Beza-El Medium Clinic

14/08/2021

Anxiety disorders (የፍርሃት እና ጭንቀት ህመም)
አልፎ አልፎ ፍርሃት እና ጭንቀት ማጋጠሙ የተለመደ የሕይወት ክፍል ነው። ሆኖም ግን ከፍተኛ ፍርሃት እና ጭንቀት ህመም ያለባቸው ሰዎች ስለእለት ተዕለት ኑሮ ከመጠን በላይ እና በማያቋርጥ ሁኔታ ይጨነቃሉ።

ብዙውን ጊዜ ፣ ​​የድንገተኛ ፍርሃት እና ድንጋጤ ህመም (panic attack) : ድንገተኛና በደቂቃዎች ውስጥ ከፍተኛ ደረጃ ላይ የሚደርስ የመሸበር ስሜት ነው።

እነዚህ የጭንቀት እና የፍርሃት ስሜቶች በዕለት ተዕለት እንቅስቃሴዎች ውስጥ ችግር ይፈጥራሉ ፣ ለመቆጣጠር አስቸጋሪ ይሆናሉ ፣ ከሚያጋጥመን ከለት በእለት ችግር ጋር የማይመጣጠኑ እና ለረጅም ጊዜ ሊቆዩ የሚችሉ ናቸው።

ምልክቶቹ በልጅነት ወይም በአሥራዎቹ ዕድሜ ውስጥ ሊጀምሩ እና እስከ ጉልምስና ሊቀጥሉ ይችላሉ።

የተለመዱ የድንገተኛ ፍርሃት እና ድንጋጤ ህመም ምልክቶች የሚከተሉትን ያካትታሉ።

~ ሊቆጣጠሩት የሚያስቸግር እና እረፍት የሌለው መረበሽ ወይም ውጥረት ሰሜት

~ ትልቅ አደጋ ሊመጣብኝ ነው የሚል ሀሳብ እና ጭንቀት

~ የልብ ምት መጨመር

~ በፍጥነት መተንፈስ (hyperventilation)

~ ላብ ማላብ፣ መንቀጥቀጥ

~ ምንም ሳይሰሩ ድካም ወይም የመዛል ስሜት

~ አሁን ከሚሰማን ጭንቀት ውጭ ስለማንኛውም ነገር ማተኮር ወይም ማሰብ አለመቻል

~ የእንቅልፍ ችግር

~ የጨጓራ ህመም

መቼ ሐኪም ማማከር ያስፈልጎታል?

• ፍርሃቶና ጭንቀቶ ከፍተኛ እንደሆነ ከተሰማዎት እና በስራዎ ፣ ማህበራዊ ግንኙነቶችዎ ወይም በሌሎች የሕይወትዎ ክፍሎች ላይ ተፅዕኖ ካስከተለ

• ፍርሃትዎ ወይም ጭንቀትዎ እርስዎን የሚረብሽ እና ለመቆጣጠር አስቸጋሪ ከሆነብዎት

• አልኮል ወይም ከአደንዛዥ ዕፅ ለመጠቀም የሚያስገድድዎት ከሆነ

• የራስን ሕይወት የማጥፋት ሀሳቦች ከመጡብዎት፣
አስቸኳይ ህክምና ያስፈልጎታል።

11/08/2021

Borderline personality disorder ማለት የስብዕና መታወክ ሲሆን ስለራስዎ እና ስለ ሌሎች የሚሰማዎት እና የሚያስቡበት መንገድ ላይ ተጽዕኖ የሚያሳድር የአእምሮ ጤና መታወክ ነው ። ይህም በዕለት ተዕለት ሕይወት ውስጥ እና ሥራ ላይ ችግሮች ያስከትላል።

