Dr. Addisu Girma

18/01/2025

Job Vacancy for Medium Clinic

1. Laboratory technologist
-Number- 1
-Qualification- valid professional license
-Experience - 3yrs and above

2. HO
-Number- 1
-Qualification- valid professional license
-Experience - 5yrs and above

3.Bsc Nurse
-Number- 1
-Qualification- valid professional license
-Experience - 5yrs and above

-Salary- Negotiable

- Place- Sululta Town,

-Contact: 0921244482

21/07/2024

Medical Errors/Dogongora Yaala Fayyaa Waliin Wal-qabatee Mu'latu/
=======================================================

Medical errors ykn dogongora yaala fayyaa uumame kan jedhamu dhukkubsataan akka yaallamuu irra jiraatutti ykn yaallamuu isaaf/isheef malutti yoo yaallamuu dhaban yookiin immoo akka karoora yaalaa dhukkubsataaf karoorfameen yaallamuu yoo dhabaniidha.

Biyya Ameerikaa waggaa tokko keessatti namoonni dogongora yaala fayyaan wal-qabatee miidhaan fayyaa irra gahu 400,000 yoo ta'an, namoonni 200,000 immoo dogongoruma kanaan lubbuu dhabu.

Kana jechuunis biyyattii keessatti dhibee onnee fi kaansariitti aanee kan lammiilee ishee du'aaf saaxilu dogongora yaala fayyaa(Medical errors) wajjiin wal-qabateedha.

Gosoota Dogongora Yaala Fayyaa(Types of Medical Errors)

1.Diagnostic errors(Dhibee dhukkubsataa adda baafachuu dhabuu ykn yeroon beekuu dhabuun kan mul'atu)

2.Surgical errors(Yeroo baqaqsanii yaalan rakkoolee dagannaan mul'atan fkn meeshalee baqaqsanii yaaluuf oolan dhukkubsataa keessatti irranfachuu, ija dhukkubsataa yaaluf ija isa fayya baqaqsuu/wrong site)

3.Medication errors(Qoricha dogongoraa kennuu, nama alerjii qabuuf qoricha alerjii itti kaasu kennuu, hamma qorichaa ykn dose garmalee ol ka'aa kennuu)

4.Equipment failures(Mashiniin hargansuuf dhukkubsataa gargaaruu hojii yoo dhaabe, oksiijinii yoo fixe yeroo dheeraaf dhukkubsataan yoo otuu hin ilaallamiin hafe rakkoo umamu)

Gara biraan dogongorri yaala fayyaan wal-qabatee umamuu malu, active fi latent jedhame adda baha. Fakkenya active errors warri ta'an dhukkubsataa yaaluf miilla dhukkubsataa dhiisanii kan fayyaa irratti opirashenii hojjechuu fi qoricha sirri hin taane dhukkubsataaf kennuu fa'a. Active errors warri jedhaman tasuma dogongora umamuu hin qabneefi ija seeraa fi ethics fayyaa keessatti fudhatama kan hin qabneedha. Latent errors warri jedhaman mashiniin dhukkubsata akka hafuura baafatu gargaaru tasa hojii dhaabuu(Mechanical ventilator failure).

Biyya keenya keessatti qorannoon gaggeeffame jiraachuu haa baatu malee, dogongorri yaala fayyaa waliin wal-qabatee lubbuun nama darbuun ni mul'ata.

Akkamitti dongongora yaala fayyaa dhorkuu dandeenya?

1. Dogongorri hospitaala ykn mana yaalaa keessatti yoo umame dhoskuu otuu hin ta'iin saaxiluu fi akka gar funduraa dogongorri walfakkataa hin umamne ni gargaara.

2.Communication: ogeessi fayyaa dhukkubsataa waliin otuu yaala hin kenniin yeroo fudhatee waa'ee dhibee isaafii filannoo yaala jiran haasa'uun barbaachisaadha.

3. Ogeessi fayyaa gucawwan safety dhaaf dhoobbaman ykn barrahan dubbisuu fi hordofuun murteessadha.

4.Dhukkubsataan gaafa ogeessa fayyaa kamiinuu ilaallamu ykn yaala argatu gaaffii yaalin kun maalif barbaachisee, qoricha kun miidhaa maal narraan geessisuu danda'a, fi kkf gaafachuu mirgas qaba, fayyummaa isaatif/isheetifis murteessadha. Keessumaa dhibee beekkamaa qabu fi alerjii qorichaa yoo qabate ogeessa faayyatti himuun barbaachisaadha.

