https://www.facebook.com/Mahmudkedi/

Dr. Mohammed Kedir, Bale Robe, Robe (2026)

23/02/2026

Abbaa koo wajjin...

22/02/2026

Dhuguma buna ho'aa baay’ee dhuguun carraa kaansarii ujummoo nyaataa ni dabalaa moo?

Mee waa’ee isaa haa ibsinu! 🔥

☕🔥 Dhugaatii Ho’aa & Kaansarii Ujummoo Nyaataa: Balaa Dhokataa
Kaansariin ujummoo nyaataa (esophageal cancer) kaansarii lubbuu namaa galaafatu keessaa tokko dha 😔.
Yeroo baay’ee mallattoon isaa yeroo boodaa mul’ata; kanaafuu yeroo hedduu sadarkaa olaanaa irra ga’ee booda adda baafama, du’a olaanaa qaba.

Garuu wanti hedduun hin xiyyeeffanne tokko jira: dhugaatii baay’ee ho’aa ta’e yeroo dheeraaf dhuguu.

🔬 Ragaan Saayinsii Maal Jedha?
Qorannoon addunyaa irratti taasifame – fakkeenyaaf ragaan dhaabbata fayyaa addunyaa World Health Organization (IARC) – akka agarsiisutti:
🌡️ Dhugaatii ho’a ~65°C ol ta’e irra deddeebiin dhuguun

⚠️ Ujummoo nyaataa irratti miidhaa ho’aa geessisa

📈 Miidhaan sun yeroo dheeraaf yoo itti fufe, carraa kaansarii dabalu danda’a
Asitti rakkoon guddaan ho’a isaa dha malee, buna yookaan shaayii mataan isaanii miti.

🇪🇹 Haala Itoophiyaa Keessatti
Itoophiyaa keessatti buna ho’aa fi shaayiin:

🤝 Aadaa fi walitti dhufeenya keessatti iddoo guddaa qaba

🏠 Jireenya guyyaa guyyaa keessatti hirmaannaa olaanaa qaba

🔥 Yeroo baay’ee ho’a guba ta’een battalumatti dhihaata, Yoo dhugaatiin akkasii yeroo dheeraaf ho’a baay’ee ol’aanaa irratti dhugamu, miidhaan ujummoo nyaataa irra gahuu danda’a.

❗ Maaliif Dhimma Guddaa Ta’a?
📌 Hubannoo hawaasaa irratti hanqinni jira
📌 Namoonni hedduun “yoo guba tahe ni mi’aawa” jechuun ho’a baay’ee filatu
📌 Dhukkubsattoonni yeroo baay’ee sadarkaa ol’aanaa irra ga’anii dhiyaatu
📌 Tajaajilli adda baasuu dafee argachuun daangeffamaadha

✅ Ittisa Salphaa – Tarkaanfii Fudhachuu Dandeenyu
👉 Dhugaatii ho’aa daqiiqaa muraasaaf haa qabbanaa’u ⏳
👉 Yeroo liqimfamu yoo guba tahe yeroo xiqqo haa eegnu 🌡️
👉 Dargaggootaaf amala nageenya qabu haa barsiisnu 👨‍👩‍👧‍👦
👉 Aadaa keenya eeguudhaan fayyaa keenya haa tikfannu ❤️

💬 Ergaa Ijoo
Bunni keenya jaallachuun aadaa keenya ☕.
Garuu fayyaa keenya tikfachuun dirqama keenya dha 💪.
Dhugaatii baay’ee ho’aa irraa of eeggannoo gochuun tarkaanfii salphaa, garuu lubbuu baraaru danda’u dha. 🌿

20/02/2026

🌙✨ YEROO SOOMA TEMIRAA FI BISHAANIIN FURUUN MAALIIF BARBAACHISAA? ✨🌙
Kabajamtoota hawaasa keenya hundaaf 🤝,
Yeroo aduun seentu 🌇, yeroo soomni keenya xumuramu, maal jalqabnee sooma haa furru?
Amantiin keenya 🕌 fi ogeessi fayyaa 🩺 wanta wal fakkaatu nutti himu — temiraa 🍯 fi bishaaniin 💧 jalqabuun filannoo sirrii dha.

