https://www.facebook.com/109321441246376/

Doctor Oliyad, Robe (2025)

18/12/2024

Haala fi fuula gaariin yaalamuu feetuu?
****************************************
Gaaffii Hordoftootaa: Yeroo baayyee mana yaalatti Haakimoonni fi Narsoonni maaliif nama lolu ykn amala gaarii dhabu? seeraan nama hin keessummeessan. Maaliif?
DEEBII
*******
Mana yaalaa dhuftanii seeraa keessummoftanii galuuf wantoota armaan gadii kana gochuun isin gargaara:
1. Waan ogeessi isin gaafatu duwwaa deebisaa , dhumarratti wanta hafe himachuu ni dandeessu.
2. Gosa qaama keessan isin dhukkuba hakimatti hin himinaa , kunis kalee , onnee yookin qaama biraa na dhukkuba jettanii ogeessa fayyatti hin himinaa ( yoo kanan dura ogeessa fayyaan isinitti himame malee) , mallattoo fi bakka isin dhukkubu qofa itti himaa gosa dhukkuba keessan ogeessaf dhiisaa.
3. Ogeessa fayyaa kabajaa kunis maqaa kabajaa isaanin waamuu.
4. Wanta namarra dhageessaniin yookin “Google” irraa argitaniin ogeessa fayyaa hin morminaa.
5. Ogeessa fayyaatin jechoota akka mucaa , “Abbaat” , obboleessa (brother) yookin obboleettii hin jedhanii baayyee jibbisiisadha. Maqaa kabajaa isaanin waamuu yaalaa.
6.Gaafa ogeessi fayyaa isinitti dubbatu sirritti caqasaa , waan isinii hin galle gaafadhaa. Waa’ee dhukkuba keessanii waan barbaaddan gaafachuu dandeessu.
7. Rakkoo waan hundumaaf kanneen akka laboratoorii , raajii fi kanneen biroo ogeessa fayyaa biraa dhaqxanii hin komaatinaa isa hin ilaallatu.
8. Nama ciisee yaalamuuf homtuu hin godhamnee , lilmoon yookin gulukosii hin kennamneef ( yoo ajajamuu isaa sirritti beektan malee) hin jedhinaa rakkoo keessan duwwaa itti himadhaa.
9. Gosa qoricha barbaaddanii kunis lilmoo ykn kiniina barbaada jettenii hakima hin dirqisiisinaa, filannoo jiru isa gaafadhaa.
10. Ogeessi fayya akkuma nama kamuu dadhabuu , aaruu fi amaloota biro agarsiisuu akka danda’u beekaa.

Horaa bulaa …..Fayyaa hin dhabinaa!
Qopheessan :Doctor Oliyad

17/12/2024

RAKKOO SIREE HALKAN IRRATTI FINCAA’UU (BED-WETTING)
****************************************************************
*Siree irratti halkan fincaa’uun baayyinaan daa’ima waggaa 6 gadi keessatti muudatu tahus, darbee darbee nama ga’eessa keessatti ni mul’ata.Kunis rakkoo xinsammuu fi miira gad-antummaa namatti akka dhagahamu godha.

SABABOOTA SIREE IRRATTI HALKAN FINCAA’UU:
***************************************************
*Rakkoo ujummoo daddabarsa fincaanii kaleerraa qabee jiru irra yoo jiraate kunis infeekshinii , cirracha fi kan biro tahuu danda’a.

*Rakkoo afuuffee fincaanii sababa fincaanii kuusuu dadhabuu midhama narvii isaan walqabatu
*Miidhama dugugguruu dugdaa (Spinal cord) balaa tasaan ykn waan biraan
*Dhukkuba sukkaaraa
*Guddachuu xannacha piroosteetii dhiiraa keessatti argamuu
*Qorichoota mana yaalaa kennaman tokko tokko
*Miidhama sammuu akka istrookii , ykn kansarii
Kanaaf namni rakkoo akkasii qabu wagga 6 ol tahee kamiyyuu gara mana yaalaa dhaqee ilaalamuun furmaata dha.

YAALA:
********
Rakkoon kun guutumaa guututti kan yaalamuu dha.
Horaa bulaa …….deebanaa!

