Gidduu Gala Yaala fayyaa Qoricha Aadaa Oromiyaa, Shashemene (2026)

02/03/2026

Oduun ajjeefamuu muummicha ministeera Israa'eel Beenjiyaamii Netaaniyaahuu fi doonii Ameerikaa guddichi Iraaniin haleelameera jedhu guutummaatti oduu kijibaati.

Gabaasni Mummeen ministeera Israa'eel Beniyaamiin Netaaniyaahuu Ajjeefamaniru jedhu guutummaatti soba. Odeeffannoo kun odeeffannoo sobaa (fake news) waraana sammuu (psychological warfare) waliin kan walqabatu dha. Hamma ammaatti (Mar 2, 2026), Mummeen Ministeeraa Israa'eel lubbuudhaan jira.

Mootummaan Israa'eel, waajjirri Mummee Ministeeraa, ykn miidiyaaleen gurguddoon addunyaa (BBC, CNN, Al Jazeera) waa'ee du'a Netaaniyaahuu gabaasa tokkollee hin baasne. Utuu Netaaniyaahu du'ee silaa Miidiyaa addunyaa Ajaa'ib godhee gabaasa ture!. Silaa iraaniyyuu goota jabduu taatii turee garuu Netaaniyaahu lubbuudhan jira hin duune.

Netaaniyaahuun har'a dhimma nageenyaa biyya isaa irratti ibsa kenneera, akkasumas yeroo kana hoggantoota waraanaa waliin walga'ii gaggeessaa jira.

Yeroo baay'ee yeroo waraanni jiru, Iiraanii fi Israa'eel gama miidiyaatiin "waraana sammuu" (psychological warfare) gaggeessu. Iiraan "Netaaniyaahuu rukunneera" jechuun odeeffannoo sobaa facaasuu dandeessi. Akkuma Ameerikaa fi Israa'eel yeroo darbe buufata Gabbisa yuuraaneemii iraan barbadeessuneerra jedhanii garuu booda Oduu sobaa ta'uun mirkanaa'ee!.

Mummeen Ministeeraa Israa'eel eegumsa nageenyaa addunyaa irratti isa cimaadha jedhamu qaba, isaayyuu yeroo kana lafa jela jira, buufatni inni keessa jirus dhoohinsa misaa'elaa hamaa damdamachuu kan danda'u dha. Gabaabumatti, odeeffannoon kun oduu sobaa (fake news) miidiyaa hawaasummaa irratti faca'e dha. Akka namichi du'u, hawwii nama baay'ee waan ta'eef porpogaandaa Muummeen ministeeraa Israa'eel du'eera jedhu bal'inaan facaafamaa jiraa.

Akkasumas Dooniin ameerikaa kan xiyyaara waraanaa baattu USS Abraham Lincoln hin rukutamne.

Humna Waraana Ameerikaa (CENTCOM) gabaasa Iiraan "doonii ameerikaa rukunneera" jedhu kuffisssera. Ameerikaan "Misaa'elonni Iiraan doonii keenya bira iyyuu hin geenye; dooniin keenya ammas hojii ishee itti fufaa jirti" jedhee jira.

Viidiyoon Yeroo dooniin sun ruktumatee dhidhimtu, agarsiisu kan viidiyoo bara 2025 keessa mul'atee fi tapha viidiyoo Arma 3 irraa kan fudhatame ta'uun isaa mirkanaa'eera.

Gabaabumatti, gabaasni ajjeefamuu muummicha ministeera Israa'eel Netaaniyaahuu fi doonii Ameerikaa guddichi Iraaniin haleelamuu ibsu oduu kijibaa kan uummata keessatti sodaa uumuuf kan qindaa'e malee dhugaa lafa jiru miti.

Lolli iraanii fi Israa'eel+ameerikaa akkuma itti fufe tti, jira Iraan Hoggantoota siyaasaa fi qondaaloonni Waraana Hoggantoonni Amantaa Ayatollah Alii kaaminii dabaltee Hoggantoonni olaanoon 10 ol jelaa ajjeeffamaniiru!.

Waraanicha irratti Hanga Ammaatti Olaantummaa Waraanaa kan qabatee jiru Ameerikaa fi Israa'eeliidhuma. Garuu Miidiyaa gubbaatti kan sagalee qabu Iraanii dha. Sababni isaa Wanti iraan miidiyaa irratti sagalee argatteef haawasni Adduunyaa Hedduun Ameerikaa fi Israa'eeliin akka biyyoota dubbii fi waraana barbaadanutti ilaala waan ta'eef injifatamuu jaraa hawwaa sababa Kanaaf oduu jara gadi qabu miidiyaa gubbaatti baay'atee Maxxansama. Biyyoonni kun lamaan lafa waraanni jiru hunda keessatti argamu waan ta'eef hawaasa addunyaa hedduu birratti fudhatamummaa dhabaniiru.

Garuu ameerikaa fi Israa'eel lafa irratti humna waraanaa guddaa fi ammayyaa dhoksuun hin danda'amne qabu. Ammayyuu lafa irratti Olantummaa guutuun kanuma jaraati! Kun dhugaa dhoksuun hin danda'amne dha!. Kan Hoggantoonni Gurguddoon jelaa ajjeeffaman Iraaniin qofa ta'uun dhugaa dirree jirudha. Chaayinaa fi raashiyaan Iraaniin deeggarani ibsa kennuu danda'u garuu kun Oduu miidiyaa qofa malee lafa irratti jijjirama tokko fiduu hin danda'u!.

Yeroo ammaa akka miidiyaa hawaasaa irratti arginuun iraan waan injifachaa jirtu fakkaata garuu dubbiin lafarra jiru kana miti! Iraaniin keessatti yoo namni kumni tokko du'e, Israa'eeliin keessatti kan du'aa jiru 10 yokan 20 qofaa, garuu miidiyaan isa Iraaniin keessatti namni 1000 dhume dhiisee, nama 10 kan Israa'eeliin keessatti du'e, ol kaasee dubbataa kunis lola sammuu jedhamaa!.

