Dr.Haromsa Zerihun

10/08/2025

FAAYIDAA ABUKAADOO.
Abukaadoon ilma namatiif faayidaa baayyee qaba. Moggaasa "Kuduraa fayyaa ilma namaaf baayyee barbachisu"(healthy fruit) jedhamees beekkama. Abukaadoon qabiyyee baayyee of keessaa qaba:- fknf Viitaminoota, Albuudota garaagaraa fi kanneen biroo heddu eeruun ni danda'ama
Faayidaaleen Abukaadoo lakkoofsan heddu ta'anis isaan keessaa muraasni:-
1.Dandeetti dhibee dandamachuu qaama keenyaa ( Immunity)dabaluuf
2.Bulla'insa nyaataa si'eessuf
3.Foolii badaa afaanii (halitosis) ni hir'isa
4.Fayyummaa qaamoota keenya jiraachuuf baayyee barbaachisaa ta'an:- Tiruu,Onnee,Kalee fi ija keenyaa ni eega.
5.Fayyaa lafee keenyaas ni egaa, darbees dhukkubbii buusaa qaamaa ( arthritis) ni ittisa
6.Fayyummaa gogaa qaama keenyaa fi rifeensa keenyaa ni eega, kana gochuun gogaan keenya akka bareeduu fi Miidhagu ni gargaara.
7.Dhibee Kaanserii garaagaraa kanneen akka Kaanserii mar'ummani,Garaachaa,Rajiijii,fi Fixee gadameessaa ittisuuf ni gargaara
8.Ulfaatina qaamaa madaalawaa ta'e qabaachuuf ni gargaara akkasumas dhibeewwan furdina garmaale waliin walqabataanii dhufan hir'isuufis ni gargaara
9.Gogiinsa garaa darbees dhibee Kintaarootii ittisuuf baayyee gargaara
10. Dhiphina fi yaaddoo hamaa(Depression) ni hir'isa.
11.Dubartootni ulfaa yoo fayyadaman rakkoo yeroo ulfa isaan mudaachuu danda'u kan akka ol- guuru fi haqqee hamaa (Hyperemesis gravidarum), bahuu ulfaa(abortion) ni ittisa, akkasumas daa'ima fayyaa qabu argachuuf baayyee gargaara.
Yeroo Abukaadoo fayyadamtan qulqullinna keessan sirriitti eegachuu hin dagatinaa.
Dr. Chaalaa Didhaa
Galatooma!!

