Harme Clinic/Harar

21/04/2026

Harme Clinic/Harar

21/04/2026

VITILIIGOON: Yaala qabaa? Ni daddarbaa?
******************************
Dhukkubni kun vitiliigoo jedhama, halluu gogaa namaa addeessudhaan nama huba. Kunis seelonni gogaa namaa kan halluu oomishan kan melanocytes jedhaman yoo dudu’an yokaan yoo hojii dhaabanidha. Dhukkubni kun waltuttuquudhaan namarraa naatti HIN DADDARBU! Lubbuu galaafachuuf kan ga’us miti, garuu miidhagina balleessuudhaan ofitti amantummaa namaa miidhuu danda’a.
YAALA
1. Qorichaan: Vitiliigoo qorichaan guutummaatti yaalaan balleessuun yeroo baay'ee kan hin danda'amne yoo ta'u, akka hin babballanneef, yoo danda'ame ammoo akka xiqqatuuf qorichi ni kennama. Qorichi kennamu kunis haga babbal'ina vitiliigoo kanaa irratti hundaa'uun kan dibatamu ykn liqimfamuudha. Sana ogeessa fayyaatu adda baasee ajaja.
2. Yaala baqaqsanii yaaluu: kunis gogaa bakka seelota vitiliigoo kanaan hin hubamiin irraa fuudhanii bakka hubame kanatti suphuun yaaluudha.
*********************************************
FAYYAAN FAAYA
Dr Gurmesa

20/04/2026

DHIBEEN TIRUU MALLATTOOLEE AKKAMII AGARSIISA?
==========================================
Amala tiruu nama dinqu keessaa miidhaan ol'aanaa tahe hanga irra gahuutti tajaajila waan hin dhaabnef mallattoo dhukkubaa tokko osoo hin mul'isin turuu dandeetti. Wantoonni tokko tokko garuu yeroo gabaabaa keessatti tiruu haalan miidhun tiruu dadhabsiisuu fi xaxaalee walqabatan biroo qaqqabsiisuu danda'u. Fkn paaraasitaamoolii heddummeessanii bakka tokkotti fudhachuu fi infeekshinii vaayiraasii tiruu jarjarsaa.
Haa ta'u malee irra hedduun dhibee tiruu kan suuta suuta tiruu madeessan waan taheef tiruun yeroo dheeraf irra deddeebin madaayaa yoo fayyite qoqoncoorun gogdee tajaajila kennitu hir'isti. Kunis Liver cirrhosis jedhamuun yoo beekkamu sadarkaa kanatti tiruun akka barbachisutti tajaajila kennuu waan dadhabduuf mallattoleen garagaraa mul'achuu eegalu.

✍️ Mallattoolee dhibee tiruu agarsiisan keessaa muraasni:-
📌 Dadhabbii garmalee
📌 Lollooccii/ol guuruu, Ol deebisuu ykn haqqisuu
📌 Fedhiin nyaataa gadi bu'uu
📌 Halluun sagaraa/boolio jijjiiramuu (daalachaayuu ykn dhiiga makachuu)
📌 Halluun fincaanii gara bifa kookaa/shaayiitti jijjiiramuu
📌 Qaamni guutummaa guutuutti hooqsisuu
📌 Garaan nama dhiita'uu fi dhukkubuu
📌 Halluun ija keenyaa gara keellootti jijjiiramuu
📌 Ulfaatinni qaamaa hir'achuu, garmalee huqqachuu.
📌 Dhiiga haqqisuu fi kkf.

==========================================
DHIBEEN TIRUU WAL'AANSA NI QABAA?
==========================================
Dhibeen tiruu dhibee wal'anuu hin danda'amne yaadni jedhu ilaalcha irra hedduu hawaasaa biratti beekkamuudha. Keessattuu mallattolee olitti tarreesse san keessaa muraasa ofirratti arguun dhibee tiruu tahuu danda'a jedhanii yoo shakkan dhukkuba simbiraati jechuun akka mana yaalaa hin geessine wal gorsu. Kanaaf dawaa habashaa malee haakimni homaa hin godhu jechuun tiruu duraahuu miidhamtee jirtu dawaa habashaa itti guuranii ajjeesu. Kuni dogongora guddaa sirraahuu qabuudha.

