Asella Town Administrative Health office

25/02/2026

Mudaa Dhalootaa (Birth Defects)
‎
‎Mudaa dhalootaa jechuun rakkinoota ykn hanqinoota qaamaa uumamaan daa’imman waliin dhalataniidha. Isaan keessaas muraasni jal'ina miilaa (club foot) fi banaa ta'ee uumamuu wiirtuu dugdaa (neural tube defect) dha.

👌Akka biyya keenyatti yeroo 3ffaaf torban mudaa dhalootaa dhaadannoo "dursanii ittisuun, kunuunsuun, hunda hammachuun ijaarsa walqixxummaa daa’imman Itoophiyaa hundaaf” jedhuun kabajamaa jira.
‎
‎
‎Rakkooleen kunneen:
‎✓ Guddina daa’immanii irratti
‎✓ Fayyaa isaanii irratti
‎✓ Barnoota irratti akkasumaas hawaasummaa isanii irratti
‎dhiibbaa uumuu danda’u.
‎
‎Kana malees yoo dafanii hin yaalamne
‎❗ Miidhama qaamaa
‎❗ Rakkinoota jireenyaa guutuu turaniifi
‎❗ Du'aatii dhaqqabsiisuu danda'u.
‎
‎👉Dhimmoota murteessoo beekuu qabnu
‎
‎1️⃣ Sababoota mudaa dhalootaa
‎Mudaan dhalootaa sababa garaagaraatiin uumamuu danda’a.
‎Isaaniis:
‎✓ Seenaa maatii (Genetic factors)
‎✓ Dhukkuboota yeroo ulfaa mudatan (dhukkuba sukkaaraafi infekshinii)
‎✓ Qoricha ajajaa ogeessaan ala fudhachuu
‎✓ Dhugaatii alkooliifi Tamboo xuuxuu
‎
‎2️⃣ Mudaa dhalootaa akkamitti ittisuu dandeenya?
‎✅ Hordoffii fayyaa haadholii ulfaa sirnaan taasisuun
‎✅ Tajaajila fayyaa yeroo ulfaa (ANC) argachuun
‎✅ Nyaata madaalawaa nyaachuun
‎✅ Qorichoota ajaja ogeessaan ala fudhachuu dhiisuun
‎✅ Alkooliifi Tamboo xuuxuu dhiisuun
‎✅Talaallii barbaachisaa (vaccination) fudhachuun
‎✅ Haadholiin ulfaa foolik asiidii (Folic acid) fudhachuun mudaa dhaloota ittisuun ni danda'ama.
‎
‎3️⃣ Dhimmoota beekuu qabnu:
‎* Mudaan dhalootaa ni ittifama: °Rakkoolee dhalootaan dhufan hedduu hordoffii fayyaa sirrii ta’eefi of eeggannoo yeroo ulfaa sirnaan taasisuun ittisuun ni danda’ama.
‎* Yaalaan ni sirreeffama:
‎°Daa’imman mudaa dhalootaa kanneen akka jal'ina miilaa (Clubfoot) fi banaa ta'ee uumamuu wiirtuu dugdaa (neural tube defect) qaban yeroon gara mana yaalaa dhiyaatanii yaalamuun guutummaatti fayyuu danda'u.
‎* Abaarsa miti:
‎Mudaan dhalootaa sababa uumamaa ykn rakkoo fayyaati malee abaarsa miti. Kanaaf, daa’imman akkasii dhoksuun dhibee dabalataaf isaan saaxila waan ta'eef hatattamaan gara dhaabbilee fayyaa geessun haa yaalchisnu.
‎

Fayyaan Faaya
Biiroo Fayyaa Oromiyaa

17/02/2026

CIRRACHA HADHOOFTUU

‎Hadhooftuun dhangala'aa Tiruu keenyan oomishamu kan bullaa'insa nyaataaf gargaarudha. Cirrachi hadhooftuu kan uumamu yoo hadhooftuufi koolestirooliin bifa dhangala'aa qabaachuu dhiisanii gara jajjabootti jijjiramaniidha.

