11/05/2026
Taageerayaasha Xisbiga Barwaaqo ee degmada Awbare ayaa si diiran usoo dhaweeyey musharixiinta degmada Awbare.
Musharixiinta xisbiga barwaaqo ee gobolka Faafan ee heer dal iyo heer deegaan ayaa lagu soo dhaweeyey degmada Awbare ee gobolka Faafan si ay uga daahfuraan ololaha doorashada 7aad ee inagu soo foodle ee dhawaan dalka ka dhici doonta.
Musharixiinta xisbiga barwaaqo oo ay hogaaminayeen Wasiirka Xafiiska Haweenka iyo Caruurta DDS Marwo Xaliimo Xasan, Wasiirka Xafiiska Xirfadaha iyo Shaqo-abuurka Mudane Xuseen Gayd iyo maamulka gobolka Faafan oo ay wehelinayaan musharixiinta xisbiga ayaa si rasmiya udaahfuray ololaha doorashada ee degmada Awbare ee gobolka Faafan. Musharixiinta iyo tageerayaasha xisbiga barwaaqo ayaa lug kusoo dhex maray wadooyinka degmada Awbare.
Intaas kadib, musharixiinta xisbiga barwaaqo ayaa fagaare ugu soo bandhigay bulshada xisbiga barwaaqo iyo qorshayaashiisa waxqabad, waxayna ka cod sadeen bulshada inay markale doortaan iyagoo sheegay in horumarka laga hirgaliyey deegaanka gaar ahaan degmada Awbare intii xibigu ka talinayey uu ka badan yahay xisbiyadii h**e hadii ay markale doortaana ay sii wadayaan horumarka.