Wal'aansi dhibee tiruu gosaa dhibee sanaatii fi sadarkaa miidhaa tiruu irra gahee irratti hundaa'a.

📌 Infeekshinii vaayiraasii tiruu. Irra hedduun dhibee vaayiraasii tiruu kan yeroo murtaa'ef turuu fi ofumaan badu yoo ta'u isaan kanniin yeroo sanitti wal'aansa deeggaroo ta'anii fi tiruu boqachisan fudhachuun gahaadha. Gosoota vaayiraasii tiruu kan qaama keessa turanii fi lafa jala (suuta suuta) tiruu miidhan, Hepatitis virus B fi C kan jedhamaniif dawaa yeroo dheeraf fudhatamu kan vaayiraasii kanniin qaama keessaa balleessu fudhachuun osoo isaan miidhaa ulfaataa hin qaqqabsiisne fayyuun ni danda'ama.
📌 Dhibee tiruu dhugaatii Alkohoolii waliin walqabatee dhufu dhugaatii dhaabuun akka tiruun fayyituu fi daran hin miidhamne ni taasisa. Kan kuufama coomaatin dhufus akkasuma nyaata coomaa fi kaalorii guyyatti fudhannu hir'isuun, nyaata faayiberii qabu heddummeessuunii fi ulfaatina hir'isuun ni gargaara.
📌 Kalladdoo fi Kaansarii tiruus sadarkaa inni irra jirurratti hundaayun wal'aansa qorichaa ykn baqaqsaatin yaalun ni danda'ama.

✍️ Miidhaa yeroo gabaabaa fi hatattamaanis tahee kan yeroo dheeratin tiruun garmalee kan miidhamtee yoo taate tiruu san baasun kan nama biraatin bakka buusun ni danda'ama (Transplant)(Har'atti biyya keennatti ulfaataa fakkaatus gama fuulduratti filannoo isa biraati).

==========================================
DHIBEE TIRUU OFIRRAA ITTISUUN NI DANDA'AMAA?
==========================================
Irra hedduun dhibee tiruu kan ittisuun danda'amu yoo ta'u innis wantoota tiruu keenna miidhan irraa of eeguudhaani.
✍️ Infeekshinii vaayiraasii tiruutif haalota nu saaxilan irra of eeguu.
📌 Saalqunnamtii of eeggannoo hin qabne irraa of qusachuu
📌 Meeshaalee qara qaban waliin itti fayyadamuu dhabuu.
📌 Haadholii ulfaatif qorannoo gochuun yoo vaayiraasichi itti argame akka daa'imaatti hin darbine dawaa fudhachuu.
📌 Qorannoo gochuun yoo vaayiraasichi nu keessa hin jiraanne talaallii fudhachuu (Hep B Vaccine).
✍️ Alkohoolii guyyatti fudhannu hamma isaa xiqqeessun.
✍️ Jijjirama nyaataa fi haala jireenyaa gochuu — nyaata coomaa fi sukkaara heddu qaban xiqqeessu, foon diimaa nyaachuu xiqqeessu, nyaata faayiberiin badhaadhan soorachuu, Sochii qaamaa dhaabbiidhan hojjachuu.
✍️ Qoricha aadaa fi kan ammayyaa hamma barbaachisuu ol fudhachuu dhabuu (Kan ammayyaa fudhachuu dura Ogeessa mariisisuu).
==========================================

Galatoomaa!
Fayyaaf Nagaa Hin Dhabinaa!

20/04/2026

Bishaan gahaa dhuguu hin dagatiin! 💧
Qaamni keenya bishaan irratti hundaa’a—akka sirriitti hojjatuuf guyyaatti yoo xiqqaate bishaan birciqoo 6–8 dhuguu yaali. Kun gogaa kee bareecha, dadhabbii hir’isa, akkasumas sirna Nyaataa fooyyeessa.