Waraana kana irratti Utuu iraan injifattee hawwii nama hedduu turee garuu! Sobuun hin barbaachisu! Kan injifachaa jiru Ameerikaa fi Israa'eeliidhumaa!. Inumaayyuu iraan Utuu daftee waraanicha dhaabdee gaariidha! Utuu kanaa ol salphinni hin dhufin!. Sababni isaas iraan biyya ofii eeguu miti, hogganaa Ol'aanaa abbaa iraanootaa jedhamanu Ayatollah Alii kaaminiiyyu Eeguu hin dandeenyee!. Dhugaadha Iraan biyya laaftuu miti, biyya barattedha, Israa'eel wajjiiniin sadarkaa tokko qofaan wal caaluu Israa'eel Adduunyaa irratti Sadarkaa 15ffaa qabdii, Iraan immoo Sadarkaa 16ffaadha. Garuu rakkoon jiru Iraan Haleellaa misaayilaa qofa raawwachuu dandeessi malee Humna ittisa qilleensaa kan haleellaa Ameerikaa fi Israa'eel ittiin of irraa deebistu hin qabdu! kanaaf xiyyaaronni Waraanaa Ameerikaa fi Israa'eel Iraaniin bakka barbaadan haleeluu danda'u!. Namoonni hedduun dhugaa kana fudhachuu hin fedhanu garuu yeroo ammaa wanti lafarra jiru iraan injifatamaa jirti 100%. Israa'eel+Ameerikaa jechuun maal jechuu akka ta'e namni Sammuu qabu kamuu hubachuu ni danda'a!.

Namoonni Hedduun miiraa fi hawwii ofii qofaan walitti bu'iinsa Iraanii fi Israa'eelii madaalanii yaada kennuu! Malee waa'ee jiyoopolotikaa naaannoo sanaa quba hin qabanu! Kanaaf yeroo waa'een Iraanii fi Israa'eelii Dhugaan tokko dubbatame! Yoo wanti sun waan fedhii isaanii ta'uu baate,
yaada fakkataa dhufanii Komenti jelatti kennuu. Kanaaf Bakki komentii cufaa dha!. Namoonni yaada kennuu feetan barreeffama kana Share godhaa kana booda FB keessan irratti Komenti itti kennuu dandeessu malee mana keenyatti dhuftanii Israa'eelii fi Iraaniif jettanii nu arrabsuun hin danda'amu 🙃

Oduu fi odeeffannoo Loogii irra bilisa ta'e argachuuf toora Facabook
Gidduu Gala Yaala fayyaa Qoricha Aadaa Oromiyaa follow godhaa😌

28/02/2026

Tiruu Bu'ura jireenyaa fi Giddugala Fayyaa ilma namaati. Garuu kanumaa wajjiin Dhibeewwan Tiruu Ajjeesaa Callisaa, Utuu namni hin beekin lubbuu galaafachuu danda'udhaan Beekamudha.

Tiruun (Liver) qaama keessoo keenyaa isa guddaa fi warshaa "kimikaalaa" qaamaa jedhamuudha. Hojiiwwan 500 ol ta'an qaama keenyaaf hojjeta hojiiwwan isaa kan akka summii dhiiga keessaa qulqulleessuu, dhangala'oo soorata bulleessu (bile) oomishuu, fi Qoricorichoota nu Dhibeewwan adda addaaf fudhannu diigee akka dawaa nuuf ta'an kan taasisu Qorichoota jijjiiruu (Drug metabolism) kan raawwatu isa.

Vaayitaaminotaa fi Albuudota Barbaachisoo oomishuu fi Anniisa/soorataa kuusee, Sa'aatii Barbaachisaa ta'etti qaamaa kan gadi dhiisu Tirruudha.

Sukkaara dhiigaa to’achuu (Glucose regulation) fi Pirootinoota dhiigaa kan dhibee ittisuu fi madaan akka fayyuuf garagaaran kan uumu Tiruudha.

Dhibeewwan adda addaa irraa akka fayyinuu fi akka qaamni keenya Dhibeewwan of irraa Ittisuuf kan Sirna ittisa qaamaa deeggaru Tiruudha.

Vaayitaaminii fi albuudotaa fi Humna adda addaa kuusee kan qaama keenyaaf kennu Tiruudha, Tiruun hojiiwwan kanneenii fikkf hojiiwwan 500 qaama keenya keessatti raawwata.

Tiruun Sababa hojiiwwan namni tokko lubbuun jiraachuuf Barbaachisoo ta'an kanneen raawwatuuf qaamni keenya guutuu fi Lubbuun jiraachuun keenya Tiruu liver irratti kan hirkatudha. Kanaafuu, jireenyii fi fayyaan qaama namaa %80 ol fayyaa tiruu irratti hirkata. Namni Tokko yoo Tiruu ofii dhabe Lubbuu isaa dhabeera. Yoo Tiruun isaa dadhabe immoo namni dhibee salphaadhaan injifatamuu danda'a.

Tiruun Faayidaa Guddaa daangaa hin qabne qaama keenyaaf kenna, Ha ta'uu garuu tiruun keenya amala sodaachisaa tokko qaba, innis Tiruun keenya yeroo ofii isaatiif Dhibeewwan adda addaan qabamu, akka dhukkubsataa jiru nun beeksisu, Utuu nuti hin beekne dhibeen isaa lubbuu keenya galaafachuu danda'a. Tiruun akkuma nu jiraachisuuf barbaachisaa ta'e kana, garuu kanumaa wajjiin Ajjeesaa Callisaa "silent killer" jedhamee beekama. Tiruun Dhibeen hamaan keessoo isaa jira garuu, Tiruun narvii dhukkubbiin akka nutti dhaga'amu godhu waan hin qabneef hanga dhumatti callisee dhibee baadhata. Amala isaa kanaan Tiruun akka Utuu nuti hin beekne dhibeen nu miidhu taasisa.

