Giddu Gala Qoricha Aadaa Seeyfuu

27/06/2025

27/05/2025

DHIBEE CITTOO!
……………
MAALTU FIDA?
● Cittoon ilbisa xiqqoo ijaan hin mulla’anne ‘Sarcoptes scabies’ jedhamtuun kan dhufu dha.
● Ilbisi kun erga gogaa namaa irra qubattee booda, gogaa namaa gadi qotuudhaan boolla uummattee keessatti hanqaaquu buusuudhaan wal horuu eegalti, achumaanis mallattoo argisiisuu eegalti.

MALLATTOO
● Garmalee hooksisuu, hooksisuun kun guyyaa caalaa halkan kan hammaatuudha.
● Madaan xixiqqoo gogaa irraa xiqqoo olkaatu, keessumaa yoo ciminaan kan hooqan ta’e haga dhiiguutti deemtu.
● Mallattoon dhukkuba cittoo kun namoota dhukkuba dabalataa akka HIV/AIDs qaban irratti baay’ee kan hammaattuudha.
● Erga gogaan namaa sababa cittoo kanaan miidhamee madaa’ee booda, baakteeriyaan adda addaa kan duraan gogaa uranii seenuu hin dandeenye, carraa uumameef kanatti fayyadamuudhaan nama hubuu malu. Yeroo kana gogaan haga malaa (pus) yaa’uutti madaa’uu danda’a.

Cittoon qaama namaa keessaa bakka jallaattu qabdi, isaanis: quba gidduu, bobaa jala, naannoo buusaa barruu harkaa, ciqilee, faana miillaa, naannoo harmaa, naannoo qaama saalaa dhiiraa, teessuma fi jilba fa’i.

DAA’IMMAN BIRATTI
Cittoo ijoolleef biratti waantonii nama guddaa irraa xiqqoo adda taasisu, waanti kun caalamaan gogaa mataa, fuulaa, mormaa, Buusaa harkaa fi koomee lukaatu yeroo hedduu irra hubama.

AKKAMIIN DADDARBA?
● Waltuttuqqaa nama dhukkuba kanaan qabame fi nama fayyaa yoo ta’u.
● Uffataa (keessumaa uffata kan qaamatti aanu) yoo kan namoota dhukkuba kana qaban waliin kan qooddatan ta’eedha.
• Cittoo yaalamuu dhabuun dhukkuba gogaa biroo kan bakteriyoota gara garaatiin dhufaniif nama saaxiluu danda'a.
• Dabalataan namoota dandeetti dhukkuba ittisuu isaanii gad aanaa ta'e (fkn HIV, Kaansarii qaban fa'a) irratti gogaa qaamaa woliin gahuufi hammataa ta'uu danda'a.

YAALAA FI ITTISA
● Cittoon qorichaan (qoricha qaama hubametti dibatamuun) kan guutummaatti fayya.
● Kanaaf akkuma mallattoo kana ofirratti arganiin, mana yaalaa deemanii qoricha fudhachuun dirqama.
● Uffata qaamaa fi uffata siree ciisicha namni cittoodhaan qabame fayyadame hunda altakkaa saamunaadhaan sirriitti miicuu, achiis sirriitti akka goguuf aduutti baasuu.
● Waantoota miicamuu hin dandeenye ammoo plaastika keessa kaa’uudhaan bakka namni hin geenye tirban muraasaaf tursiisuudha. Kunis jarmootni cittoo fidan kun beela’anii waan du’aniifi dha.

XAXAALEE
• Cittoo yaalamuu dhabuun dhukkuba gogaa biroo kan bakteriyoota gara garaatiin dhufaniif nama saaxiluu danda'a.
• Dabalataan namoota dandeetti dhukkuba ittisuu isaanii gad aanaa ta'e (fkn HIV, Kaansarii qaban fa'a) irratti gogaa qaamaa woliin gahuufi hammataa ta'uu danda'a.

Teessoo:
Yaala Aadaa Kuush

– Daandii gara baalee geessu Bakka karaa Abbaa ‘30’ jedhamee beekamu kallattiin lixaatiin Gamoo H/ Kuyyuu Aynoo keessaatti Argamna.
Tajaajila: Guyyoota torban hundaa sa’aatii 7/24 nu argattuu.

- Naannawa 105 jedhamuun beekamu.
Torbaanitti Guyyaa Sanbataa fi. Dilbataa qofa nu argattu.

