Asella Town Administrative Health office

22/07/2025

06/07/2025

27/06/2025

Oduu Gammachiisaa Jiraattota Bulchiinsa Magaalaa Asallaa fi Nannawaa ishee hundaaf !

Waxabajjii 20,2017-Buufatani Fayyaa Asallaa Hoospitaalaa Jalqabaa Tokkummaatti ol guddate .

Sadarkaa Hoospitalatti ol guddachuu Hoospitaalaa Jalqabaa Tokkummaattin wal qabaatee Biiroon Fayyaa Oromiyaa deeggarsa meeshaalee fayyaa Qarshii Miliyoona 40 olitti tilmaamuu deeggarsaa taasiseera .

Meeshaaleen deeggarsaan Biiroo Fayyaa Oromiyaa irraa taasifamee kunis Koree Qindeessituu Bulchiinsa Magaalaa Asallaa, Hoggansaa Magaalaa fi kutaalee hawaasaa garagaraattin simatameera.

12/05/2025

Caamsaa 4,2017- Waajjirri Fayyaa Bulchiinsa Magaalaa Asallaa Gamaaggama Raawwii Hojii Garee Fayyaa Maatii ji'oottan salganii qoratee .

Gamaaggamni kunis raawwii hojii Garee Fayyaa ji'oota saglan darbanii seektara fayyaa keessatti hojjatamaa turan ciminaa fi hanqina adda baasuun tajaajila fayyaa Maatii fooyyessuuf kan xiyyeeffate dha jedhameera .

Itti Gaafatamaan Waajjiraa Kantiibaa Bulchiinsa Magaalaa Asallaa Obbo Fiqaaduu Xilaahuun sagantaa kanarratti argamuun akka jedhanitti,
fayyaa hawaasaa eeguuf mootummaan tarsiimoo fayyaa hojiirra oolchuun hawaasa gama hawaasummaan fayyadamaa taasisaa jiru ta'uu eeranii, Dhaloota fayyaan isaa eegamee fi dhibeerraa bilisa ta'e uumuun immoo imala badhaadhinaa eegalame milkeessuun biyya jabduu fi kabajamtuu ijaaruu keessatti bakka olaanaa qabaa jedhaniiru .

Itti Gaafatamaan Waajjiraa Fayyaa Bulchiinsa Magaalaa Asallaa Obbo Gosaa Amaan haasaa taasisaniin , lammiin fayya buleessi hojjetatee of jijjiiruun biyya jijjiira waan ta'eef milkaa'ina hojii fayyaaf mootummaan xiyyeeffannoo addaa itti kennuun tarsiimoo fayyaa hawaasa fayyadamaa taasisu hojiirra oolchuun dhaabbilee fayyaa baballisaa kan jiruu ta'uu eerunii, keessattuu hawaasni tajaajila karaa qulqullina,ariitii fi baayyina qabuun qe'ee isaatti akka argatuuf hojjatamaa jiraachuu ibsanii jiru.

Dabalataniis Obbo Gosaan akka ibsanitti , Buufatanii fayyaa Haliilaa fi Asallaa akkuma Oromiyaattuu buufataalee fayyaa foyya'aa ta’anii fi gandoota keessa gandii Cilaaloo , Walkeessa ,Hanquu fi Kombolchii sadarkaa raawii foyyeeraa jiraachuu koree Supparviizyinii Oromiyaarraa dhufee mirkaneessuu isaanii gamaaggamaa kana keessatti ibsanii jiru.

03/05/2025

Hundeeffama mana maree Sirna nyaataa fi Nuutiriishinii irratti mariin qooda fudhattoota waliin geggeeffamaa jira!
---------------------------------------------------
Ebla, 23,2017-Bulchiinsa Magaalaa Asallaatti Hundeeffama mana maree Sirna nyaataa fi Nuutiriishinii irratti mariin qooda fudhattoota waliin karaa milkaa'ina qabuun geggeeffamuurratti argama.

Dookumantiin Dambii fi Hundeeffama mana maree sirna nyaataa fi Nuutiriishinii irratti ka'umsa Mariif ta'u karaa Ogeeyyii Waajjiiraa Fayyaa Bulchiinsa Magaalaa Asallaattin hirmaattota waltajjiifi dhiyaachaa jira.

Dhaloota fayyaa qabeessa oomishaa,dorgomaa fi bu'a qabeessa ta'e horachuuf rakkoo hanqina nyaatan dhufu qolachuun murteessaa ta'uus ibsame jira.

