo kanaatiif gumaacha godhaa turan Bulchiinsa Mootummaa Naannoo Oromiyaa, Biiroo Fayyaa Oromiyaa, Boordii WOFO fi kanneen biroo maraaf galatni keenya guddaa ta'uu maqaa Waldaa Ogeeyyii Fayyaa Oromiyaa fi hojjettoota seektara fayyaa naannoo keenyaa hundaan ni ibsina.

Waldaa Ogeeyyii Fayyaa Oromiyaa
Sirna fayyaa fooyya'e uumuuf kan onnate!

Finfinnee, Oromiyaa
Caamsaa 30, 2024

01/11/2023

Deeggarsa United Kingdom irraa!

Uummata keenya godina Wallaggaa Lixaa fi naannawaa sanatti balaa dhukkuba Busaatiif saaxilamanii jiraniif lammiileen keenya biyya UK (UK Hull city) jiran deeggarsa qarshii 94,017 (Kuma sagaltamii afurii ol) taasisanii jiru.

Deeggarsi kun qindeessummaa tiin walitti qabamee karaa lakkoofsa herreega baankii deeggarsa kanaatiif banameen guyyaa har'aa galii ta'ee jira.

WOFOnis qaamota deeggarsa kana qindeessanii fi deeggarsa maallaqaa taasisan mara maqaa uummata keenya rakkoo kanaaf saaxilameetiin hedduu galateeffanna. Galatoomaa!

Haaluma kanaan qaamoleen hawaasaa kanneen biroo golee addunyaa mara keessatti argamtanis sochii kana fakkeenya godhachuun hirmaannaa barbaachisaa tahe akka gootan isin gaafanna.

Nagaheen galiin ittiin taasifamee fi sadarkaa herreegni banamee ture irra jirus as jalatti maxxanfameera.

Oromia Health Professionals Association

22/10/2023

Dirmannaan hawaasa keenyaaf taasifamaa jiru akkuma itti fufetti jira.
Joornaalistootni (galalchessitootni) keenya
1. Masarat Dhaabaa
2. Zinnaash Olaanii
3. Meerii Didhaa
Tokkoon tokkoon isaanii qarshii Kuma kudhan kudhan karaa lakkoofsa herreega banamee gumaachanii jiru.
Galatoomaa jennaan!

Ammas ariitii lubbuu baraaruutiin deeggarsa keessan itti fufaa jenna.

19/10/2023

18/10/2023

Waldaan Ogeeyyii Fayyaa Oromiyaa weerara dhukkuba busaa fi rakkoolee isaan wal qabatanii uumaman kan uummata keenya godina Wallaggaa Lixaa aanaalee adda addaa keessatti argaman mudatee jiruuf birmachuuf sochii keessa jira.
***
Akkuma miidiyaalee idilee fi marsaalee hawaasummaa adda addaatiin dhaga'aa fi argaa jirru uummanni keenya gaaga'ama weerara dhukkuba busaa fi rakkoolee isaan wal qabatanii uumaman hedduu jalatti kan argamudha. Rakkooleen kunneenis daa'immanii fi haadholee akka malee hubaa kan jirudha.

Manneen yaalaa dhukkubsattoota dhukkubichaa hedduu yaaluu irratti argamu, hanqinni dawaalee fi ogeeyyii fayyaa yaala barbaachisaa ta'e kennaniis naannichatti jabaatee jira. Hanqinni nyaata madaalamaa argachuu dhabuus jabaateera. Kanneen dhukkuba hamaa keessatti kufuun dararamaa jiran hedduudha. Kan hireen kennitee lubbuudhaan darbanis akkasuma.

Kanaaf weerarri kun sochii ykn hojii qaamni tokko ykn lama taasisuun to'atamu miti. Deeggarsaa fi dirmannaa qaama maraa fedha.

Waldaan keenyas akka waldaa bu'aa maleessaa fi waldaa ogummaa fayyaatiif dhaabbate tokkootti yeroo rakkinoonni fayyaadhaan wal qabatan kanneen akka kanaa uumaman hawaasa keenyaaf dirmaachuufiin kaayyoo isaa isa guddaadha.

Baroota darbanis yeroo hawaasni keenya rakkoolee kanneen akkasiitiif saaxilamu qooda isaa ba'achaa tureera. Waan qabu qindeessee kan dhabe deeggarsa itti gaafatee lubbuun hedduu baraaruu danda'eera.

Maarree ammas waldichi rakkina hawaasa keenya godina Wallaggaa Lixaa fi naannoolee sanatti argaman mudatee jiru kanaaf birmachuuf qaamolee dhimmi kun ilaalu (Biiroo Fayyaa Oromiyaa, Aartistoota Oromoo, abbootii qabeenyaa fi daldaltoota, dhaabbilee siivikii hawaasummaa biyya keessaa fi alaa, dhaabbilee miti-mootummaa fi dhaabbilee idil-addunyaa) adda addaa waliin mari'achuun sochii lubbuu baraaruu adeemsisaa jira.