Yaala Aadaa Kuush follow godhaa

Karaa telegrama nuhordofuuf
https://t.me/yaalaAadaaKush
https://t.me/yaalaAadaaKush

Channel what's App keenyaan nu hordofuuf
https://whatsapp.com/channel/0029Vb5UB8sK5cD8wwhfcU2g

TikTok Nu hordofuuf
tiktok.com/
tiktok.com/

Odeeffannoo dabalataatiif
090 931 6243
0928795750
Yaala Mana Qoricha Aadaa Kuush
fayyaan faaya.
Share Like Godhaa

19/05/2025

BIQILTUU DHUKKUBOOTA HEDDUUF QORICHAA!!

Qoricha Jabaa Dhukkuba Tiruu Gosa Hunda Fayyadu

Kana Beektuu?
¯¯¯¯¯¯¯¯¯¯¯¯¯¯¯¯¯¯¯
Biqiltuun kun hidda isii irraa hanga sanyii ishiitti qorsooma cimaa qabdi. Keessumattuu firiin ishii baayyee barbaadama. Biyya Hindi, Chaayenaa fi Araboota biratti qorichi biqila kana irraa qophaayu baayyee qaaliidha.

Biyya keenya eddoo baayyetti biqila. Garuu Nuti bu'aa biqila kanaa baayyee hin barre. Dawaa kana mooraa keenyatti dhiisnee, qoricha biqila kana irraa tolfame pharmacy dwwmnee mallaqa guddaa baasnee bitanna.

Faranjiin iqilootuma keenya bifa jijjiirtee maqaa biraa itti moggaastee akka waan samii bu'eetti gatii qaaliin nutti gurguratti. Nutis waan nutti kennan waanii isaa usuu hin beekin qoroxxomnee nyaannee «Faranjiin haa jiraattu» jenna. Rabbii biqiltuu uume dhiifnee!!!

Biqilli kun halluuttaa fakkaata. Oromiyaa bakka baayyetti biqila. Ijoollee mataa bokkolluu ishii keessaa waan nyaatamu baafattee sooratti. Namoonni loon tiksaa guddattan ni beektu jedhee yaada. Yeeroo ammaa bifa adda addaan qophaayee mana qoricha aadaa fi pharmacy keessattis gurgurama.

Dhukkuba tiruu yaaluu keessatti qoricha dorgomaa hin qabneedha. Eeyye jaarraa 16ffaa irraa kaasanii ogeeyyiin fayyaa dhukkuba tiruu ittiin yaalaa turaniiru. Yeeroo amma kanas biyyoota akka Hindi, Chaayinaa, Biyyoota Arabaa fi Ummanni lixaatis badhinnaan dhimma itti bahaa jiru.

Afaan Oromootiin bakka heddutti «Qoree harree» jedhanii yaamu
Akka afaan Arabaatti «Showkul Haliib» شوك الحليب ykn showukul Jamal شوك الجمل jedhamti. Afaan Ingiliiziin «Milk thistle» jedham

Faayidaa Biqila Qoree Harree Muraasa.

1. Dhukkuba simbiraa/tiruu:-
Biqiltuun kun gosoota dhukkuba Simbiraa(tiruu) hedduuf dawaa ajaa'ibaati. Summaa'uu tiruu(liver toxicity), Hepatitis B, summii tiruu kan dhugaatii alkoolii irraa dhufu qulqulleessuuf, qorichoota yeeroo dheeraaf fayyadamuu irraa miidhamuu turuu, fi tiruun moora/cooma godhachuun yoo isin mudateef firiin biqila kanaa qorich gaariidha.
Tiruun akka hin madoofne ittisuu fi summiin tiruu irratti akka hin maxxanne gochuun tiruu kunuunsiti.

Qorattoonni akka jedhanitti, ''biqiltuu kun dawaa wal'aansa dhukkuba tiruu irratti qoratame keessaa isa guddaadha'' jedhanii kaayanii jiru.

2. Rakkoo Rajiijii(dhukkuba sukkaaraa too'achuuf)

Rajiijiin xannacha hoormoonii insuliinii maddisiisuun hamma sukkaara dhiigaa keessaa kan to'atudha.
Ogeeyyiin fayyaa akka jedhanitti biqiltuun kun Rakkoo rajiijii ni too'ata. Kana jechuun biqiltuun kun namoota dhukkuba sukkaaraa gosa 2 qaban irratti hamma sukkaara dhiigaa keessaa gadi buusuuf gargaara jechuudha.