28/02/2025

Inshuraansiin Fayyaa Hawaasaa Wabii Fayyaa Hawaasaati!

Guraandhala 20/2017, Bulchiinsa Magaalaa Asallatti Gamaaggamni raawwii Hojii IFH hanga ammaa bakkaa Hoggansi Magaalaa fi Gandaa argamanitti qoratamee .

Gamaaggama raawwii hojii Inshuraansii Fayyaa Hawaasaa kanarratti argamuudhaan haasaa baniinsaa kan godhan Itti Gaafatamaan Waajjiraa Paartii Badhaadhinaa Damee Bulchiinsa Magaalaa Asallaa Obbo Muhaammad Huseen akka jedhanitti , Hojiin IFH hojii kamiyyuu Caalaa dursa kennineef itti fayyadamummaa ummataa mirkaneessuuf kan hojjannu waan ta'eef Hooggansi kamiyyuu cichinee hojjannee fayyadamummaa ummataa keenyaa mirkaneessuu qabna jedhaniiru.

Kanaaf Inshuraansiin Fayyaa hawaasa baasii tajaajila fayyaa humnaa olii irraa baraaruu fi aadaa wal deeggaruu kan cimsuu waan ta'eef Hooggansi fi hawaasni keenya tajaajila fayyaa guutuu ta'e dhugoomsuuf Inisheetiviiwwan fayyaan hojjetamaniif xiyyeeffannoo kennee hojjechuu akka qabu Obbo Muhaammad ibsanii jiru.

Sanadaa barreeffama mariif oolu qopheessuun, Kaayyoo gamaggamaa hojii Inshuraansii Fayyaa Hawaasaatiin Ciminootaa mul'atan itti fufsiisuun hanqinootaa fi rakkoowwan jiran adda baasuun kallattii hojii fuulduraa kaa'uuf waltajjii barbaachise ta'uu kan ibsan ammoo I/G Waajjira Fayyaa Bulchiinsa Magaalaa Asallaa Obbo Gosaa Amaani.

Xumura sagantaa irrattis gandoota raawwii hojii inshuraansii fayyaa Hawaasaattin Sadarkaa Magariisaa ,Keelloo fi diimaa galmeessan adda baasuun waraqaan ragaa kennameefii jira.

Haaluma kanaan , Gandii Haaliilaa , Hundee Guddinaa fi Kombolchii Magariisaa , Cilaaloo fi Walkeessaan Keelloo keessatti yoo madaalamaan Gandii Buusaata, Hanquu fi Burqiituun gandootaa raawwii IFH gadii aanaa galmeessuun diimaa keessatti madaalamanii jiru.

31/01/2025

Amajjii 23, 2017- Bulchiinsa Magaalaa Asallaatti baatiin fayyaqabeessummaa haadhoolii mata duree tajaajila kunuunsa da’umsaan duraa dhaqqabamaa, haqaqabeessaafi qulqullina qabu yeroon jalqabsiisuun fayyaa haadhoolii haa mirkaneessinu' jedhuun kabajamee.

kaayyoon kabaja baatii fayya qabeessummaa Haadhoolii kunis fooyya’iinsa tajaajila fayyaa haadhooliifi daa’immaniif kennamu akka xiyyeeffannoo argatuufi jedhameera .

Tajaajila kunuunsa da’umsaan duraa dhaqqabamaa, haqa qabeessaafi qulqullinaan kennuun fayya qabeessummaa haadhoolii kan mirkaneessu ta'uus himameera .

30/11/2024

Inshuraansiin Fayyaa Hawaasaa wabii fayyaa hawaasaati !

Sadaasa 21,2017- Waajjirri Fayyaa Bulchiinsa Magaalaa Asallaa Bara kana miseensa Inshuraansii Fayyaa hawaasaa kuma 21 fi 891 horachuuf hojjatamaa jiraachuu beeksise .

Waajjirichi haala karoora horannaa miseensa Inshuraansii Fayyaa hawaasaa milkeessuun danda'amuurratti qooda fudhattoota wajjiin marii gaggeessaa jira.

20/11/2024

Congratulations
Baga Gammadan !

Sadaasa, 11,2017_Buufatni Fayyaa Bulchiinsa Magaalaa Asallaa kenna tajaajila waraqaarraa bilisa ( paper free service delivery electronic medical records/ EMR) ta'e guutumaa guututtii milkeessuu isaatiif beekamtii Ministeeraa fayyaa irraa argatee.