Qopheessan : Doctor Oliyad

16/12/2024

Fayyummaa Gogaa
***********************
Gogaan qaama keenyaa fayyaa fi qulqulluu tahuun bareedina caalaa fayyummaa keenyaaf murteessadha. Eegumsa gogaa keenyaaf gochuu qabnu:

1.Ifa aduuf saxilamummaa keenya hir’isuu keessayyuu guyyaa sa’aatii 4-10 tti ittisa aduu (sunscreen) ykn immoo uffata haguuggachuu

2. Dhiqannaaf bishaan garmalee ho’aa ykn qorraa fayyadamuu dhiisuu
3. Hirriba fi boqonnaa gahaa argachuu
4. Cinqama (stress) hir’isuu
5. Dibatawwaan hin beekne fayyadamuu dhiisuu sababni isaas dibanni hundi gogaa hundaaf hin tahu
6. Sigaaraa ykn Tamboo aarsuu
7. Nyaata madalamaa fi pirootiniin badhaadhe sorachuu
8. Nyaata sukkaara bayyatan irraa of qusachuu. Kuduraa fi mudaraan nyaata belladoota irraa argamanirra fayyaa gogaaf filatamaadha.
9. Bishaan gahaa dhuguu kunis guyyaatti litira 2-3
10. Sochii qaamaa gochuu
11. Dibata gosa gogaa keenyaf hojjatame qofa fayyadamuu

Galatoomaa……Fayyaa hin dhabinaa
Like Doctor Oliyad fb page and Doctor Oliyad Youtube channel
Qopheessan : Doctor Oliyad

15/12/2024

DHUKKUBA GUBAA GARAACHAA
**************************************
Dhukkubni gubaa garaachaa rakkoo nama baayyee muudatu ta’u mallattoolee fi sababa garaagaraa kan qabuudha. Kunis kan muudatu keessi garaachaa gaafa waan garaagaraan miidhamun asidii garaacha keessa jiruuf saaxilamuudha.

MALLATTOOLEE:
"""""""""""""""""""""'"""""""
*Gubaa laphee gadii dhaga’amuu fi darbees dugda gara gubbaatti dhaga’amuudha
*Nyaata booda nyaatni dafee bullaa’uu dhiisuu
*Garaa bokoksuu
*Dafanii osoo hamma nu gahu hin nyaatin quufuu
*Deeffuu garmalee
*Afaan keessatti nama hadhaa’uu
*Darbee darbee bowwoo mataa fi dadhabbii qaamaa!

SABABOOTA FIDAN:
""""""""""""""""""""""
*Namoonni 70% dhukkuba garaachaa qaban sababa adda tahes tahe laboratoorii irratti argamu hin qaban.
Kanneen hafan immoo;
*Qorichoota mana yaalaa kennaman tokkio tokko
*Bakteeriyaa H. pylori jedhamu qabaachuu
*Madaa’uu garaachaa ykn mar’umaanii (PUD)
*Cinqama sammuu garmalee (anxiety)
*Dafanii ykn garmalee nyaachuu
*Buna ykn alkoolii baayyisuu
*Dhukkuboota cimoo akka onnee , Sukkaraa fi kale kkf.

MAAL GOCHUU QABNA?
=====================
*Dhugaatii akka lallaafaa , alkoolii fi kanneen asidii of keessa qaban biroo dhiisuu ykn hir’isuu
*Nyaata akka coomaa , barbaree , timaatima , daabboo , ruuzii , nyaata racitii qaban , atara fi misira faa hir’isuu
*Mana yaalaa dhihoo jiruu dhaqanii ilaalamuu!

Horaa bulaa ….Fayyaa hin dhabinaa!

Doctor Oliyad (On Facebook and YouTube)

14/12/2024

Dhiphina sammuu (Anxiety)
****************************
Cinqamni sammuu ( Stress) jijjiirama miiraa qaamaa yeroo dhiibbaan hin eegne yookin tasaa naannoo irraa ( external trigger) nurra gahuu umamuudha. Kunis humna keenya ol yoo tahe rakkowwaani fi mallattoolee garaagaraa qaama keenya irratti fiduu danda’a. Asirratti cinqamni kun kan turu hammi wanti nu jeeqe yookin rakkoon sun turu qofattiidha, karaa biraan dhiphinni sammuu (Anxiety) ‘n sababa tokko malee yeroo dheeraaf dhiphachuu yookin cinqamuu dha .