Tiruun hanga dhibeen cimee kutaan isaa heddu miidhamutti mallattoon namatti hin dhaga'amu Garuu yeroo dhibeen sun gara sadarkaa dhumaa ga'u, mallattooleen dhukkubbii nama irratti mul'ata kunimmoo sadarkaa Fayyuuf rakkisaa waan ta'eef ajeessaa Callisaa jedhamee beekama.

Utuu Dhibeewwan ciccimmoon qaama namaa keessa jiruu maaliif Mallattoowwan dhukkubbii mul'atuu dhabe?

Dhibeewwan Tiruu Gosti hunduu wanti mallattoo dhabaniif sababa Tiruun Narvii akka dhukkubbiin namatti dhaga'amu Godhu hin qabneefidha, malee sababa Dhukkuba salphaa ta'eef miti. kanaaf dhibeen qaama namaa keessa dhokatee nama miidhaa turee guyyaa tokko yeroo namni hin yaaadanetti akka "Boobii dhoohudhaan" lubbuu namaa galaafachuu danda'a.

Dhibeewwan Tiruu kan akka Vaayirasii Tiruu Hepatitis B, C, Fatty Liver Disease (NAFLD/NASH), Cirrhosis fi Kaansarii Tiruu waggootaaf nama keessa dhokachuun miidhaa dhokataa geessisaa jiraachuu danda’u. Sababa Tiruun Narvii akka dhukkubbiin namatti dhaga'amu Godhu hin qabu waan ta'eef, Yeroo kana keessatti dhukkubsataan dhukkubbii hin qabu, mallattoo hin argu, waan isa rakkisu tokko illee hin mul’atu guutummaatti fayyaa fakkaatee jiraata, hin ciisu, akkuma nama fayyaatti jiraata. Garuu keessaan tiruu isaa dhumaa jiraa.

Saayinsiin akka ibsutti, Tiruun keessoo isaatti (Parenchyma) narvii dhukkubbii dabarsu (Pain Receptors) hin qabu. Kun immoo dhibeen cimaan hanga fedhe seelii Tiruu keessa yoo jiraatellee namni Mallattoowwan dhukkubbii irratti hin mul'atu. Guutummaatti fayyaa fakkaatee jiraata.

Qorannoo akka Agarsiisutti Tiruun qaama madaallii eeggachuu (compensation) guddaa qabudha. Tiruun madaa’ee (Cirrhosis) miidhamee, dhibbeentaa guddaan isaa dhumee 80-90% hojii ala yoo ta’e illee, dhibbeentaan 10% hafte sun hojii guutuu qaamaa haguugdee (compensate gootee) hojjechuu dandeessi.

Sababni inni jalqabaa uumamaan tiruun dandeettii hojii dabalataa (Reserve Capacity) guddaa qabaachuu isaati. Tiruun humna guddaa qaba, Qaamni keenya dandeettii tiruu guutuu keessaa harka 20% hanga 25% qofatti fayyadama. Kana jechuun tiruun Dhibbeentaa guddaan yoo midhamellee dhibbeentaan muraasni qofti hojii qaamaaf barbaachisan hojjachuu danda'a.

Nama tokko irratti Dhukkubbiin kan dhaga'amu yoo tiruun sun baay'ee dhiita'ee qola isaa isa alaa (Glisson’s Capsule) jedhamu dhiibe qofadha. Hanga dhibeen sun gara qola alaatti hin babal'annetti, miidhaan cimaa Hanga fedhe yoo keessoo tiruu yoo jiraate ille, dhukkubbiin namatti hin dhaga'amu.

Tiruun qaama dandeettii of-haareffannaa (Regeneration) addaa qabudha. Seelonni tiruu miidhaan yoo irra gahe, mallattoo keemikaalaa (Cytokines fi Growth Factors) gara sammuutti erguun seelonni fayyaan hafan akka saffisaan of-baay’isan taasisu.

Adeemsi goguu fi madaa tiruu Fibrosis kan dhufu guyyoota muraasa keessatti osoo hin taanee suuta suutaan dhufa. Miidhaan suuta,suuta yeroo dhufu, tiruun madaa (Scar tissue) uumaa, gama biraatiin immoo seelota haaraa bakka seeliiwwan du'anii bu'an uumaa deema. Adeemsi kun madaa dhokataa (Fibrosis) uumaa waan deemuuf, hanga tiruun sun guutummaatti gara madaa jabaataa (Cirrhosis) jedhamutti jijjiiramutti Mallattoon namatti hin dhaga’amu. Tiruun hanga danda’etti of suphaa waan deemuuf mallattoon alatti hin ba’u. Keessi tiruu, jechuun kutaan seelonni hojjetan itti argaman (Liver Parenchyma), narvii dhukkubbii baatan (Pain Receptors ykn Nociceptors) hin qabu. Narvoonni dhukkubbii kan jiran qola (haguuggaa) tiruu isa alaa (Glisson’s Capsule) jedhamu irratti qofadha. Dhibeen tiruu keessatti yoo uumame, seelonni dhibbeentaa 70 ol yoo dhuman illee, hanga tiruun sun dhiita’ee qola isaa sana dhiibutti ykn madaan sun gara qola alaa sanaatti dhufee narvii tuquutti dhukkubbiin hin jiraatu. Kanaafuu, dhibeen keessatti babal’ataa jiraatus, tiruun "dhukkubbiin jira" jedhee mallattoo gara sammuutti erguu hin danda’u.

Dhukkubsataa tokko irratti Mallattoon kan mul’atu yeroo tiruun dandeettii bakka buusuu (Compensated Stage) irraa gara dandeettii dhabuu, (Decompensated Stage) jedhamutti darbudha. Kunis yeroo baay’ee miidhaan tiruu harka 80-90% yoo ta’edha. Yeroo kana mallattoolee akka: Jaundice haalluun ijaa Jijjiiramuu fi keelloo ta’uun fi Miillii fi garaan dhiita’uu fi kkf kan uumamu Erga dhibeen sadarkaa ulfataa irra gaheen boodadha.

