Debre Birhan Comprehensive Specialized Hospital Laboratory

01/01/2026

15/11/2025

ማርበርግ ቫይረስ

1) በሽታው ምንድን ነው?

#የቫይረሱ አይነት: ማርበርግ ቫይረስ የፋይሎቫይረስ (Filoviridae) ቤተሰብ አባል ሲሆን ይህም ኢቦላ ቫይረስ የሚገኝበት ቤተሰብ ነው። ለዚህም ነው ሁለቱም በሽታዎች ተመሳሳይ የሕመም ምልክቶች እና የሞት መጠን ያላቸው።

#ክብደት: በሽታው ከባድ እና ከፍተኛ የሞት መጠን ያለው ሲሆን፣ በቅርብ ጊዜ በተከሰቱ ወረርሽኞች በበሽታው ከተያዙት ውስጥ እስከ 88% የሚደርስ ሰዎች ሞተዋል (እንደ ወረርሽኙ ሁኔታ ሊለያይ ይችላል)።
#ታሪክ: በሽታው ለመጀመሪያ ጊዜ በ1967 ዓ.ም በጀርመን ማርበርግ እና በፍራንክፈርት እንዲሁም በሰርቢያ ቤልግሬድ ከተሞች ተከስቷል። ቫይረሱ የመጣው ከዩጋንዳ በመጡ የላብራቶሪ ምርምር ዝንጀሮዎች አማካኝነት ነው ይባላል።

2) ስርጭት (በሽታው እንዴት ይተላለፋል?)
+++ ዋናው #ምንጭ: የማርበርግ ቫይረስ ተሸካሚዎች ፍራፍሬ ላይ የሚያዘወትሩ የሌሊት ወፎች (Rousettus bats) ናቸው። ሰዎች በቫይረሱ ሊያዙ የሚችሉት በእነዚህ የሌሊት ወፎች ባሉበት ዋሻዎች ወይም ማዕድናት ውስጥ በመገኘት ነው።

+++ ከሰው ወደ ሰው የሚኖረው #ስርጭት: ቫይረሱ ከሰው ወደ ሰው የሚተላለፈው በበሽታው የተያዘ ሰው ወይም እንስሳት በሚወጡ ፈሳሾች (ደም፣ ምራቅ፣ ማስታወክ፣ ሰገራ፣ ሽንት፣ የዘር ፈሳሽ እና ሌሎች) ጋር በቀጥታ በመገናኘት ነው።
3) #ምልክቶች
የበሽታው ምልክቶች በአብዛኛው ከ2 እስከ 21 ቀናት ባለው ጊዜ ውስጥ ይታያሉ።

የሚከተሉትን እንመልከት
#የመጀመሪያ ደረጃ ላይ : ከፍተኛ ትኩሳት፣ ከባድ ራስ ምታት፣ ከባድ የጡንቻና የመገጣጠሚያ ህመም፣ ድካም ስሜት።
#ሁለተኛ ደረጃ (ከጥቂት ቀናት በኋላ): ከባድ ተቅማጥ፣ የሆድ ቁርጠት፣ ማቅለሽለሽ፣ ማስታወክ፣ የደረት እና የጉሮሮ ህመም።
#የከፋ ደረጃ (ከ5-7 ቀናት በኋላ) ከባድ የደም መፍሰስ (ከአፍንጫ፣ ከድድ፣ ከዓይን እና የቆዳ ስር)፣ የጉበት እና የኩላሊት ድካም፣ የንቃተ ህሊና መሳት፣ የብዝሃ-አካል ስራ መቆም (Multi-organ failure) እና ሞት። ከዚህ በተጨማሪ የዓይን መቅላት፣ የቆዳ ሽፍታ (በተለይ በደረት፣ ጀርባና ሆድ አካባቢ)።