🕌 1️⃣ Sababa Amantii (Sunnah)
Ergamaan Rabbii ﷺ – Muhammad – akkana godhaa turan:
✔️ Yoo temira argatan → temiraan 🍯 sooma furan
✔️ Yoo temira hin arganne → bishaaniin 💧 sooma furan
Kanaaf, temiraa fi bishaaniin sooma furuun:
🌟 Sunnah hordofuu
🌟 Ajrii argachuu
🌟 Aadaa Islaamaa kabajuu

🩺 2️⃣ Sababa Fayyaa
Soomni guyyaa guutuu qaama keenya jijjiira 🔄. Kanaaf sirnaan furuun barbaachisaa dha.

🍯 Faaydaa Temiraa
✔️ Sukkaarri uumamaa qaba → saffisaan humna deebisa ⚡
✔️ Sukkaara dhiigaa sirreessa 🩸
✔️ Faayibarii fi macdantoota qaba 🧂
✔️ Garaacha hin miidhu 🤲
➡️ Temira 1–3 qofaan jalqabuun ga’aadha 😊

💧 Faaydaa Bishaanii
Soomni dheeraan qaama bishaan irraa hir’isa 🚰
Bishaan dhuguun:
💧 Dhiiga sirreessa
💧 Mataa dhukkubbii hir’isa 🤕
💧 Dadhabbii xiqqeessa 😌
💧 Garaacha nyaataaf qopheessa 🍽️

⚠️ Maaliif Nyaata Guddaa Battalatti Hin Jalqabnu?
Yeroo soomaa booda:
📉 Sukkaarri dhiigaa gadi bu’a
📭 Garaachi duwwaa ta’a
Yoo battalatti nyaata ulfaataa nyaanne:
❌ Garaacha ni miidha
❌ Gubaa garaachaa fida 🔥
❌ Dhiphina uuma 😣

Kanaaf sirnaan:
1️⃣ Temira nyaadhaa 🍯
2️⃣ Bishaan dhugaa 💧
3️⃣ Salaata Maghrib salaataa 🕌
4️⃣ Sana booda nyaata madaalawaa nyaadhaa 🍲

❤️ Ergaa Hawaasaaf
🌙 Soomni ibaadaa dha
🩺 Fayyaa eeguuns ibaadaa dha
Temiraa fi bishaaniin jalqabnee sooma furuun:
🤲 Sunnah hordofuu
💚 Fayyaa eeguu

Wal haa barsiisnu 🤝
Maatii fi ijoollee keenyaaf haa dabarsinu 👨‍👩‍👧‍👦
Rabbii sooma keenya nurra haa qeebalu 🤲 Aamiin 🌙✨

20/02/2026

🦷 Sababoota Hafuura Afaani Badaa Ta’uuf (Hafuura Badaa / Halitosis)

1️⃣ Bishaan gahaa dhuguu dhabuu
Yeroo bishaan qaama keessaa hir’atu, afaan keessan keessatti hancuufni (saliva) ni xiqqaata. Hancuufni baakteeriyaa dhiquu fi afaan qulqulleessuuf gargaara. Hanccuufni xiqqaachuun hafuura badaa dabala.

2️⃣ Afaan banattanii rafuu
Kun halkan afaan gogsa; baakteeriyaan akka guddattu taasisa. Kanaaf “hafuura ganamaa” fida.

3️⃣ Filoos (floss) gochuu dagachuu
Nyaanni ilkaan gidduutti qabamee yoo hafu, manca’uu jalqaba; hafuura hamaa uuma.

4️⃣ Arraba qulqulleessuu dhiisuu
Arrabni baakteeriyaa baay’ee qaba. Yoo arraba hin qulqulleessine (buraashiin ykn meeshaa arraba cirrachaa fayyadamuun), baakteeriyaan hafuura fidan ni kuufamu.

5️⃣ Dhugaatii sukkaara qabu dhuguu
Sukkaarri baakteeriyaa afaan keessa jiran soora. Baakteeriyaan yoo baay’atan, asiidiin ni dabala; kunis hafuura badaa fida.