Maaliif Tiruu Malee Jiraachuun Hin Danda’amne? (The Irreplaceable Organ)

Tiruun (Liver) qaama keessoo keenyaa isa guddaa qofa osoo hin taane, warshaa keemikaalaa dandeettii addaa qabudha. Qaamoleen akka kalee (Kidneys), sombaa (Lungs), fi onnee (Heart) hojii muraasa irratti xiyyeeffatu. Garuu, tiruun hojiiwwan biyo-keemikaalaa (Biochemical Functions) 500 ol ta’an Saa'atii wal-fakaatatti raawwata, Namni tokko dhibee biraa irraa fayyuun isaa dhibbeentaa 90% kan hirkatu fayyaa tiruu isaa irrattidha.

Tiruun Sirna Ittisa Qaamaa ijaara.

Tiruun Hojiin isaa calala dhiigaa qofa miti; inni wiirtuu ittisa dhukkubaati. Tiruun seelota dhuunfaa isaa kan baakteeriyaa fi vaayirasii dhiiga keessa jiru akka tasaa nyaatanii barbadeessan qaba. Dhiigni guutuun qaama keenya keessa naanna’u daqiiqaa muraasa keessatti tiruu keessa darba.

Tiruun pirootinoota dhibee lallaban uuma. Yoo tiruun fayyaa ta’e, qaamni keenya dhibee biroof deebii ariitii kenna. Yoo tiruun miidhame, sirni ittisa qaamaa ni diigama (Immunodeficiency), kanaan kan ka’es infekshiniin xiqqaani fi salphaan namicha ajjeesuu fi miidhuu danda’a.

Dhibeewwan biroo irraa fayyuufis Tiruun murteessaadha. Namni dhibee biraa qabu (fkn: dhibee onnee ykn infekshinii) qoricha garaa garaa fudhata. Qorichi sun akka hojjetuuf tiruun murteessaadha. Qorichi nuti liqimsinu hedduun isaanii bifa "hin hojjenne" (Pro-drug) tiin kan qophaa’anidha. Tiruun qoricha sana jijjiiree akka dhibee sana ajjeesu godha. Akkasumas Qorichi erga hojii isaa xumuree booda summii ta’ee akka qaama hin miine kan godhus tiruudha. Namni tiruun isaa dadhabe qoricha fudhachuu hin danda’u; sababni isaa qorichichi keessatti kuufamee summii (Toxicity) ta’a. Kanaafuu, dhibee biraa irraa fayyuuf, "qoricha sana baachuu kan danda'u" tiruu fayyaa qofa.

Yeroo dhukkubsatnu, seelonni keenya dhibee sana mo'achuuf anniisaa baay’ee barbaadu. Tiruun anniisaa (Glucose) kuusee jiru dhiigatti gadi lakkisa. Tiruun Pirootinoota madaa fayyisanii fi tishuuwwan haaraa ijaaran uuma. Namni tiruun isaa miidhame dhibee biraa irraa fayyuuf anniisaa gahaa hin qabu. Kuufaatiin qaamota kaan Jalqabu dadhabbii Tiruu irraa jalqabaa. Kunis "Multi-organ Failure" jedhama; jechuun kallee fi onneen hojii dhabuun tiruu irraa eegala.

Tiruun "utubaa dhiigaa" ti. Pirootinoota dhiigni akka ititu godhan (Clotting Factors) hunda kan uumu isadha. Namni dhibee biraa irraa fayyuuf ykn opireeshinii (Surgery) godhachuuf, dhiigni isaa itituu qaba. Yoo tiruun fayyaa dhabe, madaan hin fayyu, dhiignis hin dhabatu. Kanaan kan ka’es, miidhaan xiqqaani fi madaan alaa ykn keessoo dhukubsataa sana gara du’aatti geessa.

Namni Ija lamaan yoo dhabee jamaa ta'ellee lubbuun jiraachuu danda'a, Guurra Dhabee duudaa hin dhageenye ta'a malee lubbuun jiraachuu sirriitti danda'a.

Namni Kalee isaa tokko yoo dhabe, Lubbuun jiraachuuf kaleen tokko gahaadha.

Namni Tokko Rajiijjiin isaa Guutummaatti yoo keessaa baafamelle Rajiijjii Malee lubbuun jiraachuu danda'a.

Haa ta'uu garuu Qaamni tokko jira, qaama yoo inni hin jiru ta'e fayyaanis ta'e lubbuun jiraachuu hin danda'amne Innis "TIRUU /Liver"
Tiruun Tokko qofa Lubbuunis Tokko qofa! Tiruu kee yoo dhabde daqiiqaa muraasa illee, lubbuun jiraachuu hin dandeessu! Sababni isaa, tiruun "Giddu-gala Jireenyaa" (Central Hub of Life) waan ta'eef, hojiiwwan qaama keenyaa keessatti bakka bu'aa hin qabne raawwata. Tiruu kee tikfachuun lubbuu kee tikfachuudha. Tiruun lama hin jiru! Lubbuunis lama hin jiru!.

Gorsa oggeessa fayyaa hordofi! Waan dhoorkame irraa fagaadhu fayyaa Tiruu keetii tikfadhu...

Gidduu Gala Yaala fayyaa Qoricha Aadaa Oromiyaa Follow godhaa

19/02/2026

HBsAg Clearance

03/02/2026

Dhibeen Tiruu (Liver Disease) addunyaa guutuu keessatti sababoota du’a tasaa (sudden death) fi Utuu fooyyee qaba jedhamu battalumatti namoota hedduu galaafatan keessaa isa guddaa fi yeroo baay’ee hin hubatamne dha.

Dhugumatti, dhibeen tiruu "Ajjeesaa Callisaa" (Silent Killer) jedhamee kan waamamuuf sababa gahaa qaba. Nama tokko kalleess
Fayyaa waan qabu fakkaatu garuu guyyaa lama yokan torban keessatti du'e yeroo jedhamu dhageessa! Inumaayyuu namoonni Hedduun du'aaf sa'aatii muraasa qofa osoo isaan hafee jiru fayyaa fakkaatanii mul'atu maluu!.