SABABOOTA DHIPHINA SAMMUU fidan:
"""""""""""""""""""""""""""""""""""""""""""""''''''"""""""""""""""""""""
~waayee wanta tokkoo baayyisanii yaaduu
~jijjiirama gudda tasa jireenya keenya muudatu keessaattuu muudannoo badaa
~Namoota jaallannu tasa of biraa dhabuu
~Balaa ykn mudannoo cimaa dabarsuu fkn gudeeddii, balaa konkolaataa
~Itti gaafatamummaa guddaa bahan qabaachuu
~Hojjii dhabdummaa
~Dhukkuba yeroo dheeraaf hin fayyine qabaachuu fkn dhukkuba sukkaaraa
~Namatti ykn hiriyyoota keenyaan of madaaluu
~Karoora humnaa olii karoorsuun rawwachuuf cinqamuu fi kkf

MALLATTOOLEE ISAA:
::::::::::::::::::::::::::::::::::::::::::::::::

~Hirriiba dhabuu
~Xiyyeeffannoo dhabuu
~Yeroo hunda mukaa’uu
~Yeroo hunda aaruu
~Murtoowwan badaa ta’anii fi bilchina hin qabne murteessuu
~Namaan walii galuuf rakkachuu
~Araada garaa garaa keessa dhokachuu
~Bowwoo mataa, dhukkubbiin qaama keenya hundarraa nutti dhagaayamuu , ilkaan qaruu ,qooma keenya keessa dhukkubbii fi dhahannan onnee dabaluu faadha.

YAALA:
*********
Hubachiisa: Namni kamuu cinqama sammuu sadarkaa garaagaraa jireenya isaa keessatti keessummeessaa oola. Garuu, dhiphinni sammuu sun,
1.Humna nama sanii ol yoo tahe (to’achuu dadhabuu)
2.Hojjii fi jireenya guyyuu isaa yoo jeeqe
3. Turtii yeroo dheeraa yookin ji’ootaa yoo qabaate ilaalamuu qaba.

Yaaliin isa cimina mallattoolee, sababa fi dhiibbaa mallattoolee kun fidan irratti hunda’a, yaaliis qaba.
Dabalataan garuu kanneen armaan gadii dhiphina sammuu hir’isuuf ni fayyadu:

~Sosochii qaamaa guyyaattidaqiiqaa 30-sa’aatii 1
~Buna fi nyaata sukkara qabuu hir’suu
~Araada Alkoolii fi sigaaraa irraa of qusachuu
~Hirriiba gahaa argachuu sa’aatii 6-8 guyyaa tokko keessatti
~Hiriyyoota ykn maatii wajjin yeroo dabarsuu
~Dhiphina miliquuf guyyaa guutuu TV, midiyaa hawaasummaa fi kkf irraa ooluu dhiisuu fi
~Ogeessa fayyaa xiinsammuu hasoofsiisuu

Galatoomaa…..Fayyaa argadhaa!
Qopheessaa: Doctor Oliyad

Follow and subscribe us on Facebook and YouTube (Doctor Oliyad)

14/12/2024

Ofeeggannoo Fayyummaa Kaleef godhamuu qaban!
***********************************************************
Yeroo ammaa kana akka biyyaa keenyattis tahee akka addunyaatti dhukkubni kalee daran heddummachaa jira. Kalee bu’aa qaama keenyaa keessaa baayyee murteessaa kan tahe salphaatti midhamuu fi fayidaan ala qaama tahuu danda’uudha. Kanaaf akka armaan gadii kanatti of eggannoo gochuun fala.

1.Qoricha mana yaalaan ajajame ala fudhachuu irraa of qusachuu. Kunis qorichoonni mana yaalaatii kennaman baay'en isaanii fi qorichoonni aadaa baay'en kalee hubuu danda’u.

