Dessie zurya tesema mekonin health center

21/09/2025

26/07/2025

24/07/2025

17/06/2025

15/05/2025

ሀገር አቀፍ የተቀናጀ የኩፍኝ በሽታ መከላከያ ክትባት ዘመቻ ተጀመረ

በደሴ ዙሪያ ወረዳከግንቦት 6 - 15/2017 ዓ.ም እድሜያቸውከ9 ወር እስከ 5 ዓመት የሚሠጠው ሀገር አቀፍ የተቀናጀ የኩፍኝ በሽታ መከላከያ ክትባት ዘመቻ የደሴ ዙሪያ ወረዳ ጤና ጽ/ቤት ሀላፊ አቶ መሀመድ አረጋ በደሴ ዙሪያ ወረዳ በተሰማ መኮነን ጤና ጣቢያ ስር በ016 ቀበሌ በመገኘት ክትባቱን አስጀምረዋል።

በተቀናጀ ክትባት ዘመቻውም ከ5 ዓመት በታች የሆኑ ህፃናት፣ አጣዳፊ የምግብ እጥረት ልየታ (ለህፃናት፣ ለአጥቢ እናቶች፣ ለነፍሰ ጡር እናቶች)፣ ከወሊድ ጋር የተያያዘ የተቀናጀ ተግባር ይከወናል

23/04/2025

✍️ #የጨጓራ #ባክቴሪያ

🔹🔹🔹🔹🔹🔹🔹🔹🔹🔹🔹

♥♥ #በቅንነት #ሼር #ያድርጉልን♥♥

⏩ #የጨጓራ ባክቴሪያ ወይም ሄሊኮባክተር ፓይሎሪ(Helicobacter pylori (H. pylori)) ወደ ሰውነታችን በመግባት የምግብ ትቦ ላይ እና ጨጓራ ውስጥ መኖር የሚችል ነው፡፡ ይህ ባክቴሪያ ሳይታከም ከቆየ አልሰር/ ቁስለት በጨጓራ ላይ እና በትንሹ አንጀት የላይኛው ክፍል ላይ እንዲፈጠር ያደርጋል፡፡ አለፈፍ ሲልም ካንሰርንም ሊያስከትል ይችላል፡፡

🔹 በጨጓራ ባክቴሪያ መያዝ በብዙዎች ላይ የሚያጋጥም የተለመደ በሽታ ቢሆንም ባክቴሪያው አንዳንድ ሰዎች ላይ ምንም ምልክት የማያሳይ፣ የቁስለት ሁኔታም የማይፈጥር ቢሆንም ብዙዎችን ግን ለከፍተኛ ለሕመም ይዳርጋል፡፡

⏩ #ባክቴሪው #እንዴት #ህመም #ይፈጥራል?

🔹 የጨጓራ ባክቴሪያ ወደ ሰውነት ከገባ በኋላ በጨጓራ ውስጣዊ አካል ላይ ጥቃት በመፈፀም ጨጓራችንን ተጋላጭ ያደርገዋል፤ ምክንያቱም ጨጓራችን ምግብ ለመፍጨት አሲድ ይጠቀማል፡፡ ይህ አሲድ በጨጓራ አካል ላይ ጉዳት እንዳያደርስ የሚያደርገው የጨጓራ ውስጣዊ አካል ነው፡፡ ይህ አካል ከተሸረሸረ ጨጓራችን ለአሲዱ የተጋለጠ ስለሚሆን ከፍተኛ ጉዳት ያደርሳል፡፡ ጉዳቱ የደም መፍሰስ ጨምሮ አካሉ እንዲቆስል፣ እንዲሁም የበላነው ምግብ እንዳይፈጭና እንዳይረጋ ሊያደርግ ይችላል፡፡

⏩ #ይህ #ባክቴሪያ #ከየት #ሊያገኘን #ይችላል?

🔹 የጨጓራ ባክቴሪያ ከምንበላው ምግብ፣ ከምንጠጣው ውኃና ከምንጠቀማቸው በባክቴሪው ከተበከሉ ቁሶች ሊያገኘን ይችላል፡፡ በሽታው አብዛኛውን ጊዜ ፅዳት በሚጎድልባቸው አካባቢዎች የሚከሰት ሲሆን ባክቴሪያው በምራቅ ንክኪና ባክቴሪያው ካለበት ሰው ጋር በሚኖር የፈሳሽ ንክኪ ሊተላለፍብን ይችላል፡፡

⏩ #የጨጓራ #ባክቴሪያ #ምልክቶች #ምንድን #ናቸው?

🔹 የሆድ መነፋት፤
🔹 ግሳት፤
🔹 የረሃብ ስሜት አለመሰማት፤
🔹 ማቅለሽለሽ፤
🔹 ማስመለስ፤
🔹 ቁስለት ከተፈጠረብን በሆዳችን የላይኛው ክፍል የማቃጠልና የመደንዘዝ ስሜት፤
🔹 ያለምክንያት ክብደት መቀነስ ሊታዩ ይችላሉ፡፡

⏩ #መቼ #ወደ #ህክምና #መሄድ #ይኖርብናል?