6️⃣ Buraashii ilkaanii yeroo yerootti hin jijjiiruu
Buraashii dulloomaan baakteeriyaa kuufata; sirnaan hin qulqulleessu.
Ji’a 3tti jijjiiruu qaba (ykn yoo dulloome dafee).

🩺 Yoom Doktara Bira deemu Qabdu?
Yoo qulqullina afaanii sirnaan eegdan boodas hafuuri badaan itti fufe, kanneen armaan gadii wajjin walqabatee ta’uu danda’a:
🔥Dhukkuba ilkaanii

🔥Infeekshinii ilkaan

🔥Infeekshinii saayinasii

🔥Aasiidii gara mar’imaanii deebi’ee dhangala’uu
🔥Dhibee sukkaaraa
Qulqullina afaanii eeguun fayyaa waliigalaa keessaniif murteessaadha.

19/02/2026

😆😆😆

19/02/2026

NAMOOTA DHUKKUBA SUKKAARAA QABANIIF NYAATA FILATAMOO TA'AN.
•••••••••••••••••••••••••••••••••••••••••••••••••••••••••••••••
Namootni dhukkuba sukkaaraa qaban akka sukkaarri isaanii dafee ol hin kaane akkasumas baay'ee ol hin kaane gochuun hamma sukkaara dhiigaa toohachuun waliigala fayyaa isaaniif akkasumas xaxaalee dhukkuba sukkaaraa ofirraa qolachuuf heddu barbaachisa. Kanaaf jecha haala nyaata isaanii irratti murtee of eeggannoo qabu gochuun murteessaadha.
Gosa nyaataa tokko tokko irraa fagaachuun akkasumas kanneen biroo hamma murtaa'aa taheen soorachuun hamma sukkaara dhiigaa toohachuun kan danda'amu yoo ta'u nyaatni fuduraaf muduraan badhaadhe akkasumas pirootinii fi cooma fayya-qabeessa tahe qabu bu'aa fayyaa hammana hin jedhamne qaba.
Gosa nyaataa filatamoo tahanii fi namootni dhukkuba sukkaaraa qaban osoo nyaatanii jedhaman heddu keessaa muraasa isaanii ibsuuf yaaleera irraa fayyadamaa.

👉 Garbuu
•••••••••••••••••••••••••••••••••••••••••••••••••••••••••••••••
Nyaata faayiberiin badhaadhan keessaa isa tokko yoo ta'u hammi sukkaara dhiigaa dafee akka ol hin kaane godha. Qabiyyee sukkaaraa xiqqaa qabuun sukkaarri dhiiga keessatti garmalee akka ol hin kaane taasisa. Fkn ruuza adii fi garbuu walqixa tahe soorachuun hammi sukkaara dhiigaa garbuu nyaachuun dabalu kan ruuza adii nyaachuun dabalurraa harka 70% gadi. Kanaaf garbuun nama dhukkuba sukkaaraa qabuuf gosa nyaataa filatamaadha.

👉 Baaqelaa fi sanyii isaa.
••••••••••••••••••••••••••••••••••••••••••••
Baaqelaa, ataraa fi shumburaan midhaan dheedhii haalan filatamoo tahanii fi dhangaalee nyaataa garagaraatin badhaadhan kan salphumatti argachuun danda'amuudha.

Gosti midhaan dheedhii kunniin vaayitamin B, albuudota fayyadoo ta'an kan akka kaalsiyemii, potaasiyeemii fi maagniziyeemi, akkasumas faayiberiin badhaadhoo yoo ta'an madda pirootinii beekkamoodha.

Gilaayisimik indeksii xiqqaa qabaachuun hamma sukkaara dhiigaa sirritti kan ol hin kaasne yoo ta'u dabalataanis qabiyyee faayiberii fi pirootiinaa qabaniin nyaatni akka suuta bullaahu fi dafnee akka hin beelofne gochuun hammi sukkaara yeroo dheeraaf osoo ol hin kaane akka turu godhu.

Nama dhukkuba sukkaaraa qabaniif filatamoo tahuun cinatti carraa dhukkuba sukkaaraa gosa 2ffaatin qabamuu hir'isuu akka danda'an qorannoon irra gahamee jira.