Namoota sodaachisuu ykn waa'ee dhibee kanaa ol-kaafne facaasuuf miti. Kun Dhugaa jirudha, Saayinsii fayyaa keessatti tiruun dhibee du’a tasaa (Sudden Death) fiduu danda’an keessaa tokko akka ta’e sirriitti beekamaadha. Kun yaada dhuunfaa osoo hin taane, bu’aa qorannoowwan saayinsaawaa, gabaasota hospitaalaa, fi muuxannoo ogeessota fayyaa addunyaa guutuu irratti hundaa’e dha.

Tiruun (Liver) qaama keessoo keenyaa isa guddaa fi warshaa "kimikaalaa" qaamaa jedhamuudha. Hojiiwwan 500 ol ta'an qaama keenyaaf hojjeta hojiiwwan isaa kan akka summii dhiiga keessaa qulqulleessuu, dhangala'oo soorata bulleessu (bile) oomishuu, fi qorichoota diiguu fikkf akkasumas sirna ittisa dhukkubaa jabeessuu fi kkf irratti gahee murteessaa qaba.
Kana malees, anniisaa (Glycogen), vaayitaminiwwan (A, D, E, K, B12), fi albuudota akka (Iron) kuusuun yeroo qaamni keenya rakkoo anniisaa ykn soorata qabaatutti gadhiisuun madaallii qaamaa (Homeostasis) eega.

Iccitii Du’a Tasaa (The Mechanism of Sudden Death)

Tiruun Sababa hojiiwwan kana hunda qaamaaf hojjetuuf qaama, qaamni keenya guutuun itti hirkatu ta'ee fudhatama. Ha ta'uu tiruun garuu Amalli isaa inni sodaachisaan "Ajjeesaa Callisaa" silent killer ta'uu isaati; sababni isaas, Tiruun "obsa guddaa" qabaachuu isaati. Tiruun neervii dhukkubbii (pain receptors) keessoo isaa irratti hin qabu. Namni tokko fayyaadha fooyyee qaba Utuu jedhamuu battalumatti lubbuu isaa dhabuu danda'a!. Kaleessa fayyaa turee hojiirra turee har'a du'e yeroo jedhamu dhageessa!.

Amala isaa keessatti Tiruun dhibbeentaa guddaan isa dhibeen miidhamee hanga xiqqoo hafte fayyadamuun hojii isaa itti fufuu danda’a. Namni tokko tiruun isaa dhibbeentaa 80 miidhamee
Dhibbeentaa 20 hafe hojii isaa sirnaan itti fufuu danda'a sababa Kanaaf dhukkubsataan tiruu mallattoo tokko malee fayyaa fakkaatee, hojii isaa guutuu hojjachaa, nyaata isaa nyaataa fi deemaa jiraachuu danda’a.

Dhibeewwan kan akka Hepatitis B, C, Fatty Liver Disease (NAFLD/NASH), Cirrhosis fi Kaansarii Tiruu waggaa 10 hanga 30tti nama keessa dhokachuun jiraachuu danda’u. Yeroo kana keessatti dhukkubsataan dhukkubbii hin qabu, mallattoo hin argu, waan isa rakkisu tokko illee hin mul’isu hin ciisu, yeroo baay’ee namni dhibee tiruu keessaahuu Vaayirasii Tiruu HBV qabu tokko gara mana yaalaa deemee qorannoo dhiigaa salphaa (LFT) irratti “fooyyee qabda” jedhamuu danda’a. Garuu dhibeen Battalumatti akka Boombii dhoohuu danda'a.

Haala nama Ajaa'ibuun! Yeroo tokko tokko Dhibeen tiruu sadarkaa dhumaa (advanced liver disease / end-stage liver disease) irrattiargamu illee, Qorannoo fayyaa salphaa irratti “normal” fakkaatee mul’achuu danda’a.
Kunis tiruun sun tattaafatee hojii isaa haguuguu waan yaaluuf dafee rakkoo jiru hin mul'isu.

Amalli dhibee Tiruu Kun waan namoota hedduu rifachiisu fi dogoggorsu dha, garuu saayinsii keessatti hiika sirrii qaba. Sababni isaa tiruun qaama obsaa guddaa qabu ta’uu qofa osoo hin taane, dandeettii of haaromsuu guddaa qaba.

Qorannoo akka Agarsiisutti Tiruun qaama madaallii eeggachuu (compensation) guddaa qabudha. Tiruun madaa’ee (Cirrhosis) miidhamee, dhibbeentaa 80-90% hojii ala yoo ta’e illee, dhibbeentaan 10% hafte sun hojii guutuu qaamaa haguugdee (compensate gootee) hojjetti waan ta'ee dhibeen Ulfaataan Utuu jiru akka namni sun "fayyaa" fakkaatu gochuu danda'a. Garuu, yeroo dhibbeentaan 10% hafte sunis hojii dhaabdu (decompensation), qaamni madaallii isaa battalumatti dhaba. Namni dhibee tiruu qabu tokko utuu dhibeen Ulfaatee jiruu "fayyaa" fakkaatee wanti mul'atuuf tiruun dhibee injifachuuf hamma dandeettii isaa dhumaatti waan qabsaayuufidha.

Haa ta’u malee, adeemsi Tiruu of jajjabeessu kun hanga dandeettii xumuraa (threshold) bira gahutti qofa kan deemu yoo ta’u, akkuma tiruun sun tattaafffii isaa xumureen fashalaa'uu tiruu tasaa (Acute-on-Chronic Liver Failure) fida. Tiruun dhibee injifachuu dadhabee yeroo kufu (failure) ta'u akka "bombii" sa'aatii muraasa keessatti qaama hunda hojii dhaabsiisee lubbuu namaa galaafata, akka tasaa du'a (sudden death) fiduu danda'a.

Akkamitti "Battalumatti" (Sa’aatii Muraasa Keessatti) Duuti Mudata?

