Waajjira Fayyaa Godina Boorana Bahaa

13/01/2026

Kenna Tajaajila Fayyaa Ariitii, Baay’ina, Qulqullinaa fi Kalaqaan Dabaale Sirna Fayyaa Cimaadhaaf!
(Amajjii 05, 2018- Magaalaa Bishooftuu geggeeffamaa oole)
============================
Yaa’iin 4ffaan qulqullina tajaajila fayyaa fi kalaqaa qindoomina Ministeera Fayyaa Federaalaa fi Biiroo Fayyaa Oromiyaatiin akka biyyaatti Naannoo Oromiyaa magaalaa Bishooftuutti qophaa’e geggeeffamuu eegale.

Deetaan Ministeera Fayyaa Federaalaa Aaddee Saharallaa Abdullaahii yaa’ii kana ifatti yeroo eegalchiisan haasaa taasisaniin Baroottan jijjjiiramaa darban biyyi keenya guddina si’ataa gama hundaan galmeessisaa jirtu keessaa damee fayyaatiin qulqullina kenna tajaajila fayyaa kalaqaan dabaalamee hojjetamaa jiruun bu’aa abdachiisaaan galmaa’uusaa himan.

Sirna fayyaa dijitaalessuu dhaan tajaajila fayyaa qulqullina qabu baasii xiqqaa fi si’oominaan kennuuf kalaqaawwan fayyaa gama hundaan hojiirra oolchuun barbaachisa akka ta’e eeruun sadarkaa kenna tajaajila fayyaa keenyaa ammayyeessuu fi teknoolojiin deeggaruun tajaajilota yaalaa alatti ergaman hambisuurra darbee giddugala tuurizimii fayyaa ta’uun biyyoota ollaatiif tajaajila yaalaa sadarkaa kenninu irra gahuuf hojjetamaa jiraachuusaa aadde Saharallaan ibsanii jiru.

Dabalataanis, Aaddee Saharallaan, hirmaattotnii fi qooda fudhattoonni yaa’ii kana irratti kalaqootaa fi bu’aa qorannoowwan fayyaa dhiyaatan hojiirra oolchuu akka qaban dhaamsa isaanii dabarsuun qaamolee garaa garaa yaa’ii kana milkeessuu irratti gumaacha taasisan galateeffataniiru.

Hooggantuun Biiroo Fayyaa Oromiyaa Piroofeesar Natsaannat Warqinah yaa’ii kana irratti argamuun haasaa taasisaniin akka naannoo Oromiyaatti tajaajila fayyaa qulqulluu, si’ataa fi qaqqabamaa ta’e kennuu irratti bal’inaan hojiiwwan gurguddoo hojjatamaa turaniin bu’aawwan gaarii galmeessuu fi du’aatii daa’immanii fi haadholii xiqqeessuu akka dandaa’ame kaasuun; yaa’iin kunis qulqullina kenna tajaajila fayyaatiin maal irra akka geenyee fi garamitti imaluu akka qabnu kan nu hubachiisuudha jedhan.

13/01/2026

‎Godina Boorana Bahaa Hospitaala Waliigalaa Nageellee Booranaatti Istaandardii Dhaabbilee Fayyaa fooyyessuuf hojiin hojjetamaa jiru abdachiisadha. Godinicha keessatti sadarkaa Dhaabbilee Fayyaa garaagaraatti hojiin Dhaabbilee Fayyaa gara Istaandaardii haaraa kanatti fiduuf sochiin jiru gaarii tahuu isaatu himame.
‎
Fayyaan Faaya!

