Dr.Idris Hasano

09/12/2024

********Beeksisa Carraa Hojii!********
Kilinikiin keenya gita armaan gadii irratti ogeessa qaxaree hojjachiisuu waan barbaaduuf dhuftaanii akka galmooftan
----------------------------------------------------------
Dhaabbata: Kilinika G/G HUDAA
Gita hojii:nurse
Baayinna: 1
Sadarkaa barumsaa; Level IV or Bsc
Saala : F/M
Mindaa: waliigalteen
Iddoo hojii:magalaa shashamannee ,ganda 01
Lakkoofsa bilbilaa:0913625312

07/08/2024

For Quality Care!

👉NAMA TALAALLII HEPAATAAYITAS B FUDHACHUU QABU
*******************************
Hepaataayitas B(Dhukkuba shimbirroo) dhukkuba haalaan namarraa namatti daddarbuudha. Haalli tatamsa'ina isaa kan HIV tiin wal bira qabnee yoo ilaallu kan hepaataayitas B tu irra hamaadha. Dhangala'aa ( hancufa, dhiiga, dhangala'aa qaama saalaa dubartii fi mi'oo) nama dhibee kanaan qabameetiin wal tuttuquudhaan namarra namatti daddarba. Kana malees yeroo da'umsaa haadharraa gara ilmootti ni dabra. Dhukkubni kun yoo tallaalamne guutumaa guututti kan ofirraa dhoorkuu dandeenyuudha
Eenyuutu tallaalamuu qaba?
---------------------------------------------
✍Daa'imman hunda
✍ Nama yeroo hedduu dhiiga namaa fudhatu
✍ Maatii keeysaa namni dhukkuba kana qabu yoo jiraate
✍Daa'ima haadha dhibee kana qabdu irraa dhalate
✍Ogeeyyii fayyaa hunda
Lemi Medical Center
Dr.Lemi B Tolu

03/12/2023

25/10/2023

Beeksisa Qacarrii

08/10/2023

guyyaa hardhaa bakka keessummoonni adda addaa argamanitti buufanni fayyaa zinureen majjammaa dodolaa keessatti ijaarame haala hoo'aa ta'een eebifamee jira,guyyaa seena qabeessa kana irratti hirmaachuu kootiif rabbiin galanni haa ga'u qammonni hundi galma ga'iinsa buufata kanaatiif gahee taphattan akka qaama boordii buufata fayyaa kanaatti galatoomaa isiniin jechuu barbaada.

07/09/2023

Dhaqna qaba ijoollee Dhiiraa
***
¥¥Ijoollee Dhiiraa dhaqna qabsiisuu Kan qabnu umurii meeqarratti?

Umuriin dhaqna qabaaf filatamaa ta'e mucaan dhalatee guyyaa 8ffaa irraa kaasee hanga dhuma ji'a sadaffaatti

Sababiin isaas፡
1. Umrii kanatti daa'imman dhukkubbii xiqqaatu itti dhaga'ama

2. yeroo dhaqna qabaa sochii xiqqaa waan taasisaniif hin rakkisani

3. gara fuulduraatti waa'ee dhaqna qabamuusaanii kana (kan opereshinichaa) yaadannoo hin qabaatan

Amartii/qubeelaadhaan dhaqna qabuun akka gaariitti kan hojjetu daa'imni umuriin isaa ji'a afurii gadii yeroo dhaqna qabamudha. Umriin kun haadha mucaa kunuunsituufis ta'ee daa’imaaf baay’ee mijataadha.
***
👉Kliniikaa kenyaattii dhaqna qaba Ijoollee dhiiraa Amartii/qubeelaadhaan nii kenniina.

07/09/2023

*Infekshinii Kalee*
📌 Infeekshiniin Kalee gosa infekshinii ujummoo fincaanii (UTI)ti.
-Infeekshiniin kalee tuuboo fincaan qaama keessaa geessu (urethra) ykn ujummoo fincaanii keessatti jalqabuu danda’a.
-Infeekshiniin kun gara kalee tokkoo ykn lamaanitti babal‘aachu danda'a.
-Infeekshiniin Kalee tokkos pyelonephritis jedhama.
-Infeekshiniin Kalee yaala fayyaa hatattamaa barbaada.
📌 Infeekshiniin tokko yoo sirnaan hin yaalamne Kalee irratti miidhaa fiduu danda'a. Yookiin baakteeriyaan kun gara dhiigaatti babal’atee infekshinii balaafamaa fiduu danda’a.
📌 Wal'aansi infekshinii kalee yeroo baayyee qoricha farra baakteeriyaa of keessatti qabata, kunis hospitaala keessatti kennamuu danda'a.