Dhukkubsattoonni hedduun utuu "fooyyee qabda" jedhamanii battalumatti kan lubbuu dhabaniif sababoota saayinsaawaa gurguddoon jiru:

1. Dhoohinsa Ujjummoo Dhiigaa (Variceal Hemorrhage)

Kun sababa hamma 10% du’a tasaa hammaatuufis kan gumaachudha.
Adeemsa Isaa: Tiruun yoo goge (cirrhosis), dhiigni gara tiruutti deemu ujjummoo guddaa (portal vein) keessa darbuu dadhaba. Dhiibbaan (pressure) kun gara ujjummoota (esophagus) fi garaa keessa jiranitti daddarba.

Ujjummoonni kun baay’ee haphii waan ta’aniif, dhiibbaa kanaan dhoohuu danda’u. Namni sun osoo deemaa jiruu dhiigni kun qaama keessatti dhangala’uu jalqaba. Dhiigni litira 2 ol ta'u daqiiqaa muraasa keessatti yoo dhangala'e, dhiibbaan dhiigaa battaluma zeerootti gadi bu'a (Hemorrhagic Shock). Kunis sa'aatii muraasa keessatti onneen akka dhaabbattu taasisa.

2. Summaa’uu Sammuu fi Dhiita’uu (Hepatic Encephalopathy & Cerebral Edema)

Tiruun "Ammonia" dhiiga keessaa qulqulleessa. Tiruun yoo hojii dhaabe, amoniyaan kun kallattiin gara sammuu deema.

Summiin kun sammuun akka tasaa dhiita’u (brain swelling) taasisa. Namni sun sa’aatii muraasa dura nagaa fakkaatee deemaa ture, akkuma dhiibbaan sammuu keessatti dabaleen battalumatti of wallaala (coma) fi neerviwwan hargansuu to’atan hojii dhaabuun du'a tasaa fida.

3. Kufaatii Onnee (Cirrhotic Cardiomyopathy)

Dhibeen tiruu onnee irratti dhiibbaa guddaa uuma. Dhiigni tiruu keessa darbuu waan dadhabuuf, Kun immoo onneen akka tasaa dhaabbatu (Sudden Cardiac Arrest) gochuu danda'a. onneen battaluma hojii dhaabuun lubbuu namaa galaafatu danda’a.

Du'a dhibee Onnee Tasaa (Sudden Cardiac Death) Qorannoon akka agarsiisutti, namoonni dhibee tiruu (fatty liver ykn cirrhosis) qaban carraan onneen isaanii tasa hojii dhaabuu guddadha.

4. Kufaatii Qaamolee Hedduu (Multiorgan Failure):

Tiruun yoo hojii dhaabe, kaleen, sombi fi sirni marsaa dhiigaa hundi walfaana hojii dhaabuu danda'u, kunis sa'aatii gabaabaa keessatti nama ajjeesa.

Akkuma Armaan olitti ibsame Dhibee tiruu yeroo dheeraa namoota baayyee irratti Mallattoowwan hin qabu dhokate nama miidha ha ta'uu garuu
Dhibee tiruu qabaate Mallattoo Ija fi Fuula Keelloo ta'uu (Jaundice) Iji keelloo ta’uun mallattoo tiruun sun dandeettii summii qulqulleessuu guutummaatti dhabeera jechuudha. Kun sadarkaa "Decompensated Cirrhosis" jedhamu yoo ta'u, tiruun sun kufuuf yeroo muraasa qofa akka qabu agarsiisa. Kana booda hospitaala deemuu yeroo itti bu'aa hin qabne ta'uu danda'a.

Dhibeen tiruu nama qabee akka tasaa nama hin ajjeesu, garuu yoo dafee hin yaalamne dhokatee waggoota hedduu madaa'aa erga turee booda, sa'aatii muraasa keessatti akka "bombii" dhoohuu danda'a.

Odeeffannoo fayyaa fi yaala Aadaa Saayinsaawaa ta'een argachuuf Toora Facabook
Gidduu Gala Yaala fayyaa Qoricha Aadaa Oromiyaa follow godhaa

03/02/2026

Mallattoowwan 17 kan Fayyaa Tiruu keetii Rakkoon jiraachu dursani Agarsiisan Akeekkachiisa jalqaba.

Tiruun Warshaa keemikaalota qaamaa fi Obsa Guddaa qabu waan ta’eef, hamma dandeettiin isaa dhumatutti mallattoo dhukkubbii cimaa hin agarsiisu. Haa ta'u malee, tiruun yeroo dhibee fi rakkoo keessa jiru mallattoolee xixiqqoo yeroo hedduu xiyyeeffannoo hin arganne garuu saayinsii keessatti hiika guddaa qabaniin Rakkoo ofii gabaasa.

Mallattoolee Jalqabaa Kanneen yeroo baay'ee Xiyyeeffannoo Hin Arganne (Neglected Early Signs)
Dhibeen tiruu mallattoo Gurguddaa kan akka (Jaundice) agarsiisuu isaa dura, mallattoolee xixiqqoo namni baay’een akka waan salphaatti bira darbu agarsiisa. garuu mallattoolee kun tiruunkee gargaarsa barbaadaa jiraachuu agarsiisu.

1. Dadhabbii Cimaa fi Walirraa Hin Cinne (Chronic Fatigue):

Kun mallattoo dhibee tiruu isa dursaati. Namni tiruun isaa Rakkoo qabu sababa malee Humni isaa gadi bu'aa deema, Utuu waan cimaa hin dalagin dadhabbiin itti dhaga'ama Kun mallattoo lakkoofsa tokkoo ti. Namni tokko hirriba gahaa erga rafee boodas, ganama yeroo ka’u akka waan halkan guutu dhagaa baachaa turee dadhabbiin itti dhaga’ama.

