Daryeelka Caafimaadka

08/03/2026

Dagaalkii 3-aad ee Aduunka 🚀✈️

08/03/2026

Dagaalkii 3️⃣aad ee Aduunka 🚀✈️ waa lagu jiraa see more...

07/03/2026

Xilliga uurka (wallaca) 😁

07/03/2026

Kafeega ☕🧠✅️

Check out Ahmed MediCo’s video.

06/03/2026

Dhisidda jidhka waxaa door muhiim ah ka ciyaara cuntooyinka borotiinka leh.

01/03/2026

As-salaamu Calaykum wa rahmatullaahi wa barakaatuh.

❓Bal aan isweydiino su’aalo muhiim ah:
⬇️
1. Yaa maqlay hadalka jidhkiisa?
2. Maxay tahay sababta jidhku u hadlo?
3. Sidee loo dhageystaa jidhka?
4. Miyey muhiim u tahay caafimadkeenna?
5. Maxaa dhacaya haddii aan iska indho-tirno?

🔝Su'aalahan oo dhan wan ka soo jawaabi doonaa inshaa Allah.

Follow garee Page-ka Daryeelka Caafimaadka🙏

28/02/2026

Digirta waxaa lagu tiriyaa cunno faa’iidooyin badan xambaarsan, haddana la awoodi karo in la helo.

Digirta waxaa loo yaqaannaa “𝒉𝒊𝒍𝒊𝒃𝒌𝒂 𝒔𝒂𝒃𝒐𝒐𝒍𝒌𝒂” sababtoo ah waxay leedahay nafaqooyin u dhigma hilibka oo jidhka u muhiim ah.

Digirta waxaa laga helaa ilaa 20 walxood oo nafaqo ah, kuwaas oo kala ah: fitamiin C, fitamiin K, fitamiin B1, fitamiin B2, fitamiin B6, folic acid, kaalshiyam, bir, magniisiyam, fosfayt, bootaasiyam, zink, kobber, sleniyam, dufanka omega‑3, omega‑6, borotiin iyo tamar. Dhamaan walxahaas ayaa ah nafaqooyin muhiim u ah caafimaadka.

Intaas ka dib, faa’iidooyinka digirta ee jidhka waxaa ka mid ah:

1. Sun‑saarid (antioxidant)
2. Hagaajinta dheefshiidka
3. Dhisidda lafaha iyo murqaha
4. Ka hortagga dhiig‑yaraanta
5. Xoojinta xasuusta
6. Adkaynta lafaha iyo ilkaha

Sidoo kale Digirtu waxay yaraysaa baruurta aan jidhka faa’iido u lahayn, sidaas awgeedna waxay hoos u dhigtaa cudurrada ku dhaca wadnaha.

Digirtu waxay ka mid ahayd cuntooyinka ay Soomaalidu aad ugu dadaali jireen, gaar ahaan xilliga cashada, caafimaad badanna way ka heli jireen. Laakiin hadda, waxaad mooddaa in isticmaalkeedu ku sii yaraanayo magaalooyinka. Inkastoo waalidiintu badanaa og yihiin faa’iidada ku jirta, haddana nacaybka digirta wuxuu inta badan ka yimaadaa carruurta iyo dhalinyarada. Waxaa kale oo jira dad badan oo aaminsan in cunista digirta aysan ka mid ahayn ilbaxnimada. Taasi ayaa sabab u noqotay in aan lagu darin liiska cuntooyinka laga dalbado maqaayadaha, maadaama dalabkeedu yaryahay.

Daryeelka Caafimaadka ✅️

28/02/2026

Uurka iyo Foolik Aysidh (Vitamin B9)
──══════ 👇══════───
Asalaamu Calaykum? Bal aan idin waydiiyo, yaa maqlay magaca 'Foolik Aysidh'? Maxayse tahay waxa ay qabato? Ma ogtahay in ay muhiim u tahay haweenka uurka leh? Maanta waxaan idiin sheegi muhiimada ay leedahay nafaqadan la yiraahdo "Foolik Aysidh'.

1. Waa Maxay Foolik Aysidh?

Foolik Aysidh, oo sidoo kale loo yaqaano Vitamin B9, waa nafaqo muhiim ah oo jidhkaagu u baahan yahay si uu u sameeyo unugyo cusub.

