Dr.Ismail Fedlu

22/09/2023

DHUKKUBA NERVII
Dhukkubni narvii gosoota hedduu fi bal'aa of keessa qaba. Kana keessaa garuu kan yeroo baay'ee nama dhibuu fi kanan har'a kaasuu barbaade dhukkuba narvii kan gara alaa (peripheral neuropathy) kan jedhamudha.
Dhukkubni kun erga nama qabatee mallattoo akkamii argisiisaa?
✍Qaama keenya keessumaa miilaa fi harka keenya gubuu
✍Miira gara garaa kan akka dhukkubbii qaamni keenya dabarsuu dadhabuu ykn hadooduu.
✍Dhukkubbiin akka waraansa miila fi harka keessaa nama dhukkubuu
✍Qaamni keenya keessumaa miilaa fi harki keenya humna guutuun socho'uu dadhabuu ykn nuuf abboomamuu diduu.
✍Dhukkuboota kana yeroo hedduu maaltu nutti fidaa?
✍Dhukkuboota biroo keesumaa dhukkuba sukkaaraa
✍Hir'ina nyaataa keessumaa vitaaminoota B1 B6 B12
✍Sanyiidhaan ykn genetics
✍Alkoolii hedduu dhuguu
✍Miidhama qaamaa kanneen akka kufaatii, caba fi kkf kan narvii qaama keessaa kutuu cafaquu fi miidhuu danda'an.
✍Cafaqamuu (compression) narvii qaama keessaa kan sababa gara garaa akka dhukkuba dhiitaa qaama keessaa fi miidhama alaan nurra ga'urraa dhufu
✍Qorichoota dhukkuba biraaf fudhataman kan akka kaanserii; HIV fi kanneen biroo
Akkamiin ofirraa ittisuu ykn gargaaruu dandeenyaa
🙏Boqonnaa ga'aa fi sochii qaamaa ga'aa walitti fufaa ta'e gochuudhaan
🙏Nyaata madaalamaa ta'e haga dandeenye keessumaa kuduraaf muduraa nyaachuu qabna.
🙏Alkoolii kan dhugnu yoo ta'e xiqqeessuu ykn dhaabuu
-🙏Dhukkubsataa/ttuu sukkaaraa yoo taane qoricha nuuf kennamu seeraan fudhachuun giluukoosii qaama keenya keessaa bakka barbaadametti eeguu
🙏Dhangala'aa ga'aa dhuguudhaan hirriba ga'aa rafuu
🙏Yoo kana hundaan nutti fooyya'uu baate gara mana yaalaa deemuun qoricha fudhachuu qabna.
FAYYAA TAHAA!

22/09/2023

Infeekshinii Ujummoo Fincaanii (UTI) dhiirota irratti

Infeekshiniin ujummoo fincaanii (UTI) dhiirota ga’eessota irratti mul’ata. Umurii waggaa 50 booda, dhukkubni isaanii tartiibaan dabalaa deema. Ramaddiin UTI dhiirota ga’eessotaa dhimmoota, dhukkuba piroostaatii, epididymitis, orchitis, pyelonephritis, cystitis, urethritis, fi kateeterii fincaanii dhukkuba kanaan qabame of keessatti qabata. Sababa ittisani ujummoo fincaanii dhiiraa hedduu waan ta’eef, infekshiniin akkasii kamiyyuu yeroo baay’ee rakkoo anatoomii (caasaa) wajjin kan walqabatu yoo ta’u, yeroo baay’ee sirreeffama baqaqsanii hodhuu barbaachisa.

Mallattolee
Dhiirota UTI qaban irratti gubaan fincaani komii ijoo baay’inaan mul’atuudha. Walumaagalatti dhibee fincaani
● guyyatti yero baay’e fincaanuf daddeebi'u (urinary frequency)
● ariifannaa fincaanii (urinary urgency)
● fincaanuf jalqabni cimaan ta'u ( hesitancy )
● fincaan dhangala’uu ( urinary dribbling )
● suuta yaa’uun ( slow stream)
● fincaan diima ta'u
● dhukkubbi cinaacha ( flank pain
● ho'a qaamaa fi qorra ( fever and chills)
● iita'u cidhaani (scrotal swelling)

mallattoolee armaan olii yeroo arginu dhaabbata fayyaa dhiyeenya jiru daawwachuu qabna.

waan dubbiftaniif galatoomaa. gorsaa fi odeeffannoo fayyaa argachuuf page kana like fi follow godhaa. akkasumas hiriyoota keessanii fi maatii keessaniif share gochuu hin dagatinaa.

Abdulkarim
ogeessa fayyaa waliigalaa.
Fayya hin dhabinaa!

12/08/2022

11/08/2022