2.Sosochii qaamaa gochuu
3.Fincaan yeroo dheeraaf qabachuu dhiisuu
4.Tamboo aarsuu dhiisuu
5.Alkoolii garmalee dhuguu irraa of qusachuu
6.Nama dhukkuba sukkaaraa ykn dhiibbaa dhiigaa olka’aa qabu yoo tahe qoricha fi yaala isaa sirritti hordofuu
7.Furdina garmalee irraa of qusachuu yooki hirdhisuu
8.Bishaan sirritti dhuguu guyyaatti yoo xiqqaate litiira 2 fi isaa ol
9.Mallattoolee infeekshinii ujummoo fincaanii akka fincaan gubuu , sarduu (arifachiisuu) fi dhiiga makuu yoo jiraate dafanii yalamuu.
10.Yoo xiqqaate waggaa si’a tokko ykn lama fayyummaa kalee keenya ilaalamuu fi kkf dha.

Mallattoolee miidhama kalee agarsiisuu danda’an:
"""""""""""""""""""""""""""""""""""""""""""""""""""""""""""
* Namni kalee tokkoon jiraachuu waan danda’uu fi kaleen keenya hamma hojjin isaa 70% ol dhaabbatutti mallattoo agarsiisuu dhiisuu danda’a.

*Kanaafis namni baayyeen erga kaleen isaa lamaanuu hojjii dhaabee mallattoolee akka dhiitaa qaamaa guutuu , hammi fincaanii hirrachuu ykn gutummatti dhabamuu , fedha nyaataa dhabuu , haqqisiisaa fi kkf argisiisee mana yaalaa dhaqa.

Yaalii (Treatment):
============
Yaaliin isaa sadarkaa miidhama kalee fi sababa isaa irraatti hundaa’a. Garuu yeroo baayyee osoo hin beekamin , kaleen lamaanuu hojjiin ala ta’uu danda’a, furmaanni isaammoo kalee biraan bakka buusuu duwwaadha.

Horaa bulaa deebanaa!

Guyyoota muraasa keessatti karaa youtube vidiyoo waliin baranna ammasitti , youtube “Doctor Oliyad “ jedhu Subscribe gochaa nu eegaa!
Dr Oliyad Shagganaa tin

28/06/2024

HINAAFFAA (Jealousy)
*****************************************
Hinaaffan gosa miiraa nama keessaa tokko tahee sadarkaa fi haala garaagaraan guyyuu wanta arginuudha.Kunis hinaaffaa isa gaarii fi hamaa qabaata , miirri isaa tokkuma ta’ee garuu sababni isaa garaagara. Yeroo baay’ee garuu miira wanta nuti iddoo guddaa qabnuuf yookin jaalannu waan dhabnu nutti fakkaatu muudatuu fi hariiroo jaalalaa keessatti hedduu muudata.

SABABOOTA HINAAFFAA:

*Namootatti of madaaluu
*Ofitti amanamummaa dhabuu
*Sodaa namaan caalamuu qabaachuu
*Sodaa waa dhabuu ykn namaan adda bahuu qabaachuu.
*Namaaf jibba qabaachuu ykn hammeenyummaa

AKKAMITTI OFIRRAA ITTISNAA?

*Miiraan keenya duwwaan gaggeeffamuu dhiisuu kunis wanta gaarii tahe hojjachuuf yaaluu
*Ofitti amanamummaa ofii guddisuu
*Nama itti hinaafnuuf waan gaarii gochuu yaaluu….Jaalalli furmaata
*Hinaaffa keenya karaa salphaa taheen ibsachuu yaaluu…sababni isaas miirri ukkaamfame kamiiyyuu gaafa dhoohu badiinsaa balaadha.
*Yeroo hunda fi nama hundaaf gaarii yaaduu fi hojjachuu yaaluu
*Yoo dadhabame ogeessa dubbisuu

MIIDHAA ISAA:
Hinaaffaa rakkoo xinsammuu guddaa fiduudhaan hariiroo nuti hiriyyaa, maatii fi hawaasa wajjin qabnu baayyee huba.
Keessaattuu ga’eela fi hiriyummaa keessatti summiidha!

Kutaa 2ffaa keessatti :

1. Dhiira moo dubaratu irra baayyee hinaafa?
2. Rakkoon hinaaffaan jireenya keenyarratti fidu maali?
3. Hinaaffan rakkoo xiinsammuu kamiin faa walqabachuu danda’a? fi
4. YAALLI yookin Furmaanni isaahoo? kan jedhu ilaalla.
Horaa bulaa!