5. Barattoota ogummaa fayyaa baratan ykn ogeessota fayyaa hojiif haaraa ta'an supervise gochuu ykn hordofuun baay'ee barbaachisaadha.

16/07/2024

Akkam Jirtan

Naamoota Magaalaa Amboo fi naannawa ishee jirtan maraaf, Kilinika Oromiyaatti hojii eegaluu koo gammachuu guddaan isin beeksisa.

Sa'aatii argamsaa

Jimaata waaree booda sa'aatii 7-11LT

Sanbata xiqqaa sa'aatii 2:30- 11LT

Kilinika Oromiyaatti, tajaajila yaala dhibee gadaamessaan wal-qabate kamiiyyuu fi hordoffii ulfaa qulqullina qabu altiraasawundii ammayyawaa ta'ee fi labaratorii guutuun deggaramuun ni kennina.

Linkii armaan gadii fayyadamuun group telegram'ii kootti makamuun odeeffannoo dabalataa argachuu dandeessu.

29/06/2024

Baroota ammaa kanatti HIV'iin karaa saalqunnamtiin namarraa namatti darbuun hafeera!

Akkamitti?👇

HIV'iin dhibee saalqunnamtiin namarraa namatti daddarban keessaa isa duraa ture.

Haata'uutii garuu bara namootni vaayirasii kana waliin jiraatan qoricha farra vaayirasichaa fudhachuu isaanii irraa kan ka'e lakkoofsi vaayirasichaa namoota kunniin keessatti argamu sadarkaa baay'ee gad-aanaa irra gaheera. Sadarkaa baay'ee gad-aanaa (Undetectable Viral Load) kan jennu, yoo lakkoofsi vaayirasii HIV dhiiga nama sanaa keessa jiru koppii 50/ml gadi ta'eedha.

Akka qorannoowwan haaraan mul'isanitti namoonni HIV waliin jiraachaa qoricha farra dhibichaa fudhachaa jiran hammi lakkoofsa vaayirasichaa yoo gad-aanaa ta'e ykn Undetectable ta'e, karaa salqunnamtiin nama biraatti hin dabarsan. Dhugaa tanaan warri faranjii "Undetectable=Untransmittable" jedhu.

Kana jechuun namni tokko of eeggannoo malee nama HIV qabu waliin saalqunnamtii yoo raawwate, HIV hin darbu jechuu miti. Hammi vaayirasii nama san keessa jiru nama HIV waliin jiraatu qofatu beeka waan ta'eef. Dhugaan tun keessumaa maatii HIV status isaanii adda ta'eef oduu gaariidha. Fkn haati manaa, nama HIV waliin jiraattu yoo taate hamma lakkoofsi vaayirasii gad-aanaa ta'etti, carraan abbaa manaa isheeti dabarsuu hin jiru jechuudha.

Garuu karaa biraa, dhugaan tun vertical transmission dhaaf hin hojjettu. Vaayirasiin kun haadha irraa gara ilmootti akka darbu beekkamaadha. Yoo lakkoofsi vaayirasii kana gad-aanaa ta'es, haadha irra gara ilmootti inuma darba. Kanaaf haati HIV waliin jiraattu tokko qoricha farra dhibee kanaa fudhachuu fi hordoffii ol-aanaan ishee barbaachisa. Daa'imti dhalatte gaafa dhalatte irraa kaastee qoricha dhibee kanaa hamma ji'a 3 fudhachuutu irra eegama.

Guduunfa: HIV'iin yoo lakkoofsi vaayirasii dhiiga keessa jiruu baay'ee gadi-bu'aa ta'e ykn Undetectable ta'e karaa saalqunnamtiin nama irraa namatti hin darbu.

02/06/2024

Thyphoid fever vs Thyphus fever
===========================
Addunyaa kana irratti baay'inni namoota dhibee taayifasiin hanga ammatti lubbuun darbe, kan namoota wal-lolaan/war/ hanga ammatti du'an caaluu isaa bèektuu?