Akka Itti Gaafataman Waajjiraa Fayyaa Bulchiinsa Magaalaa Asallaa Obbo Gosaa Amaan akka jedhanitti , Buufatni Fayyaa Bulchiinsa Magaalaa Asallaa kenna tajaajila waraqaarraa bilisa ( paper free service delivery electronic medical records/ EMR) ta'e guutumaan guututtii milkeessuu isaatiif beekamtii Ministeeraa fayyaa irraa argachuu fi beekamtiin guyyaa har’aa argatan kun sadarkaa Biiroo Fayyaa Oromiyaatti buufata fayyaa isaa jalqabaati jedhanii jiru.

Itti dabaluunis Obbo Gosaan akka jedhanitti , Waajjiri Fayyaa Bulchiinsa Magaalaa Asallaa inisheetivoota gama Biiroo Fayyaatiin karoorfaman milkeessuu keessatti muxannoo cimaa kan qabuu yoo ta'u, Yeeroo ammaa kennas kennaa tajaajilaa gamaa fayyaatin kennamaa jiruu hammayyeessuuf hojiin teeknooloojiiti ( Electronic medical records and Electronic Auditable Pharmaceutical and Transaction Systems ) sadarkaa buufataa fayyaa fayyadamuun kennaa tajaajilaa ittiin dhugoomsaa jiran naannoo keenyarraa darbee sadarkaa biyyattuu muxannoo akka qabuu ibsanii jiru.

Gama Biraan Buufataalee Magaalaa keenya keessatti tajaajilli baqaqsanii yaaluu ( major surgery) keennuun Milkaa'inna ol'aanaa Kan galmeessaa jiran ta'uu Obbo Gosaan dubbatanii jiru.

18/11/2024

Duulli Talaallii Kaansarii fiixee gadaamessaa guyyoota 5'f turu manneen barnootaa keessatti ifatti eegaleera.

Sadaasa 9,2017-Bulchiinsa Magaalaa Asallaatti Duulli Talaallii Kaansarii fiixee gadaamessaa shamarraan umriin isaanii waggaa 9 hanga waggaa 14 jiraniif guyyoota 5'f turu manneen barnootaa keessatti ifatti kennamuu eegaleera.

Talaaliin kunis Bakkaa Kantiibaan Bulchiinsa Magaalaa Asallaa Obbo Simee Tsaggaayee fi Itti Gaafataman Waajjiraa Fayyaa Bulchiinsa Magaalaa Asallaa Obbo Gosaa Amaan argamanitti jalqabsiifamee jira.

Kantiibaan Bulchiinsa Magaalaa Asallaa Obbo Simee Tsaggaayee yaadaa kennaniin ,Talaalii kansarii fixxee gadaamessaa kanaa barattootaaf kennuun dhalootaa fayyaa qabeessaa argachuuf faayidaa guddaa qaba jedhu.

Akka Bulchinsa Magaalaa Asallaatti manneen barnootaa keessatti barattootaa umrii 9 hanga 14tti kenama kan jiru yoo ta'u maatiin daa’immaan isaanii akka talaalsiisan dubbatanii jiru.

Talaaliin kunis itti fufinsa akka qabaatuf Bulchiinsi Magaalichaa deeggarsa barbachisuu hundaa ni taasisaa jedhanii jiru.

Itti Gaafataman Waajjiraa Fayyaa Bulchiinsa Magaalaa Asallaaa Obbo Gosaa Amaan , Magaalaa asallaatti manneen barnootaa dabalatee magaalichaa keessatti daa’immaan umriin isaanii 9 hanga 14 jiran dhibee kansarii fixxee gadaameessaaf akka hin saaxilamne xiyyeeffannoon hojjatamaa jiraachuu dubbataniiru .

Talaalliin kun Barattoota kuma 10 oolif manneen barnootaa 23 keessatti kenamuu har'a irraa kan eegalee yoo ta’uu guyyoota 5f kan turuudha jedhan.

Talaalliin kun hawaasaa fayyaa qabeessaa fi du’atti haadholii hir'isuu keesaatti gahee guddaa kan qabuudha jedhaniiru .

Dubarttootni umriin isaanii umrii 30 hanga 49 bilisaan qorannoo kana tasisuu akka qaban Obbo Gosaan waamichaa dhiyeessanii jiru .