11/01/2026

‎Gulantaa fooyya'iinsa dhaabbilee Fayyaa/ Istandardii haaraa gama Fayyaatiin gaggeeffamaa Jiru Abdachiisaadha.
‎
‎Ammajjii 03/2018 Waajjira Fayyaa Godina Boorana Bahaa, Nageellee Booranaa.
‎
‎Godina Booranaa Bahaa sadarkaa Dhaabbilee Fayyaatti Gulantaa fooyya'iinsa Istaandaardii dhaabbilee Fayyaa/ Istandardii haaraa gama Fayyaatiin gaggeeffamaa Jiru sadarkaa Dhaabbilee Fayyaa Godinicha keessatti argamanitti haala gaariin gaariin hojjetamaa jira.
‎
‎Inisheetivii Gulantaa Fooyya'insa Istaandaardii hojiirra oolchuun Kenna tajaajila Fayyaatiif murteessaadha.
‎
‎Fayyaan faaya.
‎

09/01/2026

https://www.facebook.com/100077719205794/posts/903249882275644/?app=fbl

Uwwisa tajaajila fayyaa haadholii fi daa’immani caalmaatti guddisuuf hojjetamaa jira – Ministeericha

Finfinnee, Amajjii 1, 2018 (FMC) – Uwwisa tajaajila fayyaa haadholii fi daa’immani caalmaatti guddisuuf hojjetamaa jira jedhe Ministeerri Fayyaa.

Itiyoophiyaatti du’aatii haadholii fi daa’immanii hir’isuuf tarkaanfiiwwan imaammataa fudhataman bu’aa qabatamaa argamsiiseera jedhan Ministirri Ministeera Fayyaa Dooktar Maqdas Dhaabaan.

Dooktar Maqdas guyyaa haadhummaa baatii kana keessa kabajamu ilaalchisee ibsa kennaniiru.

Waggoota darban keessa rakkoo fayyaa fi du’aatii haadholii wayita da’umsaa mudatu hir’isuuf tattaaffii taasifameen lakkoofsi haadholii dhaabbilee fayyaa keessatti da’anii dabaluu isaa ibsaniiru.

Dhaabbilee fayyaa keessatti tajaajilli baqaqsanii yaaluu hojiirra ooluun isaa jijjiirama akka fide eeruun, qaqqabummaan dhaabbilee fayyaa babal’achuun kunuunsi dahumsa duraa akka dabalu taasifameera.

Kanaaf kalaqnii fi faayinaansiin itti fufinsa qabu murteessaa ta’uu ibsuun, qaqqabamummaa odeeffannoo fayyaa dijitaalaa babal’isuu, meeshaalee yaalaa guutuu fi tajaajila baqaqsanii yaaluu babal’isuuf qooda fudhattoota waliin ta’uun akka hojjetan mirkaneessaniiru.

Guyyaan Haadhummaa Fayyaalettii akka idil addunyaatti yeroo 39ffaa akka biyyaatti immoo yeroo 20ffaaf mata duree "Kalaqaa fi faayinaansii itti fufinsa qabu Fayyaa Haadhummaaf " jedhuun sagantaalee hubannoo uumuu adda addaatiin kabajama.

Hojiilee hanga ammaatti hojjetamaniin bu’aa jajjabeessaan argamuu kan eeran Dooktar Maqdas yeroo itti aanu caalmaatti fooyyessuuf ni hojjetama jechuu isaanii ENAn gabaaseera.



Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/

Yeroo maraa nu waliin waan taataniif isin galateeffanna.

09/01/2026

IFA ADUU FAYYAA KEENYAAF

✓ Vaayitaamin D oomishuuf:- Ifti aduu oomisha vaayitaamin D dabaluuf gargaara. Vaayitaamin D n ammoo guddinaafi jabina lafeef gargaara.

✓ Miira gammachuuf: Oomisha Serotonin qaamaa dabaluun mukuu (depression) ittisa.

✓ Hirriba gaariif:- Sirna hirribaa sirreessa. Guyyaa dammaqiinaan akka oollufi, galgala hirriba gaarii akka argannu gargaara.

✓ Fayyaa onneef: Dhiibbaa dhiigaa hir’isee fayyaa onnee eeguuf nu gargaara.

