Dr Abdunasir Siraj Jilo

18/02/2026

Gaaffii qabduu?
Irra deebiin Baga ji'a geessan jechaa
Namoonni dawaa adda addaa fudhataa soomaa jiran jiru
Fkn dawaa dhibee sukkaaraa, Dhibee dhiibbaa dhiigaa, Gaggabdoo fudhatan jiru.
Keessattuu namoonni dhibee sukkaaraa qaban haalli fi yeroon nyaataa waan jijjiirameef nama rakkisuu mala
Kanaafi kanneen biroo irratti gaaffii yoo qabaattan telegram kana join gochuun gaaffii keessan bakka leave comment jedhutti barreessuu dandeessu
Join

17/02/2026

Baga ji'a kabajamaa Ramadaanaa geenye
Ramadan Kareem!

11/02/2026

29/01/2026

Haala ummanni yeroo ammaa itti jiru. Gaafa dhaloonni Intarneetii (Gen Z) dullooman hedduun mormaan gadi cabuufi.
Of eegaa!

25/01/2026

??
Maashinni itti olseenanii qaama namaa guutuu kaasee dhibee namaa adda baasu jiraa?
Dhiheenya kana akka haarawaa tahee namni hedduun yaalaafi yoo dhufu maashina qaama kuutuu na kaasi! Maashina qaama guutuu sanitti ol na darbi! dhibee kiyya isatu baasaa! jedhee namni na gaafatu tokkoo lamaamiti.
Ofii dhuguma maashinni itti seenanii dhibee namaa adda baasu jiraa?
Jalqaba irratti ogeessi tokko maashinaa addaa osoo hin fayyadamin qaama miiraa isaa qofa(dhagahee, ilaalee tuttuqee) fayyadamee dhibee jiran gara caalu (80%) bakka dhibeen jiru ykn dhibicha adda baafachuu qaba. Kun afaan fayyatti History and Physical examination jedhama. Waan adda bahuufi dide ykn qulqulleefachuu barbaadu qorannoo dabalataa akka dhiiga fi maashina adda addaa fayyadamee adda baafata.
Maashinni kamuu dhibee tahe ykn qaama tahe tokko rakkoo isaa adda baasuuf tolfame. Fkn nama dhibee dhiibbaa dhiigaa qabu ilaaluuf maashina xiqqoo harkatti hidhan saniin ilaaluun dirqama. Dhibee Sukkaaraa, dhibee HIV fkkf akkasuma maashina xixiqqoon dhiiga ilaaluun dirqama. Maashinni gurguddaan akka CT scan fi MRI Jedhaman hojii kana dalaguu hin dandahan.
Akka waliigalatti maashinni itti seenanii dhibee adda baasuu ammaatti addunyaa irra hin jiru.
Maashinni namootni akka addaatti ilaalan kan isaan qaama guutuu kaasa jedhanii yaadan maashina "CT scan" fi MRI jedhamani.
Maashinni kunniin faaydaafi miidhaa mataa isaanii qabu. Keessattuu maashinni CT San carara cimaa(radiation) qaba. Kun yoo deddeebi'anii ka'an dhibee biraaf nama saaxiluu mala. Dabalataan maashinni kunniin yeroo tokkotti bakkuma tokko kaasu malee qaama mara hin kaasan. Fkn mataa, mudhii, dugda gara olii yeroo adda addaa kaasu. Kana jechuun ogeessi qorannoo ajaje sun dhukkubsataa san sirritti ilaalee eessa akka kaafamuu qabu adda baasuu qaba.
Osoo maachinni olseenanii takkumaan dhibee mara adda baasu jiraate ogeessi kuni marti, qorannoo adda addaa hin barbaachisu ture.
Kanaafuu maashina tokko ofumaa ajajachuu dura ogeessa dhimma keessan irratti hubannoo qabu mariisisanii qorannoon sirrii argachuun barbaachisaadha.
Fayyaa tahaa!

21/01/2026

Oduu gammachiisaa
Yuniversitii Madda Walaabutti Hospitaalli Riifaraala Goobbaa Meeshaa qorannoo yaalaa kan MRI jedhamu galchee waliiti sirreessaa jira. Maashinni MRI jedhamu meeshaa qorannoo yaalaa keessaa isa baayyee ammayyaawaa kan carara adda addaaf nama hin saaxillee fi bu'aa Teeknoojii addunyaan yeroo ammaa irra geesse keessa isa tokko.
Ummanni Baalee lamaaniitiifi naannawa isaa sababa Qorannoo meeshaa kana barbaachaa riifarii gargaraaf, baasii humnaa oliitiif saaxilamaa turan.
Gaafa maashinni kun Hojii eegalu sababa qorannoof jecha baalee deemuun seenaa tahuu mala.
Hoospitaalli Riifaraala Goobbaa Gamoo ijaarsisaa jiru yeroo xumuree hojii eegalutti hoospitaala guddaa ummata Baaleefi naannawa isaa gitu kan akka Itoophiyaatti dorgomaa taasisu tahuu dandaha.

02/01/2026

TikTok baayyisanii fayyadamuun miidhaa Akka geessisu qorannoon akeeke.
Dhiheenya kana qorannoon nama kuma sagaltamii-saddeet ol irratti godhamu akka muldhisutti namoonni viidiyoo xixiqqoo TikTok fi Instagram irratti gadi dhiifaman yeroo heddu namoonni ilaalan rakkoo sammuu gargaraaf saaxilamu jedha.
Keessattuu waan xiyyeeffannoo barbaadu, waan walxaxaa furuufi, waan yeroo fudhatu hojjachuu ni rakkatu jedha. Namoonni kun miira toohachuufis baayyee rakkatu(poor impulse control) jedha.
Rakkoolee xiinsammuullee irratti baayyata. Kunis ofitti aaruu, mukaa'uu(Depression), cinqamuu(Anxiety) baayyee saaxilamoodha.
Namoota tokko tokko haala, bifaa tolfame(Photoshop) faana of madaaluun fuula ofii jibbuu ofitti amanamummaa dhabu. Jireenya kijibaa kan social media gubbaa ilaalee ofitti aara.
Namoota tokko tokko homa hunda social media irratti (haala jireenya dhunfaa, online jimaa qama'uu fi online janjanaa irra oolan.) yoo istihaarri irraa deemuu, yoo miira toohachuu dhabanii hawaasaafi nama dhunfaan walitti bu'an, yoo amantaan qoosan, yoo biyyaan qoosan guyyaa guyyaan argaa jirra.
Wanti baayyate kamuu gaarii waan hin taaneef(overdose) irraa of qusachaa deemuun barbaachisaadha.
Fayyaa tahaa!