Taayifo'idii fi Taayifasiin dhibee akkamiiti?

Dhuguma Taayifo'idiin yoo nama irra ture gara Taayifasiitti jijjiirramaa?

Taayifo'idii fi Taayifasii maaltu adda godha?

Maĺlattooleen dhukkuna kunneenii maal faa'i?

Lameen isaanuu dhukkuboota baakteeriyaan dhufani. Lachuu mallattoolee walfakkaataa qabu.

Baakteeriyawwan adda addaa irraa dhufu jechuunis Taayifo'idiin baakteriyaa salmoneellaa taayifii jedhamuun yoo dhufu Taayifasiin immoo baakteeriyaa rikkèetisiyaa jedhamuun dhufa.

Taayifo'idiin nyaata fi bishaan qulqullina hin qabne fayyadamuun yoo namatti daddarbu,Taayifasiin immoo injiraantu baakteriyaa hantuuta ykn adurree ykn saree irraa fuudhee namatti dabarsa.

Mallattoo baay'ee wal fakkaatu qabaatanis garaa dhukkubbiin fi garaa kaasaan yeroo baay'ee dhibee Taayifo'idii waliin mul'ata.

Mallattooleen isaani
1.Bowwuu mataa
2.Ho'inni qaamaa olka'uu
3.Dhukkuba maashalee
4. Gogaa irratti shiffitaan mul'achuu
5.Garàa kaasaa ykn garaa gogiinsa
6. Qofaa gogaa
7.Fedhii nyaataa gad-bu'uu

Gongumaa dhibeen Taayifo'idiin yoo nama irra ture gara Taayifasiitti hin jijjiiramu. Garuu akka carraa ta'ee namni tokko dhibee lamenuu dhukkubsachuu danda'a.

Lamanuu qorichoota adda addaatin yaalamu.

29/05/2024

Tartiiba Itti Qorannoon Maseenummaaf Godhaman Itti Raawwachuu Qaban
===================÷=======================

Qorannoowwan godhaman qorannoo salphaa fi gatiin bushaa irraa gara wal xaxaa fi gatiin mi'aawaatti adeemmamuu qaba.

Kunnines akka armaan gadiitti.

1.Dhiirti sanyiin isaa lakkoofsaan, fayyummaan fi sosochiin fayyaa ta'uu mirkaneessuu/Semen Analysis/

2. Dubartiin ji'aan hanqaaquun ovaarii bahuu ishee mirkaneessuu/ Confirmation test for Ovulation/

3.Ujummooleen hanqaaquu fi sanyii dhiiraa daddabarsaan banaa ta'uu mirkaneessuu/ Hysterosalpingography/

4.Yoo dubartii umriin ishee 35 ol ta'e, hamma hanqaaquu jiru safaruu / Ovarian reserve test/

🔷🔶Maseenummaa/Infertility/🔶🔷
=================================
🔷Hiika

👉Maseenumma kan jennu maatiin waliin jiraatan tokko osoo karoora maatii kamiyyuu hin fayyadamiin saalqunnamtii gahaa raawwachaa waggaa tokko keessatti yoo ulfi umamuu dide.

🔷Saalqunnamtii gahaa ta'e jechuun maal jechuudha?
👉Yoo xiqqaate torbanitti al 2-3 yoo raawwatame

🔷Maseenummaan rakkoo dhalaatti moo kan dhiiraati?
👉Dhiirtis dhalaaniis maseenummaaf walqixa tumsa godhu

🔷Maatii hammamtuu rakkina maseenummaa qaba?
👉 Maatii 10 keessa isaan 1 rakkina maseenummaa ni qabu

🔷Wantoonni maseenummaa fidan maali?
👉Kan Dhalaa
🔺 Dhibee ujummoo hanqaaquu dabarsituu
🔺 Rakkina Ovary(Hanqaaqessituu)
🔺 Rakkina Hypothalamus fi pituitary

👉Kan dhiiraa
🔻Dhibee cidhaanii
🔻Dhibee ujummoo cidhaanii
🔻Rakkina Hypothalamus fi pituitary

🚩Maatii 10% ta'an irratti tekinoolojii amma jiruun qoratamus irra hin gahamu... Ykn Unexplained Infertility jedhama

🔷Maatii akkamiitu maseenummaaf yaalii argachuu qaba?