✓ Fayyaa sammuuf:- Xiyyeeffannoofi dammaqiinsa dabaluun fayyaa Sammuu eeguuf gargaara.

✓ Sirna ittisa dhukkubaa (Madinummaa) qaamaa cimsa.

Hub: Guyyaatti daqiiqaa 15-30 Caama ganamaa fayyadamuun faayidaa asii olii kana argamsiisa. Akkasumas Aduun guyyaa bahu Gogaa keenya waan miidhuf Aduu ganamaa fayyadamuun gaaridha. Keessumaayyuu daa'immaniif!

Fayyaan Faaya
Waajjira Fayyaa Godina Boorana Bahaa

08/01/2026

Kaansarii Fiixee Gadameessaa (Cervical Cancer)

Ka'umsi kaanserii Ulaa Gadameessaa vaayirasii "Human papilloma virus " jedhamuunidha.

Sababoota Kaansarii Ulaa Gadameessaaf nama saaxilan: -

ü Umrii waggaa 16 dura walqunnamtii saalaa raawwachuu
ü Nama hedduu waliin walqunnamtii saalaa raawwachuu
ü Tamboo Xuuxuu
ü Dandeettiin dhukkuba ofirraa ittisuu qaamaa/madiinummaa gadi bu'uu
ü Yeroo yerootti qorannoo fayyaa taasisuu dhabuu

Mallattoolee Kaansarii Ulaa Gadameessaa

Ø Dhangala'aan baramaa hin taane qaama saalaa keessaa yaa’uu
Ø Walqunnamtii saalaa booda qaamni saalaa dhiiguu
Ø Dhukkubbii yeroo walqunnamtii saalaa duraan hin jirre namatti dhagaa’amuu
Ø Marsaan laguu osoo hin dhufiin (yeroo malee) gidduutti dhiiguu, marsaan laguu sababa umuriin erga dhaabbatee booda qaamni saalaa deebi’ee dhiiguu
Ø Dhukkubbii garaa gara gadii mallattoowwan armaan olii kana waliin wal qabatee dhufu

Maloota Ittisa Kaansarii Ulaa Gadameessaa
¤Walqunnaamtii saalaa namoota hedduu waliin raawwachuu irraa of qusachuu
¤alaalli HPV (Human Papilloma Virus) talaalamuu
¤Qorannoo dhukkuba duraa (screening) yeroo yerootti taasisuu
¤Tamboo xuuxuu dhiisuu
¤Dhukkuboota biraa akka HIV/AIDS kan maadiinummaa qaamaa gadbuusan yoo qabaatan qoricha sirriitti fudhachuu.

08/01/2026

Nagelle Borana General Hospital... Expansion Design! Very attractive!

08/01/2026

Dhukkuba Daranyoo Sombaa (Tiibii)

Dhukkubni daranyoo sombaa dhukkuba daddarbaa baakteeriyaan dhufuudha. Irra caalaa sombaa keenya miidha.

Eenyyutu caalaatti saaxilama?
✓Daa’imman waggaa 5 gadi
✓Maanguddoota waggaa 64 oli
✓Namoota HIV/AIDS waliin jiraatan
✓Namoota dhukkubsataa Tiibii waliin jiraatan

Akkamitti namatti daddarba?
✓ Yeroo namni dhukkubicha qabu Qufa'uu karaa qilleensa nutti daddarba.
✓Aannaan beeyladaa osoo hin danfisin dhuguu

Karaalee Tiibiin ittiin hin daddarbine.
✓Nagaa wal gaafachuun
✓Uffata walii uffachuun
✓Waliin nyaachuun hin daddarbu

Mallattoolee dhukkuba Tiibii
✓ Qufaa torban lamaa ol namarra ture
✓Ho’a qaamaa
✓ Halkan halkan nama dafqisiisuu
✓Ulfaatinni qaamaa hir’achuu
✓ Miira dadhabbiifi fedhii nyaataa dhabuu