Maddi: Barruu ”Psychology Today”
Dr Oliyaad Shagganaa tin

23/06/2024

YAALII VAAYIRASII TIRUU GOSA C(Hepatitis c virus treatment)
*****************************************************************
Gosti vayirasii tiruu kun kan daddarbu
• Karaa tuttuqqii dhiigaa fi dhiigaan kunis kanneen akka dhiigaa nama isaan qabame irraa fudhachuu , YKN karaa biraan ittiin faalamuu
• Meeshaa qara qaban kanneen faalamaniin fayyadamuu fi
• Madaa nama vaayirasicha qabuu tuttuquu
• Haadha ulfaarraa gara daa’ima dhalachuuf jirutti kan daddarbuudha.

Vaayirasiin kun miidhaa fiduu kan eegaluu yeroo baayyee erga qabamanii waggaa 20 hanga 30 booda tiruu miidhuun tiruu guutummaa guutuutti balleessuu fi kansarii tiruuf nama saaxila.
Vayirasiin kun talaallii hin qabu.

YAALA

Gosti vayirasii kun osoo tiruu irratti miidhaa cimaa hin fidun yoo argame guutummaa guutuun hamma jechuun danda’amutti ni fayya.
Yaaliin isaas gosa Vayirasii C keessaa gartuu isaa irratti , sadarkaa miidhama tiruu jiru irratti hundaayee kan adda bahu yoo tahu qoricha isaa ji’a sadii yoo baayyate ji’a jahaaf fudhachuun vaayirasii kanarraa fayyuun ni danda’ama.
Haa tahu malee miidhaan inni tiruu irratti fidu baay’een isaanii duubatti deebisuun ulfaachuu danda’a.
Horaa bulaa …………Deebanaa!

Dr Oliyaad Shagganaa tin

19/06/2024

FUNUUNA ( Epistaxis)
+++++++++++++++++++++++++++++++++++++
Funuunni yeroo dhiiga garaa ulaa fuunyaanii tokkoo yookin lamaanuu dhangala’uudha , darbee darbees gara garaatti gad deebi’uun dhiiga haqqisiisuu yookin tufsiisuu danda’a. Funuunni sadarkaa fi sabaaboota garaagaraas qaba.
SABABOOTA FIDAN:

1. Qubaan funyaan qotuu (Nasal pricking)
2. Rakkoo itituu dhiigaan walqabatu
3. Rukuttaa funyaanii ykn fuulaa keessaa
4.Qorichoota mana yaalaa kennaman tokko tokko
5 . Rakkoo uumama keenyaan funyaanii ( septal abnormality) fi kkf
Funuunni funyaan keessaa iddoo lamaa dhiiguu danda’a. kunis:

1 Dhiigaa funyaan gara fulduraa (Anterior nasal bleeds):
Inni kun gosa funuunaa baayyee mudatuu fi iddoon irraa dhiigummoo fuldura funyaanii gad-jallaa keenyaan uraa funyaanii lamaan adda baasurraadha.
*Sababni isaas yeroo baayyee qubaan funyaan keessaa horfuu dha.
*Funuunni kun yeroo baayyee rakkoo cimaa kan hin geessinee fi ofumaa dhabbatuudha.

2.Dhiigaa funyaan gara boodaa (Posterior nasal bleeds):
*Gosti funuuna kun ujummoolee dhiigaa gurguddaa funyaan gara duubatti argaman irraa kan dhufuu fi baayyee dhiiguudha. Kanaafis carraan ofin dhabbachuu isaa gad bu’aa waan tahef mana yaalaa dhaquu qaba.

NAMA FUNUUNUF MAAL GOCHUU QABNAA?
**************************************************
*Nama funuunaa jiru gaafa arginu funyaan isaa gara gadjallaa daqiiqaa 5 hamma 20 qabuun hirkisanii teessisuu
*Yookin ulaa funyaanii dhiigaa jiru jirbii ykn citaa uffataa qulqulluun cuqqaaluu

HUBADHAA! Dhiigni akka garaatti gad hin deebineef nama funuunu hirkistanii teessisuun filatamaadha! Funnuunni hundi kansarii dhiigaa miti (waanan jedheefan qaba).
*Sana boooda mana yaalaa dhihoo jiru geessudha.
Fayyaa hin dhabinaa! Horaa bulaa!