🔹 የሰገራ መጥቆርና ደም መቀላቀል ካለ፣
🔹 ለመተንፈስ መቸገር ካጋጠመን፣
🔹 ያለስራ የመልፈስፈስና የድካም ስሜት ከተጫነን፣
🔹 የቆዳ መገርጣትና ራስን የመሳት ሁኔታ ከታየብን፣
🔹 የተፈጨ ቡና የመሰለ ነገር የሚያስመልሰን ከሆነ፣
🔹 ከባድ የሆድ ህመም ካለን የጨጓራ ባክቴሪያ ሊሆን ስለሚችል መታየት አለብን፡፡

⏩ #ምርመራ

🔹 የኋላ ታሪክን በመጠየቅ
🔹 የትንፋሽ ምርመራ
🔹 የኢንዶስኮፒ ምርመራ

⏩ #ሕክምና

🔹 ጸረ - በክቴሪያ መድኃኒቶች
🔹 በጨጓራ ውስጥ አሲድ የሚረጩትን ጥቃቅን ቧንቧዎች በመዝጋት አሲድ የሚቀንሱ መድኃኒቶችን
🔹 የአመጋገብ ስርአት ማስተካከለል ይካተቱበታል፡፡

28/03/2025

ኖማ
ትኩረት የሚሹ ሀሩራማ በሽታ
____________

👉 ምንድን ነው?

ኖማ (Noma ) የአፍ እና የፊት አካላት ላይ ጉዳት የሚያስከትል በባክቴሪያ እና ሌሎች ማይክሮብዎች የሚከሰት ከባድ የጋንግሪን በሽታ ነው።

👉 ተፅእኖዎቹ

“ኖማ ከበሽታ በላይ ነው፤ የከፍተኛ ድህነት እና የምግብ አለመመጣጠን ምልክት ሲሆን የህም ለዚህ ተጋላጭ የሆኑ የህበረተሰብ ክፍልን የሚጎዳ ነው።” ዶ/ር ቴዎድሮስ አድሃኖም ገብረኢየሱስ፥ የዓለም ጤና ድርጅት (WHO) ዳይሬክተር ጀኔራል።

👉 የሚያጠቃቸው የህብረተሰብ ክፍሎች

በተለምዶ ከ2-6 ዓመት ዕድሜ ያላቸው፥ የተመጣጠነ ምግብ የማያገኙ፥ የበሽታ መከላከል አቅማቸው የተዳከመ፥ እንዲሁም የአፍ ጤና ችግር ያለባቸው ህፃናትን ያጠቃል።
የሞት መጠን (Case-fatality rate) ከ90% በላይ የሚገመት ቢሆንም፥ በሽታው ከታወቀ በአፍጣኝ ህክምና ማድረግ የህንን መጠን በከፍተኛ ሁኔታ መቀነስ እንደሚቻል ጥናቶች ያሳያሉ።
ከበሽታው የሚያገግሙ ህፃናት ብዙውን ጊዜ የፊት ላይ ቋሚ ጉዳት፥ የመተንፈስ ፥ የመብላት የመናገር እና የማየት ችግሮች ይኖራቸዋል፤ ይህም በማህበራዊ ሁኔታዎች መገፋት፥ መሰድብ እና የሰብዓዊ መብታቸው ጥሰት ያጋጥማቸዋል።

👉 ምልክቶች

• በመጀመሪያ የድድ እና የጉንጭ ላይ እብጠቶች ወይንም ቁስሎች ይከሰታሉ፣
• ቁስሎቹ መጥፎ ሽታ ወይም ጠረን ይኖራቸዋል፣
• ኢንፌክሽኑ ወደ ቆዳ ይዛመታል፣ እና በከንፈሮች እና ጉንጮዎች ውስጥ ያሉት ሕዋስ ይሞታሉ፣

👉 ህክምናዎቹ ምን ምን ናቸው?

• በሁሉም የኖማ ደረጃዎች ላይ አንቲባዮቲክስ , የቫይታሚን ኤ መድሃኒት እንዲሁም ከፍተኛ የፕሮቲን መጠን ያለው አመጋገብ ያበረታታል፣
• የተሃድሶ ቀዶ ጥገና (Reconstructive surgery) ወይም የፊት ቅርጽ እና ተግባርን ለመመለስ ያለመ ነው፣

👉መከላከያ መንገዶቹ
• በቂ እና የተመጣጠነ ምግብ ማግኘት፣
• ጥራት ያለው የጤና አገልግሎት ማግኘት፣
• እንዲሁም ጤናማ የአፍ ጤና አጠባበቅ ልማዶችን እንዲተገብሩ ማድረግ አስፈላጊ ነው።

Website: moh.gov.et
Facebook: Ministry of Health,Ethiopia
Twitter: x.com/fmohealth
YouTube: youtube.com/
Tiktok: tiktok.com/
Telegram: https://t.me/M0H_EThiopia