*_Mallattoon dhukkuba kalee:_*
_• Dhaqna gubaa_
_• Miira gubaa ykn dhukkubbiin yeroo fincaan namatti dhagahamu._
_• Yeroo baayyee/dafaani dafaani fincaahu._
_• Dhukkubbii dugdaa, fi garaa fi cinaacha._
_• Fincaan urgaa hamaa qabu._

*Sabaaba*
📌 Baakteeriyaan karaa ujummoo fincaanii seenan baay'achuun gara Kalee keessaniitti facaa’u danda'u.
-Kun sababni dhukkuba kalee baay'inaan namatti fidudha.
📌 Baakteeriyaan infekshinii kutaa qaama biraa irraa dhufus karaa dhiigaa gara kaleettii babal'achuu danda'a.
-baqaqsanii hodhuu Kalee booda infekshiniin kalee mudaachu danda‘a.

*_Wantoonni carraa dhukkuba tiruu dabalan:_* .
_• Dubartii ta'uu._
-Ujummoon fincaanii dubartoota dhiirota caalaa gabaabbata.
-Sun baakteeriyaan qaama alaa irraa gara ujummoo fincaanii akka salphaatti akka imalan taasisa.
_• Ujummoo fincaanii Cufamuu
_•Sirni ittisa qaamaa laafaa ta'uu._
_•Kaateetara Fincaanii fayyadamu._
***
*_Yoo hin yaalamne infekshiniin kalee rakkoolee ciccimoo ta'uu danda'an kanneen akka:_*
_• Madaa kalee._
📌 Kunis dhukkuba kalee yeroo dheeraa, dhiibbaa dhiigaa fi dadhabina kalee fiduu danda'a.
_• Summii dhiigaa._
📌 Kaleen balfa dhiiga keessaa calaluun dhiiga calalamee qaama hafeetti deebisa.
📌 *Infeekshiniin Kalee baakteeriyaa karaa dhiigaa akka babal'atu gochuu danda'a.*
_• Rakkoolee ulfaa._
📌 Infeekshiniin Kalee yeroo ulfaa mudatu carraa daa'imi ulfaatina xiqqaan akkaa dhalatufii, ulfii akkaa bahu ykn garaa kessaattii akkaa midhaamu gochuu dandaaha.

*Ittiisa
-Infekshinii ujummoo fincaanii ittisuun carraa dhukkuba kalee hir'isuun danda‘ama.
*_Keessattuu dubartoonni carraa dhukkuba ujummoo fincaanii qabaamu waan qabaaniif***
_• Dhangala'aa/bishaan dhuguu._
_• Dafaani fincaan bahu/fincaan yeroo dheeraf qabaachu dhiisu.
_• Walqunnamtii Saalaa Booda Ujummoo fincaanii Duwwaa gochuu/fincaahu._
_• Of eeggannoodhaan qulqullaa’u
Dr. Lemi Clinic For Quality Care!
***
Dr.Lemi B Tolu

07/09/2023

07/09/2023

Dhukkuba sombaa daa’imman irratti (Pneumonia in children) (saanbaa michii)

Dhukkubni sombaa gosa infeekshinii sirna hargansuu gara gadii tahee fi cimaa kan somba miidhudha. Sombi kiisha xixiqqoo alveoli jedhaman irraa kan ijaarame yoo ta’u, isaanis yeroo namni fayyaa ta’e hafuura baafatu qilleensaan guutamu. Dhukkuboota du'a daa'imman waggaa 5 gadii fidan hunda keessaa dhukkubni sombaa isa tokkodha. Dhukkubni sombaa kunis vaayirasii, baakteeriyaa ykn fangasiitiin dhufuu danda’a. Dhukkubni sombaa talaallii, soorata gahaa fi qulqullina naannoo eeguun ittifamuu danda’a.

Qabatama dhukkuba sombaa daa’imman irratti

Dhukkubni sombaa addunyaa irratti sababa du'a daa'immanii daddarboo tokkicha. Akka dhaabbanni fayyaa addunyaa addeessuti dhukkubni sombaa bara 2019tti daa’imman umuriin isaanii waggaa 5 gadi ta’e 740,180 kan ajjeese yoo ta’u, du’a daa’imman waggaa 5 gadi ta’an hunda keessaa 14% yoo ta’u, du’a daa’imman waggaa 1 hanga 5 jiran hunda keessaa 22% ta’a. Dhukkubni sombaa bakka hundatti daa’immanii fi maatii kan miidhu yoo ta’u, duuti daa’immanii garuu kibba Eeshiyaa fi Biyyoota Afrikaa odola Sahaaraa gadiitti baay’inaan mul’ata.

Sababoota dhukkuba sombaa daa’immanii!