4)የሚሰጠው ህክምና እና መከላከያ መንገዶች
#ፈውስ: ለጊዜው ቫይረሱን የሚያጠፋ የተረጋገጠ መድኃኒት ወይም ክትባት የለም።
#ህክምና: የሚሰጠው ህክምና ምልክቶችን ለማስታገስ (Supportive Care) ነው።
#ፈሳሽ መተካት (IV fluids): በከፍተኛ ተቅማጥ እና ማስታወክ የጠፋውን ፈሳሽ መሙላት ነው።
#የደም መፍሰስ ቁጥጥር: የደም ግፊትን ማረጋጋት እና የደም መርጋት መከላከል/ማከም።
#የተጎዱትን የአካል ክፍሎች (ኩላሊት፣ ጉበት) ድጋፍ መስጠት።

በጣም #አስፈላጊው ነጥብ
-) የግል መከላከያ ቁሳቁስ (PPE): የጤና ባለሙያዎች የታመሙ ሰዎችን ሲያክሙ ጓንት፣ ጋውን፣ ጭንብል እና የዓይን መከላከያ የግድ መጠቀም አለባቸው።
_) ንጽህና: እጅን በአግባቡ በሳሙና መታጠብ፣ በተለይ የታመመ ሰው የነካን ወይም የጎበኘን ከሆነ።

15/11/2025

Shout out to my newest followers! Excited to have you onboard! Zeki Man Zeki, Netsanet Ethiopia, Tigi Moges

06/11/2025

27/02/2018

የደብረ ብርሃን ኮምፕሪሄንሲቭ ስፔሻላይዝድ ሆስፒታል ላቦራቶሪ
ISO 15189:2022 አለም አቀፍ ስታንዳርድ መሠረት አክሪዲቴሽን አሠስመንት ተሠራለት።
በኢትዮጵያ አክሪዲቴሽን ጽ/ቤት
ከአሁን በፊት አክሪዲቴሽን የተሰጠውን ቀጣይነት ማየት
አዳዲስ ሁለት ምርመራዎችን በመጨመር አጠቃላይ የላቦራቶሪ ማኔጅመንት ሥርዓቱ አሰስመንት ተሠርቷል።
የተሠጡ አስተያየቶች በአንድ ወር ግዜ ተስተውለው ሠርተፊኬት ይሠጣል።
ለዚህ አስተዋጽኦ የነበራችሁ
ላቦራቶሪ ባለሙያዎች
ማኔጅመንት አባላት (በተለይ CEO ልዩ ትኩረት በመስጠት ከፍተኛ ክትትል በማድረግ )
EPHI
APHI Dessie
ከልብ እናመሠግናለን

We strive for Quality.

29/10/2025

27/10/2025

እንኳን ደስ አለን ደስ አላችሁ!!!

የአብክመ ጤና ቢሮ ጥቅምት 17/2018 ዓም በክልል ደረጃ በተካሄደው 4ኛው ዙር ክልላዊ የጤና ላብራቶሪ ፊስቲባል
ላቦራቶሪያችን የሠርተፊኬት ተሸላሚ በመሆኑ እንኳን ደስ ያላችሁ ለማለት እንወዳለን ።
በክልል ካሉት 91 የመንግስት ሆስፒታል ውስጥ 16 ቱ በአክሪዲቴሽን በተለያየ ግዜ እውቅና የተሠጣቸው ሲሆን
Step wise process towards accreditation (SLIPTA) በመተግበር ሌሎችም በከተማ አስተዳደሩ ካሉ 10 የመንግስት የጤና ተቋማት 4ቱ star/ኮኮብ 3 እና በላይ ደረጃ በማስመዝገብ እውቅና እና የማበረታቻ የምስክር ወረቀት ተበረከተላቸው።

ፊስቲባሉ ጠንካራ የላብራቶሪ ስርዓት ጥራት ላለው የጤና አገልግሎት በሚል መሪ ቃል የተካሄደ ሲሆን እየተወሳሰበ የመጣውን የጤና ችግር ወይንም በሽታ ለመቋቋም አለማቀፍ ደረጃውን የጠበቀ የላብራቶሪ ስርአት መገንባት ወሳኝ እና አስፈላጊ የሚልበት ወቅት ላይ እንገኛለን ።