2. Sababa Malee gogaan qaamaa hooksisu (Itching/Pruritus):

Utuu dhibee gogaa hin qabaatin gogaan hooksisa, keessattuu harka fi faana miillaa keessa hooksisa.
Namni baay’een gogaan isaa yoo hooksise dhibee gogaa (Allergy) qaba jedhaanii yaadu. Garuu gogaan kee utuu hin dhiitayin, utuu madaa hin qabaatin yoo si hooksise, keessattuu faana miilaa fi harka kee, kun mallattoo tiruuti.

kun mallattoo dhangala’oo tiruu hadhooftuu (Bile Salts) gogaa jala sassaabamuuti.

3. Fedhii nyaataa gadi bu'uu fi Ulfaatinni qaamaa gadi bu'u.
(Loss of Appetite & Weight Loss)

Sababa tokko malee Fedhii nyaata dhabuu Yeroo Beela'ee nyaatu Nyaanni dafee isa cufa, danda'e nyaata gahaa hin fudhatu.

Akka nama nyaata heddu nyaatatti itti dhagahama, keessaahuu yeroo nyaata coomaa fi Zayitii baayyinaan qabu fayyadamu Mallattoowwan garaa bokokuu fi nyaanni bullaa'uu dhabuun mul'ata.

Tiruun bullaa’insa nyaataa keessatti gahee guddaa kan qabu yoo ta’u, tiruun hojiin isaa yeroo dadhabu fi hir’atu fedhiin nyaataa ni miidhama, namni tokko dafee akka quufu ykn nyaata jibbuu gochuu danda’a.

4. Foolii fi haalluun Fincaanii jijjiiramu (Stool & Urine Changes)

Fincaan Bifa shaayii (Dark Urine) qabaachuu fi Bifa bishaan Booruu dhoqee ykn biyyee (Pale/Clay-colored Stool) yoo qabaate.
Kun summiin Bilirubin jedhamu uumamaan marrummaa keessaan ba’uu qabu dhiiga keessatti deebi’ee kuusamuu isaa agarsiisa.

Yeroo tiruun dadhabu Fooliin fincaan ni Ajaa,aa, Halluun Fincaanii gara bifa Daalachaatti yokan Hurrii fi keelloo tti jijjiirama. Fincaan yeroo biraa caalaa dukkanaa'aa ta'uu fi haalluun jijjiiramu mallattoo tiruun miidhamuu yokan dadhabuu beekamaadha.

Haalluun fincaanii bifa burtukaana ykn diimaa ta’uu danda’a.

5. Dhukkubbii yokan waraansa naannoo tiruu:

Qoma/lappee gama harka mirgaa
Keessatti Dhukkubbiin Namatti dhaga'ama Keessahuu Halkan yeroo hirriibaaf ciisan, Qoma laphee, gara tiruu keessaa darbee,darbee, dhukkubbiin itti dhagayama nama waraana.

Naannoo tiruun jirtu Garaa Mirga Oliitti Waraansaa fi Dhiibbaa Dhaga’amuu Namoonni Vaayirasii Tiruu HBV qaban hedduun halkan yeroo rafan naannoo tiruutti waraansi itti dhaga’ama. Kun dhibee "Sub-clinical Inflammation" agarsiisa.

6. Ajaa Afaanii Addaa (Fetor Hepaticus) Foolii badaa:

Fooliin afaanii jijjiiramu Afaan nama ajaa'u, Hafuura ajaa'u garaa keessaa afaaniin ba'a ykn hafuurri Afaaniin foolii badaa qabaata.

Namni Qulqullina afaanii osoo eeguu foolin hin baramne uumamuu danda’a, kunis yaala fayyaatiin Fetor Hepaticus jedhamuun beekama.

Tiruun seeraan yoo hin hojjenne, dhangala’oon summaa’aa Dimethyl Sulfide jedhamu dhiiga keessaa qulqullaa’uu dadhabee hafuura hargansuu keessaan gara alatti ba’a. Kun mallattoo dhibee tiruu sadarkaa jalqabaa irratti argamudha.

7. Miira ulfaatina salphaa garaa mirgaa gubbaa Naannoo tiruu:

Akka waan tiruun gadi rarra'ee yokan fannifamee jirutt namtti dhagahama.

Mallattoon kun miira dhiibbaa ykn ulfaatina salphaa garaa mirgaa gubbaa, bakka tiruun jirutti mul’atudha. Tiruunkee Xiqqoo guddachuu ykn inflammation salphaa tishuu Tiruu keessatti jiraachuu agarsiisuu danda’a.

9. Afaan Goguu fi Dheebuu Garmalee:

Madaalliin meetaabolii qaamaa yeroo jeeqamu seelonni dhangala’aa xiqqaa qabachuun afaan goguu fi yeroo baay’ee dheebuu fiduu danda’u. Mallattoon kun xiqqaa fakkaachuu danda’a, garuu yeroo tokko tokko haala hojii tiruu bu’uuraa fi Rakkoo calaqqisiisuu danda’a.

10. Madaallii Hormoonii Jabaachuu (Hormonal Imbalance):

Tiruun hormoonota akka Estrogen dhiiga keessaa madaalee qulqulleessa. Yoo kun ta’uu baate:

Dhiira Irratti: Harmi dhiita’uu (Gynecomastia), fedhiin saalaa xiqqaachuu, fi rifeensi qaamaa dhumachuu mul'ata.

Dubartoota Irratti: dhiigni Laguu (Me**es) madaallii dhabuu fi dhangala’oon qaama saalaa hamma idilee ol dhangala’uu fi jeeqamuu mul'atu danda'a.

11. Sammuu fi yaada keessatti jijjiiramni jiraachu (Cognitive Changes):

Yeroo baay’ee waan tokko irratti xiyyeeffachuu dadhabuu, waan hunda dammaqinaan raawwachuu dhabuu fi dagannaa/Irraanfi baay'isu.

Tiruun Yeroo dadhabe sirnaan hin hojjenne summiin walitti qabamee burjaajaʼuu fi yaada baayyisuu
Hojii tokko irratti xiyyeeffachuu dadhabuu irra deddeebi'ee namatti mul'ata. Akkasumas yeroo tokko tokko Hirriba dhabuu fi halkan sammuun jeeqamu, rafuu dadhabuu fi kkf fidu danda'a.