3. Dadhibina Sammuu namaatiif:-
Biqilli kun Sammuun namaa akka hin dadhabne, sammuun akka hin harkifanne ykn sammuun akka hin joonjofne too'ata. Keessumattuu umriin namaa dabalaa yoo adeemu sammuun namaa ammoo hir'ataa adeema. Waa qayyabachuu fi waa qabachuu dadhaba. Rakkoo akka kanaa biqiltuu kanaan ittisuun ni danda'ama.

4 Lafee jajjabeessuuf:-
Qabiyyeen biqila kanaa albuudota jajjabina lafeetiif gargaaran waan ofkeessaa qabuuf haphachuufi laaffachuu lafee irraa nama baraarti.

5. Harmi dubartootaa akka mirguuf:-
Biqiltuun kun maqaan isaa biyya arabaatti "Qoree Aannanii" (شوك الحليب) jedhamee beekkama. Kunis waan inni dubartoota akka harmi isaanii mirgu taasisuuf kanuma irraa ka'ee maqaa kana argate jedhu ogeeyyiin. Dubartoota hanqina aannan harmaa qabaniif faayidaa guddaa qaba.

6. Summii qaama keenya miidhuu danda'an dhabamsiisuu:-
Summiin adda addaa qaama keenya yoo seene ykn qaama keenya keessatti yoo kuufame kalee, onnee ykn tiruu miidhuu fi guutummaa qaama keenyaa miidhuu danda'a. Summii miidhaa geessisan kanneen dhiiga fi qaama keessaa qulqulleessee dhabamsiisa.

7 Madaala hoormoonta sirreessa. Hoormoonii sanyii kormaa fi dhalaa, Hoormoonota bullaa'ina soorataaf gargaaran, hormoonta guddina namaaf gargaaran fi kkf madaalawaa akka ta'an taasisa.

8. Cirracha kalee, cirracha hadhooftuu fi cirracha afuuffee fincaanii caccabsee baasa.
👉 Biftu Page
👉 Biftu Education
Akkamitti fayyadamna?
Eenyutu fayyadamuu hin qabne?
Eessaa arganna?
Maal isaatu fayyadamna?
Liinkii Telegram Chenal Keenya irraa argattu
👇👇👇👇👇👇👇👇👇👇👇👇👇👇👇👇
https://t.me/yaalaAadaaKush
https://t.me/yaalaAadaaKush

10/05/2025

Waan Dagtamuu Hin Qabne Maaf Dagatu?
Qoricha Farra Kaansarii Maaliif Hin Himne?
➢➢➢➢➢➢➢➢➢➢➢➢➢➢➢➢➢➢
Angudaaye/Horrooqoo/እንጉዳይ/Mushroom/الفطر jedhama.
Qoricha Farra kaansarii, Garuu waa'een qoricha kanaa hanga bu'aa isaa baayyee hin faarfamne.

Angudayee ykn Horrooqoo jedhamti. Maqaan Saayinsawaan 'Agaricus Campestrics' jedhama. Afaan Ingiliziin 'Mushroom' yoo ta'u, Araboonni Faxar الفطر او مشروم jedhanii yaamu. Worri ollaa keenyaas እንጉዳይ jedhee yaama. Isin hoo maal jettanii yaamtu?

Dur-dur yeeroo migirri/wiixaan akka ammaatti oomisha qonnaatiif jedhamee lafaa qotamee hin badin dura, horrooqoon/angudaayee akka gaaritti argama ture. Namoonni ijoollummaa isaaniitti loon tiksaa guddatan waan kana haalaan beeku. Madda nyaataa gaarii tiksee looniitis.

Yeeroo amma sababa adda addaan baddee jirti jechuu dandeenya. Sababoonni kunneenis qonna babal'te, keemikaalota adda addaa kanneen margaafi midhaanitti beefamniin akkasumas qorqisiisanii dheeduun fa kaasuu dandeenya.

Horrooqoon/Angudaayeen qabiyyee uumamaan kaansarii lolu kan kuduraa fi muduraa kamiyyuu keessatti hin argamne «Seeleeniyeemii» baay'inaan of keessaa qaba.

Seeleeniyeemiin kaansarii dabalatee dhukkuboota gurguddoo fayyisuu fi ittisuu irratti faayidaa fayyaa ajaa'ibsiisaa qaba.