Dr Oliyaad Shagganaa tin

18/06/2024

CINQAMA SAMMUU (Stress)
*******************************************
Cinqamni sammuu jijjiirama miiraa qaamni yeroo dhiibbaa naannoo irraa (External trigger) nurra gahuu umamuudha. Kunis hamma barbaadamu ol yoo tahe rakkowwaani fi mallattoolee garaagaraa qaama keenya irratti fiduu danda’a. Asirratti cinqamni kun kan turu hammi wanti nu jeeqe sun turu qofattiidha, karaa biraan dhiphinni sammuu ( Anxiety) sababa tokko malee dhiphachuu sammuu keenyati.
SABABOOTA CINQAMA SAMMUU fidan:
~waayee wanta tokkoo baayyisanii yaaduu
~jijjiirama gudda tasa jireenya keenya muudatu keessaattuu muudannoo badaa
~Namoota jaallannu tasa of biraa dhabuu
~Balaa ykn mudannoo cimaa dabarsuu fkn gudeeddii, balaa konkolaataa
~Itti gaafatamummaa guddaa bahan qabaachuu
~Hojjii dhabdummaa
~Dhukkuba yeroo dheeraaf hin fayyine qabaachuu fkn dhukkuba sukkaaraa
~Namatti ykn hiriyyoota keenyaan of madaaluu
~Karoora humnaa olii karoorsuun rawwachuuf cinqamuu fi kkf

MALLATTOOLEE ISAA:

~Hirriiba dhabuu
~Xiyyeeffannoo dhabuu
~Yeroo hunda mukaa’uu
~Yeroo hunda aaruu
~Murtoowwan badoo fi bilchina hin qabne murteessuu
~Namaan walii galuuf rakkachuu
~Araada garaa garaa keessa dhokachuu
~Bowwoo mataa, dhukkubbiin qaama keenya hundarraa nutti dhagaayamuu , ilkaan qaruu ,qooma keenya keessa dhukkubbii fi dhahannan onnee dabaluu faadha.

YAALA:

Yaaliin isa cimina dhiibbaa mallattoolee kun fidan irratti hunda’a, yaaliis qaba dabalataan garuu kanneen armaan gadii dhiphina sammuu hir’isuuf ni fayyadu:
~Sosochii qaamaa daqiiqaa 30-sa’aatii 1 bakkuma jirtanitti ykn mana ispoortii
~Buna fi nyaata sukkara qabuu hir’suu
~Alkoolii , sigaaraa fi caatii irraa of qusachuu
~Hirriiba gahaa argachuu sa’aatii 6-8 guyyaa tokko keessatti
~Hiriyyoota ykn maatii wajjin yeroo dabarsuu
~Dhiphina miliquuf guyyaa guutuu TV,Facebook fi kkf irraa ooluu dhiisuu fi
~Ogeessa fayyaa xiinsammuu hasoofsiisuu
Galatoomaa…..Fayyaa argadhaa! Like and Share my page!

Dr. OLIYAAD SHAGGANAA tin

17/06/2024

Bututuu ykn yeroo hunda dadhabuu qaamaa (Fatigue)
*********************************************************
*Dadhabbiin qaamaa yeroo baayyee sababa garaagaraaan muudachuu danda’a.Kunis sadarkaa garaagaraa kan qabu fi deeddeebiin inni itti muldhatus garaagara.

SABABOOTA DADHABBII QAAMAA FIDAN.