20/05/2025

FINNISA( ACNE) FI YAALA
Finnisni rakkoolee gogaa keessaa tokko ta'e yeroo baayyee miidhaginna fi bareeddinna fuula keenyaa hir'isun kan beekamudha. Rakkoon kun kan mudaatu sababoota gurguddoo lamani;isaanis:-
1.Yeroo qaawwi hidda rifeensaa ( hair follicle) sababa garaagaratiin duudan fknf seelota du'aniin, dibata garaagaraan fi kan biroo...
2. Yommuu Dhangala'an akka zayita sebum jedhamu kan xannacha gogaa sebaceous (sebaceous gland) jedhamun maddu kan gogaan keenya akka hin gogne eeguuf gargaaru hanga barbaddamuu ol oomishaame.
Rakkoon gogaa kun yeroo baayyee fuula irratti uumamun miidhaginna fi bareedinna keenya hir'isu danda'a. Haa ta'u malee rakkoon kun darbee darbee morma,laphee gateetti fi dugda keenya irrattis Uumaamu danda'a.
SABABOOTA NU SAAXILAN(RISK FACTORS) Sababoonni rakkoo kanaaf nu Saaxilan gutuuman guututti beekamu baataniis: kanneen armaan gadi yeroo baayyee ni ka'u; isaanis:-
🙈Umrii dargaggumma( yeroo baayyee umrii 12-25)
🙈 Yeroo dheeraaf ifaa aduu hamaa fi temp. baayyee qoraa ta'ef saaxilamuu
🙈Qulqullinnaa keenya sirriitti eegachuu dhabuu
🙈dibata garaagaraa Keessattu kan zayiitni itti baay'ate baay'isaanii fayyaadamu
🙈 bishaan gahaa dhuguu dhiisuu
🙈Alkoolii, nyaata baayyee mi'aawuu kan akka sukkaaraa, chekooleettii fi kkf baayyisuu fi kkf fa'a.
MALLATTOOLEE
👉Dhiitaa gogaa keenya iddoo garaagaraatti bahuu
👉Dhiitaan kun yoo infeekshiinin qabame(superinfected) dhukkubbiin nutti dhagahamuu darbees haalluun isaa diimachuu fi dhangala'oo ykn malaan guutamu
ITTISA
1.Bishaan gahaa dhuguu
2.Bishaan garmalee qorre fi ho'een dhiqachuu dhiisuu
3.Dibatawwan adda addaa kan zayiitni (oil) itti heddummatu fayyadamuu dhiisuu
4.Fuula keenya guyyatti yoo xiqqaate yeroo lama dhiqachuu.
5.Wantoota gogaan fuula keenyaa akka gogan godhan kan akka Ifa aduu keessa yeroo dheeraaf turuu, Shaampoodhaan yoo rifeensa dhiqannu shaampoon fuula keenya xuquu fi kkf irraa of eeguu.
6.Nyaata kuduraa fi muduraa kanneen akka Muuzii,qullubbii adii,atara,baaqela,Abukaadoo,raafuu fi kkf caalatti fayyadamu.
7.Wantoota gama garaagaraan xuxxuqqii fuula keenya waliin qaban kan akka Uffata Boraatii, harka keenya,keessattu meeshalee akka moobayillii erga xuqne booda fi kkf yeroo yeroon qulqulleessu.
8.Sochii qaamaa gochuu, Sochii goonee yoo dafqinee dafnee dhiqachuu.
9.Yoo finnisni nurratti bahe xuxxuquu,hooqu fi macalaasu dhiisuu
YAALA
Yeroo baayyee rakkoon gogaa kun turtii yeroo muraasa( waggaa 3-5) booda ofii isaatii baduu waan danda'uuf hedduu dhiphachun hin barbaachisu, akkasumas wantootni mana keenyatti ofii gochuu dandeenyuu,keessattu finnisa lakkoofsan xiqqoo fi hamman baayyee xinnoo ta'e, ni jiru,isaan keessa muraasni wantoota akka Cuunfaa loomii,qullubbii adii ykn Cuunfaa Timaatimaa ykn Abukaadoo,akkasumas damma fi kkf erga fuula keenya dhiqaanne gogee booda iddoo finnisni jirutti dibun daqiiqaa 20 - 30 booda ofirraa dhiqaachunis baayyee gargaara.Garuu finnisni yoo yeroo dheeraadhaaf nurraa turee fi lakkoofsan heddu akkasumas hamman guddaa yoo ta'e mana yaalaa deemuun ogeessa fayyaa ispeeshaalitiin isaa gogaa ta'e mari'isiisun baayyee barbaachisaadha.
@ Dr.Haromsa
Galatooma!!

13/03/2025

03/12/2024

https://www.tiktok.com/?_t=8rtT8TcnfFv&_r=1

1334 Followers, 1384 Following, 1621 Likes - Watch awesome short videos created by drharomsa24

31/12/2023

FOROFORII (DANDRUFF)
Foroforiin rakkoo namoota hedduu fi yeroo dheeraa kan nama irra turuudha. Foroforii kan jedhamu yeroo waan akka dhukkee adii fakkaatu buqqee mataa irraa kaka'uu fi darbees nama hooksisuu danda'a. Wanti akka dhukkee fakkaatu kuniis yeroo hoqqatan fi filatan buqqee mataa irraa ka'uun uffataa fi harka namaa irra qubata.
Foroforiin miidhaa nama irraan hin geesissuu, garuu ofitti amanamummaa nama dhabsisuu fi yaaddoo hin barbaachifne keessa nama seensisuu danda'a.
Foroforiin xuxxuqqii fi wanta garagaraa waljijjiruun nama irraa namatti hin daddarbuu.
Ka'umsi rakkoo kanaa ifatti beekkamuu baatuus, sababa seelonni gogaa keenyaa buqqee irraa du'anii fi zaayitiin gogaa keenyaan gadlakkifamu kan 'sebum' jedhamu waan madduuf jedhamee yaadamaa.
Seelonni gogaa keenyaa yeroo yeroon of haaromsun waanuma jiru ta'ee, yeroo kana seelonni sababa garagaraaf dafanii du'un of haaromsuu.