Sababoota Cirracha Hadhooftuuf nama saaxilan
‎
‎✓‎ Furdina ykn ulfaatina qaamaa olka'aa qabaachuu
‎✓ Nyaata koolestiroolii hedduu qabaan kanneen akka cooma, dhadhaafi kkf soorachuu.
‎✓ Nyaata kuduraafi muduraa garagaraa nyaachuu dhiisuu
‎✓ Sochii qaamaa gochuu dhiisuu
✓Umriin 40 ol ta'uu
‎✓Dhukkuba tiruu qabaachuu
‎✓ Dhukkuba sukkaaraa qabaachuu
‎✓ Bishaan gahaa dhuguu dhiisuu fa’a.
‎✓Saalaan dubara ta’uun carraa saaxilamummaa ni dabala
‎
Yeroo itti aanu ammoo maloota ittisaafi mallattoolee dhukkuba kanaa waliin ilaalla.

Fayyaan Faaya
Biiroo Fayyaa Oromiyaa

11/02/2026

Kaansarii Daa’immanii (Childhood Cancer)
‎Kaansariin gosoota hedduu kan qabuufi namoota umurii garaagaraa irratti kan mul’atuudha. Addunyaa guutuu keessatti waggaatti daa’imman waggaa 0–19 gidduutti ta’an hanga 400,000 ol kaansariidhaan qabamu.
‎Mallattooleen jalqabaa mul’atan muraasni:
‎✓Ho’iina qaamaa ol ka’aa
‎✓Infeekshinii irra deddeebi’ee mudatu
‎✓Dhukkubbii mataa, lafeefi buusaa
‎✓Dhiittoo qaamaa jabaataa
‎✓Ulfaatinni qaamaa hir’achuu
‎✓Dhiiguufi halluun gogaa jijjiiramuu ni argamu.
‎
‎Kaansarii daa’immanii ittisuuf immoo haala jireenyaa fayyaalessaa qabaachuun barbaachisaadha. Isaaniis
‎✓Nyaata madaalawaa, kuduraafi muduraa akkasumas midhaan dheedhii badhaadhe nyaachuu
‎✓Sochii qaamaa guyyaa guyyaatti daqiiqaa 30 ol taasisaa jiraachuu
‎✓Saaxilamummaa tamboo, alkooliifi ulfaatina qaamaa guddaa irraa of eegu
‎✓Daa’imman yeroo dheeraaf TV fi bilbilaa (screen) akka hin ilaalle taasisuu
‎✓Talaallii idilee (akka Hep B), saaxilamummaa keemikaalotaafi raadiyeeshinii hambisu
‎✓Yeroo yeroodhaan qorannoo fayyaa gochuun, of-eeggannoo taasisuun kaansarii daa’immanii ittisuuf murteessaa dha.
‎

Fayyaan Faaya
Biiroo Fayyaa Oromiyaa

07/02/2026

Here are some simple facts about everyday food habits that can help you keep safe from preventable foodborne diseases.

World Health Organization (WHO)

06/02/2026

Aadaa Itoophiyaa qulqulluu hojiirra oolchuun, meeshaalee pilaastikii irraa hin hojjetamne fayyadamuun naannoo keenya bakkalcha irraa haa eegu.
‎Labsii Lakk. 1383/2017tiin borsaa pilaastikii (festal) oomishuu, gara biyyaatti galchuu, gurguruu fi fayyadamuun dhorkaadha.
‎Kana gochuun fayyaa ofii keessanii fi ijoollee keessanii eeggadhaa.
‎Abbaa Taayitaa Eegumsa Naannoo
‎
‎ፅዱ ኢትዮጲያን ባህል በማድረግ ከፕላስቲክ ያልተሰሩ ተኪ መያዣዎችን በመጠቀም የከባቢያችንን ምህዳር ከብክለት እንጠብቅ ። በአዋጅ ቁጥር 1383/2017 የፕላስቲክ ከረጢት(ፌስታል) ማምረት፣ ወደ ሃገር ማስገባት፣ መሸጥ እና መጠቀም የተከለከለ ነው። ይህንን በማድረግ የራስዎን እና የልጆቾን ጤንነት ይጠብቁ.
‎
‎የአከባቢ ጥበቃ ባለስልጣን