Tusaale fudud:
Bal u malayso dhagaxa aasaaska guriga. Sida uu dhagaxa aasaasku muhiim ugu yahay in gurigu si fiican u taagnaado, Foolik Aysidh-na wuxuu muhiim u yahay:

- ➡ Samaynta unugyada dhiigga cas (waxay ka hortagtaa dhiig-yaraanta).
- ➡ Koritaanka mandheerta (xubinta isku xirta hooyada iyo ilmaha).
- ➡ Tan ugu muhiimsan waa horumarinta maskaxda iyo neerfaha ilmaha uurka ku jira.

2. Maxay Muhiim u Tahay Foolik Aysidh?

Maxay tahay sababta dhakhaatiirtu ugu taliyaan in la qaato kaniiniga Foolik Aysidhka? Waa sababaha soo socda:

✍🏽 Ilaalinta Maskaxda iyo Laf-dhabarka Ilmaha. Tani waa faa’iidada ugu weyn ee Foolik Aysidhka. Waxay ka hortagtaa cillado halis ah oo ku dhaca neerfaha ilmaha, sida: Spina Bifida – (lafdhabarku si fiican uma xidhmo) iyo Anencephaly – (maskaxdu si buuxda uma samaysanto).

· Fiiro gaar ah: Qaadashada Foolik Aysidhka waqtigeeda waxay hoos u dhigi kartaa halista cilladahaan ilaa 70%.

✍🏽 Foolik Aysidhku wuxuu door muhiim ah ka ciyaaraa samaynta unugyada dhismaha jidhka ilmaha, mandheerta, iyo xitaa ka hortagga cilladaha wadnaha iyo faruurta kala go’an (bishimaha).

✍🏽 Sidoo kale waxay muhiim u tahay caafimaadka hooyada oo waxay ka hortagtaa nooca dhiig-yaraanta la yiraahdo (anemia) taasoo keeni karta daal iyo tabar-darro. Sidoo kale waxay yaraynaysaa halista ilmaha dhiciska ah ama dhalashada degdegga ah.

3. Goorma iyo Immisa La Qaataa? (Qiyaasta)

Waxaa muhiim ah in haweeneydu bilowdo qaadashada Foolik Aysidh kahor uurka iyo bilowgiisa h**e.

🍭 Immisa La Qaataa? (Qiyaasta 💊)

-► Hooyada uurka leh – waxay u baahan tahay qiyaastii 600 mcg (microgram) maalin kasta.
-► Haweenka aan uurka lahayn ama ka hor uurka – waxaa lagu talinayaa 400 mcg maalin kasta.
-► Dhawrka bilood ee h**e waa waqtiga ugu muhiimsan ee maskaxda ilmaha samaysmayso.
-► Haddii hooyadu h**ey u soo martay uur uu ilmuhu ku lahaa cillad neerfaha, waxay u baahan kartaa qiyaas aad u sarreysa (tusaale ahaan 4000 mcg), laakiin talo dhakhtar xirfadle caafimaad ayaa lagama maarmaan u ah xaaladaha gaarka ah.

4. Maxaa Dhici Kara Haddii Aan La Helin Foolik Aysidh?

Haddii Foolik Aysidh-ku jidhka hooyada ka yaraado, waxaa dhici kara dhibaatooyin halis ah, oo ay ka mid yihiin:

→ Cilladaha neerfaha ee h**e loo soo sheegay.
→ Dhiig-yaraan daran oo ku dhacda hooyada.
→ Dhalasho ka hor xilligeedii (premature birth) ama ilmaha oo ku dhasha miisaan hoose (low birth weight).
→ Dhicis ama mandheerta oo ka go'da ilma-galeenka (placenta abruption).

Sidaa darteed, yaraanta Foolik Aysidh-ka waa arrin caafimaad oo laga digtoonaado si looga hortago dhibaatooyinka aan kor ku soo xusnay.

👉 Fiiro gaar ah: Nafaqadan jidhku iskama soo saaro, waa inaad ka heshaa cuntada (sida khudaarta cagaaran, digirta) ama kaniiniyo dheeri ah (supplements).