👉Dubartii umrii ishee ‹35 taatee waggaa tokko keessatti yoo ulfaa'uu dhabde
👉Dubartii umrii ishee ›35 taatee ji'a 6 keessatti yoo ulfaa'uu dhabde
👉Dubartii umrii ishee 40 taate battalatti yaalamu qabdi
👉 Umrii kamiiyyuu ta'ee rakkoon marsaa laguu fi maseenummaa yoo walwajjiin jiraate
👉Umrii kamiiyyuu ta'ee dhibee infeekshinii gadaameessaa ishee muudatee yoo beeka ta'e

🔷 Maatiin maseenummaa qaban maal beekuu qaban?

👉 Rakkinichi kan lamaan isaanii ykn kan tokko isaanii ta'uu fi takkayuu rakkinni jiru qoratamee irra gahamuu dhiisuu danda'a.
👉Lamaan isaanii qoratamuu qabu
👉Qorannoowwan maseenummaaf godhaman gatiin mi'aawaa fi yaalin kennamus akka gosa yaaliichaatti gatiin mi'aawaa ta'uu mala
👉Yaaliin kennamu kan 100% ulfi akka uumamu ykn ijoollee godhattan godhu hin jiru

🔷Yaaliin maseenummaa maalidha?

👉Yoo ujummoon hanqaaquu dabarsitu cufaman yaalin baqaqsanii sireessuu godhamu mala
👉Rakkinni hanqaaqessituu bira yoo ta'e qorichi hanqaaquun baay'inaan fi saffisaan akka gadhi dhiifamu godhi ni kennama(ovulation induction)
👉Dhiirti spermii lamsha'aa ykn lakkoofsan xiqqaa qabu.... Ispermii isaa irraa fuudhuun directly hanqaaquu keessatti dabalamuu mala
👉Yaaliwwaan armaan olii yoo hin milkaa'in hafe,yaalin Assisted Reproductive Technology[ART] ni kennama. ART, hanqaaquu dhalaarra fi ispermii dhirarraa fuudhamee alatti erga daa'imti uumamtee booda gadaamessaa keessatti dabalama. Haala kanaan aal tokkotti ijoollee baay'ee ykn lakkulee argachuun ni danda'ama.
👉Tarii dhiirti yoo ispermii takkayyuu hin qabanne ta'e,baankii ispeermiitii ispermii argamuun ijoollee argachuu ni mala
👉Dubartiin gadameessaa hin qabne immoo gadameessaa kan nama biraa kireffaattee daa'ima hanqaaquu kan ishee fi ispermii abbaa warraa ishee irraa dhufuun daa'ima argachuu dandeessi.

🔶Wanti beekamuu qabu, maseenummaa ofii isaa dhibee miti... Haa ta'uutii rakkanni inni maatii fi hawaasummaa irratti fidu guddaadha.
🔶Maatii baay'eedhaaf saalqunnamtii gahaan murteessaa fi tarii yaali isa duraa ta'uu mala

Horaa Bulaa!

23/05/2024

I've just reached 1.5K followers! Thank you for continuing support. I could never have made it without each and every one of you. 🙏🤗🎉

22/05/2024

Preeclampsia ykn
Dhiibbaa Dhiigaa Ulfaan Walqabatee Dhufu
==================================
Preeclamsia'n dhibee ulfaan walqabatu yoo ta'u dhibeewwan haadholii fi daa'imman caqlaa du'aaf saaxilan keessa isa tokko.

Akka Idil-addunyaatti haadhooliin ulfaa 2-8% ta'an dhibee kanaan saaxilamu.

Haga ammaatti dhibeen ulfaan walaabate dhufu kun maalif akkaa dhufu saayinsiidhaan adda bahee hin beekkamne.

Mallattoolee Preeclampsia'n
======================
Bowwuu mataa qorichaan namarraa hin deemne
Ijaan qulqullinaan waa arguu dhabuu
Laphee jala dhukkubsachuu
Harkàa fi fuula bobbokokuu

Keessumaa preeclamsian haadholii jalqaba ulfa ta'an, dhibee dhibbaa dhiigaa, kalee fi sukkaaraa ulfa dura qaban irratti heddummata.