ምልክቶቹም የሚከተሉትን ሊያካትቱ ይችላሉ-

‐‐ እነሱ ቀድመው ካልፈለጉ በስተቀር ከሰው የመለየት ከባድ ፍርሃት
‐‐ ከሰዎች ጋር ያልተረጋጋ ግንኙነቶች መፍጠር ፣ ለምሳሌ አንድን ሰው ለአንድ አፍታ እንደመልአክ እና ከዚያም እንደ ሰይጣን መፈረጅ
‐‐ አላማን ቶሎቶሎ መቀያየር ፣ እና እራስን እንደ መጥፎ ወይም በጭራሽ በህይወት እንደሌሉ አድርገው ማየት፣
‐‐ በራስ ማንነት ጥርጣሬ መግባት
‐‐ ከጥቂት ደቂቃዎች እስከ ጥቂት ሰዓታት የሚቆይ ከእውነታው አለም ጋር ግንኙነት ማጣት ማለትም በአካባቢው የሌሉ ድምፆችን መስማት፣ የሌሉ ምስሎችን ማየት
‐‐ አደገኛ የሚባሉ ተግባራት ላይ መሳተፍ ለምሳሌ ደህንነቱ ያልተጠበቀ ወሲብ ፣ ከመጠን በላይ መብላት ወይም የአደንዛዥ ዕፅ አላግባብ መጠቀምን ፣ ወይም ጥሩ ሥራን በድንገት በመተው ወይም አዎንታዊ ግንኙነትን በማቆም ስኬትን በማበላሸት
‐‐ ከሰዎች ጋር ሲለያዩ ራስን የማጥፋት ዛቻ ወይም ባህሪ ማሳየት ለምሳሌ የራስን ክንድ በስለት ነገር መቁረጥ
‐‐ ብዙ ጊዜ የሚቆይ የባዶነት ስሜት
‐‐ ተገቢ ያልሆነ ወይም ተመጣጣኝ ያልሆን ኃይለኛ ንዴት እና ቁጣ ፣ በትንሹ ትግስት ማጣት

10/08/2021

በራስ መተማመን እና የአእምሮ ጤና

በራስ መተማመን ማለት ስለራሳችን የምናስብበት መንገድ እና ለራሳችን የምንሰጠው ዋጋ ነው።

የዝቅተኛ በራስ መተማመን ምልክቶች ምንድናቸው

• ስለ ራሳችን አሉታዊ ነገሮችን መናገር እና ራሳችንን መተቸት
• በአሉታዊ ነገሮቻችን ላይ ማተኮር እና ጥሩ ነገሮቻችንን ወይም ስኬቶቻችንን ችላ ማለት
• ሌሎች ሰዎች ከእኛ የተሻሉ እንደሆኑ ማሰብ
• ስለኛ የተሰጡ ጥሩ አስተያየቶችን አለመቀበል ወይም ችላ ማለት
• ብዙ ጊዜ ማዘን ፣ መደበር ፣ መጨነቅ ፣ የሀፍረት ወይም የንዴት ስሜትየ መሰማት

የዝቅተኛ በራስ መተማመን ተፅእኖዎች

ዝቅተኛ በራስ መተማመን ካለን በስራ ወይም በትምህርት ቤት ውስጥ ባሉ ግንኙነቶቻችን ላይ ችግር ሊያመጣብን ይችላል። ሰዎች ስለኛ የሚሰጡትን አስተያየት ሁሉ በአሉታዊ መልኩ መተርጎም ፣ መበሳጨት እና በቀላሉ መናደድ ሊኖረን ይችላል።

እንዲሁም
• በሰውነታችን ገፅታ አለመደሳት
• በጣም ብዙ አልኮል መጠጣት ወይም አደንዛዥ ዕፅ መውሰድ እና
• ሌሎች ሲጎዱን ወይም ሲነቅፉን ለራሳችን መቆም አለመቻል ሊያመጣብን ይችላል።

21/07/2021

የተሻለ ራሳችንን ለማግኘት የሚረዱን መንገዶች
1. ሁልጊዜ ስለተሰጠን ነገር ፈጣሪን ማመስገን
2. ሁልጊዜ የነገሮችን በጎ ጎን ማሰብን መለማመድ
3. ይቅርታ ማለትን መልመድ
4. ስኬትን ብቻ አላማ ማድረግ
5. ስለራሳችን የሚሰማን ጥሩ ነገር ላይ ትኩረት ማድረግ
6. ከሌሎች ብዙ አለመጠበቅ
7. ቀን በቀን አዲስ ነገሮችን ለመማር መዘጋጀት

21/07/2021

Life knows no failure
Failure exists only for those who are always comparing themselves with others.

11/05/2021

06/05/2021

Well come to a place where you helped to get peace in your mind.