👉 Yaadachiisa: Yeroo ho’a keessa jirtu yookiin hojii cimaa hojjettu, bishaan dabalataa dhuguu qabda.
Fayyaan bu’uura jireenyaatti—of eegi! 🌿

20/04/2026

Akkaataa yaaddoo ykn sodaa of irraa ittisnu
*********************************************
1. Waa'ee yaaddoo(rakkina)keetii dubbadhu. Hiriyaa jaallattu mariisisi
2. Bashannanuu shaakali. Karaa sammuukee dhiphina sana keessaa baaftu fayyadami
3. Qilleensa dheeraa baafadhu
Boqonnaa yeroo gabaabduufi hafuura dheeraa(jalaa kaasanii hamma oliitti) baafachuun dhiphinakee irraa si boqochiisa.
4. Sirriitti nyaadhu.
Guyyaa kee ciree gaarii nyaachuun eegali. Biqiltoota fayyadamuun aarii qabbaneessa.
5. Garee gargaarsaa barbaadi.
Muuxannoo namoota kaanii irraa barumsa baay'ee argatta. Isaanis rakkinakee si hubatu.
6. To'annoo yaadaa
Yeroo yaadonni si yaaddessan gara gola sammuukee dhufan "Waawuu" jedhii waan biraa yaaduu ykn dalaguu eegali.
Fknf, kitaaba qulqulluu, xiinsammuu, onnachiisaa, asoosama garaagaraa dubbisi. Yaaddookee achi keessa dhokfatta.
7. Sammuukee hojiidhaan akka qabamu godhi. Hojii malee taa'uun yaaddoo namatti hammeessa.
8. Hariiroo uumaakee waliin qabdu jabeessi!

20/04/2026

Maloota daa'imman qaruutee godhuuf gargaaran
-------
1. Waggaa 1 fi baatii 6 dura TV ilaalchisuu dhabuu

2.Kitaaba isa fuulduratti dubbisi! Oduma waan ati dubbiftu hin hubannellee fakkiilee kitaabarra jiru baayyee jaalatu!

3. Hammachuu- daa'imatti tasgabbii fi nageenyi akka itti dhagahamu godha! Sammuu nagaa arkatteetu waa barata

4. Taphachiisi

5. Fuula isaa keessa laalaa haasawi- Daa'imni yeroo si laalu hunda miimoorii( yaadannoo) qabaachaa waan deemuuf miira ibsannaa fuula keeti laaftutti hubataa deema

6. Waan itti oolte himuufi
Hanguma daa'ima kee waa hedduu itti haasoftu dandeettiin sammuu isaa guddataa deema! Akka qorannoon agarsiiftutti daa'imman umriin isaanii osoo waggaa 3 hin guunne duratti jechoota hedduu warra isaanittirra baratan IQ isaa daa'imman kaan caala

7. Sagalee giddugaleeysaan itti haasawuu- daa'ima dhawwaaqanii baareeysuun sirrii miti!

8. Sagalee olkaasii lakkaawi- isaan fuulduratti hoggaa waa lakkooftu sagalee ol fuutee lakkaawuu

9. Qubaan akeekaa dubbachu- hoggaa waa dubbachuu feete waan dubbachaa jirtutti quba qabdee yoo dubbatte akka daa'imni dafee waa baru gooti

10. Harma sirritti hoosisuu fi baati jaha booda nyaata madaalamaa nyaachisuu!
Fayyaa hin dhabinaa

Written by:Dr.Abdulfetah Ibrahim

20/04/2026

Fedhiin nyaataa daa’immanii maaliif hir’achuu danda’aa?

✓ Utaalloo yoo qabaatan.
✓ Infeekshinii garagaraa afaan keessaa yoo qabaatan.
✓ Madaa afaan keessaa yoo qabaatan.
✓ Hir’ina dhiigaa sababa garagaraan dhufu.
✓ Maxxantuulee mar’immaanii.
✓ Dhukkuboota biroo kan daddarbanis tahu hin dabarreen.
✓ Wantootni xiinsammuu isaanii jeequ mataa gidduutti yoo uumamu.
✓ Garaa kaasaa fi dhukkubbii garaa keessaa kan biroo fa’a.