Tiruun yoo dhibee qabaate summiin Ammonia gara sammuu deemuun sirna neervii to’ata. Kun dhibee Hepatic Encephalopathy jedhamuun beekama.

12. Bokoka Garaa Gaasii yeroo baayyee:

Tiruun miidhame nyaata caccabsuuf dhangala’aa bullaa’insa nyaataa gahaa oomishuu yeroo hin dandeenyetti, nyaata booda bokoka garaa irra deddeebiin nama mudata.

13. Sababa malee Dhukkubbii mashaalee fi lafee keessa namatti dhagahama:

Yeroo tiruun hojii dadhabu hanqina Vitamin fi hirrina albuudota mudata kanaaf Humneetii Qaamaa kan akka lafee dugdaa fi miillaa fi harka, keessaa dhukkubbiin Namatti dhaga'amu danda'a. Garuu yeroo mana yaalaa deemte fayyaadha wanti mul'atu hin jiru.

14. Haqqisiisaa yokan nyaata ol-deebisu (Nausea & Occasional Vomiting)

Kun yeroo baay’ee ganama ykn nyaata erga nyaatanii booda ni mul’ata. Ni haqqisiisa yokan garaa keessaa garagaluu waan haqqisiisu itti fakkaachuu irra deddeebi'ee mul'ata. Kun Rakkoo meetaabolii ykn dhangala'aa bishaan garaachaa dadhabuu wajjin kan walqabatu yoo ta'u, garaan namaa akka namatti hin tolle fida.

15. Dhangala'aa Afaani Lolloocii:

Dhangala'aa afaan keessatti baay'ata, Gogorra yokan Lolloocii irra deddeebi'ee Mul'ata, dhangala'aatu Afaan isaa keessa baayyata. Akkasumas sababa tokko malee afaan nama hadhaawa, Nyaata nama jibbisiisa.

16. Dhiita’uu/bokokuu Miillaa fi faana jela:

Dhiita’uu miilaa naannoon jilbaa fi faanaa bokokuu fi diimaa ta'uu fi ulfaatinni dabaluun akkasumas
Faana miillaa fi Koomeen sababa malee baqaquu Gogaan isaa Goggogaa ta'u.

Sababa dadhabbii Tiruutiin vaayitaamiinota cooma keessatti bulbulaman (A, D, E, fi K) haala gaarii ta'uu dhabuu fi kkf fayyaa gogaa irratti dhiibbaa qaba, Akkuma suuraa irratti mul'atuun gogaa faana miillaa baqaqa.

17. Jaundice, ykn gogaa fi ija keelloo ta'uu:

Haalluu ijaa fi gogaa gara Bifa keelloo, yokan bicaatti, yokan gara Daalachaatti jijjiiramaa deemaa. Miidhaan tiruu yeroo qaqqabu gogaa fi ija keelloo ta’uu taasisa.

Mallattoon Kun yeroo baay'ee tiruun sadarkaa ulfaataa ta'een booda mul'atu danda'a.

Hubachiisa namni tokko Mallattoowwan Armaan olitti ibsaman qabaate qofaaf dhibee Tiruu qaba jechuun hin danda'amu! Garuu yoo Mallattoowwan kana keessaa lama yookiin sadii qabaatte Qorannoo fayyaa gochuu qabda!.

Dhibeen tiruu yeroo hedduu mallattoo dhaabbataa ta'e agarsiisuu dhabuu danda'a!

Tiruun Amalli isaa inni sodaachisaan "Ajjeesaa Callisaa" silent killer ta'uu isaati; sababni isaas, Tiruun "obsa guddaa" qabaachuu isaati.

Tiruun neervii dhukkubbii (pain receptors) keessoo isaa irratti hin qabu. Rakkoon fayyaa tiruu keessa utuu Jiru garuu Mallattoowwan dhukkubbii mul'atuu dhabuu danda'am. Namni tokko fayyaadha fooyyee qaba Utuu jedhamuu battalumatti lubbuu isaa dhabuu danda'a!.

Dhibeen kun Mallattoowwan dhukkubbii waan hin qabneef waggaa waggaatti Namoonni miliyoonaan lakkaa'aman hedduu sababa miidhaa dhokataa dhibeen kun fiduun lubbuu dhabaa jiru!.

Mallattoowwan dhukkubbii tiruu kan akka halluun ijaa keelloo (jaundice) ta'uu fi garaan bokokuu dhiita'uu, fi dadhabbii guddaan kan nama irratti mul'atan yeroo baayyee erga tiruun miidhamee gara sadarkaa cirrhosis ykn kaansarii tiruu (HCC) ga'e qofaadha.

Walumaa galatti
Yeroo mallattoo agarre Ogeessa Fayyaa waliin mari’achuun
Qorannoo gaggeessuu
Yaala sirrii fudhachuun dirqama!
Kun qajeelfama sirrii fi saayinsii namni lubbuu ofii fedhu kamiyyuu hordofuu qabudha!.

Qoricha amanamaa hin taanee fi wantoota tiruu miidhanu gochuu irraa Of qusadhaa!⛔

“Tiruu Tokko = Lubbuu Tokko”
Tiruu kee tikfachuun lubbuu kee tikfachuudha. Lubbuun lama hin jiruu!.

Qorannoo fi Yaala Dhukkuboota Tiruu Argachuuf Odeeffannoo barbaachisaa ta'e karaa Telegiraamii fi Whtsapp irratti messege nuuf Erguun argachuu dandeessu.

Odeeffannoo fayyaa fi barnoota adda addaa Argachuuf Facabook
Mana Qoricha Aadaa Oromiyaa follow godhaa

Gidduu Gala Yaala fayyaa Qoricha Aadaa Oromiyaa

02/03/2026

28/02/2026

19/02/2026

03/02/2026

03/02/2026

Address

Website

Alerts

Contact The Practice

Shortcuts

Share