👉 Killee/hanqaaquu.
••••••••••••••••••••••••••••••••••••••••••••
Torbaanitti killee 6 - 12 nyaachuun carraa dhukkuba onneetif saaxilamuu ni hir'isa, hamma kolestiroolii gaarii olkaasun kan kolestiroolii hamaa (gaarii hin taane) gadi buusa, akkasumas qaamni keenna hormoonii insuliniif akka ajajamuu gochuun rakkoo dhukkuba sukkaaraa waliin walqabatu kan insuliniif ajajamuu diduu qaamaa (insulin resistance) ni hir'isa.
Dabalataanis hamma sukkaara dhiigaa dafee akka olka'u kan hin goone fi yeroo dheeraaf beelti akka nutti hin dhagahamne waan godhuuf warra dhukkuba sukkaaraa qabaniif nyaata filatamaadha.

👉 Qurxummii.
••••••••••••••••••••••••••••••••••••••••••••
Qurxummiin gosa coomaa kan fayyaa onneetif baay'ee murteessaa ta'e, omega - 3 fatty acids jedhamuun badhaadhoodha. Namoota dhukkuba sukkaaraa qaban kan dhukkuba onnee fi istrookiif saaxilamummaa ol aanaa qabaniif gosa nyaataa kana fayyadamuun heddu barbaachisa.
Xaxaalee dhukkuba sukkaaraa keessaa inni ijoo fi yaaddessaa tahe dhukkuba onneeti. Torbaanitti qurxummii tokko nyaachuun carraa dhukkuba onnee gosa kamiinuu qabamuu 40% gadi buusa

Qurxummiin hamma sukkaara dhiigaa dafee kan ol hin kaasne fi pirootiina nyaata nama cufuu fi hamma sukkaara dhiigaa tasgabbeessu qabaachuun warra dhukkuba sukkaaraa qabaniif filatamaa taasisa.

👉 Itittuu
••••••••••••••••••••••••••••••••••••••••••••
Itittuun hamma kaarboohaydireetii xiqqaa kan qabuu fi kaalsiyemii, pirootinii akkasumas cooma gosa addaa linoolik aasid jedhamu ol aanaa waan qabuuf hamma sukkaara dhiigaa toohachuu fi ulfaatina qaamaa hir'isuuf nyaata filatamaadha.
Itittuun adeemsa garagaraatin qophaahee samsamee dhufu wanti itti dabalamu garagaraa ni jiraata waan taheef amansiisaa miti kanaaf osoo kan haala beeknun manatti qophaahe tahee filatamaadha.

Zaayita Ejersaa (Extra-Virgin olive oil).
••••••••••••••••••••••••••••••••••••••••••••
Zaayitaan kun amala 'antioxidant' kan qabuu fi seelotni qaama keennaa akka hin miidhamne gochuun carraa dhukkuba onnee, dhiibbaa dhiigaa olka'aa fi kolestiroolii hamaaf saaxilamuu waan hir'isuuf namoota dhukkuba sukkaaraa qabaniif zaayita filatamaadha.

👉 Mixaaxisa.
••••••••••••••••••••••••••••••••••••••••••••
Mixaxisni gosa nyaataa faayiberiin badhaadhan akkasumas 'glycemic index' xiqqaa qabaniidha. Dinnicha adiin yoo wal bira qabnee ilaalle hammi sukkaara dhiigaa mixaaxisa nyaachuun olka'u kan dinnicha nyaachuun olka'urra 30% xiqqaata. Faayiberiin mixaaxisaa dafanii kan hin bulloofne fi beelti akka nutti hin dhagahamne godhan akkasumas hamma kolestiroolii hir'isuuf gargaaraniidha. Dabalataanis mixaxisni vaayitamin A, vaayitamin C fi potaasiyeemii dhaan kan badhaadheedha. Qabiyyeen biroo mixaaxisaa keessatti argaman qaamni keenna insuliniif akka ajajamuu gochuun rakkoo dhukkuba sukkaaraa waliin walqabatu 'insulin resistance' jedhamu qolachuuf gargaaru.