Rakkoo Preeclamsia fidu
====================
Haadha irratti: Istirokii, somba keessatti bishaan kuufamuu, kaleen hojii dhaabuu, yeroo da'umsaa rakkoo dhiigni baay'ee dhangaluu, dhibee gaggabduu fi du'aaf ishee saaxiluu danda'a

Ulfa irratti: Kiiloo ulfaa gad-bu'uu, Obbaatiin yeroo isaa malee gadhiisuu, dhiigni haadha irra gara ulfaatti deemu hir'achuu fi gadameessa keessatti mucaan akka du'u gochuu danda'a.

Yaalii Preeclamsia
===============
Preeclamsian gosa lamatti qoodama. Preeclampsia mallattoolee sodaachisaa qabu fi Preeclampsia mallattoolee sodaachisaa hin qabne. Haati takka preeclmsia mallattoolee sodaachisaa qabu yoo qabàatte, hospitaala ciiftee qoricha hidda dhiigaa kennamuu fi liqimfamuun hanga torban 34 geechutti yaallamti. Ulfi torbee 34 yoo gahe, akka deessu qorichi miixuu fidu ni kennamaaf.
Haati takka preeclamsia mallattoolee sodaachisaa hin qabne yoo qabàatte immoo otuu hospitaala hin ciisin deddeebitee hordoffi gochuun, torbee 37tti akka deessu godhama.

Dahumsi haadholii kunniinii dhibee preeclampsia irraa isaan fayyisa.

Guduunfa

Haati takka ulfa ji'a shan erga guuttee mallattoolee armaan olii keessumaa bowwuu mataa yoo qabaatte gara mana yaalaa deemuun dhiibbaa dhiigaa ishee safaramuu fi qorannoo barbaachisu gochuutu ishee irraa eegama.

21/05/2024

Ji'a hubannaa Marsaa Laguu
Month

17/02/2024

I got 12 reactions on my recent top post! Thank you all for your continued support. I could not have done it without you. 🙏🤗🎉

በእርግዝና ግዜ አያደርገው እና ፅንሱ በተለያየ ምክንያት ብመታ ወይ ብወድቁ ፅንሱና በአጠቃላይ አርግዝና ለይ ችግር ልፈጠር እንደምችል ያውቃሉ?

ብዙ ግዜ እንዳዝህ አይነት ጉዳት የሚደርሰው በመኪና አደጋ እና በተወረወረ ነገር ፅንሱ ስመታ የሚፈጠሩ ናቸው ።

ልከሰቱ የሚችሉ ችግሮች
=================

1. የእንግዴ ልጅ መላቀቅ
2. የእንሽርት ውሃ መፍሰስ
3. የምጥ የለግዜ መምጣት
4. ከከፋ ደሞ የማህፀን መተርተር እና የፅንስ መጎዳት ልያጋጥም ይችለል

በአብዛኛው ግዜ እናትየዋ ላይ የከፋ ጉዳት ካልደረሰ ፅንሱም ላይ ከባድ ጉዳት አይደርስም።
የተዘረዘሩት ችግሮች በብዛት የሚከሰቱት ከእርግዝናው አጋማሽ በፊት ይልቅ ከእርግዝናው አጋማሽ በኋላ ነዉ ።

ምን ማድረግ አሌቦት?
==============
ወደ ጤና ተቋም ሄዶ የፅንሱን ሁኔታ መታየት። አብዘኛው ግዜ CTG [የፅንሱን የልብ ምት እና የልጅ እንቅስቃሴ የምያሰውቀን ማሽን] ወይም አልትረሳውንድ ልታዘዝሎት ይችላል። ውጤቱ ደህና ከሆነ ታይተው ወደ ቤቶ ሄዶ ማረፍ ይችላሉ ፡ ነገር ግን የምጥ ምልክት አና ደም መፍሰስ ከአለ ብያንስ ለ24 ሰዓት በጤና ተቋም ክትትል መደረግ ይኖሪቦታል።

መልካም ቀን

ተመሳሳይ ይዘት ያላቸው መሰል መልዕክቶች እንድደርሶ ፔጁን ይቀላቀሉ፡ ለጓደኛዎ ያጋሩ!

Telegram page:https://t.me/+tT0xERtpk9YxYjZk