*HUB. Dadhabbiin qaamaa baayyeen adeemsa uumamaa qaama keenya keessatti umamuun kan dhufuu fi sababoota kanneen akka:
*Hiirriba gahaa dhabuu
*Hojjii ykn sochii qaamaa baayyee taasisuu
*Ulfa fi harma hoosisuu
*Gadda cimaa fi
*Yaada baayyisuu (dhiphachuu) irraa dhufuu danda’a. Inni kun rakkoolee armaan olii yoo foyyeessine ni bada.
*Dadhabbiin qaamaa inni gara biraa kan dhukkuboota ciccimoo biraan walqabatuu fi yoo xiqqaate walitti fufiinsan ji’a 3 hanga 6 turuudha. Sababoonni isaas:
*Mukaa’ummaa (depressive disorders)
*Gadda yeroo dheeraa
*Cinqama fi yaada humna olii (stress)
*Dhukkuboota cimoo kalee , tiruu fi sombaa isa suutaa
*Rakkoowwaan hormoonii garaagaraa qaama keessaa madaala dhabuu
*Hanqina dhiigaa
*Dhukkuba sukkaraa , Onnee
*Furdina humnaa olii (Obesity)
*Sochii qaamaa gochuu dhiisuu
* Dhukkuba dadhabbii qaamaa turaa (Chronic fatigue syndrome) :Inni kun dhukkuba dadhabbii qaamaa yeroo dheeraa yoo xiqqaate ji’a ja’a fi isaa ol akkasumas dhukkubbii qaamaa salphaa fi rakkoo hirriiban walqabatuudha.

YAALA:
*Gosa fi sababa isaa irratti hundaa’ee yaala mataa ofii qaba. Garuu bututni qaamaa baayyeen isa yeroo gabaabaf turan (transient) fi sababoota xixiqqoo armaan oliin dhufanii fi haala jireenya foyyeessun foyyaa’aniidha.

Horaa bulaa…… Fayyaa hin dhabinaa!
Dr Oliyaad Shagganaa tin

16/06/2024

IJA LAAFUMMAA (Shyness)

*Ija-laafummaan miira umamaa nama kamiyyuu muudatu ta’ee namoota tokko tokko garuu jireenya guyyuu isaanii irratti dhiibbaa fiduu danda’a. Ija-laafummaan iddoo namoonni nuti sirritti hin beekne baayyeen ta’ee muraasni jiraanitti dhiphachuu , waan qaban dhabuu fi goolamuudha.
Kunis kan jalqabu dhalannee waggaa 1 fi jiha 6 booda , dhalootan hin jiru!
Ija laafummaa sadarkaa wal caaluun nama kamittuu dhagahamuu kan danda'u yoo ta'u garuu jireenya guyyuu keenyarratti rakkoo kan uumu yoo ta'e, xiyyeeffannoo barbaada.

MALLATTOOLEE IJA-LAAFINAA
*Hoollachuu
*Dafquu
*Hargansuu ykn rukuttaa onnee dabaluu
*Waan haasawan wallaluu fi
*Sagalee ciccitaa fi gad bu’aan hasawuu Fi kkf.
HUB; Ofitti amanamummaa dhabuu fi ija-laafummaan faallaas miti walitti dhufeenyas hin qaban.

SABABOOTA IJA-LAAFUMMAA:
1. Waayee ofii ilaalcha gad-bu’aa qabaachuu
2. Namni maal nan jedha jedhanii yaaduu
3. Deebii eegne argachuu dhabna jennee sodaachuu (fear of rejection)
4. Namatti of madaaluu
5. Sirrii ykn mudaa malee tahuuf yaaluu
AKKAMITTI HIR’ISUU DANDA’A?
1. Waan sirriitti dandeessu adda baastee beekuu
2. Namni daqiiqaa muraasaf malee dhimma kee akka hin qabne bari
3. Nama baayyee fuldura bahuu sodaatta yoo tahe jalqaba manatti kophaa kee sirritti shaakali
4. Wanta irratti ija laaftu sana suuta suutan saaxila ittin of baasi (exposure)
5. Wanta hamaa dhufuu danda’u tilmaami kana jechuun namarra gaariis badas bayyee eeguu dhiisuu
6.Hunda caalaa namni akka kee lafarra akka hin jirre beeki! Kunis ati karaa mataa keen :
*Bareedaa/ bareeddudha
*Cimaa / cimtuudha
*Namni waan jedhu akka hin dhabne beekuu
Horaa bulaa ………Deebanaa!

DR OLIYAAD

Doctor Oliyad

18/12/2024

17/12/2024

16/12/2024

15/12/2024

14/12/2024

14/12/2024

28/06/2024

23/06/2024

19/06/2024

18/06/2024

17/06/2024

16/06/2024

Address

Telephone

Website

Alerts

Contact The Practice

Shortcuts

Share

Category