Waajjira Fayyaa Godina Boorana Bahaa

07/11/2025

05/11/2025

01/11/2025

30/10/2025

Oromia Health Bureau
Namoonni hedduun dhibee sukkaaraa osoo qabanii mallattoo waan hin argisiifneef of irratti hin beekani. Kana hambisuudhaaf, namootni dhibee sukkaaraaf akka of qorachiisan gorfamu kanneen armaan gadiiti:

1. Namoota ulfaatinni qaamaa isaanii olka’aa ta’e ykn BMI isaanii 25 kg/m2 ol ta’ee fi dabalataan kanneen armaan gadii keessaa haala tokko ykn isaa ol qaban:
a. Sochii qaamaa kan hin taasifne
b. Fira dhiigaa dhiyoo (kan akka haadha, abbaa, obbolaa fi kkf) yoo kan dhukkuba sukkaaraa qaban ta’e.
c. Dhukkuboota sirna onnee fi hiddoota dhiigaa beekame kan qaban yoo ta’e
d. Dhibee olka’uu dhiibbaa dhiigaa (≥ 130/90 mmHg) kan qaban
e. Dhibee olka’uu cooma ykn koolesteroolii (hypercholesterolemia) kan qaban.

2. Namootni umriin isaanii wagga 35 ga’e hunduu qoratamuu qabu, yoo bilisa ta’anis wagga sadi, sadiin itti deebanii ilaalamuu qabu.

3. Haadholii yeroo ulfaa dhukkuba sukkaaraa yeroo ulfaan (Gestational diabetes mellitus) qabamanii turan, yoo xiqqaate wagga sadi sadiin qoratamuu qabu.

4. Kanaan dura qoratamanii dhukkuba sukkaaraaf carraan isaan qaban olka’aa ta’uu ogeessa fayyaan kan itti himame jiru yoo ta’e/taate, yoo xiqqaate waggaa waggaatti qoratamuu qabu.

Odeeffannoo dabalaataaf: American Diabetes Association 2025.

Fayyaan Faaya

29/10/2025

Inshuraansii fayyaatiin lammiileen miiliyoona 63 ol fayyadamoo ta'aniiru - Ministira Muummee Abiyyi Ahimad (PhD)
************************

Ministirri Muummee Abiyyi Ahimad (PhD) ibsa Mana Marii Bakka Bu'oota Uummataatiif kennan irratti, lammiileen miiliyoona 63 ol fayyadamtoota Inshuraansii fayyaa ta'uu ibsaniiru.

Ministirri Muummee Abiyyi Ahimad (PhD) hojiiwwan hedduun damee fayyaa keessatti hojjetamaa jiraachuu ibsan.

Rakkoo dhiheessii qorichaa furuuf omishni biyya keessatti omishamaa jiraachuu eeraniiru.

Bitaa qorichaaf deeggarsi birrii biiliyoona 60 akka taasifamees ibsaniiru.

Baasii wal’aansa dhibbee Kaansariitiif birri biliyoona 60 mootummaan kan danda’u ta’uu kan eeran Ministirri Muummee Abiyyi Ahimad (PhD), damee fayyaa irratti invastimantii biyya alaa hawwachuufis tattaafatamaa jira jedhan.

xiyyeeffannoo addaa damee fayyaatiif kennameen Koolleejjii Miiliniyeemii Hospitaala Qiddus Phaawuloos keessatti wiirtuun siree kuma tokkoo ol qabu ijaaramuu isaa dubbatn.

28/10/2025

!

27/10/2025

Kenniinsa tajaajila fayyaa fooyyessuun itti quufinsa hawaasaa mirkaneessuu fi hawaasa fayya buleessa horachuuf hojjtamaa kan jiru ta'uun ibsame.

Onkoloolesa 17/2018;Nageellee Booranaa

Godina Boorana Bahaa Aanaa Madda Walaabutti Waajjirri Fayyaa anaaichaa fi dhaabbatni Reach Ethiopia wajjiin ta'uun qorannoo dhukkuba Sombaa hubannoo nam-tolcheetiin deeggarame taasisaa kan jiranidha.

Hubannichas Ogeeyyii olaannoo Waajjira Fayyaa Godina Boorana Bahaa irraa dhufan aanichatti argamuun bakka Itti Gaafatamaan Waajjira Fayyaa aanichaa Obbo Ahmadnuur Aadam arganitti hawaasni hubannoo fi qorannoo bilisaa gaggeeffamaa jira.

Tajaajilli kunis Raajii Ammayya'aa fi Dijitaalawaa bu'aan qorannichaa 'Artificial Intelligence' (AI)'n dubbifamu yemmuu ta'u, qorannoon dhukkuba daranyoo sombaa bilisaan kennamaa kan jiru akka ta'e Qindeesitoonni dhukkuba daranyoo Sombaa sadarkaa Waajjira Fayyaa Godinaa Boorana Bahaa Obbo Abarraa Siyyuum fi Obbo Waariyoo Diidaa wal duraa duuban ibsaniru.

Qindeesitoonni dhukkuba Daranyoo Sombaa sadarkaa Waajjira Fayyaa Godinaa Boorana Bahaa Obbo Abarraa Siyyuum fi Obbo Waariyoo Diidaa qorannoo Raajii Ammayyaa'aa kana hojirra oolchuun kenniinsa tajaajila fayyaa fooyyessuun itti quufinsa hawaasaa mirkaneessuu fi hawaasa fayya buleessa horachuuf hojjatamaa kan jiru ta'uu ibsuun; hawaasni aanichaa irraa fayyadamaa ta'uu akka qabu dubbataniru.

Qorannoo hanga ammaa gaggeeffameen hanga guyyoota 2'f sadarkaa gandootatti namoota 470 qorannoon gaggeefameen namoota 45 irratti dhibeen Daranyoo Sombaa kan mul'ate yoo ta'u, namoota 45 dhibeen raajichaan irratti argame keessaa namootni 17 qoricha dhibee Daranyoo Sombaa kan eegalchiifamanii fi namoonni hafan immoo qorannoo dabalataatiif gara Hospitaalatti kan ergaman ta'uus ragaa qorattootarraa argataniin Itti Gaafatamaan Waajjira Fayyaa aanichaa Obbo Ahmadnuur Aadam ibsaniru.