19/04/2025
የበዓል ወቅታዊ ምክሮች ለነፍሰ-ጡር (እርጉዝ)እናቶች:
ውድ ነፍሰ ጡር እናቶች:
ፋሲካን በሰላም: በደህና እና በጤና ታከብሩ ዘንድ ከወዲሁ እመኛለሁ።
ይህንን የተቀደሰ የክርስቲያን በዓል ለማክበር ስንዘጋጅ ጤናዎ እና የልጅዎ(የፅንሱ)ደህንነት ቀዳሚ ጉዳይ መሆኑን አስታውሱ። በባህላችን ውስጥ የእርስዎን(የእናቶች) ጥንካሬ እና ሚና እጅግ ላቅ ያለ መሆኑ ይታወቃል። ነገር ግን እኔ እንደ ጤና ባለሙያነቴ አንድ ነፍሰጡር እናት ሁሉንም የቤት ውስጥ ሃላፊነቶች በራሷ ብቻ መከወን እንደሌለባት ለማስታወስ እወዳለሁ።
ስለሆነም በበዓል ወቅት ለነፍሰ ጡር ሴቶች የሚበጁ ጠቃሚ ምክሮችን እንደሚከተለው አቀርባለሁ:
1. እራስዎ ከመጠን በላይ መሥራትን ያስወግዱ:
እንደ ዶሮ ወጥ ያሉ የበዓል ምግቦችን ማዘጋጀት ሰዓታትን ይወስዳል። ይህ በጣም ጤናማ የሆነውን ሰው እንኳን ሊያደክም ይችላል. እርግዝና ለረጅም ሰዓታት የመቆም እና እቃ(ከባድ) የማንሳት ጊዜ አይደለም።
2. እርዳታ ይጠይቁ
ከቤተሰብዎ አባላት ወይም ከጎረቤቶችዎ ጋር ሀላፊነቶችን ያካፍሉ። በማህፀንወ ውስጥ ህይወት እያሳደጉ ነው - ያ በራሱ በቂ ስራ ጫና ነው።
3. ቶሎ ቶሎ እረፍት ይውሰዱ
በኩሽና ውስጥ ቆመው እየሰሩ ከሆነ, በየ 30-45 ደቂቃዎች ልዩነት ይቀመጡ. የእግር እብጠትን ለመቀነስም ሲቀመጡ እግሮችዎን ወደ ላይ ከፍ ያድርጉት።
4. በቂ ውሃ(ፈሳሽ) ይውሰዱ
ቀኑን ሙሉ ንጹህ ውሃ ይጠጡ, በተለይም በሙቅ ማእድ ቤቶች ውስጥ ምግብ ሲያበስሉ። ሙቀቱ የሰውነት ፈሳሽ ማነስ ብሎም ማዞር እና ድካም ያስከትላልና።
5. አዘውትረው ይመገቡ
ለሌሎች ምግብ በሚያዘጋጁበት ጊዜ ምግብወን አይዝለሉ።
6. ከጋለ ምድጃዎች አደጋ እና ከባድ እቃወችን ከማንሳት ይጠንቀቁ
-በኩሽና ውስጥ ያሉ አደጋዎች በእርግዝና ወቅት አደገኛ ሊሆኑ ይችላሉ. ደህንነትዎን ይጠብቁ.
7. ከቻሉ ከበዓሉ ከቀናት በፊት ይዘጋጁ
እንደ ቅመማ-ቅመም ዝግጅትና ዶሮ መበለትን ቢቻል አንድ ቀደም ብሎ ማዘጋጀት የበዓል ቀን ጭንቀትን ይቀንሳል።
8. ማንኛውም የጤና ችግር ካለብዎ ዶክተርዎን ያነጋግሩ፡-
-እንደ ከፍተኛ የደም ግፊት፣ የስኳር በሽታ ወይም ሌሎች ጉዳዮች ያለባቸው ሴቶች አድካሚ ሥራዎችን ሙሉ በሙሉ ማስወገድ አለባቸው። የእናት እንዲሁም የፅንስ ደህንነትና ጤና ከበዓል የበለጠ አስፈላጊ ነውና።
ጤና ፀጋ ነው። በዓላትን ማክበር አስደሳች ነው-ነገር ግን እርጉዝ እናት ለቤተሰቧ መስጠት ከምትችለው ከሁሉ የተሻለው ስጦታ ጤናማ እርግዝና ነው።
በዓሉ የሰላም፣የደህንነት እና የተባረከ እንዲሆን እመኛለሁ።
Dr.Misganaw Worku
OBGYN Specialist
Hawassa
