Magaala Roobee Buufata Fayyaa Baha Biiftu

22/02/2026

22/02/2026

Gurraandhala 15/6/2018

Leenjiin Leenjistootaa Dursitoota Gooxii fayyaa
Haala walii galaa Hojii irra oolmaa hirmaannaa Hawaasaa irra deebiin fooyya'e irratti
Buufata Fayyaa Giddu gala Barnootaa (Learning center ) gochuuf
Ogeeyyii Fayyaa fi Ekistenshiinii Fayyaa Maaybaasii Angeettuutiif 14/6/2018 kennamuu eegale guyyaa lammaffaaf itti fufee jira.

08/01/2026

Koreen Boordii Buufata Fayyaa Baha Biiftuu raawwii hojii ji'oota jahan darbani gamaaggame.

Bulchiinsa magaalaa Roobeetti Koreen Buufata Fayyaa Baha Biiftuu raawwii hojii ji'oota jahan darbani gamaaggameera. Gamaaggama Kanaan Gabaasani raawwii hojii ji'oota jahan darbani Obbo Abduljabaar Bayaaniin dhiyaate mariin irratti gaggeefameera.

Itti Aanaan Kantiibaa Bulchiinsa magaalaa Roobee Obbo Jamaal Abbaagaroo gamaaggama kana irratti argamuun yaada kennaniin Buufanni Fayyaa Baha Biiftuu hojiiwwan jiraattota magaalichaa fayyadamaa taasisan hojjachaa turuu ibsuun rakkoowwan hawaasa biraa ka'aan tokko tokko immoo hiikuuf hojjachuu akka qaban kallatti kaahanii

06/01/2026

Hordoftootni amantaa Kiristaanaa marti baga Ayyaana yaadannoo Dhaloota Iyyasuus Kiristoos bara kan 2018 geessan!

Of-eeggannoo yeroo ayyaanaa gochuu qabnu:

✓Nyaata haalan bilchaateefi qulqullina qabu nyaachuu.
✓Kuduraaf muduraa nyaachuu keenyan dura sirnaan miicuu/ qulqulleessuu
✓Nyaata Coomaa, sukkaaraafi soogidda of keesssaa qaban xiqqeessuu
✓Nyaata humnaa ol nyaachuufi alkoolii humnaa ol fayyadamuu dhiisuu
✓Qulqullina harka keenyaa eeggachuu ( Harka keenya sirnaan dhiqachuu)
✓Yeroo konkolaachisnu akkasumas daandii irra sochoonu of-eeggannoo taasisuu, dhugnee kankolaachisuu dhiisuu.

Hub:- Dhukkubbiin ykn balaan tasaa kamuu yoo nurra, maatii akkasumas ollaa keenya mudate dafnee gara dhaabbata fayyaa deemuu qabna.

Wajjirafayyaa Magaalaa Roobee

01/01/2026

Dargaggoota fayya - qabeessa egeree biyyaatiif

29/12/2025

Muddee 20/2018
Biroon Fayyaa Oromiyaa Waajjira fayyaa Magaalaa Roobee wajjiin tahuun sosochii ittisa HIV(AIDS) irratti Waltajjii marii gaggeesse.

Itti aanaa Hogganaa Biroo Fayyaa Oromiyaa Dr Gushaa Balakkoo waltajjicharratti argamuun yaada kennaniin

Dhibeen HIV fayyaa keenya, maatii keenya fi dhaloota boruu waan miidhuuf qooda fudhattoonni hundi xiyyeeffannoon hojjechuun murteessaadha jedhan.

Hawaasa keenya biratti Akka waan dhibeen HIV badeetti yaaduun of dagannaan guddaan waan jiruuf qaamoleen dhimmichi ilaallatu qindoominaan hojjechuu akka qabanis dhaamaniru.

Kantiibaan Magaalaa Roobe Obbo Dino Amin gama isaaniitiin,Ittisni HIV kan eegalu of beekuu irraa waan taheef qorannoo HIV yeroo yeroon gochuun, haala fayyaa keenya hubachuun tarkaanfii jalqabaati jedhan. Maloota ittisaa hunda fayyadamuun of dagannaa jiru hubannoo hawaasaa cimsuun hanbisuun akka barbaachisu dhaaman.