30/01/2026

Dhibee Tiraakoomaa (Trachoma)
‎
‎ Tiraakoomaan dhukkuba daddarba ta'e kan baakteriyaa 'Chlamydia Trachomatis' jedhamuun dhufuufi Ija keenya miidhudha. Tiraakoomaan dafee yaalamuu yoo baate dhukkuba agartuu nama jaamsu garuu kan ittisuufi yeroon yoo yalame fayyuu danda'uudha.
‎
‎Sababoota dhukkuba Tiraakoomaaf nama saaxilan
‎✓Hanqina bishaan qulqulluu
‎✓Qulqullina dhuunfaafi naannoo eeggachuu dhiisuu
‎✓Bakkee/Hurufa irratti bobba’uu (open defecation)
‎✓Wantoota qulqulluu hin taaneen ijaaf fuula keenya tuttuquu
‎
‎Tiraakoomaan Akkamitti daddarba?
‎✓Harka qulqulluu hin taaneen fuulafi ija tuttuquu
‎✓Uffata waliin fayyadamuu
‎✓Titiisni ija ykn funyaan nama Tiraakoomaan qabamee tuqxee yoo nurra qubatte
‎✓Nama dhukkubichaan qabame waliin wal tuttuquun
‎
‎Mallattoolee dhibee Tiraakoomaa
‎✓Diimachuu ijaa
‎✓Ijji nama hooksisuu
‎✓Ijji nama boo’uu
‎✓Dhukkubbii ijaa
‎✓Ifa ilaaluu dadhabuu
‎✓Dhukkubbiin yoo jabaate libsaan/qolli ijaa gara keessatti deebi’uufi qaroon jaamuu danda’a.
‎
‎Ittisa dhibee Tiraakoomaa
‎✓Qulqullina dhuunfaafi naannoo eeggachuu
‎✓Nama dhukkubichaan qabame dafanii yaalchisuu
‎✓Qulqullina daa’immanii eegufi hordofuu
‎✓Bishaan ga'aa fi qulqulluu ta’e fayyadamuu
‎✓Uffata waliin fayyadamuu dhiisuu

Fayyaan Faaya
Biiroo Fayyaa Oromiyaa

14/12/2025

Inshuraansiin Fayyaa Hawaasaa Furtuu Rakkoo Fayyaa Hawaasaati !

Muddee 5,2018- ‎Waajjirri Fayyaa Bulchiinsa Magaalaa Asallaa yaa'ii inshuraansii fayyaa hawaasaa bara 2018 gaggeessaa jira.

Yaa'ii kanarratti Itti Gaafatamaan Siyaasaa Paartii Badhaadhina Damee Bulchiinsa Magaalaa Asallaa Obbo Tolaa Hajjii, Itti Gaafatamtuun Ijaarsaa Paartii Badhaadhina Damee Bulchiinsa Magaalaa Asallaa Aadde Assamanch Girmaa ,Hoggansi Seektaroota Bulchiinsa Magaalaa Asallaaa , Hoggansi Gandaa fi ogeyyiin fayyaa hirmaataniiru.

Itti Gaafatamaan Siyaasaa Paartii Badhaadhina Damee Bulchiinsa Magaalaa Asallaa Obbo Tolaa Hajjii yaa’ii kanarratti argamuudhaan haasaa baniinsaa taasisaniin, Mootummaan Paartii Badhaadhinaatiin hoogganamu kallattii hundaan ummanni akka of danda'uuf tarsiimoo ummataa fayyadu bocee hojii irraa olchuun hawaasni bal'aan akka irraa fayyadamu taasisaa jira. Keessummattu gama fayyaatiin namootni dhukkubsatanii yaalamuuf humna hin qabneef gatii madaalawaan buufata fayyaa irraa jalqabee hanga Hospiitaloota gurgurguddaatti akka tajaajilamaniif inshuraansii fayya hawaasaa ummataaf mijeessee Ummanni irraa fayyadamaa jira jedhaniiru .