👉 Raafuu.
••••••••••••••••••••••••••••••••••••••••••••
Qoosxaa dabalatee raafuu fi biqilootni baala magariisaa nyaataman biroo nyaata kaalorii xiqqaa qaban akkasumas kaarboohaydireetii salphaatti bullaahee xuuxamu xiqqaa waan qabaniif hamma sukkaara dhiigaa irratti dhiibbaa guddaa hin qaban. Vaayitamin C, vaayitamin A, albuudota akka potaasiyeemii fi kaalsiyemii akkasumas anti-oksidantoota garagaraa waan qabaniif fayyaa ijaa fi onneetif faayidaa heddu waan qabaniif namoota dhukkuba sukkaaraa qabaniif nyaata filatamaadha.

👉 Avokaadoo.
••••••••••••••••••••••••••••••••••••••••••••
Avokaadoon qabiyyee sukkaaraa fi kaarboohaydireetii xiqqaa fi faayiberii heddu akkasumas gosa coomaa fayya-qabeessa taheen kan badhaadhee fi hamma sukkaara dhiigaa olkaasuuf kan yaaddoo namatti hin uumnee waan taheef nyaata filatamaadha. Avokaadoo soorachuun nyaata fayya-qabeessaa fi madaalawaa sadarkaa isaa eeggate taasisuun cinatti ulfaatina qaamaa hir'isuun furdina garmalee ittisuuf heddu filatamaadha. Moolekiyuliin Avocatin B jedhamu kan Avokaadoo qofa keessatti argamu dhiibbaa maashaalee qaamaa fi rajiijii [pancreas] irratti qabuun insuliniif ajajamuu diduu qaamaa [ insulin resistance ] hir'isuun dhukkuba sukkaaraa ittisuu fi hammaachaa deemuu dhorkuu akka danda'u qorannooleen garagaraa ni mirkaneessu.

Walumaagalatti namni dhukkuba sukkaaraa qabu tokko kana nyaadha san hin nyaadhu jedhee of rakkisuu osoo hin taane kaayyoon isaa inni guddaan hamma sukkaara isaa toohachuu tahuu qaba. Nyaatni nyaatnu wal'aansa dhukkuba sukkaaraa fi rakkoolee garagaraa dhukkubichi hordofsiisu ittisuuf shoora ol'aanaa taphata waan taheef hamma danda'ameen of eeggannoo gochuun barbaachisaadha.
Akkuma kan nyaachuuf filatamoo ta'an jiran kan gaarii hin taane fi irraa fagaachuun barbaachisus jiru. Nyaata adeemsa garagaraatin warshaatti qohaahan kan akka paastaa, ruuza adii, furnoo daabboo, juusa garagaraa akkasumas dhugaatii lallaafaa fi mimmi'aawoo garagaraa irraa fagaachuun barbaachisa

19/02/2026

Hospitaala meelbaa

18/02/2026

Ji'a Ramadaana guyyoota 30 keessatti jijjiirama guddaa fiduuf carraa guddaa dha! Yoo sirriitti fayyadamte, jireenya keetii guutumaan guutuutti fooyyessuu dandeessa.

1. Hariiroo Rabbii wajjin qabdu Jabeeffachuu

✅ Salaata Keessatti Cimina Argamsiisi

Salaata shanan yeroo isaa irratti salaati. Yoo dandesse Masjiidti deemii salaati.

Halkan tahajjud fi witr salaatuuf carraaqi.

Duraan dursa du’aadhi baay'ee godhi, keessattu addatti iftar fi suhuur dura.

✅ Qur’aana Qara’i, Hiikkaas Isaa Beeki

Guyyaa guyyaan Juz’a 1 yoo xumurte, Qur’aana guutuu Ramadaana keessatti fixuu dandeessa.

Yoo hin dandeenye, guyyaa guyyaan fuula muraasa ta’e qara’i, hiika isaa hubadhu.

Tafsiira dhaggeeffadhu, akkasumas hojii irra oolchi.

✅ Dhikr (Yaadannoo Rabbii) Baay’isi

Guyyaa guyyaan “Astaghfirullah” 100+ jedhi.

Dhikr ganamaa fi galgalaa godhi.

Salaawata Nabiyyii (SAW) irratti baay’isi.

