Olyad clinic

13/06/2022

25/04/2022

11/04/2022

Dhukkubbii Dugdaa (Back Pain)

Dhukkubbiin dugdaa beekkamaa fi rakkoolee namoota hedduuti. Dhukkubbiin kun namoota umrii kamuu keessa jiran muudatus, Garuu namoota umriin deeman irratti ni baay’ata (akkuma umriin dabalaa deemu carraan rakkoo kana qabaachus dabalaa deema). Dhukkubbiin kun kan yeroo gababaa (acute back pain) ykn kan yeroo dheeraa (chronic back pain) ta’uu danda’a.

Yeroo baay’ee namoota irratti dhukkubbiin dugdaa gara gadittii ( lower back pain) mul’atuus, darbee darbee dhukkubbiin dugdaa gara olii (Upper back pain) namoota baay’ee muraasa ta’an muudachuu danda’a. Dhukkubbiin kun kan nama muudatu yeroo kutaaleen qaamaa gara duubatti argaman irra miidhaan gaheedha. Hunda caalaa garuu dhukkubbii dugdaa kan nutti fidu baay’ee beekkamaan rakkoolee maashaalee naannoo kanaatti argaman waliin walqabata. Kunis kan muudatu yeroo Ulfaatina guddaa ol kaasne, haala nutti hin mijanneen yoo ol kaasne ykn yeroo dheeraf kan dalagnu yoo ta’eedha.

Sababa dhukkubbii dugdaaf maaltuu nama Saaxila?

1. Ulfaatina guddaa ol kaasuu ykn haala hin mijanneen ulfaatina ol kaasuu.
2. Ulfaatina garmalee guddaa ta’e qabaachuu.
3. Ulfa (pregnancy)
4. Sochii qaamaa gochuu dhiisuu. (poor physical fitness)
5. Umrii (older age) dhukkubbiin kun akkuma Umriin dabalaa deemuun carraan rakkoo kana qabaachuu dabalaa deema.
6. Tamboo aarsuu.
7. Dhukkuboota akka kulkuluu buusaawwan lafee dugugguruu dugdaa (arthritis), kaanserii fi kkf..
8. Rakkooleen akka dhiphina sammuu hamaa fi aariin hanga tokko nama saaxiluu jedhamee yaadama.

Yaalaa fi Ittisa Dhukkubbii Dugdaa

Yeroo baay’ee dhukkubbiin kun boqonnaa fudhachuu fi manatti waan sasalphaan of gargaaruun baduu ni danda’a. Yeroo tokko tokko immoo mana yaalatti yaalas barbaachisuu danda’a. Ofii keenyaf yaaluf qabxiilee asii gadii haa ilaalluu:

1. Sosochii qaamaa gochuu. sochiin qaamaa jabinnaa fi qaamni keenya akka salphaatti kottoonfatuu fi diriiru godha.
2. Nyaata madaalamaa (keessattuu nyaatni kaalsiyeemii fi Vaayitaaminii D dhan badhaadhan,

10/04/2022

dhibeen kun dhibee naannoo qaama gadi taa’umsa( hudduu)(anus) kanaa irratti yookin keessan gadi bahu yoo ta’u innis kan dhufu ujummoolen dhiiga deebisan( dilatation of venous vessels of a**l region ) yoo dirri isaanii diriirudhaan ujummoolen kun dhiigan guuttamaniidha.. kanaaf dhibeen kun kan uumame ujummooleen dhiiga deebisan(veins) dhiigan guttamanii dhiigni isaan keessaa achitti yoo walitti qabamuudha.
=>namni dhibee kana qabu malattoolee akkamii irratti mullata? dhibeen kun dhibee namoota umuriin isaanii 45-65 jidduu jiru irratti kan baay’atu dha. namni dhibee kana qabu wantoota armaan gadii of irratti arga.
-gadi teesuma (stool)(bobbaa) isaa irratti ykn waraqata ittin qulqulleefatu irratti dhiiga diimaa arguu. kuni mallattoo isa jalqabaati
-akka tureen immoo yeroo mana fincaanitti fayyadamu qaama gadtessuma isaa keessan wanti gadi bahu isatti dhagahama.(pile)
– qaamni gadi taa’umsaa baay’ee isa hoosisuu jalqaba(itching or pruritus)
-akka tureen immoo qaamni gadi bahu kun erga bobbaa isaa fixateen booda ofiin ol deebi’uu dhisee gaduma bahee hafuu jalqaba .amma dhiigni dhukkubbii qabu bahuu jalqaba.yeroo mana fincaanii fayyadamu baay’ee isa dhukkubuu jalqaba.
=>kintaarotiin gosa meeqatu jira? gosa lamatu jiru.inni tokko kintaarotii keessaa inni biroo immoo kintaarotii alaa jedhamuun beekkamu.kintaarotiin keessaa(internal haemorroid) kan jennu gara keessa qaama gad teessuma keenyatti kan uumamuudha. kintaarotiin alaa(external hemorroid) kan jennu immoo gara ala ykn gara qaama gadi teessuma gara gadi aanutti kan uumamuudha.
=>wantootni dhibee kintaarotiif nama saaxilan maali fa’a? dhibee kanaaf wantootni nama saaxilan baay’ee yoo ta’an muraasa isaanii mee haa ilaallu.
-goga garaa (constipation) isa yeroo dheeraa.
-furdina(obesity) keessattuu namoota garaa cooman.
-namoota dhibee tiruu qaban(liver disease and portal hypertension)
-alkoolii baayinaan dhuguu.
-ulfa(pregnancy)
-dhibee nama qofaasisu isa yeroo dheeraa( chronic cough)
-dhibee sukkaraa(diabetic mellitus)