Akkamittii namatti uumamu danda'a?
1,Rakkoo 'seborrheic dermatitis' jedhamuu
2,Yeroo yeroon qulqullinna rifeensa keenyaa eeggachuu dhabuu
3, Faangasii 'malassezia'
4, Namoota gogaan isaanii gogaa ta'e/dry skin/
5,Rakkoo 'Contact dermatitis' jedhamuu
Qulqullinna mataa keenyaa eeggachuu dhabuun akka foroforiin namatti baay'atu ykn hammaatuu godhus, foroforiin qulqullinna eeggachuu dhabuu irraa namatti hin dhufuu. Yeroo yeroon kan qulqullinna eeggatan yoo ta'e foroforiin akka hin baay'anne fi hin kuufamne gochuu danda'a.
Dhiphinni fi naannoon qorraa foroforii namatti hammessuu danda'u.

Maloota salpaan ittiin balleessuu dandeenyu (Anti-dandruff )
1,Rifeensa keenya yeroo yeroon dhiqachuu, yeroo kanaas 'shampoo akka dermazole, ketoconazole2%fa,a qabu bishaan xiqqo bu'a waliin dhiqachuun Hamacha waliin hamma daqiiqa 20 hag 30 tursisun dhiquu..,

2,Yoo akka armaan olitti jenneen baduu dide 'anti-dandruff shampoo' kan yaala foroforiif jedhamee oomishame fayyadamuu. Itti fayyadamni isaa akka gosa isaatti(Shamboo) irratti hundaa'a, kanaaf yeroo fayyadamtan ajaja baattuu 'shampoo' irra jiruu hordofaa. Akkasumas yeroo bittan haala itti fayyadamaa isaa ogeessa isiinitti gurgure

Gosoonni shaampo muraasni kanneeni.
1.Gosa pyrithione zinc:saffisa guddina faangasii ni xiqqeessaa
2. Gosa salicylic acid: seelonni du'an akka salphaatti akka ka'an godha.
3. Gosa Selenium sulphide (or selenium sulfide) oomishamuu zaayitii uumamaa foroforiif sababa ta'e ni hir'isa
4. Gosa ketoconazole: kun faangasii balleessuuf oolaa
5. Gosa coal tar fi kkf fa'a.
Hub; Yeroo 'Shampoo' qabiyyee armaan olii qabu fayyadamtan; tokkon yoo isin irraa baduu dide isa biraa yaala.
Yeroo jijjiraa fayyadamtan kana kan isin irraa balleessuu argachuu dandeessuu.
3,Dhiphina hir'isuu, dhiphinni garmalee ta'e kana qofaaf osoo hin taane fayyaa keenya biraaf miidhaa waan qabuuf hanga danda'amen dhiphinna hir'isaa
4, Ifa aduu; osoo hin baay'isin mataa keenya guyyaatti ifa aduu akka argatu gochuu.
Yaadoota dabalataa gara ogeessa fayyaa naannoo keesssan jiru deemuun mariisiui dandeessuu.
Dr.Haromsa Zerihuun
Galatoooma