Seeliniyeemiin soorata lubbuu baraaruu fi fayya-buulessa nama taasisu yoo ta'u, adeemsa uumamuu kaansarii tishuu qaamaa keessatti ukkaamsudhaan qolata. Antioksidaantoonni angudaayii keessatti argaman summii "free radicals" jedhamu kan Kaansarii fiduun miidhaa qaamaa hamaa geessisu loluun ofirraa ittisa.

Infekshiiniin kamuu qaama keessatti akka hin uumamne loltuu cimaa ta'ee ittisa. Kanaaf namoonni fayyaaf dhimmaman seeleniyeemi argachuuf horrooqoo/mushroom nyaatu.

Horrooqoon Addunyaa guututti nyaata beekkamaa fi filatamaa ta'ee nyaatama. Angudaay/Horrooqoon bakka lamatti qoodama. Isaanis:
1. Kan Nyaataaf ooluu fi
2. Kan hin Nyaatamne(Habuuttaa) jedhamuun beekama.
Angudaayiin nyaatamuu danda’u biyyoota ambaatti dhaabbilee qonna ogummaadhaan deeggaramaniin oomishama.

Angudaayeen/Mushroomiin pirootiinii baay’ee waan qabuuf namoota foon hin nyaanneef madda pirootiinii amanamaa fi bakka bu'aa foonii cimaa dha. Dhukkubsattoonni dhukkuba sukkaaraa pirootiinii biroo dhoowwaamanis, rakkoo tokko malee pirootiiniin Angudaayee/horrooqoo nyaachuu danda'u.

Madda vitaaminii gaarii ta'uunis ni jajama. Keessattuu vitaaminii B fi C (folic acid, tiyamin, niacin fi reviflavin) baay'ee qaba. Albuuda barbaachisoo ta’an kanneen akka; pootaasiyeemii, maagniziyeemi, ziinkii, kopparii fi fosfarasii of-keessaa qaba.

Faayidaa Angudaaye/Horrooqoo Muraasa
➢➢➢➢➢➢➢➢➢➢➢

• Dhukkuba Kaansariif:
Madda vitaaminii gosa addaa kan kaansarii namarraa dhorku kan akk V-D fi albuuda «Seeleeniyeemii» baay'inaan of keessaa waan qabuufi.

• Dhukkuba kaleef:
Kunis sababa qabiyyee Sodiyaamii xiqqaa qabuufi.

• Dhiibbaa dhiigaa gadi buusa:
Kunis sababa pootaasiyeemii baay’ee, soodiyemii ammoo xiqqaa qabuufi. Qabiyyeen pootaasiyeemii olaanaan kun dhiibbaa dhiigaa gadi buusuuf gargaara.

• Fayyaa sammuu keenyaa eega: Yaaddoodhaaf dhiphina qaamaa to'achuuf kan gargaaru yoo ta'u, namni miira boqonnaa akka qabaatu taasisa.

• Madiinummaa Uumamaa Cimsa:
Sirna ittisa qaamaa fayya qabeessa akka ta’u taasisa. Dhukkuboota dursinee akka ittisnuuf nu gargaara.

• Kolestroolii gadi buusa.
Fayiberii bulbulamaan 'beetaa-giluukaan' jedhamu kolestrooliin gara dhiigaatti akka hin xuuxamne gufachiisuun qaamni keenya kolestroolii xiqqaa akka qabaatu gochuu danda’a

Kana Malees bu'aa hedduu qabdi.

Akkaataa Fayyadama ishiif Fedha Rabbiitiin Wolitti Deebina.

Yaala Aadaa Kuush follow godhaa
Teessoo:
Yaala Aadaa Kuush

– Daandii gara baalee geessu Bakka karaa Abbaa ‘30’ jedhamee beekamu kallattiin lixaatiin Gamoo H/ Kuyyuu Aynoo keessaatti Argamna.
Tajaajila: Guyyoota torban hundaa sa’aatii 7/24 nu argattuu.

- Naannawa 105 jedhamuun beekamu.
Torbaanitti Guyyaa Sanbataa fi. Dilbataa qofa nu argattu.

Yaala Aadaa Kuush follow godhaa

Karaa telegrama nuhordofuuf
https://t.me/yaalaAadaaKush
https://t.me/yaalaAadaaKush

Channel what's App keenyaan nu hordofuuf
https://whatsapp.com/channel/0029Vb5UB8sK5cD8wwhfcU2g

TikTok Nu hordofuuf
tiktok.com/
tiktok.com/

Odeeffannoo dabalataatiif
090 931 6243
0928795750
Yaala Aadaa Kuush
fayyaan faaya.
Share Like Godhaa