Dhukkubni sombaa vaayirasii, baakteeriyaa fi fangasii dabalatee wantoota daddarboo hedduudhaan kan dhufudha. Kanneen baay’inaan mul’atan kanneen armaan gadiiti.
• Streptococcus pneumoniae dhukkuba sombaa baakteeriyaa daa’imman irratti baay’inaan dhufudha.
• Haemophilus influenzae type b (Hib) sababa dhukkuba sombaa baakteeriyaatiin dhufu isa lammaffaadha.
• Vaayirasiin sirna hargansuu (respiratory syncytial virus) sababa vaayirasii dhukkuba sombaa baay’inaan mul’atudha.
• Daa’imman HIVn qabaman keessatti, Pneumocystis jiroveci sababoota dhukkuba sombaa baay’inaan mul’atan keessaa tokko yoo ta’u, yoo xiqqaate du’a dhukkuba sombaa daa’imman HIVn qabaman hunda keessaa harka afur keessaa tokkoof itti gaafatamummaa qaba.

Daa’imman akkamiin dhukkuba sombaan qabamuu maluu?

Dhukkubni sombaa karaa hedduudhaan babal’achuu danda’a. Vaayirasiin fi baakteeriyaan yeroo baay’ee funyaan ykn qoonqoo daa’imaa keessatti argaman yoo afuura baafaman somba bira deemuun infeekshinii uumuu danda’u. Akkasumas karaa copha qilleensaa yeroo qufaa ykn haxxiffannaa irraa dhufuun babal’achuu danda’u. Kana malees, dhukkubni sombaa karaa dhiigaatiin babal’achuu danda’a, keessumaa dahumsaa booda.

Daa’imman dhukkuba sombaaf saaxiluu danda’aa?

Daa’imman fayyaa ta’an baay’een isaanii ittisa uumamaa isaaniitiin dhukkuba kana ofirraa ittisuu kan danda’an yoo ta’u, daa’imman sirni ittisa qaamaa isaanii balaadhaaf saaxilame ammoo dhukkuba sombaatiin qabamuuf carraa guddaa qabu.

• Daa’imman harma haadhaa qofa osoo hin hodhiin hafan
• Hanqina nyaataa ykn nyaata gadi aanaa
• Dhukkuboonni duraan turan kan akka HIVn qabamuu fi gifiraa
• Faalama qilleensa mana keessaa boba’aa nyaata bilcheessuun
• Maatiin tamboo xuuxuu
• Mana tokko keessa walitti baayyachuu maatii
• Talaallii akka fudhatan gochuu dhabuu
• Aduutti baasuu dhabuun hanqina vaayitaminootaaf saaxilamuu fa’a.
• Xuuxxoon fayyadamuu

Mallattoolee dhukkuba sombaa daa’imman irratti

Mallattoon dhukkuba sombaa vaayirasii fi baakteeriyaan dhufuu walfakkaachuu danda’a. Haa ta’u malee, mallattoon dhukkuba sombaa vaayirasii mallattoolee sombaa baakteeriyaa caalaa baay’achuu danda’a.

Daa’imman umuriin isaanii waggaa 5 gadi:-
• Qufaa
• Hafuura baafachuun rakkachuu,
• Ho’a qaamaa qabaachuus qabaachuu dhiisuus malu.
• Aaduu
• Daddaffiin harganuu
• Ol deebisuu
• Garaa kaasaa fa’a tahuu mala.

Daa’imman bicuu waggaa tokkoo gadi irratti:-

• Harma hodhuu dadhabuu ykn inumaa dhaabuu
• Of wallaaluu
• Ho’a qaamaa ol ka’aa ykn immoo ho’i qaamaa gadi bu’uu dabalata
• Qufaa
• Harganuu
• Aaduu
• Ol deebisuu fi garaa kaasaa

Wal'aansa isaahoo maalii?

• Wal’aansi dhukkuba sombaa daa’imman irratti cimina dhukkubichaa irratti hundaa’a. Dhukkuba sombaa salphaa yoo tahe farra baakteeriyaa bifa shirooppiin fudhachuun gahhadha. Dhukkuba sombaa cimaa yoo tahe garuu karaa hidda dhiigaa fudhachuu qabu.
• Erga hakiima ofii agarsiisnee booda akkaataa ajaja hakiimaan fudhachuu barbaachisa; adda muruun daa’ima ofii irratti rakkoo dhaluudha.
• Dhangala’aa dabalataa kennuu
• Daa’imman harka hodhan hanga duraa irra daddafnee hoosisuu qabdu.
• Nyaata madaalamaa akka argatan gochuu.
• Qoricha ho’a qaamaa hir’isu akkaataa ajaja hakiimaan kennuu qabna.
• Boqonnaa gahaa akka argatan gochuu qabna

Tooftaalee Ittisa dhukkuba sombaa

Dhukkuba sombaa daa’immanii ittisuun tooftaa du’a daa’immanii hir’isuuf qophaa’e keessatti qaama barbaachisaa dha. Tooftaaleen armaan gadiis ni jiru. Isaanis:-