13/12/2023

FAAYIDAA HIRRIBAA FI FURMAATA NAMA HIRRIBNI QABU DIDEEF;
Rafuu malee meeqa keenyatuu faayidaa hir'ibaa beeka?
Hirribni akkuma nyaataa akka nu barbaachisuu hoo?
Amaloota ilma namaa uumaan badhaase keessaa tokko kan ta'e,hirribni adeemsa Uumaaman seelotni guyyaa guyyaan itti of haroomsanidha.
Hirribni ilma namaaf faayidaa hedduu qaba;isaan keessaa muraasni:-
1.Dandeettii Dhibee dandamachuu (Madinuuma) qaama keenyaa ni dabala
2.Dandeettii waa yaadachuu, waan haaraa kalaquu,Si'aa'inna fi xiiyyefannoo hojii keenyaa nuf dabala
3.Bu'aa bahii jireenya ilma namaa keessatti muudatan hundaa haala salphan akka furruu fi murtee gaarii akka murteessinuuf hedduu gargaara
4.Ulfaatinni qaama keenyaa akka madaalawaa ( garmalee hin furdanne fi hin qal'anne) ta'uf gahee guddaa taphata
5.Walqunnamtii saalaa gaarii ta'e gaggeessuuf hedduu fayyada.
6.Dhiphina sammuu hamaa ta'e nurraa balleessa
7.Carraa dhibee Sukkaaraa Gosa 2ffaan (type 2 DM) qabamuu keenya ni hir'isa
8.Fayyumma onnee keenya fi rakkoolee onnee waliin walqabatanii dhufan ni hir'isa
9.Dhiibbaan dhiigaa akka too'atamu godha
10.Walitti dhufeenya fi walii galtee gaarii namoota naannoo keenyaa waliin akka qabannu hedduu nu gargaara
Namni tokko Hir'iba gahaa rafe kan jedhamu sa'a meeqa?
Sa'aan namni tokko guyyatti rafuu qabu,Umrii fi nama irratti hunda'a. Daa'imman sa'a baayyee rafu; akkuma Umriin isaanii dabalaa deemun sa'aan isaan rafan hir'achaa deema.
Namni ga'eessi tokko sa'a 6-8 rafuun gahaadha jedhamee yaaddama.
🙈Silaa hirribni faayidaa kana hundaa qaba,yoo nu qabuu dide furmaanni isaa hoo, maali?
1,Sa'aa walfakkatattii yeroo hundumaa gara mana hirribaa deemuu fi hirribayis sa'aa walfakkatatti ka'uu.
2,Hanga dandeenyun wantoota irra rafnu/siree, boraatti fi uffata nuf mijatu filachuu, akkasumas qulqullina isaanii eeguu.
3,Nyaata yeroo rafuus jennu:-
-Garmalee quufnees ta'e osoo beelofnu rafuu hin qabnu.
- Wantoota nama si'eessan kanneen akka bunaa, shaayii, tamboo aarsuu fi kan biroo fayyadamuu dhiisuu
4,Mana hiribaa keenya mijataa gochuu; kan ifni itti hin baay'anne fi sagaleen nama jeequ hin qabne gochuu
5,Guyyaa guyyaa rafuu dhiisuu
6,Sochii qaamaa guyyaa yeroon, osoo sa'an hirribaa hin gahiin gochuu,akkuma sochii qaamaa gooneen gara hirriba deemun hin gorfamu
7,Wantoota nu dhiphisaniif furmaata laachun hanga danda'amen dhiphina hir'isuu.
8,Teempirechara kutaa hir'ibaa keenya mijataa gochuu
9,Yeroo rafuuf qophooftan hangi sa'a tokkoo yoo nama hafu; wantoota nama tasgabbeeessan gochuu, fknf dubbisuu,garuu wantoota nama yaachisanii fi garmalee nama si'eessan gochuu hin qabnu fknf filmii,Tv, akkasumas meeshalee elektirooniksii kan akka moobayillii, koompitaraa fa'a yeroo rafuf jennu ifni isaan gadi lakkisaan akka hin rafne nama waan gochuu danda'anif, yeroo rafuf jennu osoo fayyadamu baattanii ni gorfama.
10.Yoo siree irratti hirribni nu qabu dide ; ka'uun hojii hojjechuu,san booda yoo hirribni nutti dhufe gara siree deebi'un rafuu.
11. Kanneen armaan olii hundaa goonee,kan rafuu hin dandeenye yoo ta'e fayyaa keenya irratti miidhaa geessisuu waan danda'uf ogeessa fayyaa mari'isiisu qabna.

Rakkoolee Fayyaa Hirriba waliin walqabatan kan biroo yeroo biraa isiniif dhiheessina.
Galatoomaa!!!
Maddi; Healthline, sleep foundation. Org,mayo clinic.
Haaromsaa Zarihuun
Galatooma!!