Akkamitti ofirraa Ittisna?
✓Mallattoolee asiin olitti jedhame yoo ofirratti ykn maatii keenya irratti argine dafne mana yaalaa deemuu.
✓Qoricha ogeessan nuuf ajajame guutuun guututti fudhachuu
✓Yeroo qufaanu ciqilee keenyan Afaan cufachuu
✓Yeroo qufaanu akkee bakkeetti tufuu dhiisuu
✓Kutaa jiraannu keessa qilleensi gahaan akka galu taasisuu.
✓Nyaata madaalamaa nyaachuu
✓Tamboo xuuxuu fi alkoolii dhuguu dhiisuu

Maatiin dhukkubsataa maal gochuu qaba?
✓Qoricha akka adda hin kutne hordofuu
✓Nama mallattoo asii olii kana qaban qorachiisuu
✓Manni jireenyaa keenya qilleensa gahaa akka qabaatu taasisuu.

Fayyaan Faaya
Waajjira Fayyaa Godina Boorana Bahaa

06/01/2026

Hordoftootni amantaa Kiristaanaa marti baga Ayyaana yaadannoo Dhaloota Iyyasuus Kiristoos kan bara 2018 geessan!

Of-eeggannoo yeroo ayyaanaa gochuu qabnu:

✓Nyaata haalan bilchaateefi qulqullina qabu nyaachuu.
✓Kuduraaf muduraa nyaachuu keenyan dura sirnaan miicuu/ qulqulleessuu
✓Nyaata Coomaa, sukkaaraafi soogidda of keesssaa qaban xiqqeessuu
✓Nyaata humnaa ol nyaachuufi alkoolii humnaa ol fayyadamuu dhiisuu
✓Qulqullina harka keenyaa eeggachuu ( Harka keenya sirnaan dhiqachuu)
✓Yeroo konkolaachisnu akkasumas daandii irra sochoonu of-eeggannoo taasisuu, dhugnee kankolaachisuu dhiisuu.

Hub:- Dhukkubbiin ykn balaan tasaa kamuu yoo nurra, maatii akkasumas ollaa keenya mudate dafnee gara dhaabbata fayyaa deemuu qabna.

Biiroo Fayyaa Oromiyaa

06/01/2026

Ergaa Baga Geessaanii Hoogganaa Waajjira Fayyaa Godina Boorana Bahaa Obbo Areeroo Biiqichaatiin Ayyaana Qillee sabababeeffachuun Hordoftoota Amantaa Kiristaanaatiif dabarsan.

Muddee 28,2018-Nageellee Booranaa
Hordoftoonni Amantaa Kiristaanaa Baga Ayyaana Qillee (yaadannoo Dhalachuu Gooftaa Yesuus Kiristoosiin) isin gahe.
Ayyaana yaadannoo Dhalachuu Yesuus Kiristoosiin Sababeeffachuudhaan Hoogganaan Waajjira Fayyaa Godina Boorana Bahaa Obbo Areeroo Biiqichaa Hordoftoonni Amantaa Kiristaanaa Biyya keessaa fi Biyya Alaa akkasumas Hawaasa Godina Boorana Bahaa fi Hoojjattoota Seektara Fayyaa Godinaa kaasee hanga Gandaatti jiran fi kan Seektara Birootiinis Baga Nagaan geettaan jechuudhaan ergaa dabarsanii jiru. Ayaanichi kan Milkii,Kan Jaalalaa, Kan Fayyaa, Kan Gamachuu Akka tahu ergaa isaanii dabarsanii jiru.

05/01/2026

HAALA JIREENYAA FAYYAALESSA (HEALTHY LIFE STYLE)

Yeroo ammaa kanatti dhukkuboonni hedduun kan dhufan sababa haala jireenyaa guyyaa guyyaan nuti hordofnuudhani. Sababoota kana to'achun salphaatti fayyaa keenya eeguu dandeenya.