Yaa'ii kana irratti gabaasni raawwii hojii bara 2017 akkasumas Karoorri hojii bara 2018 karaa Itti Gaafatamaa Waajjira Fayyaa Bulchiinsa Magaalaa Asallaa Obbo Gosaa Amaaniin dhiyaachuun hirmaattoonni waltajjii irratti mari’achaa jiru.

10/12/2025

09/12/2025

---Beeksisa...
Akka bulchiinsa magaalaa Asallaatti Duulli talaallii dhibee laamshessaa (Pooliyoo ( nOPV ) guyyaa 3/4/2018 irraa eegalee daa'immaan waggaa 5 gadiitif mana mannatti ni kennamaa.kanaaf ,jiraattoonniif ummanni naannawa keenyaa daa'imman keessan talaalchisuudhaan dhibee pooliyoo haa ittisnuu jechaa,akka magaalaa keenyaatti Daa'immaan waggaa shanii gadii jiran gandoota hunda keessatti argaman 19204 oliif talalliin kun ni kennama.

25/10/2025

Hojjatoota Seektara Fayyaa Magaalaa Asallaa irraa!
Ogeeyyii Fayyaa Aanaalee G/Arsii irraa qormaata fooyyeeffannaa barnootaaf gara Yunivarsiitii Haramayyaa imalaa turan balaa konkolaataa irra gaheen lubbuun ogeeyyii hedduu darbuun hedduu isaanii irra miidhaan qaamaa cimaaf salphaan gahuun ni yaaadatama.
Maarree kanuma sababeeffachuun Waajjirri Fayyaa Bulchinsaa Magaalaa Asallaa deeggarsa maallaqaa kuma 145 ogeeyyii miidhamanii Hospitaala Asallaa fi Adaamaa tti yaalamaa jiraniif deeggarsa godhaniiru.
Harki keessan harka gubbaa yaa tahu!
Hin dhabinaa biraa hin dhabaminaa!
Bahaa galli keessan nagaha yaa ta'u!

23/09/2025

''Dhiigaa Kennuun Jireenya Lubbuu Haa Deeggarruu"

Fulbaana 13,2018_ Bulchiinsa Magaalaa Asallaatti Sagantaan Arjooma dhiigaa taasifamee jira.

Bulchiinsa Magaalaa Asallaatti Hojii kenna tajaajilaa lammummaa keessaa hojiiwwan ijoo hojjatamaa jiru keessaa dhiiga waliitti qabuun lubbuu du'arraa baraaruuf hojii hojjetamaa jiruun arjoommni dhiigaa ittifufiinsaan gaggeeffamaa jira.

Sagantaan arjooma dhiigaa kunis Qindeessummaa waajjiraa Fayyaa Bulchiinsa Magaalaa Asallaan kan geggeeffamee yoo ta'u guyyaa har’a Sagantaa Arjooma dhiigaa taasifameen, Hoggantoonni Seektara Bulchiinsa Magaalaa Asallaa, Hojjattonni , ogeessootnii fayyaa/hojjattoonni fayyaa, dhaabbilee fayyaatti tajaajila kennaa jiranii fi qaamooleen hawaasaa gara garaa hirmatanii jiru.

Namootni waamicha arjooma dhiigaa kana irratti hirmaatanis kan dhiiga arjooman Gammachuun akka ta'ee fi fuula duraattis ji'a sadi'i sadi'iin kennuuf fedhii akka qaban dubbachuu isaanii ibsanii jiru.

30/07/2025

Waajjira Fayyaa Bulchiinsa Magaalaa Asallaatti. Waliigaltee waada hojirraa oolmaa karoora bara 2018; Hogganaa fi Qindeessitoota ,Hogganaa fi Daarektaroota fi IA Daarektaraa waliin waadaa waliigalan mallatteessaniiru.