23/08/2021
DOORASHADII DEEGANKA OO MARKALE DIB U DHACDAY IYO GOOBO LAGU NOQONAYO DIWAAN GALINTA CODBIXINTOODA.
Komishinka Doorashoyinka Itoobiya ayaa shaaciyay in sabbabo jira awgood Doorashadii Deeganka dib loogu dhigay,waxaana doorashada goobihii dhimanaa la qaban doonaa 20-Meskerem(30-September).
Komishinka doorashoyinka dalka ayaa go'aan kasoo saaray goobihi xisbiyada mucaradku cabashada kaararka codbixinta ka muujiyeen ee baadhitanku ku socday.
Waxaana goobihii cabashadu ka timid loo kala saaray saddex qaybood oo kala ah;
1) Goob Doorashoyin Guud Ahaan Lagu Noqonayo.
Labba goob doorasho oo kamida 23-kii goob dorasho ee Deeganka ayaa guud ahaan lagu noqonaya.Goobaha sidda cusub codbixintooda loogu noqonayo ayaa ah: Xaruun Doorashada Jigjiga-1 iyo Xaruun Doorashada Jigjiga-2. Goob doorashoyinkan oo ka kooban in ka badan 400 oo xaruumo codbixineed ayaa waxaa hoos imanaya Maamulka Magallada Jigjiga,Tulliguleed iyo Degmadii Jigjige h**e.
2) Goob Doorashoyinka Qayb Kamida Lagu Noqonayo. Waxaa kaloo lagu noqonayaa qayb kamida xaruuman hoose ee heer Deegan,waxayna kala yihiin;
- Xaruun dorashadii Magallada Qabridahare
-Xaruun doorashadii Degmada Qabridahare
- Xaruun dorashadii Ma'ayso
- Xaruun Doorashadiu Afdam
3) Goobo Xaruun doorashada Qabaleyo Hoostaga Lagu Noqonayo.
- Xaruun Doorashadii Degmada Wardheer,waxaa lagu noqonaya Qabalaha Ado xaruntisa 1-aad.Qabalaha Ceel-Dibir xaruuntisa codbixined ee 2-aad.
- Xarunta heer Deegan ee Fiiq waxaa lagu noqonaya qabalee kamid ah xaruntiisa.
- Magallada Godey afar xarumood oo hoostaga ayaa lagu noqonayaa.
- Iimay Bari waxaa lagu noqonayaa saddex xarumood oo hoostaga
- Beer Caano waxaa lagu noqonaya saddex xaruun doorasho oo hoostaga.