በዚህም መሰረት በላብራቶሪ ጥራት አስተዳደር (SLIPTA ) መስፈርት ከክልል እስከ ፊደራሉ ባሉ ተቋማት ተለክተው የኮኮብ ደረጃ ያገኙ፦
1ኛ. ሀኪም ግዛው ጠቅላላ ሆስፒታል star 4(ኮኮብ 4)
2ኛ. ደብረብርሃን 04 ጤና ጣቢያ star 3(ኮኮብ 3)
3ኛ. ጫጫ ጤና ጣቢያ star 3 (ኮኮብ 3)እና
4ኛ. በISO 15189 አለማቀፍ የህክምና ላብራቶሪ ጥራት ማረጋገጫ መስፈርት መሰረት በGen expert የደብረብርሃን ኮምፕሬሄንሲቪ ስፔሻላይዝድ ሆስፒታል እውቅናን አግኝተዋል።

ለጥራት ልዩ ትኩረት በመስጠት በቀጣይ አጠናክረን እንሠራለን ።

ደብረ ብርሃን ኮምፕሪሄንሲቭ ሆስፒታል ላቦራቶሪ
ጥቅምት 17/2018

13/10/2025

የዝውውር ማስታወቂያ
ደብረ ብርሃን ኮምፕሪሄንሲቭ ስፔሻላይዝድ ሆስፒታል
ባለው ክፍት ቦታ በዝውውር ማሟላት ይፈልጋል
1. Medical Microbiologist MSC
2. Medical Parasitology MSc
3. Medical Laboratory Technologist
የምዝገባ ቀን
እስከ 11/02/2018 ዓ.ም በዘወትር በሥራ ሠዓት
ለበለጠ መረጃ
0116376996 ላቦራቶሪ ዲፓርትመንት

https://t.me/DBCSHLAB

07/09/2025

06/07/2025

የአማራ ጤና ይህንን ዘመናዊ ሲቲ ስካን ማሽን በመግዛት እና ለሸዋ ህዝብ አገልግሎት እንዲሰጥ በማድረጉ እናመሠግናለን ።

11/06/2025

Monkeypox (Mpox)
ከዝንጀሮ ፈንጣጣ ራሳችሁን ጠብቁ !!
የሚያጠራጥር ምልክት ካያችሁ ወደ ጤና ተቋም መሄድ ይጠበቃል ።

24/04/2025

ሆስፒታሉ ከወረቀት ንክኪ ነፃ የሆነ የህክምና ካርድ አገልግሎት በይፋ አስጀመረ

ደብረብርሃን፤ሚያዚያ15/2017 ዓ.ም ፡-
የደብረብርሃን ኮምፕሬሄንሲቭ ስፔሻላይዝድ ሆስፒታል ከወረቀት ንክኪ ነፃ የሆነ የህክምና ካርድ አገልግሎት መስጠት መጀመሩን አስታውቋል፡፡

አገልግሎቱን የደብረብርሃን ከተማ ተቀዳሚ ከንቲባ የተከበሩ በድሉ ውብሸት ያስጀመሩት ሲሆን በመርሀ ግብሩ ላይ የክልል፣የከተማ፣የህብረተሰብ ተወካዮች፣የሆስፒታሉ የስራ ኃላፊዎችና ባለሙያዎች ተግኝተዋል።

የሆስፒታሉ ዋና ስራ አስኪያጅ አቶ ጥላሁን ሙሉጌታ እንደገለጹት ሆስፒታላቸው ከወረቀት ንክኪ ነፃ የሆነ የህክምና ካርድ አገልግሎት ለመስጠት ሰፊ ቅድመ ዝግጅት ሲያደርግ ቆይቶ ዛሬ በአውቶሜሽን ሙሉ በሙሉ ስራ ማስጀመሩን አንስተዋል፡፡

ስራው በቴክኖሎጂ መደገፉ ለታካሚዎች፣፣ለባለሙያዎችና ለሆስፒታሉ ጥቅሙ ከፍያለ መሆኑን አስረድተዋል፡፡

ረጂም የካርድ ሰልፍ የሚያስቀር፣የታካሚዎችን የቆይታ ጊዜ የሚያሳጥርና የካርድ ጠፋብኝ ቅሬታን የሚያስቀር እንዲሁም የተገልጋዮችን እርካታ የሚጨምር መሆኑን ለአብነት አብራርተዋል፡፡