1) Nyaata akaakuu (gosoota) garaagaraa soorachuu
✓Kuduraaf muduraa soorachuu
✓Nyaata waarshaa keessatti oomishaman soorachuu hir'isuu
✓Guyyaa guyyaan bishaan qulqulluufi gahaa ta'e dhuguu

2) Sochii qaamaa walitti fufiinsaan taasisuu
✓Guyyaatti daqiiqaa 30f sochii qaamaa taasisuu (deemsa miilaa, fiigicha sasalphaafi gosa Ispoortii kan biraa hojjachuu)
✓ Yeroo dheeraa iddoo tokko taa’uu dhiisuu
3) Hirriiba ga'aa rafuu
4) Sammuu keenyaaf boqonnaa kennuu (Wantoota Sammuu keenya dhiphisan irraa fagaachuu)
5) Tamboo xuuxuu dhiisuu
6) Alkoolii dhuguu hir'isuu
7) Qulqullina dhuunfaafi Naannoo keenyaa eeggachuu
8) Nyaata Soogidda, Sukkaarafi Cooma qaban hir'isuu

Fayyaan Faaya
Biiroo Fayyaa Oromiyaa

04/01/2026

Fayyaa Oborsoo.
Fooyya'iinsi Dhaabbilee Fayyaa Tajaajila Hammayyaa'aa fi Hawwataa Ta'e Dhugoomsuuf Gargaara.

Godina Boorana Bahaa Aanaa Walaabuu Lixaa Magaala Oboorsotti miira
tajaajiltummaa hawaasaa, wallaansa fi ittisa dhibee irratti hojjatamaa jiru dagaagsuuf inisheetivoota hojiirra oolaa jiran daran cimsuuf hojiin istaandaardii dhaabbilee fayyaa qulqullina tajaajila fayyaa fooyyeessuuf gahee guddaa waan qabuuf dhaabbileen fayyaa karoora addaa qopheeffatanii hojiirra oolchaa jiru.

Hojiirra oolmaan istandaardii fooyya’iinsa dhaabbilee fayyaa kenninsa tajaajila fayyaaf haala mijataa uumuudhaan yaadama dhukkuba ittisuu fi yaalanii fayyisuu irratti xiyyeeffatee hojjetamaa jiru dagaagsuun kaayyoo akka seektara fayyaatti qulqullina tajaajila fayyaa mirkaneessuuf qabame kan dhugoomsu dha.

Buufataaleen Aanaa keenyaa hundi dhaabbilee fayyaa keessatti hojiirra oolchuu kan eegalan yemmuu ta'u, buufatni fayyaa Oborsoo fi Warree kenninsa tajaajila fayyaa istaandaardii isaa Eeggate, tajaajila si'ataa, dhaqqabamaa fi hawwataa taasisuuf inisheetivii miidhagina iddoo hojii irraa kaasee hojii hojjatamaa jiruun bu'aa qabatamaa argamaa jiraachuu isaa Daayrekteroonni PHCU Oborsoo fi Warree
Ibsaniiru.

Istaandaardii dhaabbilee fayyaa fooyyessuuf qophaa’e kun;-
✅ Magariisummaa;- Miira Fayyaa fi Abdiin dhukkubsataa akka deebi’u taasisu,
✅ Qulqullina;- Qulqullini Fayyaa dhukkubsataaf barbaachisaa ta’e hojiirra akka oolu
✅ Diizaayinii walfakkaataa;- Dhaabbileen fayyaa Seensa, Haalluu, Bakka Simmannaa, walfakkaataa fi bakka suphaa meeshaalee akka qabaatan taasisuuf kan qophaa’e dhaabbilee fayyaa hunda keessatti hojiirra oolaa kan jiru dha.
!
# Hundi Fayyaadhaaf!