🙏 Fadlan garee oo la wadaag Asxaabtaada.
Daryeelka Caafimaadka

28/02/2026

Naasnuujinta iyo faa’iidada ay leedahay see more..

28/02/2026

Asalaamu Calaykum? Bal aan idin waydiiyo, yaa maqlay magaca 'Foolik Aysidh'? Maxayse tahay waxa ay qabato?

27/02/2026

Nimcooyinka Eebbe waa kuwa aan la koobi karin.
Mid walba oo aan haysanno waa hadiyad qiimo leh.

☞ Si nabad ah ayaad u kaadisaa! Laakiin waxaa jira kuwo badan oo aan kaadin karin haddii aysan haysan tuubada kaadida.
☞ Si nabad ah ayaad seexataa oo u toostaa! Laakiin waxaa jira kuwo aan seexan karin haddii aysan liqin kiniinka hurdada.

☞ Si nabad ah ayay calooshaadu u shaqaysaa oo suuliga ayaad u gashaa! Laakiin waxaa jira kuwo badan oo aan saxaroon karin iyagoo aan liqin kiniin.

☞ Nolol nabadgelyo ah ayaad ku nooshahay adigoon qaadan wax daawo ah! Laakiin dadka qaar, haddii ay ka tagaan daawada maalinlaha ah, noloshooda oo dhan halis weyn ayay gali kartaa.

☞ Cagahaaga ayaad ku baxdaa oo ku soo noqotaa. Laakiin waxaa jira kuwo aan taas awoodin oo ay dad kale ka qaadaan guriga dibna ugu soo celiyaan!

Nimcooyinka 𝗘𝗲𝗯𝗯𝗲 inagu deeqay haddii la tiriyo ma dhammaan karaan. Haddaba hal mar dhaha "𝘼𝙡𝙝𝙖𝙢𝙙𝙪𝙡𝙞𝙡𝙡𝙖𝙖𝙝" oo Rabbiga u mahad celiya!!

Ahmed MediCo 📖
Daryeelka Caafimaadka ✅️

25/02/2026

XARKAHA WADNAHA 🫀
◉──══════ ═════───◉
Gudaha wadnaheena waxaa ku jira xarko iyo muruqyo yaryar kuwaas oo hubiya in dhiiggu u socdo jihada saxda ah.
Muruqyadan yaryar ee wadnaha waxaa la yiraahdaa papillary muscles. Waxay ku yaallaan gudaha labada qol ee wadnaha (ventricles) — midig iyo bidix labadaba, kuwaas oo door muhiim ah ka ciyaara ilaalinta jihada saxda ah ee dhiigga, iyagoo ka hortagaya in valves-ka wadnuhu dib u furmaan oo dhiiggu dib ugu soo laabto qolalka sare ee wadnaha (atria).

🔹 ️Muruqyadan waxay ku xidhan yihiin valves-ka mitral iyo tricuspid iyagoo adeegsanaya xadhko la yiraahdo "chordae tendineae".

🔹 ️Xarkahan ayaa jiida tuubooyinka wadnaha si ay uga ilaaliyaan inay si khaldan u furmaan— waxayna u dhaqmaan sidii fiilooyin badbaado, kuwaas oo ka hortaga in valves-ka wadnaha ay dumaan. Sidoo kale muruqyadan waxay kaa caawinayaan in wadnahaagu mar kasta uu garaacmo.

Nidaamkani waa tusaale cajiib ah oo muujinaya sida qaybaha yaryar ee jidhkeenna ay u leeyihiin shaqooyin aad u muhiim ah oo nidaamsan. Waxay ka mid yihiin muruqyada ugu muhiimsan ee ka shaqeeya ilaalinta socodka dhiigga ee hal-jihada ah ee wadnaha.

Subhanallah فَبِأَىِّ ءَالَآءِ رَبِّكُمَا تُكَذِّبَانِ

Muhiimadda caafimaad: Haddii muruqyada papillary ay dhaawacmaan ama dillaacaan, waxay keeni karaan dhibaatooyin halis ah sida xaalad loo yaqaan valve prolapse ama daadin dhiig ah oo aan caadi ahayn.

Alxamdulillah – ilaahay baa mahad iska leh!

garee
Follow dheh Daryeelka Caafimaadka