Waan maatiin taasisuu qabu:-

© Sababa isaa adda baafachuuf hakiima daa’immanii mariisisuu.
© Sababni adda yoo bahe hanga yaala sana argatutti suuta suutaan waan deebihuuf obsaan eeguu.
© Dirqiidhaan kennuu fi dheekkamsa irraa of qusachuu.
© Nyaata gosa gara garaa fi filannoo isaanii eeguudhaan qopheessuu.
© Hanga xiqqoo fi yeroo yerootti irra deddeebuun kennuun akka fudhatan gochuu fa’a.

:- Daa’imman umurii waggaa 1- 4 gidduu jiran haala guddina isaanii waliin wal qabatee fedhiin nyaataa isaanii yeroo yerootti jijjiiramuu danda’a. Sababni isaas yeroo hedduu taphaa fi naannoo isaanii abuuruu irratti waan xiyyeeffataniifi.

Fayyaan Daa’immaniif!

19/04/2026

Today's winner is MohamedNor Mohmed

Torbaan dhufu walitti deebina

🎁 BADHAASA ADDAA! 🎁

Manchester City🆚 Arsenal ⚽️

Mee eenyutu sirriitti tilmaama? 🤔

👉 Namni bu’aa tapha kana sirriitti dursee barreesse
🎁 Badhaasa Kaardii Aabbaa Qarshii 500 argata!

👇 Tilmaama kee comment jalatti barreessi

🎯 Seerota dorgommii:
📝 ➤ Tilmaama keessan comment jalatti barreessaa
⏰ ➤ Taphni jalqabamuu dura tilmaamuun dirqama
👤 ➤ Namni tokko tilmaama tokko qofa barreessuu danda’a
❌ ➤ Erga barreessitan booda edit gochuun hin danda’amu

🏆💥 Hirmaadhaa, badhaafamaa ta’aa! 💥🏆

🏃‍♂️💨 Carraan keessan isin eeggachaa jira!

🏥 Kilinika Harmee
📍 Magaalaa Harar waajjira Aanaa Shankoor fuuldura
📞 +251956583109
━━━━━━━━━━━━━━━

💬 ❤️ Like 👍 | Share 🔄 | follow 💾

​

19/04/2026

🩸 "Abbootiin keenya dhiiga isaaniitiin biyya ijaaranii nuuf dabarsan;
💪 nuti ammoo dafqa keenyaan Itoophiyaa🇪🇹 ijaaruu ni dandeenya."

— Muummicha Ministeeraa Abiy Ahimad (Dr.)🇪🇹

18/04/2026

🎁 BADHAASA ADDAA! 🎁

Manchester City🆚 Arsenal ⚽️

Mee eenyutu sirriitti tilmaama? 🤔

👉 Namni bu’aa tapha kana sirriitti dursee barreesse
🎁 Badhaasa Kaardii Aabbaa Qarshii 500 argata!

👇 Tilmaama kee comment jalatti barreessi

🎯 Seerota dorgommii:
📝 ➤ Tilmaama keessan comment jalatti barreessaa
⏰ ➤ Taphni jalqabamuu dura tilmaamuun dirqama
👤 ➤ Namni tokko tilmaama tokko qofa barreessuu danda’a
❌ ➤ Erga barreessitan booda edit gochuun hin danda’amu

🏆💥 Hirmaadhaa, badhaafamaa ta’aa! 💥🏆

🏃‍♂️💨 Carraan keessan isin eeggachaa jira!

🏥 Kilinika Harmee
📍 Magaalaa Harar waajjira Aanaa Shankoor fuuldura
📞 +251956583109
━━━━━━━━━━━━━━━

💬 ❤️ Like 👍 | Share 🔄 | follow 💾

​