1. Talaalliin Hib, pneumococcus, measles fi peerchuusis jedhamu dhukkuba sombaa ittisuuf karaa hunda caalaa bu’a qabeessa ta’edha.
2. Nyaanni gahaan ittisa uumamaa daa’immanii fooyyessuuf furtuudha, ji’oota 6 jalqabaa jireenya isaanii keessatti harma qofa hoosisuu.
3. Nyaata madaalaa akka sooratan gochuu
4. Vaayitaaminoota akka vaayitaminii D aduu irraa argatanii fi soorata keessa akka argatan gochuu
5. Qulqullina naannoo fi dhuunfaa eeguu.
6. Dhimma naannoo kan akka faalama qilleensa mana keessaa fi mana namaan guutame keessatti qulqullina gaarii jajjabeessuu
7. Tuttuqqii daa’imman fi namoota gurguddoo dhukkuba kanaan qabamanii fi utaalloon qabaman dhiisuu qabu.
8. Daa’imman xixiqqoo waggaa tokko gadii irratti xuuxxoo fayyadamuu dhiisuu fa’a.
9. Tamboo mana keessatti xuuxamu irraa fageessuu
10. Aara mana keessaa hir’isuu (Cilee, nyaata mana keessatti bilcheessuu fi naafxaa bobeessuu fa’a dabalata)
11. Daa’imman HIVn qabaman hordoffii barbaachisu gochuun qorichoota barbaachisan akka argatan gochuu.
12. Harka dhiqachuu

Yoom hatattamaan mana yaalaa geessuu qabnaa?

Akkuma armaan olitti ibsame dhukkubni sombaa du’a daa’immaniif sababa tokkodha. Kanaafuu mallattoolee armaan gadii yoo argine hatattamaan mana yaalaa geessuun du’a daa’imaa hambisuudha. Isaanis:-

• Daddaffiin harganuu, aaduu, jeeqamuu
• Harma hodhuu ykn nyaata nyaachuu hir’isuu/dhaabuu
• Ol deebisuu walitti fufaa tahee
• Garaa kaasaa irra deddeebbiin dhufu
• Of wallaaluu
• Erga qoricha eegalee guyyaa lama keessatti fooyyee agarsiisuu yoo dhabe
• Erga qoricha eegalee gidduun mallattoo addaa yoo mul’ise
• Qoricha ajajame yoo akka ajajameen fudhachuu didan.

Fayyaan Daa'immaniif
By Dr. Sabona - Pediatrician

30/08/2023

Kulkula Apendiksii | "ትርፍ አንጀት" | Appendicitis

Apendiksiin gumaa foonii kutaa mar’ummaan furdaa ‘cecum’ jedhamu irraa gad rarra'ee kan argamuudha. gidugalaan dheerinni 6cm hanga 9cm gaha.

Faayidaa baay’ee murteessaa ta’e hin qabdu,garuu infekshinii adda addaa irraa qaama keenya eeguu keessatti gahee qabdi.jireenya kessatti dhiroota irratti hanga 8.6%,dubartoota keessatti hanga 6.7% (life time risk) dhibee kanaan qabamuu danda'a.dhibeen Kun irra caalaa umrii 20 hanga 30tii nama dhukuba.

Kulkulli apendiksii sababa garagaraatiin dhufa irraa caalaa cufamuu qaawwa(ulaa) appendiksii kanaa irraan kan ka’e, appendiksiin infekshinii yeroo horattu dhukkuba uumamudha.

MALLATTOOLEE DHUKUBICHAA
* ho'i qaamaa dabaluu
*fedhiin nyaataa hirdhachuu
*lolloojjii (nausea)
*haqisiisuu
*dhubbii gara keessattuu hadhuura irraa ka'ee kan gara cinaa mirgaatti dabalaa deemu
*garaa gara cinaa mirgaa yoo tuqan dhukkubuu

Yoo hatattamaan yaala hin argatiin appendiksiin dhiitaofte kun dhohuudhaan (tarsa’uudhaan) infekshinii gara kutaa garaa keenyaa hafetti facaafti.

Yeroo kana ho'i qaamaa Fi dhukubiin garaa sirritti dabalaa deema
mattooleen Kun yoo nama irratti muldhate appendiksii ta'uu waan maluuf gara mana yaalaa deemuudhaan ,yaala argachuu barbaachisa.

Hubachiisa: ijjollee, dubartii Fi naamoota gurguddaa irratti dhukkuboota biroo wajjiin wal fakkachuu waan maluuf yeroon akka adda baasan gara mana yaalaa geessaa!

" fayyaa keenyaaf dursa haa kenninuu"
Dr. Idris Hasano, General surgeon