ሲስተሙ ተቋማቸው በየዓመቱ ለህትመት የሚያወጣውን ወጪ ከመቀነሱም በላይ ተወዳዳሪ የጤና ተቋም ለመፍጠር እንደሚያስችለውም ጠቁመዋል፡

ሆስፒታሉ በ2016 ዓ.ም ብቻ ከ11 ሚሊዮን ብር በላይ ለህትመት ማውጣቱን ጠቁመዋል።

ወደ ስራ የገባው አዲሱ ቴክኖሎጂ ከ23 ሚሊዮን ብር በላይ ወጪ የሆነበት መሆኑን ጠቅሰው በጤና ሚንስቴር፣በክልሉ ጤና ቢሮ፣በዶክተር ድረሴ እና በሆስፒታሉ መሸፈኑን አስታውቀዋል።

የደብረብርሃን ከተማ ጤና መምሪያ ኃላፊ አቶ በቀለ ገብሬ በበኩላቸው እንደገለጹት ሆስፒታሉ ከወረቀት ንክኪ ሙሉ በሙሉ ነፃ የሆነ የህክምና አገልግሎት መስጠት መጀመሩ ለደብረብርሃን፣ለሰሜን ሸዋ ዞንና እና ለአጎራባች ክልል ህዝብ ትልቅ ብስራትና ጠቀሜታውም ከፍተኛ መሆኑን አስረድተዋል።

ቴክኖሎጂው ካርድ ለማውጣት የሚወስደውን ጊዜ በመቀነስ፣እንግልትን በማስቀረት፣የሠራተኛውን የስራ ጫና በማቅለል ጥራት ያለው የህክምና አገልግሎት ለመስጠት ፋይዳው ከፍተኛ ነው ብለዋል።

ከወረቀት ንክኪ የህክምና አገልግሎት በደብረብርሃን ስፔሻላይዝድ ሆስፒታል መጀመሩ ትልቅ ስኬት ነው ብለዋል።

በከተማው በሚገኙ በሁሉም ጤና ተቋማት ለመተግበር እየተሰራ መሆኑንም ጠቁመዋል።

የደብረብርሃን ከተማ ስማርት ሲቲ ዕቅድ ይኽ ዓይነት የዲጂታላይዜሽን ትግበራ ስራውን እንደሚያፋጥነው አመልክተዋል።

ስራው እንዲሳካ በማስተባበር ተቋማቸውና በየደረጃው የሚመለከታቸው አካላት ላበረከቱት አስተዋጽኦ፣እንዲሁም የሙያና የግብዓት ድጋፍ ያደረጉ ተቋማትንና ግለሰቦች አመስግነዋል።

የደብረብርሃን ከተማ ተቀዳሚ ከንቲባና የሆስፒታሉ የቦርድ ሰብሳቢ የተከበሩ በድሉ ውብሸት እንደተናገሩት ዲጂታላይዜሽን አገልግሎት አሰጣጥ በማቀላጠፍ የመልካም አስተዳደር ችግር መፍቻ አንዱ መሳሪያ መሆኑን አንስተዋል።

ዘመኑ የሚጠይቀውን በቴክኖሎጂ ተደግፎ ፈጣንና ቀልጣፋ የህክምና አገልግሎት ለህብረተሰቡ መስጠት መቻል ትልቅ ስኬት ነው ብለዋል።

ጤና ጣቢያዎችና ሆስፒታሎች ወደ ዲጂታል ቴክኖሎጂ መግባታቸው ተገቢና አስፈላጊ መሆኑን ጠቅሰው ስራው ወደፊትም ውጤታማ ሆኖ እንዲዘልቅ ሁሉም የየድርሻውን ኃላፊነት ሊወጣ እንደሚገባ ከንቲባ በድሉ አሳስበዋል።

ስራው በውጤታማነት እንዲጠናቀቅ ያደረጉ አካላትን ሁሉ አመስግነዋል።
Debre Birhan Comprehensive Specialized Hospital
Debre Birhan Comprehensive Specialized Hospital Laboratory