07/12/2023

Ittisafi yaala infeekshinii kaleefi ujummoolee fiincaanii
1,Bishaan gahaa dhuguu; guyyaatti liitira 2 hanga 3 dhuguu.
2,Waliqunnamti saalaa booda dafanii fincaa'ùu; daqiiqaa 15 keesatti.
3,Tessuma qulqulleeffachuuf bishaan fayyadamuu. Dubartòonni gaafa qulqulleeffatan sochiin harka isaanii fuulduraaa gara duubaatti ta'uu qaba.
4, Fincaan yoo nama qabne akkuma nama qabeen dafanii fincaa'ùu.
5, Sochii qaama gochuu
6,Ijoollee dhiiraa yeroon kittaansisuu
7, Qorichoota dhukkuboota biroo sirnaan fudhachuu.
8,Walqunnamti saalaa of eeggannoo hin qabne raawwachuu dhiisuu.
https://youtu.be/47nfA6HOBCwHaromsa Zerihuun
Galatooma!!!!

02/12/2023

Wantoota erga dhiiga arjoomnee booda gochuu qabnu:-
1. Dhangala'aa gahaa dhuguu
2. Yeroof hojii guddaa hojjechuu ykn Ulfaatina kaasuu dhiisuu. Sa'aa 5f boqonnaa yoo fudhanne ni gorfama
3. Yeroo lafti isiniin mare yeroof waan dalagnu dhiisnee taa'un hanga namatti furutti boqonnaa fudhachuu
4,Waraqaan ykn hidhata iddoo dhiigni irraa fudhatame irratti godhamee yeroof akka turu gochuu.
5. Yoo iddoo dhiigni irraa fudhatame isin dhiita'e yeroof waan diilalla'aa irratti qabu.
6,Erga dhiiga arjoomtanii booda ayiranii dhiiga keessanii bakka buusuuf nyaata ayiraniin badhaadhan soorachuu.
https://youtu.be/2GQy90G3k-8
Hub; Dhiiga arjoomuun miidhaan tokko inni namarraan geessisu hin jiru. Dhiiga arjoomuun lubbuu namaa oolchuun immoo, waan namaa fi waaqa birattis fudhatama qabudha.
Dr.Haromsa Zerihuun
Galatoomaa!!

01/12/2023

Wantoota 13 yeroo rafuuf jennu gochuu hin qabne... Itti dhiyaadha waan baay'ee irraa barattuu.
Guutuun Fayyaa keessanii kan eeggame yaa ta'u!!!!
Galatoomaa!!!
https://youtu.be/f2olGYmckH8

01/12/2023

Shiboo Ilkaanii (Dental Braces)
Wanti kun mala shiboo fi bireesii fayyadamuudhaan ilkaan rakkinna akka :-
*Wal irra koruu ilkaanii
*Jajallachuu ilkaanii fi
*ilkaan sarara isaa gadi dhiise sirreessuu fi qajeelchuuf gargaara.
Ilkaan wantoota nama ittiin hawwatan keessaa isa tokko.
Ilkaan jajallatee fi wal irra kore gaafa seeqannuu fi kolfinu ofitti amanamummaa keenya hir'isuu danda'a; dabalaa yeroon booda sababa wal horuu baakteriyaatiif haala mijeessuuf rakkoo ilkaanii birootiif nu saaxilu danda'a.
Meeshaa kana namni umrii kamuu godhachuu ni danda'a.
Meeshaan kun gosoota garagaraa qaba, yeroo ammaa kan ijaan namni biraa ilaalee akka ati godhatte itti hin muldhanes jiru. Meeshaa kana hangamiif godhatamuu akka qabu haalaan sirraa'uu ilkaanii irratti hundaa'us, yeroo baayyee yoo xiqqaate waggaa 2f turuu qaba.
Namoonni meeshaa kana godhatan hanga danda'ameen nyaata baayyee jajjaboo osoo fayyadamuu baatanii.
Maastikaa alanshuun hin gorfamu.
Galatoomaa!!!
©Dr.Caalaa Didhaa