Qaamuma sochii kanaa kan ta'e guyyaa har'aa kana lakkoofsa herreega baankii deeggarsi hawaasa keenyaa fi qaamolee birmattootaa adda addaa irraa walitti ittiin qabamuuf oolu aartistoota Oromoo bebbeekamoo kanneen akka Galaanaa Gaaromsaa fi Hawwii Tazarraa waliin ta'uun Hojii Gaggeessaan Waldaa keenyaa (Rattaa Fayyisaa) baankiilee garagaraa irraa banuun uummataaf ifoomsanii jiru.

Kanaafuu isinis yaa uummata keenya golee addunyaa mara keessatti argamatan hawaasa keenya rakkina ulfaataa kana keessatti kufuun yaala fayyaa dhabee hanga gaaga'ama lubbuutti kaffalaa jiru kanaaf hanga dandeettii fi qooda keessanii karaa lakkoofsa herreega baankii banamee jiru kanaatiin deeggarsa keessan atattamaa akka taasistan kabaja olaanaadhaan isin gaafanna.

Galatoomaa.

Lakkoofsi herreegota baankii banamaniis akka armaan gadiiti:
1. Baankii Daldala Itoophiyaa
1000578954604
2. Baankii Awaash
013201225923700
3. Baankii Hojii Gamtaa Oromiyaa
1045500080296

11/10/2023

Waldaan Ogeeyyii Fayyaa Oromiyaa Barattoota Shamarranii Mana Barumsaa Qarsaa, Aanaa Waddeessaa Keessattti Barachaa Jiraniif Hubannoo Fayyaa Kennuun Meeshaalee Qulqullinaa fi Meeshaalee Gargaarsa Duraa (First aid kit) Deeggarsaan Kenne.

Waldaan Ogeeyyii Fayyaa Oromiyaa Waajjira Muummee Damee Isaa Magaalaa Shaggar waliin ta'uun, Kutaa magaalaa Kooyyee Facceetti barattoota shamarranii umuriin isaanii 14 ol (umurii dargaggummaa keessatti argamaniif) tahe kanneen Naannoo Sumaalee irraa buqqa'anii dhufanii fi kanneen jiraattotuma iddichaa turaniif; barnoota fayyaa, hojii fayyaa manneen barnootaa keessatti hojjatamuu qaban, qulqullina dhuunfaa fi naannoo, gargaarsa duraa, hojii gumii Shamarranii fi gumii wal-hormaata dargaggootaa (SRH) tiin hojjatamuu qaban, waa'ee marsaa laguu fi furmaata isaa irratti hubannoo kennuun, Shamarran 109 kanneen umurii dargagguummaa keessa jiraniif meeshaalee qulqullina marsaa laguu kennameefii jira.

Hojii gumii gargaarsa duraatiin mana barumsichaa keessatti hojjatamuufis meeshaa wallansa duraa (first aid kit) kennameefii jira.

Sagantaa kana irratti Hogganaa ol'aanaan WOFO Obbo Rattaa Fayyisaa, Ogeessi WOFO Obbo Abbabaa Fallaqaa, Bakka Bu'aa WOFO Damee Bu/M/Shaggar Geetahuun Poolisii, BB W/Barnootaa Bu.M/Shaggarii fi Ku/Magaalaa Kooyyee Faccee (Adde Asnaaquu fi Elemee Duubee), I/A/I/G/W/F/Ku/Magaalaa/Kooyyee Faccee Obbo Shimallis Toleeraa fi I/G/W/Komunikeeshinii KM/Kooyyee Faccee Addee Liidiyaa Iddoosaa fi Daayirektarri M/Barumsaa fi Barsiistonni M/Barumsaa Qarsaa argamuun fuuldurattis deeggarsi kun itti fuufinsa akka qabaatu qaamni hundu hojjachuu akka qaban dhaamsa dabarsuun waliin hojjachuuf waliigalamee jira.

Fulbaana 30/2016
Shaggar, Kooyyee Faccee

Waldaa Ogeeyyii Fayyaa Oromiyaa
Sirna fayyaa fooyya'e uumuuf kan onnate!

07/10/2023

Ammas irra deebiin baga nagaan Irreecha Hora Harsadee geessan akkasumas baga Irreecha Hora Finfinnee nagaa guutuudhaan hoofkalatan jechaa tuutni Waldaa Ogeeyyii Fayyaa Oromiyaa akkuma Finfinnee magaalaa Bishooftuuttis fayyaa keessaniif nan jira jedha.

Haaluma kanaan Biiroo Fayyaa Oromiyaa fi Ogeeyyii Fayyaa roga garagaraa irraa walitti babba'an waliin qindaa'uun isin gidduutti argama.

Ammas irra deebiin hawwii keenya milkii fi gammachuu daanga-maleessa tahe isiniif ergina.

Ayyaana nagaa!
Hoofkalaa!

Suuraan tuuta Waldaa Ogeeyyii Fayyaa Oromiyaa magaalaa Bishooftuutti argamuuti.