✅ Rabbiin Sodaadhu, Nafsikee too’adhu

Dubbii faayidaa hin qabne, fi dharraa irraa fagaadhu.

Haasa'uu xiqqeessi, zikrii baay’isi.

Fedhii lubbuu kee to’achuuf carraaqi.

2. Jijjiirama Fayyaa fi Jireenya Qaamaa

✅ Humna Kee Guddisi

Suhuur irratti nyaata fayyaa qabu (prootiinii, midhaan sirrii, timir) nyaadhu.

Iftaar booda bishaan baay’inaan dhugi.

Nyaata dadhabsiisuu fi coomaa baay’ee qabu irra fagaadhu.

✅ Sochii qaama godhi

Duraan dursa iftar dura ykn Taraawiih booda socho’i.

Guyyaa guyyaan deemsa xiqqaa godhi.

Jireenya kee guutuu keessatti humna qabaachuuf carraaqi.

✅ Hirriba Keessatti Guddina Fiduuf

Halkan Isha fi Taraawiih booda rafuu yaali.

Yoo danda’ame ganama booda boqonnaa xiqqaa fudhadhu.

3. Jijjiirama Sammuu fi Namaa Keessatti

✅ Yaada Keessatti Jireenya Gaarii Uumi

Social media baay'ee fayyadamuu xiqqeessi.

Namoota gaarii ta’an wajjin turuuf carraaqi.

Yaada badaa, aarii, fi of-tuulummaa irraa fagaadhu.

✅ Barnoota Kee Guddifadhu

Kitaabota Islaamaa dubbisi yookaan barreeffamoota gaarii dubbisi.

Hojii kee keessatti dandeettii haaraa tokko barachuu murteeffadhu.

✅ Jireenya Kee Mijjeessi

Karoora guyyaa guyyaa qopheessi (salaata, Qur’aan, hojii, kkf).

Ramadaana keessatti program diriirsii fi itti cichuuf yaali.

Kaayyoo 3 guddina qabu qabaadhu (Hawaasummaa, Fayyaa, Hojii).

4. Jijjiirama Maallaqaa fi Hawaasummaa

✅ Sadaqaa Kenni

Guyyaa guyyaan namoota rakkatan gargaaruuf carraaqi.

Proojektoota hawaasummaa deeggari (Fkn, qulqullina naanno).

Rabbiin irratti xiyyeeffachuun sadaqaa sirrii kennuuf yaali.

✅ Maatii fi Firoota Kee Jajjabeessi

Maatii kee waliin yeroo dabarsi, addatti haadha fi abbaa kee.

Yoo namoota waliin wal dhabde, araaramuuf carraaqi.

Namoota tajaajiluuf carraaqi yoomiyyuu mindaa hin barbaadin.

Xumura: Jijjiirama Guddatti Qophaawi

Yoo Ramadaana sirriitti fayyadamte, jireenya kee guutuutti jijjiiruu dandeessa. Ramadan booda nama haaraa taatee akka baatu yaadi—dhimmi keetis ni fooyya'a, iimaanni kees ni jabaata, jireenyi kees ni mijataa!

18/02/2026

Obboroon gahe, ka’aa!! ☀️

17/02/2026

Hojiiwwan yaalaa kan sooma Ramadaanaa hin cabsine

1. Copha ijaa fi copha gurraa sooma hin cabsu.

2. Dhukkubsattoonni dhukkuba asmii yeroo soomaa qoricha puff isaanii (Salbutamol puff) fudhachuun sooma hin cabsu.

3. Ilkaan baasuun ykn ilkaan guutuun sooma hin balleessu.

4, Kiniinii afaan jalaa: dhukkuba onnee (MI) yaaluuf ... qorichi dhukkuba biroof oolu yoo fudhatame malee sooma hin cabsu.

5. Namni sooma qabu qorannoo dhiiga ykn dhiiga isaa yoo arjoome soomni isaa hin cabu.

6, Qorichootni nyaata bakka hin buune (qoricha qaama tasgabbeessuu, talaallii, antibaayootikii) hidda dhiigaa (IV) ykn IM, akkasumas qorichi hidda dhiigaa keessaa (intravenous contrast) CT Scan ykn MRI'f kennamu sooma hin cabsu.