Itti gaafatamtuu Waajjira Fayyaa Magaalaa Roobee Sister Mahfuza Jemal ittisa Dhibee HIV irratti fi of dagannaa hawaasa bira jiru irratti qooda fudhattoota waliin hojjechaa jiraachuu dubbanii keessattuu dhaabbilee Fayyaa iddoo hundatti ajandaa gochuun hubannoo hawaasaa cimsuu qaban jedhanii jiru.

Haadholiin ulfaa tajaajila fayyaa hordofuun, daa’ima isaanii HIV irraa eegu Akka qabaniifi gorsa ogeeyyii fayyaa sirritti gargaaramuu Akka qabanis dhaamaniru.

Hirmaattonni Leenjii fudhachaa jiran yaada kennaniin hubannoon hawaasaa keessattuu kan dargaggootaa cimuu akka qabuu fi Abbootiin amantaa, abbootii Gadaa fi haadholiin Siinqee hawaasa dadamaqsuu akka qaban kaasanii gahee irraa eeggamus akka bahatan dubbatanii jiru.

26/12/2025

Hawaasa magaala Roobe Goodina Baaleetiif
Magaala Roobee Buufata Fayyaa Baha Biiftu
Tajaajilli Talaallii Busaa Keelloo( ) Imaltoota idil-addunyaatiif Inistiitiyuutiin Fayyaa Hawaasaa Itiyoophiyaa fi Waajjira Fayyaa M/Roobee wajjiin ta'uun guyyaa har'aa B/Fayyaa B/Biiftuutti talaallii Busaa Keelloo lImaltoota Idil-addunyaatiif sirni jalqabsiisaa gaggeeffame jira.

Inistiitiyuutii Fayyaa Hawaasaa Itiyoophiyaa daarektoreetii Fayyaa Imaltootaa fi Daangaa irraa kan bakka bu'an obbo Kumsaa lammeessaa talaalliin Busaa keelloo Magaalaa Roobeetti imaltoota biyya alaa deemaniif kennamuun isaa imaltootaaf carraa guddaa kan uumu akka tahuu fi Gidinoota ollaas fayyadamaa akka taasisu dubbatanii jiru.

Itti Gaafatamtuun Siyaasa Paartii Badhaadhinnaa Magaalaa Roobee Aaddee Fayyisee Alamuu akka jedhanitti imaltoonni hajjiifi umraa sababa dhihootti dhabamuu tajaajila kanaatiin waggootaaf rakkachaa turuu ibsanii Magaalaan Roobee tajaajila kanaaf filatamuu isheetiin Inistiitiyuuticha galateeffatanii jiru.Imaltoonnis tajaajilli talaallii Busaa keelloo kun Magaalaa Roobeetti jalqabamuu isaa beekanii akka fayyadaman dhaamsa dhaamanii B/fayyaa B/Biiftuus Tajaajila qulqullina qabu hawaasaaf kennuun fakkeenya tahuu qabaa jedhan. Sadarkaa M/Roobeettis deeggarsi barbaachisu hundi ni taasifama jedhan.

Itti Gaafatamtuun Waajjira Fayyaa Magaalaa Roobee Sr Mahfuza Jemal gama isaaniitiin carraan argame kun hawaasni Magaalaa Roobee fi Naannoo ishee baasii fi Yeroo isaa qusatee tajaajila kana akka argatu isa taasisa jedhanii; imaltoonni hajjjii fi umraa passport isaanii qabatanii Buufata Fayyaa Baha Biiftuutti argamuun tajaajila kana argachuu ni danda'u jedhanii jiru.

Abbootiin amantaa fi bakka bu'oonni Majlisaa Magaalaa Roobee fi Godina Baalee Sagantaa baniinsaa kana irratti yaada kennaniin waggoottan darban keessa miidhaan guddaan imaltoota irra gahaa akka ture yaadachiisanii gaaffiin isaanii deebi'utti gammachuu akka qaban ibsanii jiru. Dabalataanis hawaasni imala hajjiifi umraa gaggeessu fayyadamaa akka tahuuf kan hojjatan tahuu ibsan.