7. Sababa dhukkubaa ykn sababa biraatiin of wallaalanii garaa kaasuun sooma hin balleessu.

8. Kooba/Hijamaan (Wagmt) soomana balleessuu fi dhiisuu isaa ilaalchisee Ulamaa’ota (ogeeyyii amantii) biratti yaadonni hedduun ka’aa turaniiru. Dhiyeessiin hijaamaa hojii yaalaa ammayyaa phelbotomy keessatti fayyadama. Kunis sooma hin balleessu

9. Namni dhiigni baay’ee yoo dhiigille soomanni isaa hin cabu. Namni sooma qabu sababa balaa ykn sababa biraatiin dhiigni baay’ee yoo dhangala’e sooma isaa irratti rakkoon hin jiru. Sababa kanaan yoo dhukkubsatee dadhabe garuu sooma isaa cabsee nyaachuu danda'a.

10. Dubartiin Ramadaana soomachuun qoricha farra laguu fayyadamuun yoo fayyaa ishee irratti rakkoo tokkollee hin fidne rakkoo hin qabu. Guyyoota Ramadaanaa, leeylatul qadrii, sochiiwwan tokko tokko yeroo hajjii fi umraa soomana irraa akka hin hafneef qoricha laguu dhaabuuf fayyadamuun, yoo fayyaa ishee irratti rakkoo tokkollee hin fidne rakkoo hin qabu. Garuu qorichi kun miidhaa cinaa waan qabuuf dubartiin sun tekluf yoo of hin galchine gaariidha. Yoo kiniinii fayyadamte yoo soomtee hojii ibaadaa raawwatte fudhatama qaba.

11. Meeshaaleen yaalaa, qorannoon, qoricha fi qorsa ulfa ittisuu gadameessa/ qaama saalaa dubartii keessa galfaman sooma hin balleessan

"Yaadachiisa:
Lakkofsa tokkofaa irratti
Ibsa gayaa kennuu barbaachisa
Fakkee nyaaf yoo dawaan kan gama garaachaa seene
Sababa dibbeen gurraa dhohuutiin gafa san soomni nibbada jedhan ulamaa,iin

Ammas lakkofsa 8 imaamu ahmadiin biratti koobaan sooma ni balleessa
Koreen fatwaa ulamaa'a su'uudii hundinuu ni bada jedhu

Sooma Ramadaanaa ilaalchisee murtoowwan yaalaa kunniin Qur’aanaa fi Hadiisa akkasumas manneen barnootaa Imaamota afran irratti kan hundaa’an yoo ta’u, hayyoota bara keenyaatiin kan kennamee fi kan qindaa’ani dha.

Share godhaa warra hin beekne beeksisaa
Dr. Muhammed Kedir
Telegram: t.me/HakimEthio

'a_rahmata

17/02/2026

🌙 Ramadaan Mubaarak
🌙 Ramadaan Ji’a Rahmataa
🩺 Hojiiwwan Yaalaa Kan Sooma Ramadaanaa Hin Cabsine
Hubachiisa: Murtoowwan armaan gadii Qur’aanaa, Hadiisa, akkasumas yaada manneen barnootaa Imaamota afran irratti kan hundaa’an yoo ta’u, hayyoota amantii fi ogeeyyii fayyaa bara keenyaatiin kan qindaa’anidha.

1️⃣ Copha Ijaa fi Gurraa
Copha ijaa fi copha gurraa fayyadamuun sooma hin cabsu.
Garuu yoo dawaan karaa gurraa keessaa gara qoonqoo fi garaa seenuu danda’e (fakkeenyaaf dibbeen gurraa dhohe yoo ta’e), ulamaa’oonni gariin sooma irratti yaada adda addaa qabu. Kanaaf yeroo akkasii of eeggannoon barbaachisa.

2️⃣ Qoricha Asmii (Salbutamol Puff)
Dhukkubsattoonni asmii yeroo soomaa puff isaanii (Salbutamol) yoo fayyadaman, soomni isaanii hin cabu; sababiin isaas nyaata ykn dhugaatii bakka hin bu’u.

3️⃣ Ilkaan Baasuu Ykn Guutuu
Ilkaan baasuun, guutuun ykn yaaliin ilkaan sooma hin cabsu; garuu wanti tokko garaa akka hin seenne of eeggachuu qaba.

4️⃣ Kiniinii Afaan Jalaa (Sublingual)
Kiniinii afaan jalaa kaa’amu (fakkeenyaaf kan dhukkuba onnee yeroo hatattamaa – MI) sooma hin cabsu, yoo liqimfamee garaa hin seenne.
Garuu yoo qorichi liqimfamee garaa seene, sooma ni cabsu.

5️⃣ Qorannoo Dhiigaa fi Dhiiga Arjoomuu
Qorannoo dhiigaa gochuun ykn dhiiga arjoomuun sooma hin cabsu.
Haa ta’u malee, yoo namni dadhabee fayyaa isaa miidhe, sooma cabsuun ni eeyyamama.

6️⃣ Qoricha IV, IM fi Contrast
Qorichoonni nyaata bakka hin buune (akka talaallii, antibaayootikii, qoricha tasgabbeessuu) karaa:
Hidda dhiigaa (IV)
Maashaa (IM)
Intravenous contrast (kan CT Scan ykn MRI’f kennamu)
sooma hin cabsan; sababiin isaas nyaata ykn dhugaatii bakka hin bu’an.

7️⃣ Of Wallaalanii Garaa Kaasuu
Namni sababa dhukkubaa ykn sababa biraatiin osoo fedhii isaa hin taane garaa yoo kaase (of wallaalanii), soomni isaa hin cabu.

8️⃣ Kooba / Hijaamaa (Wagmt)
Dhiyeessiin hijaamaa (akka yaala ammayyaa phlebotomy keessatti fayyadamu) ilaalchisee ulamaa’ota jidduutti garaagarummaan yaadaa jira:
Imaam Ahmad bin Hanbal jedhan kooban sooma ni balleessa.
Koreen Fatwaa ulamaa’a Su’uudii baay’een isaanii ni balleessa jedhu.
Ulamaa’oonni biroon hedduun immoo hin balleessu jedhu.
Kanaaf namni tokko yaada mad-habii isaa hordofuu qaba.

9️⃣ Dhiigni Baay’ee Dhangala’uu
Namni sooma qabu sababa balaa ykn sababa biraatiin dhiigni baay’ee yoo isa irraa dhangala’e, soomni isaa hin cabu.
Garuu yoo sababa kanaan dadhabee fayyaa isaa miidhu ta’e, sooma cabsuun ni eeyyamama.

🔟 Qoricha Farra Laguu (Dubartootaaf)
Dubartiin Ramadaana soomachuun qoricha laguu dhaabu fayyadamuu ni dandeessi, yoo fayyaa ishee irratti rakkoo hin fidne.
Kunis:
Guyyoota Ramadaanaa akka hin hafne
Leylatul Qadrii argachuuf
Yeroo Hajjii fi Umraa
Garuu qorichi kun miidhaa cinaa qabaachuu waan danda’uuf, osoo hin barbaachisin fayyadamuun hin filatamu. Yoo fayyadamte immoo, soomni ishee sirrii fi fudhatamaadha.

1️⃣1️⃣ Meeshaalee fi Qoricha Qaama Saalaa Dubartii Keessa Galfaman
Meeshaaleen yaalaa, qorannoon, qoricha ykn qorsa ulfa ittisu kan gadameessa ykn qaama saalaa dubartii keessa galfaman sooma hin cabsan.
📖 Xumura
Murtoowwan yaalaa kunniin Qur’aanaa fi Hadiisa akkasumas yaada manneen barnootaa Imaamota afran irratti kan hundaa’an yoo ta’u, hayyoota amantii fi ogeeyyii fayyaa bara keenyaatiin kan qindaa’ani dha.
Rabbiin sooma keenya nu haa qeebalu 🤲🌙

Dr. Mohammed Kedir

23/02/2026

22/02/2026

20/02/2026

20/02/2026

19/02/2026

19/02/2026

19/02/2026

18/02/2026

18/02/2026

17/02/2026

17/02/2026

Address

Telephone

Website

Alerts

Contact The Practice

Shortcuts

Share

Category